فرق السن بيني و بين زوجي🤔 واش ندمت الي زوجت واحد أ كبر مني 👌 

أنا تاني زوجي اكبر من ب 15 سنة بصح جزائري ولد بلادي يحبني ونحبه موت ومتهلي فيا عقوبة كل وحدة دير جام

اكبر استثمار هو الرجوع لله ،الصلاة و الصوم ⁦❤️⁩

صراحة يبان صغير و 16 سنة ماشي فرق كبير المهم مقيمك و يحبك هذاك هو الصح و اتهلاي فيه باين وليد فاميليا

مام انا بيني وبيني راجلي 13عام ربي يحفظهولي سيد رجال عوضني كلش حبيبي وبابا وخويا حنين ويخاف عليا❤😍ربي يدوم العشرة والمحبة

ربي يهنيك ويبعد عليك العين كل واحد يأخذ مكتوبو انا كيف مواليد نوفمبر وزيد بابايا متوفي وجربت اليتم وتالمت من صغري وفقدت الحنان من صغري متمنية ربي يرزقني زوج صالح يعوضني راني 39سنة بلا زواج كرهت الوحدة يارب فرج علي

سلام سندوسة انا تونسية ومتزوجة في وهران راجلي جزائري ازيد اعليا 16 ans وعايشا حمدوالله حياة سعيدة الزواج ماهوش فارق السن تحية طيبة ليك اعزيزتي ربي يسعدك ❣😚

اصلا راجلك ميبانش كبير نورمال وين راه لكبر ربي يهديهم ربي يخليكم لبعض يارب

حتى أنا زوجي تركي نفس الشي يعاملني معاملة طيبة ومتهلي فيا وفي ولادنا إنسان طيب ربي يحفظو ويخليه لينا

سندس يرحم الولدين مدخليش زوجك او مشاكلك مع زوجك راجلك انسان راءع الف وحدة تتمناه يحبك ويمت عليك فمترديش على الاسءلة التافهة الكثير يحسدونك عزيزتي عل. حياتك وعلى سي احمد تحياتي ليه الرجل الطيب نصيحة من اخت متزديش تهدري على حياتك الزوجية كاين اللف الموضيع تقدري تهدري فيها

واقيل نتزوج واحد كبير و صاي الحالة راها تعجب 😂😂😂😂

ماشاءالله عليكم ياختي متحكيش على معاملة زوجك ليك واش يعملك وواش مايعملكش العين حق وربي يحفظكم

الحمد لله على كل حال، يا ربي ترحم باباك و بابا و تجعلهم من اهل الجنة، و بابات جميع المسلمين، و راجلك راجل ونص وسيد رجال♥️♥️♥️♥️♥️💜💜

تحية من المغرب لخواتاتنا الجزائريات خاوة خاوة ما بيناتنا عداوة نحبوكم بزاف الله يهدي السياسيين اللي سادين الحدود

سلام انا بيني وبين زوجي 17 سنة والكل يقلي كفاش أنتي شابة وجميلة وعندك الخطابة وتزوجتي بوحد قد بابك وهو يعني مشي غني ولا لكن هو يحبني هذا هو المهم وما يسمح فيا وهذا هي الثرة عندي وعند ولد 18 سنة و2 بنات 14و 11 سنة والحمدلله و تمرمدنا في فرنسا واليوم حمدلله ولادنا شاطرين ومدينين والحمدلله ونحبهم بزاف بزاف بارك الله فيكم

شحال من واحد کیشوف هاد تعلیق بغیتك تشوف میمتك ف الجنة الفردوس الی فرحتینی ب ابونی 🙏❤

الله يبارك ماشاءالله ...ربي يهنيك ويهنينا ويرزقني حب زوجي واهتمامو قولو امين اخواتاتي ❤️❤️

انتي انسانة طيبة وقلبك ابيض ربي يحميك من كل شر سندس وش نفرح كى نلقا فيديوهاتك

مكنتش نبغيك مي كنت غالطة فيك ماشاءالله عليكم وربي يحفظكم ويكملكم امانيكم وراجلك ليزوم يذوم هناكم ويحفظكم من العين

انا تاني راجلي كبير علي 15 عام بصح راجلي مايعرفني لا حيا ولا ميت ربي يخليهلك ماشاء الله انا حياة من تلمسان

بيني وبين زوجي 23سنة وراني نحمد ربي صباح وعشية.ربي يهنيك عزيزتي.

زوجي اكبر مني 15سنة عايشين الحمد لله وعندي زوج بنات مثلك ربي يخليهملنا

انا اكبر غلطة في حياتي هي اني ديت راجل اكبر مني ب 17 عام والله حاسة روحي ميتة بلحياة ساعات تضيق عليا حتى نحب نقتل روحي

اووووف والله الناس مرض مرض الله يسترنا المهم يحبك وتحبيه يحترمك وتحترميه يلي مور هذا الشيء كامل زيادة ارضاء الناس غاية لاتدرك الله يحفظكم لبعضاكم ويستركم 🤲🤲🤲

ماشاء الله خارجين على بعضاكم😍ميبانش خلاص فارق السن بيناتكم،نشالله ربي يدوم عشرتكم ويهنيكم يااارب❤

متامينش بزاف في صحبات الغيرة الحسد راهي تحرق الانسان ربي يخليكم لبعضكم ياحلى زوجين ❤❤🌹🌹

مش كبير عليك راجلك وزيد شباب الله يبارك ربي يحفظكم لبعض ويحميكم من كل شر ان شاء الله نحبك بنت بلادي ❤️💗💗

اللهم صل و سلم و بارك على الحبيب المصطفى و على آله وصحبه أجمعين 💗🕊

حبيبتي انا راجلي كبير عليا بعشرين سنة و بابا مات فالحج و انا عمري عام ما نعرفوش بصح سبحان الله ربي عوضني بيه عوض لي بيه الاب و الأخ و الراجل و انا تاني عاوني فالتربية الحمد لله عمري ما حسيت بالندامة بالعكس بزاف حنين عليا و يموت عليا و يقولي نحسك بنتي ربي يخليهولي و يطول في عمرو

ربي يهنيك ..الراجل ما يهمش كبير ولا صغير ..المهم تتفاهمو و يحترمك و يقدرك

بكيتيني كي قلتي معرفتش بابا الله يرحمو و يوسع عليه ان شاء الله الحمد لله ربي رزقك الزوج الصالح

الاهتمام والاحترام اساس الحب ربي يخليكم لبعضاكم ويبعد عليكم عيون الحاسدين

الراجل ماشي بلعمر الراجل بشخصيتو ومواقفو عادي يكون كبير عليك يالوكان ب ٢٠سنه عاااادي لمهيم يكون بعقلو وراجل وقادر للمسؤولية تاع دار و مرآة و اطفال ويكون يحبك يحتارمك يقدرك يسندك يفرحك يحتاويك يصونك يديرلك قيمه قدام الناس يوقف معاك يعطيك لحق ليك مايسماعش لناس مايكونش بو وذينة مايخونكش مايبخلش عليك مايكذبش ماينافقكش مايكونش نسونجي هذا هو الصح انا لوكان يجيني راجل فيه هاذ المواصفات ويكون كبير عليا ب ٢٠ سنه نقبل انا 24 سنه وهو يكون 44 سنه عااااادي هانية يجي برك خخخخخخ ربي يزوج كل لبنات وانا معاكم امين ياربي ههههه ربي يهنيك حبيبتي سندس ويديم هناك مع زوجك ويخليلك بناتك الحلوات❤❤❤🧸🧸🧸🇩🇿

راهم ناس مرضى نفسيا ويحبو يزعزعولك ثقتك في نفسك بهاذ السؤال .راكي زلة ربي يبارك وراجلك جونتي ويحبك .لي يحب يهدر احقريهم العام طويل

انا في رأيي يخصك الحجاب تعيشي مليحة مع ربي ومع عايلتك

راجلك ميبانش كبير نورمال المهم تكوني سعيدة معه ويحبك. وربي يسعدك أكثر وأكثر مديريش على الناس الغيورة يا بنتي.

سندوس فى جاه ربي ادخلى عند هدا سيد Adda pro واحدة بنت بلادنا عمرها ربعة و عشرين سنة رها فى حالة و مغبونة و صغيرة طالقها رجالها تركى و اسمح فيها .. رها تنشاد كاش واحد يدخلها للجزائر . رها وحدها و معندها حد و عندها بيبي عندو سنتيين و فوقها قالت خلص ليها كرة و رح يرمها برا و هى مريضة بى كلوى عندها حجرة فيهم تخلطت عليها مسكينة. و عندها اوراقها كلش فى سليم ما تخافيش. منها. فى سبيل الله اوقفى مع بنت بلادك ... يسجيك حنونة عرفتك فحلة و حرة ديرها فى وجه الله .

ماشاء الله تبارك الرحمان ،يا ختي ستري حياتك متحكيش غاع التفاصيل ،العين حق يا ختي ونتي بروحك غلتي تخرج فيك العين ،الله يسترك نتي والعايلة تاعك وربي يبقي عليكم الستر ،نموت عليك يا زين،بنت عمك مسيردية مرت من هنا،،😉😄🥰🥰

انا تاني زايدة 90 و راجلي كبير عليا 20 سنة و نبغيه نموت عليه و هو تاني يعزني الحمد لله ربي يحفظهلي و يخليهلي تحياتي ليك مع أني متأخرة 😊😘❤

اتمنى ان يرى زوجك تعليقي, انا عادة قليل جدا ان اكتب تعليقا و لكن جلبني في فيديوهاتك اخلاق زوجك العالية و طيبته و اهتمامه و تقديره لكل ما يتعلق بك حتى. الأشياء الصغيرة هذا دليل على حبه الحقيقي لكي و هذا النوع من الرجال تقريبا انقرض في العالم العربي خاصة لأن الحب. الحقيقب فعل و ليس قول و كل تصرفات زوجك تدل على انه يحبك حقا نصيحة اخت. كوني ممنت بهذه النعمة التي رزقها آلله لك احيانا تبدين غير واعية. و غير مباليت بهذه النعمة , نصيحة حسسي زوجك دااما انك تفدرين و تحمدين الله الذي رزقك بزوج مثله, وبادليه نفس الاهتمام نصيحة لا تحكي عن حياتك الخاصة في social media نقطة هامة جدا افتكرتها بعد قراءة سؤال على تعليقي : هيا قاعدة تهم كل الازواج عامة لنجاح. و خاصة تواصل. و امتداد مثل هذه العلاقات يجب ان يتوفر في الزوجة نفس الكم من العطاء و الحب لكي لاتكون سعادة طرف مبنية على تعاسة الطرف الآخر, الزوج هو كذلك محتاج الى نفس العطاء و الاهتمام , لكي تكون علاقة متوازنة خاصة خاصة علاقة صحية. مع وضع خطوط تحت كلمة علاقة صحية healthy relation ship غير ذلك تصبح. علاقة غير صحية. وخاصة fake and plastic قاعدة عامة. لكي تأخذ يجب ان تعطي نعم حتى في الحب لكي يكون هناك توازن و هو هام جدا لبناء علاقة زوجية صحية العلافات الزوجية الناجحة يجب ان تكون مبنية على العطاء المتوازن من الطرفين غير ذلك هي علاقات مبنية على كذبت اول من يصدقها هما الزوجين

هذا الموضوع يخصك انتي - ما فيه داعي تبرري لحد - اهم شيء انك سعيدة - فيه تفاهم بينك و بين زوجك - انتم تكملوا بعض - فيه امور شخصية و خصوصية -انتي مقتنعة و راضية بهذا الزواج - الله يبارك في جمعتكم و الحمد لله عندكم تمرة حبكم و هما بناتكم

أنا مشتركة جديده من وهران كنت كل خطرا نشوف فيديو تاوعك كنتي تعجبيني بسح كنت نحسبك متكبرة بصح نتي طيوبه الله يبارك وتدخلي للقلب ناس ملاح كنت غالطا فيك مهم رآني تآبونيت عندك بالتوفيق

راجلك عندو في العمر 46 باقي صغير او زوين او جات معها لحية الله يخليكم لبعضكم ياربي امين والله يحفظكم من عين الحسود واحد بوسة ليكم كاملين حتى متتبعات دياولك،😘

انا اول وحدة صراحة نتبعك من لي بديتي اليوتوب ربي يحفضك ان شاء الله و ماتسمعيش التعليقات السلبية واصلي حبيبتي

ماشاء الله ربي اخليكم لبعضاكم ♥️ ربي يحفظكم من العين ويبقي الستر نحبك في الله بتوفيق اختي ♥️😍🇩🇿

سندس حبيبتي ستري على روحك شوية عين حق الله يدوم هناك وفارق سن عمره مكان اعاقة نتوما كوبل يهبل

عندك 29 /30 بصح ماشاء الله عليك قريت معاك عند استاد كامش تاع انجلزية وراجلك يبان مع 45

تبارك الله عليك اختي هذي هي الزوجة الصالحة الله اخليكم البعض رجعتيه للطريق والعمر ما شي مهم je vous aimes 👍👍👍😘😘🇲🇦🇲🇦🇲🇦مغربية من باريس

ماشاء الله عليكم راءعين وزوجك انسان فاضل الف وحدة تتمنى رجل مثله يحترم المراة ويقدرها ويحبها اما العمر ما يهمش طول ما انتما متفاهمين...ربي يخليكم لبعضاكم و ربي يرزقني بالزوج الصالح اللي يوالمني في كلشي يحترمني ويحبني ويرزق كل وحدة ..امين يارب

ماشاء الله عليكم شباب في القلب وانت زوينة شابة مهم تزاد عمرك تبقاي نوارة في زوجك كريم والحمد لله كراكم مفاهمين هذا هو اهم شي اما عمر ميهمش مواحح عليكم وعلى ولداتكم تحياتي...

كراكي زينة تبارك الله عليك بنت بلادي ماشي عيب الفرق المهم المفاهمة تعجبيني بزاف ربي يطيب بيناتكم

انا تان عندي 22 و رجلي 37 مي حمدالله عايشة la belle vie معاه و جامي نندم لي تزوجت معاه العكس والله مفششني كي طفلة صغيرة و حنين عليا بزاف مسكين ربي يخليهولي و يحفضهولي هو و بنوتي 🤲🤲

ماشاء الله عليكم ربي يحفظكم ويستركم انا تان زوجي اكبر كتير مني والحمد لله العشرى هي الصح

زوجك يبان انسان طيب جدا حافظي عليه

ما شاء الله سندس زوجك صغير 46 سنه يعني الفرق 16 سنه مش كتير ربي يخليكم لبعض ويحفظ لكم اولادكم ان شاء الله Sundous prends soin de ton mari il est très très gentil et en plus 46 ans il est jeune

راجلك ميبانش كبير راكم في زوج صغار ربي يدوم محبتكم ويبعد عليكم ولاد الحرام ويخليلك بنياتك 😘

أنا راجلي كبير عليا ب12 سنه عندنا 12 سنه زواج راني مهنيه معاه حمد لله رانا ب 3 دراري ربي يحفظهملي ويحفظلي زوجي نور عيني ❤🇩🇿

انا تاني راجلي 39 وانا 24 وعايشا سعيدة سعيدة سعيدة حمد الله عايشين في فرنسا ونضلو نحوسو في قاع بلدان حمد الله يا ربي يخليهولي جامي ندمت

ربي يحفظكم لبعض ،ظاهر جدا يحبك و تحبيه ،ربي يحفظ عايلتكم و حبكم ⁦❤️⁩⁦❤️⁩⁦❤️⁩

المهم كي يكون الراجل ولد فاميلية ومسؤول وقايم مرته وولاده وتكونو تبغو بعضاكم اما فارق السن والشكل تاع الانسان هادو حوايج زيادة الزين مايدوم والصغر مايدوم انت وياه جايين على بعضاكم مشاء الله ربي يحفظكم يارب

وراء كل رجل عظيم امرأة مشاء الله عليك سندس تبارك الرحمن عليكم الله يبقي الستر إن شاء الله

أختي المحترمة بعثتلك فديو جزائرية تطلب المساعدة من تركية طلقها زوجها التركي بطفل و راهي حاصلة ماعندهاش الدراهم باش تكري. الفديو في الانستغرام تاعك. انت طيبة و تاع خير.ربي يحمي عائلتك من الخير تاعك. ارحموا من في الأرض يرحمكم من في السماء.

يا ختي ربي يهنيك و الله تدي واحد كبير عليك تلقيه متهلي فيك و يبغيك خير من واحد صغير

كبير عليك ب 16 سنة عادي جدا اغلبية النساء مزوجين رجال اكبر منهم

Vous êtes tellement adorable 🥰 🥰🥰🥰 que dieu vous garde et vous protège inchalah !! l’essentiel dans la vie que l’amour règne dans vos cœurs ♥️

سندس عاوني وحدا جزائرية عندها ولد و خلاص لها الكراء و راهي تسوفري عاونيها غي باش يهبطوها للدزاير هي من اسطنبول دخلي يوتوب سيبها ولكي الأجر والثواب 🌹🌹

ماشاء الله نعم الزوج ربي يبارك ليك نعمه التربيه هذا هو الزواج الحقيقي الرسول صلى لله و سلم كان يعامل زوجاته نفس المعامل ماشاء الله ربي يحفظكم اختي زوجها أكبر منها 20 سنه وسعيد ربي يحفظكم ويخليكم لبعض

ربي يساعدك وهنك. زوجك إنسان مليح ربي يخلكم لبعض.انت انسانة طيبة ربي رزقك على حساب قلبك

ماشاء الله ماشاء الله ربي يحفضكم من كل سوء وعين حسود

ربي يهنيك انشالله مسكين حشمتوه على عمرو راه بنات في الجزائر 18ملقاوش حتى نص راجل

أحسن فيديو هو فيديو التراويح راااائع والحجاب منورك وبشكل غير البحر عنده حل هو البوركيني المعروف الله يتقبل الطاعات والعبادات

العقلية والمفاهمة هي كلش العمر ماش معيار الزواج الناجح ربي يحفظكم اختي سندس 💖💖

لا يهم العمر المهم هناء و العشرة بنية الصافية ربي يخليكم مع بعض إن شاء الله و يخليلك بناتك

ربي يحفظلك راجلك وبناتك ولله يبعد عليكم العين حبيبتي استري روحك من لعين متحكيش كيفاش راكي مع زوجك راه لعين حق ياختي ولله يدوم عشرتكم ومحبتكم 🤲🙏

أنا زوجي أكبر مني ب 16.5 ويموت عليا ونموت عليه وهو جزائري وأنا جزائرية وعندنا 12زواج وثمرة حبنا بني وبنية ربي يخليهم لينا ويخلينا ليهم .آمين يارب العالمين.

زوجك روحه طيبة و حلوة و الناس اللي هكا ما يكبروش ما شاء الله لأن العمر مجرد أرقام هناك من عمرهم أصغر و يبانو أكبر...الله يدوم محبتكم💗🕊

و الله باين قلبه مليح gentel men Ahmed 🥰 ربي يدوم المحبة و العشرة 😍

مانيش عارفة علاه كي نشوفك نفرح.والله ما يهم فارق السن بين الزوجين المهم المحبة والتفاهم و الحنية ربي يخليكم لبعض انشالله و يبعد عليكم العديان و الغيارين😍😍😍

ربي يخليكم لبعض و العمر معندو حتى قيمة أمام الحب و الاهتمام و الاحترام ربي يحفظكم من كل شر

الله يبعتلك ايام حلوة يا احلى سنسون بدنيا😘ياريت تحكيلنا عليك اكثر كيف كنتي بلجزاير وش قريتي وكيف طلعتي لترك ع العموم ربي يوفقك😘😘😍😍😘😘

ربي يحفظكم ويدوم محبتكم وحطي زوجك في عينك واستحفظي به لان نادر. ما تلقى واحدة راجل كما راجلك يهتم بها

الزواج هو اقتناع بطرف الاخر وحب وتفاهم وليس رقم مهوش كبير عليك ربي يكمل بيناتكم وحياتك انا شخصيا نتمناها ادعيلي ربي يفك سحر ونتزوج ونجيب ولاد

كوبل غزااال ماشالله عليكم والسن مابان لي حتى مشكل بش يهضرو فيه ناس ،انتوما فنين و مواتيين بعضكم.المغرب

ربي ايهنيك حبيبتي ❤️ او يرزقنا لي رزقك ان شاء الله ♥️

ربي يحفظكم من العين ويخليكم لبعظاكم اختي مسكين يشوف فيكم وماهوش مأمن عطاك ربي على حسابك واهم حجة فالراجل يكون راجل ميهمش زين ولاعمر وراجلك الله يبارك مخصو والو وميبانش كبير بزاف متسمعيش لحتى واحد

اللهم زد وبارك، ماشاء الله تبارك الله ، فارق السن لا يهم المهم المفاهمة، مايبنش كبير 46 عادي ، هو ابان انسان خلوق يقدر المراءة والعشرة الزوجية ربي بعد عليكم عين الحسود ويسدد خطاكم ويوفقكم فيما يحبه ويرضاه، أطال الله في أعماركم صحة وعافية والبنتين الامرتين حفظهم الله و رعاهم امين يارب العالمين.

ربي يهنيكم و يحميكم خموس خموس عليكم ماشاء الله 🙏🏻🙏🏻🙏🏻🙏🏻💓💓💓💓💋💋💋😘😘😘🇩🇿🇨🇦🇩🇿🇨🇦🇩🇿🇨🇦💯🇨🇦🇩🇿💓

راجلك ماشالله باين شارب عقلو ربي يبعد عليكم العين و يخليكم لبعضاكم و تربوا بناتكم و تكبروا في طاعة الله 😊😍

اختي فارق العمر لي بينكم ماهوش مهم المهم السعادة والهنا والمحبة انا زوجي كبير عليا ب12سنة بصح يحبني ونحبو وعايشين السعادة ربي يخليه ليا وميحرمنيش منو ربي يهنيكم حبيبتي

حنونتي اتفشي وزيدي تستاهلي قلبك بيض ربي يخليكم لبعضيتكم ان شاء الله

حبيبتي شدني العنوان لانو يعنيني اول مرة اشوفك والصراحة ارتحتلك وحبيتك وجوزك ماشالله والبنوتات الله يحفظهم الفايدة والحصول زي كما قلتي هههههههه ماشالله

الله يبارك صلاة النبي عليهم

ربي يحفظك من العين و يصلح بينك و بين زوجك و يصلحلك فى ذريتك

ماشاء الله راكم كوبل هايل ربي يدوم محبتكم و ربي يهنيكم💐💐💐

الله ابارك اعليكم خارجين علي بعض ميبانش اكبير اخلاص اتبالي قد عمروا عادي ربي يحفظكم

مايهمش الفرق المهم😌 المهم شريك مناسب لي وأتطور معه وأعيش حقيقتي معه، داعم لي وبأفضل الاحتمالات💕

سندس انتاع الصح يحبك علاه واش يخصك مراءة ونص الله يبارك وانشاء الله ربي يكملك ويهنيك

نا داراتك 28 هو 42 😂😂 مزال مشفتش كامل فيديو ربي يرزقني بزوج يحبني و يقلشني كي راجلك

العمر كله حبيبتي. ربي يهنيك و يحفظلك بناتك . انا عمري 35و زوجي عمره42 . الحمدالله الفايده موش في العمر الفايده في الاحترام المتبادل و الحب و تفاهم . ربي يحفظ الجميع . تحية من تونس و مسقط

الحمد لله على نعمة الصلاة والمودة مزال الحجاب ربي يوفقكم لخير الدنيا والآخرة

انا عندي 26 وراجلي عندو 42 كيما انا وراجلي فرق بيناتنا 16 عام وعادي بلعكس تحسي روحك طفلة صغيرة معاه ويجي شارب عقله انا تزوجت 19عام وهو 35 مكانش يبانلي قاع الفرق