لالة النساء تبارك الله عليك أنا سبقتك حليتها الأسبوع ليفات لقيت فيها 5890 درهم زدت عليها وخديت سنسلة مبرومة بالعمارة نتاعها ديال المناسبات والعقبا كل وحدة دير دهبها
بصحتك وراحتك أختي عجبتني غير مشيتي خديتي بيهم الدهب ماشي بحال شي عيالات تقتاصد وتوفر وتسمح في راسها وفي الاخير تفرش بيهم الدار ولا تعطيهم راجلها كيقتلوني بحال هاد النوع
تا انا حليتهم البارح حيث خفت اتصداو ليا وفعلا لقيت واحد 20 درهم كانت التحت بدا فيها الصدا وبغيت الناخد ديال البلاستيك كانو عندي 3 الصندوقات واحدة تنحط فيها درهم يوميا واحدة تنحط 100 درهم للاسبوع واحدة 500 درهم للشهر لقيت فيهم 5020 الحمد لله رغم اني بديتهم نهار 1فالشهر 1 2024 دبا جمعت داك الصرف وغنخرج نجيب صندوقة البلاستيك وندبرهم فيها قبل ماناكلهم ههه
سلام اخت رشيدة تبارك الله اعليك اعجبني التحدي لكنني منقدرش نبداه دبا حيت قدامي عيد الاضحى و انا لكنشري الحولي و لوازمه و دخل عندي متوسط و الله اسهل على الجميع
بصحتك تستاهل مليون لايك 👍🏻👍🏻👍🏻 العقبة الجميع الأخوات إن شاء الله تبارك الله عليك زرعتي فينا الحماس دائماً كانوفر ولاكن ماعمرني درت شي حاجة مهمة بحال الذهب ومعاك الحمدلله حتى أنا وليت نفكر نشري الذهب الحمدلله معاك مريم من وجدة أنا معاك في جميع التحديات إن شاء الله موفقة إن شاء الله ❤❤❤❤ما شاء الله 👍🏻 عليك 🌹🌹🌹
اختي رشيدة الى بغيتي تشري الذهب من صفرو كنصحك تشري عند مجوهرات آدم فستي مسعودة إنسان معقول بزاف أنا عندو كناخذ .سيري شوفي متخسري والو الى معجبكش سيري عند واحد آخر❤❤❤
تمنيت كون عرفتك من كنت خدامة 11سنة وانة خدامة مدرت لراسي والو كنت كنعاون غير راجلي شرينا دار و طومبيل الحمد لله ولين موفرت لراسي والو اداب كلست من لخدمة