فايز العتيبي - ابن حافي (حصرياً) | 2023 

تابع الشاعر محمد غازي التوم على جميع المنصات الاجتماعية
bio.site/mo7
تنبية : نسخك للمحتوى او عادة رفعه يعرض قناتك للاغلاق
محمد غازي التوم - ابن حافي (حصرياً) | 2023
‏Mohammad Ghazi Altoom - ABN HAFI (EXCLUSIVE) | 2023
​
حفل زواج : الدكتور عبدالعزيز غازي حمدان التوم
كلمات : مطرب دحيم
اداء : فايز العتيبي
تصميم : ‪@ZiyadAlotaibil‬
-----
الكلمات :
راح ثلث اليل ماعذّل على ذيب الغداري
ان ركض فالحزم يفعل وان عوا فالضلع طاله
ذيبن يشوف الحياه القاسيه مخرج طواري
مايهاب اطلق شنب لاجاع حول في حلاله
بيني وبينه مثل مابين مسلم والبخاري
واطيب الالفاظ عندي كلها لفظ الجلاله
لااله الا انت يلي تحذف النجم المداري
لانطلق شق الغلاف وطاح من قو اشتعاله
المطيح الي على روس الشياطين اعتباري
والمقام الي على روس العرب رفعه واصاله
الجماله من عيون البير في سفن الصحاري
البل تجر السواني والرشا فوق المحاله
اترك الي يحسباً الطيب يوخذ بالهذاري
قلبه اسود من قفاه وجهه ابرد من صلاله
ودك ان الله جعل راسه تحت قدر الشراري
من مراكيب القدور ومن معاميل العماله .
الحسود تشوف عينه مثل شمعات الفراري
والكريم عيونه الثنتين جمر من الشكاله
انحر الي كل ماجارت على الناس الجواري
يامر الدنيا تزين وينطح العالم لحاله
مثل امر عثمان بن عفان في ذات الصواري
خض اساطيل البحور وساد ميزان العداله
ارفع الهقوه على جدي وجهدي وانتصاري
واكتب جزال البيوت الطيبه في كل حاله ..
'
لـ الشيوخ اللي يمدون السواري للسواري
ويحدون الخيل يم الخيل طنخه واستماله
'
دقلة التومان من يبلا بها شاف العزاري
تاكل الايام من عزمه وصبره واحتماله
يامحمد ولع الرشاش ياذيب المساري ..
خل في كبد السما جمره وفي ربعك جماله
'
شاعرٍ تسبح بحور الشعر بعزوم انتحاري .
ماتجيب الا الثمين من الدرر حد الثماله
'
علم اخوك الكبير ان المثارى للمثاري
واحتزم بي لين احط الهدي في عين الضلاله
'
مرجلة عبدالعزيز تنزل السهم العقاري
ترفع اسهم عنفوان الطيب من جاله لجاله
'
فيه من عقبه بن الحارث وابو ذر الغفاري
وفيه من غازي ولد حمدان طيبه واعتداله
من نجب راس اصوكٍ هرجه مثل حد الشباري
مانعده مات لا شفنا على دربه عياله
'
نادرٍ ماياخذ الايام بـاسلوبٍ حضاري
يضرب الدنيا ولا تدري عن اليمنى شماله
'
لا اعتزا راع الفخر ، بالخيل والبل والمماري
نعتزي به ونغزي به ، وانحدا في كل قاله
شبلنا دكتور فالصحه وفالطيب استشاري
وارثٍ خير العزاوي بين ابوه وبين خاله ..!
عادته لا قال ابن حافي يقول المجد داري
معقل فعول الشيوخ من السلاله للسلاله
'
الحفاه حدودهم ماجات بالامر الوزاري
قبل ابو تركي ، يوحدنا وناخذ من خصاله