الأيام
كلمات: علي الباز
ألحان: محمد سلطان
الأيام .. ياما شاف القلب فيها آلام
ياما شاف حرمان وداق هنا مايتوصفش هنا بكلام
زي الأحلام زي الخيال لما يعدي
كان الهنا هنا بيهدي
ويقولنا على فين أودي
ياسلام كان لنا أيام ماتتوصفش هنا بكلام ياسلام
وف عز الحب كان يجي الحب كان يجي علشان يتعلم
إزاي بنحب وإزاي ننحب
وبعز الشوق .. كان جوا القلب يتخلق الشوق
ويسبنا ويروح ويعلم كل العشاق نبض الأشواق
ياسلام كان لنا أيام ماتتوصفش هنا بكلام ياسلام
ماتفكرنيش لأ فكرني لأ رجعني لأ سهرني
أنا مش عايزة فكرة تسيبني
حتى ولو كانت بتصحي جرح قديم بيعذبني
أيوه الجرح بيجرح
لكن لما باسرح فيك وأرجع أفرح لما أفتكرك ياحبيبي
زي الأحلام زي الخيال لما يعدي
فوت لي الذكرى ماتاخدهاش فوت لي الذكرى أشوفك فيها
هي الباقية لي من حبك فين أيامها وفين لياليها
أنا دلوقتي ح أعيش ع الذكرى
تعرف ليه ؟؟
عشان الجرح إللي تفوتهولي بيها أداويه
وأفضل عايش ويا غرامك وأحلم بيه
ياسلام كان لينا أيام ماتتوصفش هنا بكلام ياسلام
22 ноя 2023
