قبل ما نتكلم في التفاصيل .... لأن الفيديو دة مليان شوية وعايز تركيز ....... خلينا نقول الأول للناس الجديدة يعني ايه اكتتاب أصلا .... الاكتتاب هو عبارة عن طرح أسهم من الشركة للأفراد وللمؤسسات في السوق المفتوح ... اللي هي البورصة ..... وفيه منه نوعين .... اكتتاب أولي ... ودة اللى هو طرح اسهم الشركة لأول مرة في البورصة ... يعني شركة مهياش مقيدة أصلا في البورصة .... وبتدخل جديد .... ودي إجابة السؤال اللي بيسأله بعض الناس في التعليقات وهو .... ليه شركة كذا مش موجودة على التطبيق .... أو ليه مش كل الشركات موجودة .... ببساطة لأن مش كل الشركات بتطرح أسهمها في البورصة ..... النوع التاني هو اكتتاب ثانوي .... ودة لما شركة تكون أصلا موجودة في البورصة .... وبتطرح أسهم زيادة .... يعني بتزود الحصة المطروحة منها في البورصة ..... وفي النوعين .... بيكون الهدف إما تخارج .... يعني المساهمين الأساسيين بيبيعو حصصهم في الشركة .... أو زيادة رأس مال الشركة .... ودة الغالب ..... زيادة رأس مال يعني تمويل ..... يعني جمع سيولة من الناس .... في مقابل ايه؟ ... في مقابل انهم يتملكو جزء من الشركة في صورة أسهم ..... وبالتالي يكون ليهم الحق في أرباحها في المستقبل ..... بيجمعو سيولة ليه ؟؟ .... لتمويل التوسعات والاستثمارات الجديدة .... يبقا بناء على الكلام دة ... وبالعقل كدة .... لازم قبل ما تشتري بضاعة تعاينها الأول .... تفهمها .... تشوف جودتها .... هل هي تستاهل انك تشتريها ولا لا .... هل هتكسب منها ولا لا ..... ودة هو اللي هنعمله ان شاء الله في الاكتتاب اللي معانا دة ..... في البداية كدة .... أول حاجة تعملها قبل ما تبدأ تدرس اى استثمار او أي سهم .... هو انك تجيب المعلومات والبيانات من المنبع .... من المصدر الرسمي .... عشان تقلل أي أخطاء محتملة وتعرف تقرا البيانات اللي تهمك انت بشكل شخصي .... لأن زي ما قولنا قبل كدة في الفيديو دة .... أهداف الناس من الاستثمار مش كلها واحد ..... جميل .... نجيب البيانات دي منين بقا .... قبل كل اكتتاب .... الشركة بتطرح حاجة اسمها نشرة الاكتتاب ..... ودي بيكون فيها كوووول البيانات اللي انت محتاج تعرفها عن الشركة .... وعن إجراءات الطرح نفسها ..... الشركة اللي معانا النهاردة اسمها اكت فاينانشيال للاستشارات ..... الشركة عملت نشرة الطرح .... مع مدير الطرح بتاعها .... والرقابة المالية وافقت عليه واتنشر على الموقع الرسمي للبورصة المصرية يوم 10/6 ..... نجيبه منين تعالي ورايا ......
المصادر:
www.egx.com.eg...
#الاستثمار
#البورصة_المصرية
#ثاندر
00:00 مقدمة
01:13 يعني ايه اكتتاب
02:35 تنزيل نشرة اكتتاب اكت فاينانشيال
03:45 شرح نشرة الاكتتاب
10:14 ديون الشركة
11:25 خطة الشركة في المستقبل
11:56 القيمة العادلة للسهم
14:12 التحليل المالي للشركة
25:57 الرسوم البيانية المالية
30:48 تقييم السعر حسب مضاعف الربحية
34:35 موعد الاكتتاب والشرائح
37:26 آلية استقرار سعر السهم
39:22 الخلاصة: ادخل الاكتتاب ولا لا
15 авг 2024