معليش ام ساجد انا مخرجة غي دومي بوتو تاع الحوش ومزال هكاك ومن جهة الطريق دايرة الزانق بصح والله غي كرهت نضل نصلح بصح التراب والكلاب اعزكم الله يسرقونا البلايغ من قدام الباب لازم قاع متنسايهمش براادعومعايا ربي يسهلي ونكملو ونريح قبل الشتاء امييين
ربي يقدرك أختي ،عيشي ما تبقى من حياتك ،تجوزي كبرك في دارك خير من تجوزيه فالكرا ولا فالضيق فالصغر تتحملي كلش بصح كل ما يكبر الإنسان ميحملش الضيق يولي يحوس على الإستقرار ،افرحي بدارك و بولادك و استمتعي بدارك هذا إنجاز عظيم متستصغريهش
سلام اختي ان شاء الله تكوني مليحة انت ووايداتك حبيت نسقسيك على كونجيلاتور تاعك بعدما استعملتيه و لافيسال تاعك اني شفت ليفيديو تاعهم بصح انا خصني راييك الان بعد الاستعمال واذا تعرفي ماركة شابة فيهم ان شاء الله جاوبيني
خواتتي لي راهم يهدرو على اولادهم عندهم فرط حركة ربي قدركم انا وليدي عندو أربعة سنوات يلزم لقو حاجة يحرق طاقة زايدة نتاعو كما رياضة سباحة انا اولادي ملي شكرتو بالو الحمد الله يلعب حتى يتعب ربي يقدركم وربي يحفضهم ولكن على حساب تجربتي أصعب التربية هي16,17سنة هادو كامل عادي كل ما يكبر يزيد خوفك عليه يارب قدرنا أصعب مرة مراهقة يارب احفضلنا اولادها
صباح الخير ام ساجد نحبك بزاااف ونتبعك من البدايات ديالك حبيت نطلب منك ديري موضوع على الطفل لي يكون عندو حركة مفرطة والله رني نعاني منو وليدي يقباااح بزاف رني متخوفى منو العام هدا يدخل يقرى خايفة ميقعدش حركي بزاف والخطرة هدي تحتمت عليا ديتو لدار عجوزتي والله ملي رحت وهما يجرحو فيا وليدك قبيح ومجنون هدا كي يكبر يولي يهربلك مالدار وعمتو تخبي في ولادها منو تقولهم دوك يضربكم تقصد في وليدي صدقيني يا ام ساجد جرحوني صح وبكاوني وزادو قهروني انا وليدي صح قبيح وحركي بصح يعرف كلشي ذكي ان شاء الله متبخلينيش اختي
متخفيش عدا هو لييتفوق في الدراسة تلقائيه دكي بزاف انا وليدي كان هكداك كيدخلتو سنة أولى يقرأ كنت نقول موحال يحكم بلاصتو بقيت خايفة بصح كيسقسيت المعلمة تاعو قالتلي نعمة تربية وهو المتفوق في القسم بصح برا وفي الدار حركي بزااف تقول هدا مايقرا ماوالو وننصحك بحاجة رقيلو يديلك العين وانا ولدي ضرك منكثرة ما عيطو عليه هاو قبيح هاو مهبول ولا مسكين منطيحة لطيحة وربي يقدرنا وخلاص ومتخفيش خليها على ربي
ياختي خليه يتحرك ويلعب ويشبع حركة وانت اقفزي معاه ولعبي عن تجربة نحكي كانت بنتي حتى كي تاكل في نص الماكلة تنوض وتبدى تتشقلب وحنا نقلقو منها ونمنعوها وصلت معايا حتى نضربها ساعات طلي عليها اليوم كلها الكسل والخمول لدرجة البلادة نهار كامل وهي مع اليوتيوب تجبديلها على القراية ولا اللعب تقول قلتيلها الموت خليه يلعب ويطشنبت ويتعلق ويتشقلب وما يهمك حتى في وحدة راهو عايش في دار باباه وماماه ربي يحفضو
ياحصراه لو كان تشوفي ولدي وميهدرش بززاف غير يجري وكنت خائفا كفاه يقرى تحضيري والحمد الله راه طلع سنه أول وراه كل نهار شوي نشوفو تحسن ولتفادي مشاكل و الهدرة الي تضر قلبك وتجرحك متخرجيش بيه أبدا أبدا خرجيه لحديقة ولا مناج والله صدقيني كل وحده ضحكت على ولدي ربي رزقها ولد اكثر من ولدي فلسرعه الحركه
ابحثي على الطفل الشمالي لانو حسب واش قلتي يبان نمط شخصيتو شمالي حاولي تظطلعي على هذا لبنمط وطرق ابتعامل معاه باسكو راه ناجح وتتكبي عليه مستقبلا ربي يحفظولك ❤