يا ترى ألا يوجد غير العراقيين يعلقون على هذه الأغنية ؟ 99% من المعلقين عراقيين وأنا واحد منهم ... سبحان الله كأنما خلقت هذه الأغنية للعراقيين فقط ... أيام ذهبت بحلوها ومرها
جنت ساكن بمنطقة الشعب بحي العقاري يوميا المغرب اتمشى لتسجيلات حكمت على شارع عدن يم سوك شلال حته اسمع الاغاني الي يشغلها جنت البس القاط الأسود و المناظر الشمسية الله على ذيج الأيام الي مستحيل ترجع
كل اللي معلقين مواليدهم سبعينات او ثمانيات والكل يكتب ذكرياته عنها واني منهم . بغدادية مواليد ثمانيات سمعتها وانا بعمر 5 سنوات اتذكر كلش زين وكنا طالعين لجزيرة بغداد كان ربيع وريحة الاشجار ودرجة حرارة معتدلة لليوم ينعاد نفس الاحساس❤من اسمعها
هذه الاغنية تذكرني بنهاية الثمانينات. كانت امي موظفة في الجامعة التكنولوجيا تنظيني ربع دينار اروح لمطعم اسبانج اخذ لفة همبركر و قوطيه بيبسي و اسمع هذه الاغنيه بالمطعم. الله على اناقة طلبة و طالبات الجامعة في تلك الفترة.
لك عمي اني صارلي خمس سنوات بامريكا وشفت اشكال بس بلقران كأنه چنه عايشن بلعراق والله بلجنه ... واني متأكد كل البلاد العربيه هيج .... راح يطك قلبي من اشتياقي لذيج الايام ...والله كنت عازف اورغن وبفرقه موسيقيه وتشوف الناس فرحانه وسعيده وحياتهم بسيطه تخبل .... اني احب شعبي وكل الشعب البلاد العربيه ....
واني جنت يمك في ( بافلو ) من 2014 تركت أميركا سنة 2018 اخذت عائلتي وطلعت وطبعا جنت مستحق الجنسية بس بلد ازبالة مع احترامي الكم مجتمع أميركا مجتمع تعبان حتى اللاجئين وين المطلوب ...احمد الله واشكره من طلعت ..طبعا جنت اشتغل احيانا إلى ساعة 2 بليل ..الله يوفق الجميع
أجمل أيام المراهقة عشتها مع الأغنية والفرقة الجميلة كان ١٩٨٥م عمري ١٦ سنة وبسبب هذي الأغنية صدمت ثلاث مرات كنت الصوت عالي مطول علية أجمل واحلى ايام الزمن الجميل والنفوس الطاهرة الجميلة. الان مع الأسف أصبحنا نسمع أصوات نشاز ماتفرق بين الرجل والمرأة
صدك جيل الطيبين جيل البراءة جيل المحبة جيل العفوية ماكو شي يرجع المات الله يرحمه وجيل الطيبين راحو اجه جيل بسبس ميو وبيت كطيو وما عسانا الى انقول الله يرحمك يازمن الطيبين
محمد الليث الليث ايام حايره والشوك بين عيونك. ايام عادل عكله. ايام الزِّي الجامعي الموحد والشتا. والعشا من المشوار وبعدها. روحه الي بار مطعم ريحانه. في فندق الرشيد. الله. علي الايام الحلوه
abdo skadow انت. مثال. الشرف والاصل العربي الذي. يستاهل كل الحب والتقدير.. تحياتي. للشعب المصري البطل الشريف. التوقيع عراقي. غيور وصقر من. صقور القائد البطل الشهيد صدام. حسين المجيد
الله على هذيج الايام راحت ويا الراحوا ويا اهل الخير والمحبه كنا نسمع هاي الاغنيه واحنا رايحين للبصره بلطريق ابويه يغتحها وفرحانين لكن هلايام ماالها اي طعم لاهيه ولاالاغاني الجديده الله يرجع هذيج الايام ويعم الامان على بلدنا وبلاد المسلمين
هذه الاغنيه كانت تذاع من قبل اذاعه جمهوريه العراق بشكل متكرر في نهايه الثمانينات لقت صدى وانتشار وشهره في العراق اكثر من دول الخليج لان كانت بلون غنائي جديد والاغنيه بحرانيه لفرقه الهابنس
الله عندما كانت الثمانينات تمثل املنا احنا الصغار بوكتها كبرنا بالتسعينات واذا حصار وحروب شفنا بحياتنا طفولة حرب ايران شباب حصار عشرينات سقوط النظام وطائفية و هسة قاربنا الاربعينات 😭
محبة القلب محبة القلب من صوبك محيناها وبحور اللي خبرك بها نشف ماها بان الجفا منّك واطباعك عرفناها ياما سهرنا الليل نكتب اماني كبار الكلمة ريحة هيل والهمسة لمسة نار انت البحر لي سقى وانا الشقا بحار مايك نشف بالحكي خل البكي للغير طبعك رقود الضحى وطبعي غناوي الطير ريّح سفينك زمن خلني ادش الخير لما يحن الزهر يطلع من اوراقه والطير لما يحن تتناثر اشواقه والحب منهو مشى في خطوة حرّاقه من حب قلبه كبر ضاقت عليه لنجوم اللحظة عندي عمر والفرحة عندك يوم انا الهوى ما ثبر اسقي المحبة دوم كلمات: علي الشرقاوي ألحان: خالد الشيخ
اتذكر كنت طفل واخي يسمع هذول الاغاني بالوقت الذي اعدم فيه السلطات الصدامية مجموعة شباب كانوا فارين من الجيش عدموهم في وسط مدينتنا سوق الشيوخ...كطفل شعرت بكسرة خاطر على هؤلاء الشباب ودموعي تنزل من كنت اسمع الاغنية وفكر بهم.شعور لا يجب ان يعيشه طفل
@@blackangel6305 حشرك الله مع صدام لانك تكذب وتعلم انك تكذب.الشباب اللي اخذوهم من العراق ما توصل البعثية لاضفر من اضافرهم لعلمك كان عمري ١٢ سنة ولو لم نخرج وقتها ولو متأخرين كم يوم لكان مصيرنا المثرامة البشرية. أوراق طلبنا للاعدام ضهرت بعد سقوط الطاغية ٢٠٠٣
سنوات من عمرنا راحت ... ولسه نذكر هاي الاغاني الي دخلت الى قلوبتا ولا زالت وكنا ننتظر كل جديد حتى نذهب الى محلات التسجيل حتى نشتري الشريط كاسيت للفرقة ... والله لو باقين عليكم هواي افضل ❤❤❤
اشكد جنه طيبين وفقره اكبر امنيه عندي اسمع هذه الاغنيه لان المسجل والكاسيت ممنوع في بيت بيه بنات من ايصير احتفال بالمدرسه البنات ايجيبون مسجل واطلب منهم اسمع هذه الاغنيه اكبر امنياتي وين جيل هذا الزمن 😂
هذي الاغنيه الجميله غنوها اكثر من مطرب ولكن اعتقد انه المطرب الاصلي اللي غناها هو القدير مصطفى احمد كويتي وغناها بالثمانينات اعتقد ..ولكنها جميله على كل من غناها لها طعم وايضا غناها فنان عادل عكله عراقي وايها هذي الفرقه البحرينيه 🌹الابداع من كل دوله
كل المجتمعات في العالم ايامها الحاضره احلى من البارحه واكيد غدا احلى من يومهم .... الا نحن كل يوم قادم ...سئ ومظلم حتى صار الماضي جنة غادرناها ... السبب معروف ... السبب اننا لم نعرف معنى الوطنيه يوما... كان لنا وطن عزيز حميم كبير ابو الحضارات ... بعناه ... فتشرذمنا وتشردنا ... وضاع كل جميل وزاد الغد ظلاما...
العراق غادر القرن العشرين ليعود الى القرون الوسطى بسبب انتشار الجهل بالمجتمع وضياع الهويه الوطنية العراقيه لان الشعب لم يحس بعراقيته وانتمائه لا يملك قطعة ارض باسمه عاطل عن العمل متشرد مشغول بحروب القادسيه وغيرها خدمته العسكرية سنه ونصف يخدم اكثر من تسع سنوات ويتسرح ليجد نفسه متشرد والشعارات القوميه العربيه مجبر على ترديدها وسماعها فلا تلوم هذا الشعب لان الفشل في قادته
بالنتيجه الحياه مستمره حلوه كانت ام مره ، من هاجر واستقر مرغما او راغبا اختط حياته وحياه عائلته وانتهى ، اما نحن من عصرتنا عجله الحياه في العراق والى اليوم لم يبقى لنا الا مشروع واحد هو امانه باعناقنا ، ان نصنع قدر ما نستطيع .. وطن لا بنائنا ولأحفادنا لكي لا يعيشوا ما عشناه ولا يحتاروا مثل حيرتنا ولا يخشوا مثل خشيتنا ، آباؤنا نرفع لهم القبعات احتراما واجلالا ولكن في داخلنا عتب كبير عليهم آسفين ، فلم يتعلموا ولم يعلمونا معنى المواطنه والوطن والوطنيه ورفض الظلم والاستبداد وبالتالي نشأوا خائفين وانشاوا جيل هم نحن اكثر خوفا وبالتالي ضيعوا وضيعنا الوطن …آن الاوان ان نغير اقدارنا لكي لا يلومنا ابناءنا كما نلوم اليوم آباءنا … حمى الله العراق الكبير المسكين وحماكم وكل الطيبين في العالم