شكرآ الك اخي على هذه الجهود والمعلومات.بارك الله فيك بس ملاحضه زغيره الله يخليك انت فتحت الغاز من الانبوب الزغير الدافع وشلون نفست من الانبوب السحب وانت غالق الانبوب.نفست وخرج غاز بالفعل وبعدين فتحت بالالنكي
الطريقة خطا لان بهذا الحالة انت خلطت الغاز مع الهواء وانت نفست غاز فقط وبهذه الطريقة راح تقل كفاءة الغاز لان اختلط مع الهواء والطريقة الصح تفتح صمام الدفع فتحة بسيطة وبعدها تغلق صمام الدفع وبعدها تنفس وتطرد الهواء وبعد ما يخرج كل الهواء من الانابيب بعدها تفتح صمام الدفع والسحب.
سؤال أن أمكن الجواب من حضرتك الكريم بالنسبه للمحابس كانت مقغولة بلادي كيف فتحت إلى الأخير وقفلتها شلون صارت بصراحه ماستوعبته ممكن الجواب من حضرتك الكريم
خوش طريقه بس اكو ملاحضتين أن شاءالله الاولى لتضخ كمية كبيره من الغاز يعني مجرد فتحة بسيطه ورجع سده والثانيه من تنفس الهواء والغاز بالثانية لتنفس الولف للأخير لان يرجع يدخل هواء من الولف بحيث انته قبل ليوشل الغاز وكف التنفيس
السلام عليكم استاذ صباح من فتحت الغاز وخليت زاهي ع القفل تبين انه يسرب غاز من بهالحاله يصير اسد الغاز مباشرتآ لو لمن اشغل السبلت الا اقفل الغاز وبعدين اضب القفالة عدل
عليكم السلام ورحمة الله وبركاته للأسف اخويه هسه الهواء اختلط مع الغاز يعني بعد مينفع تسوي فاكيوم خلي بعد فتره من تصير عندك امكانية فرغة وسوي فاكيوم بشكل صحيح وشحن غاز جديد للسبلت أن شاءالله
تكدر تسوي بس المشكلة انته من شحنت السبلت واشتغل طبيعي خلص الهواء اختلط مع الغاز يعني من تجي تريد تنفس السبلت راح يطلع غاز وهواء سوه يعني ماله داعي التنفيس بعد
حياك الله اخوي الغالي هواي اسباب للحاله اول شي ممكن رخاوة ربط او السلك اقل من الحجم المطلوب يعني اقل من ٤ ملم او الكمبريسر كاعد يسحب تيار عالي يعني افحص الامبيرية للسبالت
كثافة الغاز اعلى من كثافة الهواء ومن يدفع الهواء بشكل سريع واني ذكرت مباشرة في نفس اللحظة تضغط ولف التنفيس حته الدفع يكون سريع جدا ولا يحدث اختلاط أن شاءالله
السلام عليكم اخي ممكن سؤال عندي سبلت كري صار ٥ سنوات شغال وكلشي مابي العام فجأه كام يليك القطعه الخارجيه من بوري الراجع الي بلكمبريسر ٦ مرات ليك واجيب شخص يلحمه ويشحنه وبعد اسبوع يرجع يليك نفس البوري مرات نفس المكان مع العلم القطعه والكمبريسر يكول نظيفه حيل تنصحني ابدل البوري لو اكو سبب جاي يكسر البوري وتحياتي الك
عليكم السلام ورحمة الله والله يا اخي لو مبدل البواري احسنلك واصرفلك من هاي الدوخه مال لحيم روح لسنك اخذ بواري نفس قياس بواري سبلتك نوع اصلي وخل يجيك الفني يحبس الغاز ويبدل البواري ويسوي فاكيوم وبعدين يرجع يفتح الغاز ان شاءالله
اني هم اسغربت من الموضوع عموما لعد بهيج حالة غالبآ كاعد ايصير ارتجاج قوي من الماطور من يشتغل ومن يطفي ومرات يسبب احتكاك اذا اكو بوري قريب عليه راقب الموضوع وانتبه من يشتغل يرتج وبي احتكاك لولا اذا بي عالج الموضوع بالعوازل الحرارية وضب قاعدة الماطور زين واذا لا فاكيد اما اللحيم مو تمام او البوري تعبان جدا واقل رجة بالمواطور تصير ليك بي ويحتاج استبدال الشبكة بنوع اصلي وسمك عالي
حياك الله اخي العزيز كل السبالت تصير بيه ليك والتوسوت بالعكس خوش نوع ومضبوط أن شاءالله اهم شي تاخذ اصلي من الوكيل او الشركة وتاخذ تصنيف مستوى كفاءة الطاقة A اما الوادي ميديا هم سبلت جيد بس توسوت احسن منه
السلام عليكم بدون زحمة عندي السبلت نصبتة وكملتة واشتغل لكن يطلع رمز E3 وكان عندي واير الحساس الخارجي ضايع ثاني جبت الواير الحساس وربطتة بين الداخلية والخارجية جيت اشغل مايشتغل نهائياً يعني حتى الضوء مال الشاشة ماكو فحصت الكهرباء بالقطعة الخارجية والداخلية واصلهن كهرباء
السلام عليكم اخي ارجو توضيح مشكلة في حال عدم رجوع اشارة من القطعة الداخلية الئ القطعة الخارجية لغرض ايعاز الئ الكونكتر وهل بالامكان تشغيل السبلت بدون الحاجة الئ اشارة مثلا تجطيل من الحار والبارد وعمل القطعتين معا ارجو الرد واكون ممنون منك
عليكم السلام ورحمة الله وبركاته مشكلة عدم وجود ايعاز للكونكتر راجع لخلل في ريلي الكارت الكبير يعني عاطل وبالامكان تصليح الكارت موضوعه بسيط وتنحل المشكلة أن شاءالله اما مسألة التجطيل وتخلي الخارجية والداخلية تشتغل في نفس الوقت نعم تكدر تسوي هيج موضوع بس هيج غلط وتأثر على السبلت بالكامل ويكون معرض لعطل ماطور السبلت