بغيت نوضح بعض النقاط لبعض الناس لي تحب تنتقد باش تنتقد فقط دكرت اسماء بعض المكورات ولا المكروبات ولا..... ودايما نقولكم كي نكون نهدر راني نغلط في الهدرة لأنو سعات نكون نهدر وفي نفس الوقت بالي في السؤال لبعد ولكن مكانش مشكل كي تفكروني ولا تولهوني بطريقة محترمة راكم على راسي ولكن لي تحب توري روحها هههههه مانيش رايحة نخليها في العايلة اكيد نبلوكيها لأن نيتها غير سليمة نرجع لأسماء المكروبات لي تسبب الالتهابات الحادة ولي تقدر تسب عقم مؤقت ولا دائم حسب تطور الحالة وخاصة اذا ماتعالجتش في وقتها -Staphylocoque doré -striptocoque B -gonocoque واذا كان احد الزوجين عنده هذي العدوا لازم في زوج يدو الدواء ومازلت عند رأيي انو كاين اطباء ماشي متمكنين والحديث قياس كاين واحد المخلوقة شوية فاهمة بلوكيتها واذا عاودت رجعت للفيديو وقرات هذا الكومونتار نقولها رواحيلي للخاص نقريك غاية وخاصة اذا كنتي ط... ة😉
هههههههه شكون الفاهمة هذي هههههههههه قوليلها قرينا في معسكر الله يرحم اللي قراونا واللي راهم حيين الله يدكرهم بالخير وهذو الميكروبات هوما الصعاب والشفاء منهم يطول خاصة اذا كانو في الحلة المتطورة ولون الافرازات يكون اخضر اما la gonococcie c est une infection d origin bacterienne وتتسبب في Brûlure ou ecoulment jaune par la verge, le vagin, l anus وكيما قلتي اذا الراجل والمراة ما شربوش الدواء في زوج العدوة تقعد دور بيناتهم ونزيد نأكد كلامك اغلب الاطباء ما يطلبوش التحاليل منهم في زوج وما يمدولهمش الدواء في زوج انا فهمتك وعلبالي واش راكي قاصدة وماتبرري لحتى وحدة ماعليش كي تغلطي في الكلام بلا ماتفيقي صحيلهم بدون مبرر هذي المخلوقا قوليلها راسنا شاب غير في هذو الحوايج ماتكون غير وحدة من ههههههه الط........... ات هههههههههه حبيبتي ام طاهر انتي مدرسة ومنكي نتعلم ❤❤❤❤❤❤🥰🥰🥰🥰🥰🥰🥰🥰🥰🥰🥰🥰
ماديريش على الفاهمين بزاف كلامك لي قلتيه عشته وبسبب طبيبة جاهلة قعدت 10سنين نشرب في الدواء بدون فايدة لو كان شربنا في زوج ما نضيعش سنين من عمري يبغوك تبقاي ابوني عندهم باش كل يوم يحلبو منك نصيحة لكل وحدة تكون مريضة وتكون تبع في طبيب وما تلقاش نتيجة تشوف طبيب اخر
كي تقدمي ولا كي تفيدي ليزابوني تاعك ماتخميش علي هذوك ليحوسو يكسرو اجابياتك تعاملي مع ليحوسو ينجحو ويتعلمو منك معجبة لقناتكي سيدتي من ولاية بجاية اشكركي واتمني لكي كل النجاح 💜🌺🌺🌺🌺🌺🌺🌺🌺💜🌸🌸🌸🌸🌸🌸🌸💜
اختي الكريمة هل انت طبيبة القصد من السؤال ليس التطفل لكن حبيت نطرح بعض الاسئلة أما فيما يخص التحضيرية الجبنية يقولو ماشي مليحة ومضرة بالصحة مارايك ونطلب منك ديريلنا فيديو على الأجبان من فضلك ولي شافت تعليقي دير جام باش الاخت تشوف الاسئلة
كلامك طيب علي صبر وعلي قطع الارزاق كلامك مريح صدقيني ليسمعك يرتاح ونظن جميع االاخوات يوافقوني الراي ربي نشاالله يعطيك حتي يرظيك من صحة ولهنا بتوفيق حبيبتي
بالعكس انا نبغي هذا النوع من الفيديوهات لأنو الحوايج لي تقوليهم فيها ما تقوليهمش في المشتريات وانا ما نبغي نراطي حتى حاجة لأنك كنز من المعلومات غالط لي يبخل على روحه❤❤❤❤❤❤❤
بالعكس هذو هوما الفيديوهات لي فيهم فايدة وانا كيفاه تبدلت حياتي من هذا النوع تاع الفيديوهات لي تحطيهم درتيلي كوراج وقويتيلي عزيمتي ربي يهنيك ويجازيك كل خير🤲🤲🤲🤲🤲🤲🤲
حبيت نقلك على اللي ينتقدوك حابين يطيحوك ويفشلوك بالكي دير ي عليهم راهم بزاف معانا هادو الناس يحبو يرمو عاليك الطاقة السلبية هوما سلبيين الله غالب وحاجة أخرى والله غير طريقتك في الكلام هي اللي جذبتني ليك وتعجبيني نحسك حقيقية غير متصنعة ونحس انك إنسانة طيبة ومليحة وناس ملاح لوكان غير جيتي أختي ❤❤❤
صباح الورد والفل والياسمين والسعاده والجمال صباح معطر بذكر الله ماشاء الله تبارك بالتوفيق والنجاح الدائم ربنا يحسن ما بين ايديك احلى لايك لاحلى قناه 💕💕💕💕💕💕
نحبك شحال معزتك عندي كبيرة ربي عطاك لعقل و رزنة لالة نسا ربي يحفضلك اولادك و زوج كريم و يعطيك صحتك و يبعد عليك شر خلق و يرفع شانك بين عديانك يارب ام شهيناز احبك في الله واصلي كلمك جوهر كل يوم رني نزيد نتقف من معلوماتك نافعة ربي يحفضك و تشوفي اولادك في اعلي مستوي دراسي ❤
يعطيك الصحة 👍🌷❤الأخت لي درتلي ابوني ربي يخلي شملك مجموع وكلامك مسموع وراسك مرفوع وين ما رحتي ربي يجعل مقامك عالي في جنة الفردوس آمين يارب العالمين 🤲🤲🤲❤❤❤❤
ههههههههه شعال فرحت كي لقيت الفيديو ماعرفت جات على الزهر ولا كي قتلك ما عندكش اجوبة على اسئلة الاخوات هههههههه نبغي هذا النوع من الفديوهات تاوعك نتمتع كي نكون نسمعلك ونستفاد منهم كلامك عسل وراحة نفسية نصايحك دايما في المستوى
ربي يحفظك انا لي هدرتي عليا الزاوجة فالحقيقة انا من تلمسان وتزوجت في بني صاف والزوج كان يخدم بحري يعني يلا خدم شهر يڤعد عام بلا خدمة وفي السنوات الأخيرة بدل الخدمة وراه خدام مع پريفي والخلصة قليلة بزاف يعني زوج ملاين وعندي تلات ولاد الكبير في لارمي في تندوف والتاني عندو الباك هد العام والثالت يقرى فالتكوين و بعيد شويا على وين نسكنو يعني يتنقل راجلي عندو مرض مزمن يتغيب عن العمل في بعض الأحيان كي يروح عند طبيب نتاعو انا كنت خياطة وكنت نساعدو كي كان بحري ودرك ما نقدرش نخدم مريضةبلاغطروز وعندي مشاكل صحية أخرى وبالنسبة لبيت الخزين هدا لي ما قدرتش نديرو لوكان عندي كان غادي يعاوني ويسلكني بزاف بزاف عليها ڤلتلك ليك والمتابعين يدعوني ونشكركم بزاف على الدعوات❤
راني حاطة شعال من فيديو شارحة فيه كاين لي دت فيه كيفاه نلم بيت الخزين وكاين لي ظرت فيه تقسيم الشهرية تاعي غير بالشوية تفهميها ورايحة تعجبك واذا ما فهمتيش نعاود نشرحلك❤
بدون مجاملة اختي والله نحسك نعمة كي تعرفت بيك الحمدلله بيك نتي ومن نهار تبعتك قسم بالله غير تغيرت حياتي ماوليتش نتسلف باه نكمل الشهر داري حمدالله ولات عامرة كي تبالي حاجة نطيبها نروح لحانوتي ونلقاه بيت الخزين انقذني من دين وليت نكمل شهري وندير اهداف وبربي ان شاء الله وبيك نتي وتشجعاتك وطاقة الاجابية الي تمدهانا نوصلو قاااع قيس ما ندعليك ونشكرك ما نوفيلك حبيبتي الغالية شكرا شكرا شكرا 🌹❤❤❤❤وربي يشافي قاااع المرضي يارب
كلامك صحيح انا كانت عندي انفيكسيو حكمتني بعد الزواج وعانيت منها كنت كل شهر عند الجينيكولوغ تعطيني شكارة دواء المعدة تاعي تهردت وقعدت 10سنين بدون اولاد حتى مرة رحت عند طبيبة عامة على جال المعدة نتاعي كي حكيتلها قاتلي مادام زوجك ماشربش الدواء معاك العدوة تبقى كاينة نفس الكلام لي قلتيه وبعدها شربنا وزدت 3سنين وحملت والحمد لله ربي يجازيك على كل المعلومات
شكراً حبيبتي علا النصايح مفيدة ومهمة جداً انا بغيت ننصح الاخت ونقلها انا كي تزوجت كان زوج تاعي حياتو كامل بالكريدي ودين ولكن مع لوقت نحيتلو طبيعة هذي وتهنيت منها عاد كي يقولي نجيبلك نقولو ماجيبليش حتان يحضرو السوارد والا بالكريدي مابغيتش
ما تقعدش اكثر من عشرين يوم اصلا يكونو كلاوها نحيها من الساش نتاعها ونحيلها الخيوط وكي نحي منها نديرلها البابي سيلوفان ونحطها في علبة في فريجيدار جامي صرالها حاجة بصح قتلك قليل وين تلحق 20يوم
من فضلك اخت قوليلي عيادة خاصة بالعمليات في وهران فيها طبة جيدين بحكم عندي قيصيرية رابعة وتكون عندها كونفونكسيو مع عسكر ارجو الرد مازالي 3سمانات اذا راد ربي ودعولي
كان بودي ننصحك بصح ما نعرفس في وهرن بصح في تموشنت كاين الطبيب بن زينة من خيرة الاطباء تقدري تجي لتموشنت في عيادة اوسليم واذا عندك بطاقة الشفاء تخلصي مليون فقط وفيها التحاليل
شكرا على كل النصاءح حبيبتي ام الطاهر راني معاك خطوة خطوة واش تنصحيني نشري من الكوسمتيك لبيت الخزين مثل شامبو والماسك ومعجونالاسنان وغير ذلك لاني مالفة نشري لامارك لي شابين بصح ماقدرتش ندير منهم غاليين وشكرا وربي يعطيك الصحة والهناء
راني درتلك فيديو ونسيت معجون الاسنان ههههه ولادي نشريلهم سينيال ولا السواك سينيال نشري الصغار وكل واحد عنده وحدة تاعه وانا و الزوج نخدمو بالسانسوداين ولا السواك معجون
والله يام طاهر كانت نيتي باه نلم دراهم باه نعاون زوجي نضحي لاول مرة ياما صرانا حط العين في لعياد عجوزي تضحي العيد اللي فات والله ماتفكرت ولدها هدي لي حزت في نفسي غاضني مع وليداتي جات ضروف صرفت نص هدوك الدراهم ان شاء الله ربي يفرج على كل مؤمن
