أنا ديالي فيه 60 سنتيم 65 لتر هو كبير شوية ولكن راه 90 كبير بزااف و بطبيعة لحال غادي يكون كيستهلك الضوء شحال خاصو غ باش يسخن من الأحسن الفرن لكبير خوديه فالغاز
كيفاش هاد لقضية ديال لكاس أنا عمري جربتها و فاش شريتو سولتهم كالو ليا تخوي لماء فطاوة و تديري لبروكرام ديالو و لكن كيستهلك الضوء بزااف حسن تمسحيه غ بشي برودوي و هو سخون راني حطيت فيديو ديال التنظيف
أهلا ختي بخير راه الإنستغرام ديالي راع بنفس الإسم zohra.bensalm راه فيه 67k و راه كاين فيديو لايف كنت سجلتو فالإنستغرام و صيفطي ليا فالخاص غادي نشرح ليك مرحبا
أنا هذا لعندي إقتصااادي ولكن راه مكنستعملو يوميااا و منقدرش نعطيك ش نصيحة حيتاش لخرين مجربتهمش ولكن هذا لعندي وااااعر و حتا كاندي كاين عند واحد صاحبتي كتعاود عليه زوييين
الله يعطيك الصحة أنا الصراحة مكنخدمش بالتوقيت كنطفيه لراسي و أصلا وخا كطفيه كتبقا لمروحة و كيكون فيه واحد الصوت واحد 10 دقايق عاد كيسكت و داكشي كالو ليا عادي أما ديك لقضية ديال لوقت دبا نجربها ش مرة و نشوق و لي كان غادي نرد عليك إن شاء الله
هو فيه ديك لقضية باش تسخنيه شوية و دخلي لعجينة تخمر و لكن نكذب عليك عمري جربتها و هو راه غتكون كتصلح حتا لحم نتيا سخنيه على 50 درجة شوية و دخليه و على حساب franke راه فيه هو option خاصة باللحم هذا لااا
الله يعطيك الصحة أنا كندير لمقلة الثقيلة فاش كنطيبو لخبز و كنخليها تسخن مع لفران عاد كنطرح فيها لبيتزا كتجي زوينة منفوخة و لكن ماشي بحال لغاز لغاز دغيا كطيب والصراحة هاد ويربول وااعر فكلشي أنا كيعحبني فالتحمار طووب
أنا الساعة صاوبتها فاش يلاه خدمتو ولا فاش كيتقطع الضوء و كيرجع كتولي 00 و نتي كتبقاي تزيدي و تقاديها أما باش تقاديها عادي مبغاتش تخدم عييت معاه حيدي ليه لبريز و من بعد عاودي خدميه و تما قاديها
السلام عليكم ورحمة الله وبركاته انا حتى هبلت معاها وهي سهله اظغطو على الناقص و الزاءد في مره و ريكلو الساعه و على كاش قفله وعسوها و لا تزيد دقيقة وشكرا
إيوا أختي أش غادي نكول ليك معندك حتا حل و على حساب لفقاص ديريه على 160 درجة و كل 10 دقائق نفسي لفران باش تنقص لحرارة ديالو و ميتشقق حيتاش لفقاص كيبغي لعافية غ من لتحث و لكن إيلا درتي هكا لكلت ليك ممكن يصدق ليك و خا يتشقق غطيه بمنديل سارد بشوية ديال لماء
أنا أختي معيبتوش أنا كنهدر على داكشي لشفت فلكنسوماسيون فلوراق ديالهم و داكشي لكالو ليا هوما فلمحل و راه كان عند خالتي كيجيها فالضوء 350dh لفوق ديما و دبا عندها كاندي كالت ليا عادي لمهم نتيا بقاي خدميه غ لطياب متبقايش تسخني فيه بزااف راه كيستهلك شوية
@@khadijaelmontassir650 إيلا كنتي غ كطيبي فيه راه مغديش يجيك غاالي بزااف أنا الصراحة عندي شوفو ديال الضوء و لماكينة لبانيني يوميا كنخدمها هيا فاش كنسخن و لفران كتجيني 130 حتا 140dh قبل كانت كتجيني ديك 110dh حتا الشوفو كيستهلك الضوء هو الصراحة زوييين طيابو و التحمار ماشي بحال لفران ديال لغاز
@@zohrabensalm حنا انا بحالك شوفو الضوء والبانيني تتسخن فيها يوميا قبل منشريه كانت تتجيني 180 درهم معرفتش مناش وا لاتيني تضيع الضوء ودابا ملي ولا عندي خفت تجيني كثر بسبابو نشوفو عالله اكون اقتصادي وعندي تا ماكينة صابون اطوماتيك ولكن راها متضيعش ضوء حيت قبل كانت تتجيني 130 140 قبل بي بانيني تجي هاد القدر
@@khadijaelmontassir650 لماكينة ديال الصابون مكتضيعش الضوء لبانيني ااه ولكن راه دغيا كتسخن ماشي بحال لفران إيلا بغيتي تسخني فيه لحاجة شحال خصو باش يسخن بعدا و دبا متحكميش راه رمضان سبحان الله ديما كيجي الضوء غالي و إن شاء الله يكون إقتصادي بقاي خدمي لفرفارة بزااف حيتاش هيا مكتستهلكش بحال إيلا مخدمتيهاش
كيفاش اختي تصدي ليك واش ديك لحديدة لكنحطو عليها لمول فلفران هديك ماشي غ نتيا حتا وحدة كالتها ليا فالإنستغرام و حتا أنا بدات شوية كتصدي كلت أنا من داك النفس لكيكون فيه كيرجع ماء و هو لكيصدي دبا وقتما طيبت فيه كنخليه محلول حتى كيبرد و كينشف
@@Amal_Hayati36 مفهمتش اختي كيفاش تخدميه واش على حساب طياب لكيكة كطيبيها ففرن باارد على 175 ولا 180 درجة لعافية غ من لتحث حتى تنفخ و خدمي لعافية ديال لتحت مع لمروحة باش تحمر
@@jiji-hj6sc اااه جربتها فيه كتجي مزيااانة طيبتها بالطريقة ديال لخبز لبروكرام لدايرين هوما فلكتاب و لدايرين ليها فلفران مكيخرجهاش زوينة كندير لعافية لفوق و لتحث مع لفرفارة على 250 درجة
ههههه دبا من نيتك ويربول كتسناني ندير ليها إشهار و أنا لقناة ديالي اصلا كاع ممفعلة واش بعدا عارفة أش كتكولي هههه أنا كلت شاركت معاكم تجربتي بكل صراحة و نتي أختي حرة خودي لي بغيتي عطا الله لمارك النهار تمشي تقلبي غادي تدوخي
@@errifdima1014 إذا نسيت الإشارة إلى ذالك لكنه يظهر على الزر أنه هناك حرارة الأسفل لوحدها و حرارة الأسفل مع المروحة و حرارة الأعلى لوحدها هناك عدة مميزات
الى ممكن تورينا طريقة الاستعمال ديالو انا اللي درتها فيه كتخسرلي إما كتبقى بلا طياب او كتحرق الحاصول ما عرفت منين نبداه مولفة غير فرن ديال الغاز و هذا دوخني و ليت ندمت لاش خذيته الى تكرمتي ديري شي فيديو كيفية إستعمال الفرن او كل زر لاش كيصلاح شكرا مسبقا
وخا أختي إن شاء الله نقاد فيديو و نحطو السيمانة جاية إن شاء الله بزااف كيسولوني أنا الصراحة أي حاجة درتها فيه كتخرج ليا طوووب من غير لبيتزا مكتجيش بحال ديال لغاز
@@user-ns8ye3ol4f حتا أنا نخدم أعلى درجة ولكن الفرن الغازي درجة الحرارة عاالية مقارنة بالكهربائي و لبيتزا تبغي درجة حرارة عالية جدا و لكن تطلع زوينة بصحتك
سلام.شكرا على افادة.غير بغيت نسولك واش ديك بولة كتبقى شاعلة داخل.كيفاش طريقة باش طفى.واشنو طريقة باش تحمر غير من فوق.اشمن ريكلاج غادي نستعمل على حساب تحمار من فوق فقط؟
بالنسبة ل بولة كتبقي شااعلة إيلا كان خدام وراه فيه ريكلاج ديال التحمار بوحدو و كيحمر من داكشي صيفطي فالإنستغرام باش نصور الصورة و نسيفطها ليك هنا منقدرش نصيفط تصاور