النهاردة هنعمل (إختراع) حرفياً، فتة جمبرى 🍤🍤 بصوص الكريم تشيز، الناس اللى بتحب الجمبرى الوصفة دى هتجننكوا.... يلا بينا
•
•
•
(مقادير الأرز)
- ٥٠ جرام زبدة
- بصلة مفرومة
- معلقتين صغيرين ثوم مفروم
- ملح، فلفل، بابريكا، كركم (معلقة صغيرة)
- مكعب مرقة
- ٣ كوبايات ارز بسمتى
- ٤ كوبايات و نص مياه
•
•
•
بننقع الارز قبلها بربع ساعة، بعد كدة نشوح البصل فى الزبدة و نضيف عليه الثوم و بعد كدة نصفى الارز و نحطه، بعد كدة نضيف التوابل و مكعب المرقة و نقلب بعد كدة المياه ياخد غلوة نغطيه و نسيبه على نار هادية، بعد ما يستوى نفتح عليه و نحط حتة زبدة كدة و نقلبه و هو مستوى.
•
•
•
نحمر عيش تورتيلا فى الزيت بعد كدة فى طاسة تانية هنشوح الجمبرى فى زبدة و هنضيف عليه ملح و فلفل بس.
•
•
•
(مقادير صوص الجبنة الكريمى)
- زيت
- معلقة كبيرة دقيق
- كوباية لبن
- معلقة كبيرة جبنة كريمى
- ملح، فلفل، زعتر (معلقة صغيرة)
•
•
•
فى الطاسة اللى شوحنا فيها الجمبرى هنشيله و نحط الزيت بعد كدة الدقيق و نقلب بعد كدة نضيف اللبن و مقلب لحد ما يبدأ يتقل ننزل بمعلقة الجبنة الكريمى و نقلب كويس لحد ما تدوب خالص نحط التوابل و كدة يبقى الصوص جاهز.
•
•
•
هنبدأ نرص بقى العيش من تحت و عليه الارز و الصوص و فوقيهم الجمبرى و معاهم رشة بقدونس بقى و ناكل و نتدلع، أكلة قعدت أخترع فيها و بجد نتيجتها رهيبة، طعم مختلف و حلو جداً أنا متأكد إنه هيعجبكوا، جربوها و قولوا لى رأيكم 😍👌🏻
•
•
•
•
#ZumasKitchen
#food #foodporn #foodphotography #foodie #foods #foodstagram #foodgasm #food52 #foodography #foodstyling #foodies #foodblogger #foodlover #foodbeast #foodoftheday #foodpornshare #foodpic #foodpics #foodgram #foodblog #instafood
7 сен 2024