من فترة تلقيت دعوة من أحد طلبة هندسة عين شمس بيدعوني لزيارة الكلية و رؤية فريق السباقات الخاص بالجامعة.
نسقت معاهم ميعاد مناسب و رحت الجامعة و الحقيقة إني اتبسط جداً من الزيارة دي و حسيت بشعور مزيج مابين الفخر و السعادة بعد ما عرفت اللي الشباب دول بيعملوه و الإنجازات و النجاحات اللي قدروا يحققوها بأقل الإمكانات.
رحت قابلت الفريق و شفت بيعملوا إيه. عملت لقاءات مع قيادات الفريق و صورت الورشة و عربية السنة اللي فاتت. سألتهم عن إنجازاتهم و عن طلباتهم وعن الصعوبات اللي بتواجههم.. و بصراحة نفسي الفيديو يتشاف لأن دي أقل حاجة نقدمهالهم.
للعلم، الشباب كل سنة بيشاركوا في مسابقة "فورمولا الطلبة" أو Formula Students ودي مسابقة دولية عالمية و لها تقدير واحترام في عديد دول العالم، و الحقيقة ان ولادنا في #ASURT حققوا مركز أول في أحد فروع المسابقة العام الماضي و رفعوا علم مصر في حلبة سيلفرستون اللي تعتبر من أعرق و أقدم حلبات السباق في العالم.
السنة دي الشباب هيشتركوا في فئة Concept فقط و مش هيقدروا يشاركوا بسيارة مصنعة بسبب ضعف التمويل و عدم قدرتهم على تجهيز سيارة هذا العام في الموعد، فياريت تعملوا #شير للفيديو يمكن نقدر نوصله لرجال الأعمال اللي يقدروا يساعدوا مهندسين المستقبل بتوعنا أنهم يحققوا هدفهم و يكرروا نجاح العام الماضي و يتفوقوا عليه كمان 🙂
#هندسة #كلية_هندسة #عين_شمس #شباب #مصر #سيارات_مصر #أ_ب_عربيات #ASURT
28 фев 2024