تسلم اخي الكريم بحاول اخصص وقت اغلب اليوم و ارد علي الناس صحيح في تعليقات بتفوت مني لكن بيكون عددها قليل جدا لحين اكون فريق واكون قادر اغطي كل التعليقات نعم كلامك صحيح ولازم اكون صبور واستحمل الاشخاص السلبيين والمحبطين لانهم كثير
انت شكله اصلك مش مصري لأنه بشكل عام المراجعين المصريين للهواتف بيحكوا بطريقة اعجاب شديد بالهواتف وان كانت هواتف ذات جودة منخفضة وما بيحكوا بنفس التفاصيل اللي بتحكي فيها انت وقصدي انك بتحكي بكل صدق وأمانة عكس باقي المراجعين المرتشين اللي هدفهم فقط الحصول على المنتج مجاناً وترويجه.
لا والله مصري بس الناس بقت عارفه حاليا الصح من الغلط والمجال فيه مراجعين كثير فليه اتبع نفس الطريق وامجد زيهم في شئ مش مستاهل او موبايل زي ال GT6 نزل في فئة اعلي منه في السعر ريلمي ذكيه في حملات الدعايا والاعلان عن هواتفها وانت اكيد شوفت نفس المراجعين مبهورين بريلمي 12 برو بلس وقت نزوله واختفي فجأة وبقي التركيز علي GT6 برغم ان نفس المواصفات نزلت من قبل في Neo 6 عدا الكاميرا الزوم في فئة من المراجعين هدفهم التربح فقط دون النظر لحاجة المستخدم فتلاقي موبايل ضعيف مبهور بيه وبيقنعك تشتريه لانه بياخد نسبه تشتريه وتكون مبسوط بس تكتشف انه موبايل عادي واقل مما سمعت لكن انا هدفي الاول افادة المستخدم وبحاول كل فترة اتكلم عن موبايل وانزل في سعره زي ما شوفت حملة الرينو 11f نزل سعره من 14000 لـ 11600 بعد ما نزلت الفيديو وراية اللي رفعو السعر لـ16000 نزلوه لـ 12000 وكذلك Reno 10 pro plus كان سعره 28000 وبعد الفيديو نزل لـ16000 وكان سبب في فتح رزق لتجار فيه مراجعين بيتخوفو يعملو كده عشان التجار الكبار ميزعلوش ويكسبو حلو لكن انا هدفي واحد بس المستخدم وانه يجيب موبايل مناسب لاستخدامه باقل سعر ممكن ده هدفي من البداية وبسعي لتحقيقه تحياتي لك♥
بس هو يعتبر النسخه الجلوبال بس النيو ملوش غير النسخه الصيني واعتقد مش بيكون بنفس المواصفات بتاعت الجلوبال يعني علي سبيل المثال بتحدد اربع برامج تستقبل منهم الاشعارات او المحل بيغيرلك الرووم اساسا ومش معقول جهاز جديد اول ما افتحه اغير الرووم بتاعه فهو يعتبر افضل لانه نازل جلوبال
نفس المواصفات وكل شئ الاختلاف بس في الكاميرا الزوم وفرق افضل في الصور والعزل للعلم اخي العزيز النسخه الصيني مش انت اللي بتروح محل عشان ينزلك روم جلوبال هو بيجي من الصين عليه روم جلوبال هناك بيتم فتحه وتنزيل الروم وقفله مرة ثانية بالضمان وكل شئ شغال وللعلم انا ليا حوالي 4 سنوات استخدم نسخ صيني وهندي ما واجهت فيهم اي مشكلة سواء في الاتصالات او التحديثات زي ما الناس بتقول تحياتي لك♥
انا هجيب موبيل وعايز الموبيل يكون فيه حرفيا كل حاجه خارقه بكيج كامله يعني من جميع النواحي لحد 27 الف في جميع الموبيلات بقي مش ريلمي بس فا تنصحني ب ايه في العلم انا هجيب الموبيل يعيش معايا مده كبيره
انت اكيد متابع اخي ان ريلمي عملت حملة تسويقية كبيرة ليه عن طريق المراجعين ووزعت عليهم الموبايل قبل الاعلان عنه فترة اسبوعين تقريبا واكيد انتبهت ان في وقت الاعلان عنه كل المراجعات نزلت بوقت واحد فكل ده حملة تسويقية زي ما عملو وقت نزول ريلمي 12 برو بلس شكرا لك اخي العزيز♥
وعليكم السلام تسلم♥ الافضل طبعا 8 جين 3 هو اقوي بروسيسور حاليا من سناب دراجون مع دعم اعلي عدد فريمات في الالعاب اكيد تقصد GT5 Pro لان الجيل الجديد لسه منزلش عموما هو موبايل متكامل جدا بسعر مقبول بيعطيك تجربة حلوة
حضرتك كانت عاوز اجيب موبايل في حدود ٣٠٠ الى ٥٠٠ دولار و انا اهتمامي في الموبايل يكون تصوير فيه عالي و معالج قوي علشان الالعاب زي ببجي كده فا اي أنواع الموبايلات اللي تنصحني بيه
اذا حضرتك تقدر ترفع الميزانية لحدود 530 لـ560 دولار هيكون عندك افضل اختيار Realme GT5 Pro ده اقوي موبايل من ريلمي والاكثر تكامل بكل شئ واذا عندك مناسبة وطنية قريبة في البلد بيكون فيه تخفيضات علي الموبايلات
هذا امر طبيعي اخي ومهمتي اعرفك الاخطاء والعيوب لحتي تعرف اللي ممكن يواجهك لما تستخدمه لو طبلت في الموبايل انت مش هتعرف عيوبه وهتتفاجئ وقت الشراء ايه نوع استخدامك؟ كم ميزانيتك؟
مراجعة ناااار الله يعطيك العافية لو سمحت تنصحني اشتري ريلمي GT5 pro ؟ وهل في مشاكل بالتحديثات او أي مشاكل تانيه باعتبار النسخة صينية ؟؟؟ وممكن رابط فيديو حضرتك يلي شرحت في الفرق بين النسخ الصينية والجلوبال متابعك من سوريا
تسلم اخي الكريم♥ اكثر شئ هتلاحظه👇 ♦تأخر اشعارات الجيميل وتسجيل الدخول ومش كل اشعارات يوتيوب بتوصل ♦دعم الفريمات في ببجي متوقف عند 60 فريم حسب اخر المراجعات من وقت نزوله ♦ميزات الذكاء الاصطناعي الخاصة بالنص والترجمة بتكون انجليزي وصيني اوقات وده نادرا لما بيحصل انه مش بيعرف يتعرف علي الشبكة خصوصا لو مخفيه ♦لو اشتريت من مصدر مجهول بيقفل شبكات صراحه لسه بجهز الفيديو بس محتاج وقت لاني بختبر بنفسي وهتكلم عن موبايلين بنفس الوقت عشان التجربة تكون سليمة 100%
يعني باختصار انت عايز حاجة من شاومي مسطحه فالافضل هو f6 pro البروسيسور داعم لاغلب الالعاب في عدد الفريمات العالي شاشة افضل كاميرات افضل بروسيسور افضل درجة اما لو مش مهتم اوي بالكاميرات فخليك مع f6 بس هتواجه مشكلة في الاثنين ان البطارية مش بتستمر كثير
@@ismailwafy4250 الـ12 بلاس متفوق في الوان الشاشة والسطوع مع مقاومة رذاذ الـ12 برو بيدعم مقاومة مياة وبطاريته افضل درجة ومعاه كاميرا زوم وعزله افضل لكن الكاميرات في المجمل لصالح ال12 بلاس وفرق البروسيسور بينهم بسيط
كويس لكن هتواجه مشكلة الصوت من سماعة واحدة مونو ومفيش مثبت بصري فاظبط ايدك قبل التصوير عشان تطلع صور محترمه البطارية بتستمر في حدود 7 لـ 9 ساعات حسب طبيعه استخدامك غير كده كويس جدا مش متأكد بصراحه من نقطة الاكسسوارات اما قطع غياره من التوكيل
من تفضيلاتك ارشحلك Realme 12 Pro plus في حدود 18000 لنسخه 12 مع 511 جيجا لكن سطوعه مش عالي لو عايز الاعلي منه Realme GT Neo 6SE افضل في البروسيسور والسطوع والشاشة لكن كاميراته اقل من 12 برو بلس لو لاقيت نسخه 8 مع 256جيجا هتكون في حدود 18000 ونسخه 12 مع 256جيجا في حدود 20000
اشتري هذا التليفون يا زلمة ما في عيب يذكر ورح توفر الباقي والموبايل في تحديث ببجي الجديد يدعم ال 120 فريم انا لو مكانك هشتريه بدون تردد ياريت عندي إمكانية شرائه
الاثنين ممتازين بس هفضل ريلمي عشان السوفت وير اكثر استقرارا بيعطيك ساعة اضافية في اللعب وبطاريته افضل في الاستخدام الطبيعي ومتفهم ان الشاحن كبير بس افضل ان البطارية تكمل معي ومش احتاج اشحن لو انا مثلا خارج المنزل وهكذا واضافة كمان وجود كاميرا زوم وكاميرات افضل لا اخي مظهرش مشاكل لحد الان
مع الـ120 فريم في اي موبايل طبيعي يسخن اكثر عن لو لعبت 90 او 60 فريم لكن تسقيط الفريمات محصلش لا اختبارات الاداء علي ببجي كانت مستقرة بس نصيحه في اي موبايل هتلعب عليه تشيل الجراب وتكون في مكان جيد التهوية ولو 120 فريم وحاسس ان فيه سخونية زيادة او مكان مغلق يفضل تجيب مروحه تبريد
الافضل GT 6 من حيث الكاميرات وفرق اعلي في اداء البطارية مش فروقات كبيرة بينهم وطبعا انت عارف ان الاول نسخه عالمية والثاني نسخه صيني بروم جلوبال ده الفرق بينهم بس هل انت فعلا محتاج مساحه 512جيجا؟
بص باختصار لو هتصور فيديوز مش كثير وهتصور صور كثير هتحمل العاب وملفات يبقي نسخه 256جيجا انسبلك اما لو هتصور 4k كثير وهتحمل ملفات كبيرة وافلام ومسلسلات يبقي افضلك 512
اولا مشكور كتير على شرحك بهذه المهنية وعلى مصداقيتك ايضا ايش تنصحني من حيث الاداء والاستقرار ومتانة الجهاز بالنسبة لتعرضه للصدمات وانو يقدر يعيش معي اطول مدة ممكنة بدون مشاكل بالسوفت وير من بين موابايلات فئة متوسطة عالية او ما يسمى فلاج شيب كيلر استخدامي تصفح ومشاهدة والعاب قليل
تسلم اخي الكريم استخدامك خفيف لمتوسط مش محتاج موبايل عالي بس عموما انت هتكون محتاج شاشة مسطحه زي السامسونج S23 FE بس عيبه ان البطارية ضعيفه او تطلع لـS23 بلاس افضل في البطارية ومن شاومي هيكون عندك بديل اقوي هو الشاومي 14 متكامل في سعره ومن اوبو هيكون عندك بديل مقاوم للصدمات هو الرينو 12 برو بس البروسيسور ضعيف مقارنة باللي وضحته فوق
السلام عليكم هل الجهاز عليه سكرين ولا هشتري لسة +لو هشتري ايه افضل سكرين واجيبها منين وهل فعلا سكرين هامر دي كويسة ولا شهرة عالفاضي +بما ان الشاشة كيرف هل الإسكرين هيفك لوحده بعد فترة زي بقية الشاشات الكيرف بسبب الجراب وغيره + هل الكيرف في الشاشة كبير ولا ايه عشان مقلق بصراحة +احمي الشاشة ازاي وشكرا مقدما يا غالي
وعليكم السلام هو طبقة حمايته عالية victus 2 وعليه اسكرينه خفيفه تقدر تستبدلها باسكرينه زجاجية صراحه معنديش علم في الانواع وافضلهم لا شهرة علي الفاضي وسعرها عالي هات اسكرينه زجاجية افضل وارخص لا اخي لو متركبه صح بدون فراغات او فقاعات هواء مش هتفك الكيرڤ المقبول مش كبير او مزعج في الاستخدام عن طريق الاسكرينه والجراب وتحاول بقدر الامكان تحافظ عليه من الوقوع الشكرلله اخي
طب انا كنت هقولك GT6 من ريلمي عشان الفريمات والتكامل لكن انت متخوف فخليك مع civi 4 pro شاشة فلات لكن منحنية بعد الشاشة كأنها منحنيه مجرد تعطيك احساس بالكيرڤ ومتقارب جدا في المواصفات مع الريلمي بس ده اصدار صيني وبطاريته اقل دول افضل موبايلين للالعاب
من ناحيه المعالج والشبكة بلا شك الريلمي افضل كثير كلهم بيستمروا بدون مشاكل الفيفو بس بيحصل فيه بعض الاخطاء الغريبة في التردد كنت وضحتها في فيديو المراجعة اكيد اتحلت بتحديث
لو سمحت انا محتار بين الـ gt 6 بمواصفات: معالج سناب دراجون 8s gen 3 16 جيجا رام 512 مساحه تخزين و الـ gt 6T بمواصفات: معالج سناب دراجون 7+ gen 3 12 جيجا رام 256 مساحه تخزين هل فرق المواصفات بينهم يستاهل فرق السعر الي هو تقريبا 7 الاف جنية؟
لا اخي الفرق بينهم اقل وللعلم GT6 سعره نزل بين 25000 لـ24000 لاقل نسخه 12 مع 256جيجا فانت هتكون المستفيد بكاميرا زوم وكاميرات افضل وبطارية افضل في مدة التشغيل وبروسيسور اعلي شوية بدعم كامل لاغلب الالعاب بفريمات عالية بس مسألة تفضيلات شخصيه وطريقة استخدام
اتفق بس الحملة اللي اتعملت من ريلمي وطبقها المراجعين خلت الناس مش مصدقه انه فارق السعر ده علي كاميرا زوم وجودة صور وعزل افضل بس لما اتكلم مع احد مش بيصدق
الارقام علي الموقع الرسمي او الاختبارت بتختلف من موبايل للثاني يعني ممكن لو اختبرت اداء موبايل تلاقيه برقم وموبايل ثاني نفسالموديل تلاقي رقم ثاني فالارقام بتكون تقريبيه زي البطارية لو 5000 تلاقي مكتوب الرسمي 5000 لكن ممكن تقل تكون مثلا 4900 وتطلع نفس القدرة الفكرة بس ان اختبارات الاداء وتقيمات الشركات بتختلف عن المراجعين وبتختلف عن المستخدمين وحسب مدة استخدامهم طبعا لكن كتجربة لريلمي فهو ممتاز
السلام عليكم دلوقتي قدامي realme gt 6 نسخة 12 رام 256 مساحة ب ٢٠ الف جديد هنا في مصر وسألته هل جلوبال ولا صيني ردو عليا وقالو انه جلوبال اولا هل السعر ده كويس واجيبه ولا لا؟ ثانيا انا دلوقتي اعرف ازاي انه جلوبال او صيني؟ واخيرا بيقولو الموبايل بيسخن جامد في الالعاب والمعالج بيقلل تردداته والتبريد مش احسن حاجة هل الكلام ده صحيح فعلا؟؟ عشان النقطة دي مخلياني مقلق من الموبايل ومعطلاني عن شرائه وكنت عاوز اسالك عن حل للتبصيم عشان بيقولو الموبايل بيبصم جامد وبيلم تراب حل تاني بجانب الجراب؟؟ وشكرا ياغالي
وعليكم السلام ازاي السعر ده!! اقل سعر ليه حاليا 25000 نفس النسخه انت متأكد انك قولتله GT6 ولا قولت GT Neo 6 ؟؟ وللعلم Neo 6 صيني و GT 6 جلوبال بس فيه منه نسخه صيني بمعالج سناب دراجون 8 Gen 3 في الالعاب العالية طبيعي يسخن وخصوصا ان الجو حار لا اخي التبريد حلو هو بيجي معاه جراب اخي فانت مش هتمسك الموبايل بس الزجاج من فوق اللي ممكن تمسكه وانت بتلعب وده بيتمسح بسهولة الشكرلله اخي
@@Tigomego0 25 الف ده 16 رام 512 مساحة تخزين انما ال 12 رام 256 مساحة ده ب 20 الف وسالتهم قالو جلوبال مش صيني المحل كان منزل البوست ده على الفيس وكاتبين عليه عروض الصيف وصفحة المحل اهي G - Mobile ياريت لو تكرمت تشوفه وترد عليا اشتريه ولا لا في انتظار ردك وشكرا مقدما.... وهل السعر ده حلو فعلا؟
انتبه اخي من حرف الـT ده نسخه اقل من الـGT6 انا شوفت المنشور نازل من 4 ايام عندهم هو جلوبال فعلا بس ده النسخه الاقل وليها اسم ثاني بس للنسخه الصيني GT Neo 6SE وكسعر حلو حاليا
السلام عليكم بعد لت وعجن واحتيار في الاختيار تقريبا استقريت على هالجهازين : تكنو كامون 30 بريمير او ريلمي جي تي 6 وش الأفضل منهم ؟ يهمني الكاميرات وسرعة شحن البطارية وقوة المعالج واذا فيه جهاز افضل منهم في نفس الفئة السعرية وترشحه لي اكون شاكر وممنون بانتظارك
النسخه الصينية متوقفه عند 60 فريم في ببجي اما العالمية 120 فريم كمان الكاميرات افضل وفيه كاميرا الزوم غير كده زي بعض اطلبها من علي اكسبريس بتوصلك بالسعر الرسمي
حتي لا يختلط الامر Neo 6SE صيني والجلوبال تبعه اسمه GT 6T نفس المواصفات اما Neo 6 صيني ونفس مواصفات GT6 الجلوبال باختلاف طبعا وجود كاميرا زوم وفرق في الصور والعزل افضل
في شي ما تكلمتش عليه في الفيديو انو الجي تي 6 نسخة عالمية و نيو 6 صينية و هذا يفرق لأنو الجي تي 6 يعطيك اداء 120 فريم في ببجي و النيو يعطيك 12 فريم في ببجي الصينية فقط اما في العالمية يعطيك 60 فريم فقط الا اذا ببجي عملت تحديث خاص بالموبايل و عطاتو 120 فريم و ده مش واضح يمكن اه يمكن لا كما انو النسخة الصينية يمكن ما يوصلكش تحديثات لما تشغلو خارج الصين اما النسحة العالمية انت ضامن راح يوصلك تحديثات كل دي كمان فوارق كان لازم تحكي عليها
للتوضيح انا ذكرت هذا الشئ في الفيديوهات ومنشورات المنتدي فالشباب عرفو وحاطط منشور في المنتدي عن الفرق بين النسخ الصينيه والعالمية تقدر تشوفه لو عندك وقت هختلف معاك لان ببجي حاليا وصلت 90 فريم مع تحديث 3.3.0 الجديد انا استخدم نسخ صينيه بشكل متكرر ومواجهتش مشكلة التحديثات دي وحاليا بختبر oneplus ace 3v نسخه صينيه ووصلني اخر تحديث بميزات الذكاء الاصطناعي الموجودة في سلسة الرينو 12 فلا محصلش معايا تأخير
هل خدمات جوجل بلاقيها مثبته بشكل رسمي علي النسخ الصيني ولا بحتاج انزلها بطريقه غير رسميه وايه افضل مكان دلوقتي اقدر الاقي فيه gt6 بأفضل سعر @@Tigomego0
كاميرات ريلمي افضل متقاربين في الشاشة والبروسيسور والبطارية لكن سطوع ريلمي اعلي الفروقات بينهم بسيطه جدا بس انا صراحه بفضل سوفت وير وان بلس لانه سلس اكثر
يفضل يكون في الجراب دائما والجراب يكون ليه بروز واضح عن الشاشة والحواف ولو متخوف زيادة اشتري جراب وش وظهر اللي بيتقفل علي الموبايل هيحميه بشكل كامل ويفضل تشتري اسكرينه زجاجية تحميه من الخبطات والصدمات وطبعا تكون منتبه انه ميقعش منك ومتحاولش تحطه في مكان غير امن
لو بتقارن بين GT6 و Neo 6 الفرق بالظبط 4000 اما لو بتقارن بين GT6 و GT 6T الفرق بينهم 1500 فانا لو اشتري اطلع واجيب GT 6 واستفيد بكاميرا زوم ودعم فريمات اعلي وتصوير افضل
@@elmallahsoft8300 مش بحب سامسونج نهائي شاشتها مش بتستحمل عن تجربة اكتر من تليفون واخرهم s23 اكتر حاجه شدتني ل ريلمي ان الشاشه عليها طبقة حماية غير طبعا باقي المميزات
عشان النيو للصين فقط وليس عالميا والهاتف نسخة صيني فلذالك لا يدعم بعض تطبيقات البنوك في دولتك ولا يدعم شريحة إلكترونية ولا يوجد ضمان وايضا تردد الشبكات يختلف ومن الممكن أن الشركة تقفل الشبكات وتجعلها في للصين فقط إذ كنت خارج الصين لن يعمل معك الهاتف 😊
لا اخي العزيز بينزل عليه روم جلوبال وبيقبل الشبكات عادي وكافة التطبيقات الخاصة بالبلد بتكون مدعومة انا بكلمك عن تجربة شخصيه ومجرب نسخ صيني كثير وهذا الكلام مش بيحصل تحياتي لك♥
@@Tigomego0 تطبيقات البنوك غالبا لن تدعم nfc غالبا ايضا لن يعمل الا في الصين شريحة الكترونية ايضا لن تعمل لو نزلت روم عالمي ايضا راح تكون في مشاكل وايضا انت فتحت البوت لودر فالجهاز خارج الضمان ويصبح سهل الاختراق ايضا التحديثات الهوائية ممكن تواجه بها مشاكل
للعلم عندي وان بلس 10 برو و ace 3v نسخه صيني و تطبيقات البنوك شغاله بدون مشاكل وكذلك nfc الشريحه الالكترونية مش متوفرة عندنا مجربتش صراحه لا اخي بينزل عندنا بضمان من المحل ضد عيوب والصناعة ولما جربت اطلب من علي اكسبريس الصيني كان عليه ضمان سنة صراحه معنديش علم في نقطة الاختراق بس انا بستخدم نسخ صيني من 4 سنوات مواجهتش مشاكل لا ابدا ما واجهت اي مشكلة
وان بلس افضل الوان الشاشة سطوع اعلي لكن شاومي معاه تردد اعلي 144هرتز افضل في الكاميرات درجة متقاربين في الاداء لكن بطارية وان بلس افضل في العموم وان بلس افضل مشكلة الخط الاخضر كانت عيب صناعة في الجيل 8 وال9 وانتهت وللعلم انا استخدم وان بلس 10 برو من وقت نزوله حتي الان مواجهتش اي مشكلة فيه وللسوفت وير تبعه جميل وسلس جدا وتقدر تشوفه بنفسك في فيديو oneplus ace 3v جربته بنفسي
حضرتك محترم كتير وانا بحب اتابعك وللامانه انت نسيت فروق جوهريه اولا ان gt 6 نسخه جلوبال و gt neo 6 نسخه صينيه الى هتتعب المستخدم وليها تحديثات معينه من اماكن معينه ثانيا gt 6 له نظام تبريد للمعالج مش موجود فى gt neo6 ثالثا الكاميرا فى gt 6 مستشعر Sony LYT-80 و ال gt neo6 Sony IMX882 واكيد ده هيفرق فى التصوير مش بس البورتريه او الزوم وده لازم توضحه وشكرا
تسلم♥ نعم وضحته كثير اخي والفروق بينهم هتتعب المستخدم ازاي مش فاهم قصدك؟ لا اخي نفس التحديثات لو قصدك علي السوفت وير فهو زي الـGT6 الاثنين فيهم نظام تبريد نعم فرق في التصوير فعلا وانا وضحت ده في جزء الكاميرات وجزء الخلاصة فعلا وضحت نقطة الزوم وفرق الكاميرات اخي في العادة مش بذكر سنسور الكاميرات ولا النقاط الدقيقة بسبب ان الناس بتمل ومش بتكمل باقي الفيديو فليا حوالي شهرين بحاول اختصر في الفيديو بقدر الامكان بمبدأ المختصر المفيد يعني بوضح اهتمامات الناس والنقاط اللي تهمهم في حدود 8 دقائق وممكن اقل وباقي التفاصيل لو حد سأل اجاوبه فلاقيت ده افضل والمشاهدين عجبهم جدا تحياتي لك♥
النسخه الصينيه لا تستقبل تحديثات خارج الصين فهتتعب لحد.ماتنزل تحديثات ليها من اماكن معينه وبردو لا يدعم اللغه العربيه انجليزى والشبكه خاصه بالصين ممكن يقفل معاك شبكه فجأه وادخل على تعليقات الجروبات هتشوف كده الا لو هتشترى من اماكن زى موقع هاتلى اوبتوع المستورد هما هيوفرولك التحديثات ويفك الشبكه وانا ايه الى يوجع دماغى ما اشترى الجلوبال وخلاص
لا اخي العزيز بينزل ليه روم جلوبال وبيستقبل التحديثات والشبكات بدون اي مشكلة وبتكون متوفره في تحديثات النظام بدون اي برامج خارجية الروم الجلوبال داعمه للغات كلها بما فيهم العربية والانجليزية وده عن تجربة شخصيه والكيبورد بتنزل بالانجليزية لو عايز عربي تقدر تنزل اي كيبورد براحتك مش بيقفل الا لو شاري من تاجر مش مضمون ومتأكدش من التاجر اللي استلم منه من الصين لان فيه لعب كثير بيحصل في النسخ ومحتاج تاجر امين عشان تشتري منه وتضمن ان فيه ضمان ومصادقية لك كامل الحرية في اختيار النسخه اللي تستريح ليها لكن واجب عليا اني اوضح النقاط اللي حضرتك قولتها وعن تجربة شخصية مش مجرد كلام مني
لو سمحت انا ناوية اشتري a55 وكنت قولت مسبقا اني محتاجاه سوشيال وتصوير فقط مش بلعب غير لعب البيتزا بتكون بسيطة ومحتاجاه علشان اشوف حصص ويمعت انه بطاريته بتقعد اكتر عن ريلمي ١٢ برو بلس كنت حضرتك رشحتهولي ف اجيب السامسونج ولو وحش وهل تصويره احسن من الريلمي.
التفوق ليه في البطارية في مدة المشاهدة بفارق حوالي ساعتين بس لاحظي اختي انك اكيد هتنزلي سنتر واكيد هتحتاجي تصوري من مسافة عشان كده فضلت الريلمي وعشان التصميم وحرارته اقل والعزل افضل لا ريلمي افضل بس السامسونج افضل في السيلفي في الصور وفرق واضح في الفيديو
@@Tigomego0 طب مين احسن في تصوير الناس وحضرتك شوفت ناس بيقولوا كتير أن سامسونج حرارة مش عالية علشان التبريد هل دة صحيح وبصراحة تصميم السامسونج عاجبني اكتر مع العلم انا هنقل من ايفون فمحتاجاه حاجة تكون زيه علشان محسش بفرق اوي تصوير وأداء البورد انا كدة كدة بقعد قدام
ريلمي افضل وعزله اجمل مش عالية بالنسبه لمستخدم سامسونج كان متعود علي الحرارة لكن مستخدم لغير السامسونج هيحس بسخونة لو من ايفون فعلا مش هتلاحظي سخونة ايفون كام؟
@@Tigomego0 شكرا جزيلا عالرد لان فرق السعر كبير بنهم عندنا في الجزائر انا يهمني بطارية قوية والتصوير لاني تقريبا لا العب به ومشكور مرة ثانية وجمعة مباركه
ولا يهمك اخي اسأل وقت ما تحب♥ النسخه العالمية هي GT6 اما الصيني هي Neo 6 الفرق ان النسخه العالمية افضل في الكاميرات مع وجود كاميرا زوم و120 فريم ببجي وافضل في مدة استخدام البطارية بسبب بعض المواصفات الاعلي وان النسخه العالمية دائما سعرها يكون مرتفع عن الصيني علي حسب انت محتاج كاميرات افضل وفريمات اعلي ولا نفس المواصفات من غير كاميرا زوم وكاميرات اقل الشكرلله اخي نورتني ♥
✅ريلمي افضل في الوان الشاشة درجة والتردد بيوصل لـ1هرتز وهو مقفول فبيوفر في الطاقة اكثر وسطوع ريلمي اعلي ✅وان بلس سوفت وير جميل وسلس جدا اشبه بالايفون عكس ريلمي سريع وفيه ميزات كثير ✅تصوير الفيديو بالكاميرا السيلفي افضل في ريلمي لانه 4k ✅نفس البروسيسور مفيش اختلاف ✅بطاريه ريلمي افضل درجة ✅الاثنين كويسين في الاتصال والشبكات صوت استيريو ومحيطي نفس جودة الشاشة الاختلاف الاكثر اللي هتلاحظه كما وضحت فوق في السوفت وير والكاميرا السيلفي
لا اختي بتشتغل عادي وده عن تجربة شخصيه الشبكات تمام جدا مفيش فصل ولا تعليق زي ما الشباب كانوا بيقولو وبيوصلني التحديثات وحتي لما جربت ace 3v وصلني التحديثات وتحديث الواجهه الجديدة واشتغل بدون اي مشكلة بس لازم تنتقي التاجر الامين عشان الضمان وتكوني متأكدة ان النسخه سليمه بدون اي مشكلة
@@Tigomego0 طيب أنا سمعت أن البوكو بيجيب بورده ده حقيقي ولا ايه وسؤال كمان أنا عايز من وجهة نظرك انهي احسن تلفون فيهم البوكو اف 6 ولا ريلمي 12 برو بلس ولا ريدمي تيربو 3
في الاجيال القديمة نعم لكن لحد الان ملاحظتش مشاكل من سلسة البوكو السنادي من اختياراتك البوكو F6 و ريدمي تيربو 3 نفس الموبايل بس البوكو نسخه عالمية اما الريدمي نسخه صيني ثم بعدهم ريلمي 12 برو بلس
طب لو سمحت انا إن شاء الله هجيب الروم الصيني انا اصلا معايا الجي تي نيو5 وروم صيني وجتمد هو اه في شويه حاجات م بقدر استغلها بسبب اللغه بس م فرقه معايا قد كدا بس انا كنت عاوز اخد رأيك في اني اغير ولا م مستاهل ولو غيرت اجيب الجي تي نيو6 ولا الجي تي نيو6se +انا لو غيرت م هخسر حاجه يعني انا هكسب كمان بس المشكله اني بطلبه مو على علي اكس بريس ف ممكن اقعد مثلا10 ايام من غير تليفون
بص اخي العزيز لو انت حابب تغير غير لكن صراحه مش افضل انك تغير بين جيل وجيل مش هتحس بفرق كبير افضل لو تغير كل جيلين فتحس فعلا بفرق كبير تحس فعلا بقيمة الموبايل وان ثمنه فيه وفي الاول وفي الاخر لك كامل الحرية في الاختيار بس عشان انا بجرب موبايلات باستمرار فمريت بالتجربة دي كثير
بس انا كنت عاوز استفسر لان سعر الريلمي جي تي نيو 5 اغلى من سعر الريلمي جي تي نيو 6 ف كنت عاوز اعرف انهو الافضل عموما يعني لو بعت تليفوني وجبت الجديد هيبقا ارخص ف انا مستغرب+,هل في فرق كبير بين الريلمي جي تي نيو 6 ونيو 6seيستاهل اولا مفيش فرق ولو جبت اجيب ال se@@Tigomego0
التسعير في مصر ملهوش اي منطق بتلاقي موبايلات قديمة سعرها مرتفع عن الجديد ولو قارنت مثلا السعر هنا بالسعودية تلاقي اختلاف كبير هل الموبايل مضايقق في شئ فحابب تغيره؟ ولا للتجديد؟ فرق في الكاميرات شوية والبروسيسور لو هتجيب هات الاعلي Neo 6 او ممكن تنتظر GT6 النسخه العالمية ينزل مصر وتستفيد بفرق كاميرات وبطارية افضل