حنا عدنا كي نزوجوا الطفلة ،غد منداك أي في اليوم الموالي مباشرة، نروحو لدارها نفطرو عندهم أي عند مالين العريس ونديو في يدينا سنيوات حلوة والفال يكون مالح وحلو اختياري المهم مندخلوش فارغين عليهم ،وبعد أسبوع على زواج البنت نعرضوها هي وناس دارها يفطرو ويستقهواو عدنا وكي يكونو خارجين نديرولهم كادوات رمزية تطرح المحبة بيناتنا كيما مثلا ، طرف قماش ولا ريحة ولا صابون،وهذا بخلاف الكادوات لي لازم تديهم العروسة في جهازها لناس دارها طبعا
انا متتبعة جديدة كي شتك بنت بلادي قلت والله غير ندخل نشوف عجبتيني الله يبارك انا ماخميس مليانة فكرتيني بيمات عرسي حنا ثان نديرو فطور للعروسة نهار الرابع ربي يهني بنتك ويفرحها بذرية الصالحة.🤲🤲🤲
احنا ثاني ندو الزيارة لعروسة انا من وهران نتمنى ليها الهناء و راحة البال يعني فطورها و ما بعد الزيارة نعرضوها نديرلها العشاء احنا كلنا جزائريين عندنا تقاليد وحدة
ربي يهني بنتك و يرزقها الذرية الصالحة . حبيت نقولك اختي انا جبت عروسة من عين دفلى بصح امها ما جابت لا فطور و لا عشاء من نهار العرس ما شفتش امها لحد الان .
اختي احنا نحينا هادي العادات ولينا ندو قاطو صبوحي بعد مكنا ندو فطور لعروسة باسكو كلشي غلا وناس كاين لي ماعندهاش الله غالب ومتحلقش وفي سبع ايام يدولها فطور مثلا الجاج ومعه رشة وخضرتها يعني فطورها مع راجلها فقط مش قاع عايلتو
ولنذكر بعضنا البعض لان الذكرى تنفع المؤمنين احتاطوا جيدا من الغاز تفقدوا المدفاءة وسخان الماء وكل شي له علاقة بالغاز واتركوا اماكن للتهوية جزاكم الله خيرا وان الله هو خير الحافظين
شفت قناتك بالصدفة . ولي جذبني ليها كي شفت من ولاية عين الدفلى .لانو انا اصلي من عين الدفلى ونسكن في الجزائر والله توحشنا لعراس هكا ماشاء الله ربي يهنيهم ويرزقهم الذرية الصالحة .
سلام ام اماني ربي يقدرك ان.شاء الله احنا في العاصمة نعرضو بنتنا وناس دارها في 14يوم جي لدارهم يفطروا وىشربو قهوة ويروحو واذا حبت العروسة تبات كان عرس ماشاء الله ولفطور تاع صباح العرس اهل العريس يعرضو اهل العروسة يفطرو ويشربو قهوة وتبقى كل واحد ولعادات وتقاليد تاعو ربي يهنيها ياااارب 😘😘
الله الله عليك يا ام اماني راكي فحلة وشرفتي ببنتك ان شاء الله ربي يعطيك طول لعمر وتفرحي لاولادك كامل عجبوني بزاااف تقاليدكم وشكرا لشاركتيهم معانا 👍👍🤗🤗💖💖💖
مبروك على بنتك ولعقوبة للذرية الصالحة احنا الشاوية في باتنة لعروسة لي تجي لدار باباها فالسابع اما لفطور نديوه في اليوم الثاني ( الصباحة ) بصح ذرك نديو قهوة متولة ونبينا صلينا عليه
الله الله على هذاك الفطور تسلم الايادي يا ام اماني بلغي سلامي لعروستنا وربي يهنيها والعقوبة نهنولها على اول مولود ووالله يبارك عليك نقلتي عادات المنطقة نتاعكم بكل روعة احلى سلام
سلام ام اماني والله تعودت على قناتك روتيناتك بالطبع والشان ويعطبك الصحة على فطور بنتك روعة ربي يهنيها و يعمر حجرها بالذرية الصالحة يارب و يفرحنا باولادنا جميعا والله نحبك ام اماني كأخت عزيزة وغالية مرحبا بك في قلوبنا
Tout d'abord bon rétablissement. Merci d'avoir partagé cette jolie vidéo avec nous. Votre fille doit beaucoup vous manquer ainsi qu'à ses frères et soeurs et à son papa. J'espère qu'elle n'habite pas très loin et que vous pourrez la voir souvent.😘😘😘
والله ياحنونتي غير ماكنت رايحة نعلق لكن على خاطر نحبك بزاف و تعجبيني و نلتمس فيك المراة المسلمة المؤمنة نقولك من ترك شيئا لله عوضه خيرا منه و الصحابة كانوا يتركوا الحلال خوفا من ان يقعوا في الحرام و احنا تبعنا بزاف البدع و نقولوا من بكري لالا حنونتي الناير عندو ابعاد و اعتقادات وثنية و مدخلين فيه الالهة و ربي ما عطاناش المطر لابتعادنا على الكتاب و السنة و من الاحسن مانديروش حبا لله خير ما نديروا و نقول عادة و خلي قناتك صدقة جارية فيها غير واش يرضي ربي و اسمحيلي على الاطالة
لاحبيبتي والله معلابالي واله عاي اعتقادي انا ملي سغيرا نفرحو بالحلو وهداك العشاء والله محوسب نعرف بلي كما راكي تقولي والله يختي الإنسان بديتو الحمد الله والله نعرف ديني ان الله ربي ومحمد صلي الله عليه وسلم حبيبتي ورسوله فداك ابي وامي واولادي ياحبيبي يارسول الله وشكرا ليك مرة ثانية😊😘😘😘😘😘
تبارك الله كل واحد وكفاش عداتو حنا فالغرب نسميوها الفقدة نروحو للعروسه بصح ندو كلش خضرندوالخضره طابق تع لحم غنمي زيتون وبرقوق القاطو الرقاق والليموناد حتى الخبز يعني عشا كامل وهوما يديرو لعشاونتعشو عندهم والله يهني كل عروسه ان شاء الله
الله الله على شاطرة ام اماني ربي بارك ويعطيك العافيه والصحة وشافيك ياختي شاهتني في الفطور كيما قتلك حنا في ولايتي نروح نطل على العروسة على15وندو معنا ا العشا بصح مشي طايب هما يطيب روحهم
احنا في الغرب بعد العرس بأسبوع ولا اسبوعين تروح ام العروس مع كاش حبابها الل تبغي تديهم معاها وتدي معاها مصروف كامل مكمل خروف مذبوح مع الخضرة و زيتون ولا رقاق وقاع واش يلزم للوليمة وطبعا كل واحد ومقدوره ماشي شرط خروف كامل لكن الاغلبية يديرو هاك وهذي تلعاظةة نسموها الفقدة جاية من تتفقد بنتها وهذاك المصروف اهل العريس يطيبوه ويعرضوا حتى هماا حبابهم وتكون لمة ما بين اهل العروسة والعريس في دار العريس ولا اهلوا