سؤال يا فوكس.. هو الافضل والاوفر للفرق انها تجدد بمرتب للاعب ولا تشتري لاعب جديد وساعتها بتدفع مبلغ كبير في أول التعاقد وبتدفع كمان مرتب للاعب ولو لاعب كلاس A هيبقى سعر عالي ومرتب عالي
حسب اللاعب و حسب يقدر يديك قد ايه، يعنى اليونايتد لما جددوا لديخيا بفوق ال٣٠٠ الف من كام سنة كان ده اوفر و لا انهم مكنوش جددوله و يروحوا يجيبوا لاعب انسب لرؤيتهم المستقبلية للنادى؟ الموضوع نسبى
قدوس لو في منظومة لعب هجومية هيختلف كتير.. سيمينيو الي مساعده اكتر الحرية الي مديهالهم ايراولا واسلوب لعبه قدوس محتاج دماغه تتظبط اكنر في منظومة صح وهينفجر وعاش يا فوكس
@@baselandeel9222 اتمنى ان ده يحصل، شاغلني برضه مع قدوس ان عدد دقايق لعبه مش كثير فى كل مواسمه فى الكرة باستثناء الموسم اللى فات، قدوس بالعين كده إمكانيات مرعبة لكن كانتاجية و استمرارية قالقنى
انا شايف ان روبرتسون و كوناتي كمان class A معتقدش ان اي حد من الي ذكرتهم ممكن يعوض productivity الي عند صلاح أكثر من 40 مساهمة كل موسم .. إلا لو حصلت معجزة و جبنا بالمر أو ساكا مثلا
ده كلام قولناه قبل كده و ان فعليا محدش اصلا يقدر يعوض نصف إنتاجية صلاح ولا حتى ساكا، و علشان كده التجديد لصلاح كام أولوية تحت اى ظرف و هو صلاح بانتاجيته المعروفة، لكن مع النصف الثانى من الموسم اللى فات شوفنا امارات على decline
بصراحة أنا من اول الموسم ده وعاوز صلاح ميجددش..صلاح على رأيك الموسم ده rusty اوي اوي..شايف ان أهميته في الفريق بتقل واحدة واحدة وشايف ان ارنولد ودايك اهم بكتير اوي خصوصاً ان بدائلهم قليلين وغاليين..عكس صلاح اللي ليه بدائل كويسين ممكن يتطوروا مع الوقت.. اخيراً وليس اخراً عظمة علامة العقل بتاعك والله يا فوكس..وانت وعاطف في اسبوع كده حاجة زي العسل..يارب تستمروا علطول وتبسطونا ❤
@@alhussein_17 متفق معاك جدا يا صديقى ❤️❤️❤️ صلاح فى العادى بتاعه يتجددله و مالهوش بديل، بس احنا بدينا فى مرحلة العادى بتاعه بتاع زمان ما بقاش عادى منه خالص دلوقتى
اولا فيديو ممتاز فى وقته ، و كمان بعد ما اليونان غلبت إنجلترا فى لندن .. حضرتك رتبت الأفكار صح و أتفق معاك فى أخر الفيديو فان دايك و ترينت ضرورى يتم التجديد ليهم بينما صلاح لو عايز يكمل أعتقد لازم يخفض راتبه و يقبل بالمداورة لأنه فعلا إسهاماته إنخفضت و لو رحل فرصة ندخل دماء جديدة كجناح الى ان كييزا يستعيد مستواه او جزء كبير منه
وجهه نظري أن صلاح بعد الموسم ده هيتم ٣٣ سنه اعتقد ان سنه كبر وفي اللي يعوضه زي مبويمو أو قدوس أو رودريجو وبالنسبه لفان دايك نفس الكلام سنه كبر اوي هيتم ٣٤ سنه بعد الموسم ده وفي اللي يعوضه برده زي جويهي وايناسيو أما بالنسبه لارنولد فهو سنه لسه صغير ومفيش معوض ليه في أوروبا حاليا اعتقد التجديد لارنولد هو الأولويه القصوي
@@ramyabdulaziz9234 صعب جدا و انت بتنافس على أعلى مستوى انك تتخلص من لاعبيك القياديين أصحاب الخبرات دفعة واحدة، من شبه المستحيل بالنسبالى عدم التجديد لدايك كابتن الفريق
سؤال يا فوكس ... تفتكر صلاح ممكن يعتزل دولى و يفضل مستقبله مع ليفربول ؟ أكيد ملاحظ ان سفريات المباريات الدولية بتستنزف الطاقة اللى بيشتغل بيها و بيرجع مفضى البطارية.
استبعد نهائيا عدم تجديد اهم ٣ لاعيبه فى الفريق والهيكل الرئيسى للفريق واللى زى ما انت قولت دول فرست كلاس هو الموضوع بس سوء إدارة واضح وده سبب رئيسى لانهيار الفريق بعد ما كنا أقوى فريق فعليا فى العالم عام ٢٠١٩ - ٢٠٢٠ وخسرنا بطولات كتير بسبب عدم دعم الفرقه وتقويه الدكه وتوالى الاصابات خسارة سوء الإدارة تعمل فينا كده
شكرا يا فوكس علي كلامك العقلاني و المنطقي. الطبيعي لو عايزين نستفيد بامكانيات صلاح و هي كبيرة لما بيكون في جاهزية بدنية لازم نعمل زي فترة رونالدو مع زيدان لما كان زيزو بيدير دقائق رولاندو و الاستفادة بية في المباريات المهمه خصوصا دوري الابطال. لكن يبقي عقبة المنتخب و خصوصا معاد كاس الامم بداية(21 ديسيمبر) و قبلها تجمع تقريبا 10 ايام معناه صلاح مش هيكون موجود في اكثر وقت في الموسم فيه عدد مباريات و الفريق بيكون محتاج كل اللعيبة و طبعا صلاح مستحيل يعتزل دولي.
شكرا ليك يا صديقى 🥰🥰 و نتمنى كابتن حسام حسن يبص للمستقبل فعلا و ان لمصلحة الجميع ان صلاح ما يتحرقش فى لعب دقايق مالهاش لازمة للحفاظ على جاهزيته مش بس لليفربول لكن كمان لتطويل عمره دوليا و يفيد مصر مستقبلا فى البطولات المجمعة
@@mhszl كل الشكر لحضرتك🥰 و الي طلبته حصل الحمد لله "عقد الجهاز الفني لمنتخب مصر الأول لكرة القدم بقيادة الكابتن حسام حسن جلسة مع محمد صلاح قائد الفراعنة تم الاتفاق خلال الجلسة على إراحة اللاعب من مباراة موريتانيا". بمناسبة كابتن حسام و حضرتك تقيماتك بتكون موضعية و منطقية رايك بشكل عام في المنتخب و هل بيتم توظيف قدرات اللعبيبن بالشكل الافضل؟ و معلش هو حضرتك ممكن تعمل حلقة عن المنتخب لو طبعا وقتك يسمح او حابب اساسا الكلام عن منتخب 😄
ماك اليستر لاعب جيد بس مش سوبر ، ومينفعش يتحط جنب صلاح أو فان دايك او ارنولد علاوة ان ده تانى موسم ليه فى الفريق بس ، أما بالنسبة لصلاح برغم اعترافى بانخفاض مستواه بس لازال بالارقام هو أفضل لاعب فى الشق الهجومي للفريق
ارنولد اكتر واحد حاسه حيمشي و حيروح ريال مدريد الattitude بتاعة محسسني بكده ده غير صداقته مع بيلينجهام فأحتمال يكون عاوز تجربه جديدة. صلاح احتمال كبير يمشي بس بناته و مراته و هو حابين الأستقرار و الحياة في ليفربول و مدارس البنات و صحابهم فدي عوامل ممكن تخليه ينزل في طلباته شوية لو حس الدنيا بتقفل اوي. فان دايك احتمال كبير يجدد بس لو لقي الاتنين دول مش حيجددوا ممكن يغير رأية 😂 الملخص انا شايف ارنولد و صلاح برا و فان دايك مكمل
بالنسبالي اهم واحد لازم يتجدد له هو فان دايك مع احترامي لساليبا و كل مدافعين العالم ده مفيش زيه ارنولد ثانيا ولو اني اعتقد انه عاوز مرتب قد صلاح اما صلاح فلو يقبل يمدد بتلتين مرتبه يبقي تمام - يتبع
اختلف معاك بقي في موضوع الادارة- اتمني يجددوا طبعا - بس طقم الادارة ده اهم حاجه يظهر انه بيطلع فلوس و ميهموش الكوالتي و المنافسة-و اعتقادي انهم هيفشلوا في التجديد في اتنين منهم ان مكنش التلاته كلهم
@@AhmedReda-ri1ws ممكن من رأى يرجع لمستواه بس لما يدير دقايق لعبه ما بين النادى و المنتخب عن كده، لكن لو عاوز يلعب كل الماتشات زى زمان يبقى محتاج دورى أضعف بكثير من البريميرليج
التخبط الادارى دا فى فرقة الكرة مش هلوم فيه غير fsg الصراحة هما الحاطونا فى الموقف دا بسبب انهم وافقوا يدوا كلوب صلاحيات اكتر من اللازم ضروا المديؤين الرياضيين كلهم و الصفقات ونتايج الفرقة وحتى كلوب نفسه كمان, حتى لو هو اعظم مدرب فى العالم فى وقتها كان قرار غير موفق منهم
@@tareksalah8673 حط نفسك مكانهم، اطلع قول لكلوب بعد ما اخد اول دورى للفريق من ٣٠ سنة ب٩٩ نقطة و اخد الابطال الموسم اللى قبلها و هو مخلص الدورى ب٩٧ نقطة و كان فى نهائى الابطال الموسم اللى قبلها، لا يا عم الناس مش هنقدر نديك الصلاحيات ده اتكل على الله، ده الجمهور كان راح هد النادى فوق دماغهم
@@aymen8227 صلاح او فى نصف مستواه فهو مكسب كبير للنادي فنيا و جماهيريا، المشكلة من رأى انه حاليا و اكثر من مرة يقدم مستوى و لا حتى ربع مستواه الطبيعى؛ الشئ اللى لازم يخلى النادى و اى مشجع للنادى مش للاعب يعيد حساباته فى الشكل المناسب لاستمرار صلاح فى ليفربول
طب أنت شايف أي الصح إن صلاح يكمل ولا يمشي + مع أني شايف إن عقليته هتخليه يقدر يكمل ب الحده المطلوبه ويكونfit عطول وكانت اصابه واحده إللي اتصابها طول فترته معانا@@mhszl
@@marwanmohamed1601 و الله حسب ما صلاح يدير دقايقه الفترة اللى جاية، أدار دقايقة مع النادى و المنتخب بعقل طبعا يكمل، لكن هيلعب كل الدقايق مع النادى و المنتخب يبقى يروح بطولة اسهل
حتي في ظل سوء اداء لصلاح بيعرف يطلع بمساهمات غير اي لعيب تاني عندنا واللعيبه الي زي دي مش كتير يمكن كان اخرهم ميسي وكريستيانو اظن ان إدارة الليفر ممكن تجدد لصلاح بالمبلغ الي هو عايزه من منطلق انك بتتكلم مع ليجند للنادي والجمهور مش هيسكت لو صلاح مجددش عقده
@@marwanmohamed1601 يا صديقى و الله بتكلم على ماتشات البريميرليج و قولت ان بقى فى متغير واضح ان صلاح مش يقدم مستوى ثابت لما بيلعب ماتشين فى الاسبوع و قولت ان مستواه فى ماتشات الابطال و الكأس كانت معقوله لكن سيئة جدا فى البريميرليج اخر ٤ مباريات بالنسبالى صلاح هو احسن لاعب لعب لليفربول فى عهد البريميرليج و أهم لاعب للفرقة فى عهد البريميرليج بعد جيرارد، بس مفيش حاجة بتفضل على حالها ده سنة الحياة
" ارنولد بتصريحه الجديد انه لاعب محفز بالفوز بالبطولات وانه لايريد ان يكون اللاعب الذي كسب البطولات في عمر صغير فقط " هل يعني انه غير مقتنع في مستقبل النادي مع المدرب الجديد وشايف انه احتمال ضئيل بأن ليفربول يفوز في البطولات مجددا ، بصراحة تصريحه اعطاني الشك في الفريق انه رح يلعب من اجل المنافسة على البطولات هذا الموسم ، شو رأيي حضرتك؟
@@lilian-jy ما اظنش معناها كده خالص يا صديقى، اظن معنا ده انه معندهوش استعداد يعيش على البطولات اللى كسبها بالفعل و عاوز يكسب بطولات كثير ثانية فى مسيرته و النادى اللى هيكمل معاه مسيرته لازم يبقى بيضمنله ده
@@Ubeyde-wc8po وانا اقول لو ليفربول فكاره زى حضرتك كده يبقي عليه العوض فى الفرقة فان ديك اللى طلعين به السماء ده اخطائه قاتلة وتسبب فى ضياع بطولات وماتشات مهمة جدا على الفريق وبعدين انت لم تتعرض لسه لاختبار قوى فى الدورى ولا حتى فى دورى الابطال وستعرف قيمة صلاح عندما يذهب لان صلاح لايعوض انت العام الماضي عندما ذهب صلاح الى افريقيا ووجة ارسنال كنت لا تعرف تطلع بالكرة من منطقتك بسبب عدم وجود صلاح الذى تعمل له الفرق الف حساب حتى لو مش فى مستوى يبقي صلاح رعب اى فريق فى الدورى الانجليزى فان ديك هذا اضاع عليك المباراة بخطئ سازج جدا هو وأليسون ثم فريق ارسنال كان متقدم بكل صفوفه حتى المدافعين وعمل عليك ضغط عالى لانه مطمن جدا ان هجومك المرتد ضعيف فى عدم وجود صلاح
ارنولد مدافع سيء ممرر عظيم لكان تاسيره في الملعب شبه معدوم... اهم ٣ لعيبة صلاح فان ديك ماك اليستر و طبعا اليسون. شيل دول من الفريق هبقي فريق هزيل بوجود ارنولد من عدمه
@@ShadyMagdyNashed-cl2qx ارنولد هو اكثر لاعب فى ليفربول فى الأهداف المتوقع صناعتها ٢.٥٤ هدف ال xA و اكثر من صلاح فيها بكثير، اكثر لاعب بيصنع فرص فى ليفربول لكل مباراة ٢.٤ فرصة، اكثر لاعب صنع فرص كبيرة لليفربول ٥ فرص
وجهه نظر غير صحيحة انت شايف ان سيمينيو و مبويمو افضل من صلاح عشان الراجل اتصاب شهر و نص السنه اللي فاتت و مراجعتش سجل إصابات الاتنين ولا هبوط مستواهم بالشهور حتي وهما كويسين بدنيا
متحامل اوي علي صلاح و بتقارنه بشويه لعيبه مضحكه ؟!! و تقولي هيعوضو اي حد بيتحامل علي صلاح زيك هبعرف قيمته لما يمشي و ييجي واحد زي كوبو او اي اسم من المضحكين اللي ذكرتهم
متفهم نقطة التخوف من مستواي صلاح قدام ...بس انا مقتنع ان اي باك مهما بلغت اهميته قادر تعوضه ولاعب زي برادلي قادر يعوض غياب ارنولد والجاب مابينهم مش هيبقي كبير وده حصل الموسم اللي فات لما برادلي لعب والفريق متأثرش نهائيا وممكن العكس كان افضل وده اللي مش بيحصل في غياب صلاح او في انخفاض مستواه ونفس الكلام علي فاندايك ..الفريق كله بيتراجع وبيتأثر بانخفاض مستواهم انا حاسس ان اللي هيحصل ان ارنولد هيفكر يروح الريال لانه علي كلامه انه عاوز يكسب بطولات وده مش مضمون مع ليفربول وبعدها الادارة هتضطر تجدد لصلاح وفاندايك و غير كده تبقي كارثه للنادي ورائي الاسهل في التجديد بالترتيب هو فاندايك ثم صلاح ثم ارنولد
@@mhszl مش عارف بس مدريد تحديداً نادي مغري لاي لاعب الصراحة لانه اكيد هيقدمله عقد كويس ..ضامن أنه هيلعب والفريق محتاجه ..ال pr والدعم الإعلامي و الجماهيري اللي ممكن ياخده غير اي مكان تاني ..ف دي كلها مغريات صعب اي لاعب يرفضها حتي لو أنه ابن المدينه وكابتن النادي وفي الاخر هو مش هيروح نادي في انجلترا أو منافس للنادي برده والناس هتفضل تقدره وتحبه بس طبعا مش هتبقي بمكانه لاعب زي جيرارد ف هنشوف هو هيختار ايه
انا اسف بس محمد صلاح احسن لعيب في تاريخ ليفربول الحديث. فكرة ان المصريين عندهم دونية مستمرة و عدم دعم ولاد بلده دي حاجة فعلا غريبة. بدل ما نصبر علي صلاح شوية زي ما صبرنا علي فان ديك و ارنولد ... لا يمشي احسن بعد ما عمل ٨ مساهمات في الدوري 😂😂.. بجد انا كنت بحب اسمعك بس للاسف مفيش فايدة
انا سبق و قولت ان صلاح احسن لاعب فى تاريخ ليفربول الحديث زى ما كلوب احسن مدرب فى تاريخ ليفربول الحديث، بس هل معنى ده اننا نديله عقد مدى الحياة يعنى! و النبى بلاش جو اصل المصريين و مش المصريين انا ما شجعتش ليفربول علشان صلاح
@@mhszl محمد صلاح عمل ٨ مسهامات في ال دوري و ٢ في الchampions السنادي بس... و احنا بناقش مين مفروض يتجددلو صح ولا انا فاهمك غلت... قيمة محمد صلاح التسويقية في الشرق الأوسط عليا جدا و مزال اكتر لعيب بيبيع يبقي حضرتك شايف انو اقل في الأهمية ازاي؟؟!
@@mhszl لو بنتكلم بنفس مبدأ الرجوع من الإصابة. فان دايك و ارنولد إصابة اكتر بكتير اوي من صلاح و الناس كانت بتصبر عليهم كتير اوي في الموسم الفاتت. انا كل البقوله ان في حد فعلا يساهل يتجددلو هما صلاح و فان ديك. شكرا و اسف علي الإطالة
@@ShadyMagdyNashed-cl2qx ارنولد إصاباته اكثر بكثير بس اصغر من صلاح ب٦ سنين، و دايك باستثناء الرباط الصليبي اللى اتعرضله بسبب ضربه فى الملعب تقريبا ما شاء الله الراجل دايما ثابت بدنيا
انت متحامل اوى على صلاح وعمال تمدح فى فانديك وارنولد برغم ان فاندايك السنه اللى فاتت كان فى اسؤ حالاته وارنولد السنادى معملش حاجه تذكر اساسا ومستواه وحش ومش مركز وبرغم كده مازال صلاح بمستواه ده بالارقام افضل لاعب فى ليفربول وكمان اجهز واحد بدنيا اكتر حتى من الشباب الصغير
@@mohamedaly5194 مش متفق معاك، ارنولد الموسم ده مش وحش خالص و دايك تقريبا ما شاء الله فى قمة مستواه الموسم ده، صدقنى انا مش متحامل على صلاح و الوضع مختلف