انا بورسعيديه بس حبيت اشوف الى مش بورسعيدى بيقول ايه البحر فى بورفؤاد تحفه احلى كتير من اى مكان . اماكن البحر الحلو فى بورسعيد عند نادى الصيد فى مكان للصخور تحفه بتشوفى القناه فى جنب والبحر فى جنب . كمان فى البحر بعيد عند منطقه الجميل هدوء ولسه متظبت جديد فى كافيهات وفى مكان خاص بنقابه المهندسين حلو . فاتكم الاماكن السياحيه فى المتحف الحربى فى الكتادرائيه فى مسجد لطفى شباره فى شويه كنايس هتشفوها من بره ممنوع الدخول وفى مكان للاسف البورسعيديه نفسهم مش مكتشفينه هى مقابر الكومونويلث اتمنلكم زياره تانيه
شكرا علي هذا العرض الرائع و إظهار بلدنا الغالية بورسعيد في هذا المظهر الجميل ، السمك الي حضرتك نسيتي إسمه و سعر الكيلو 90 جنيه ده غالبا سمك الدنيس له ثلاث مصادر من قناة السويس (دينيس الكنال) و ده أحلي واحد او من بحيرة البردويل او المزارع ... شارع الثلاثيني هو فعلا أكثر شوارع بوسعيد إزدحام إسمه الرسمي شارع سعد زغلول ، التجاري شا رع أخر موازي ... بالنسبة لتاريخ صلاحية الشيكولاته في العروض بيكون من شهرين لستة شهور مفيش حد بيبيع حاجة منتهية الصلاحية ... فيه أكلة من الاكلات المميزة في بورسعيد غير التمرية و الزلابية إسمها سمنية دي بتتاكل من غير سكر لانها مسكرة يفضل انها تتاكل سخنة ، فيه كمان محلات اللبن الحليب و الزبادي بتقدم خدمة مش موجودة في اي حته في مصر ممكن الواحد ياخد شوب لبن حليب سخن مع قطعة كيك او أصابع البقصمات سعر الخدمة لا يتجاوز ال 10 جنيه غير ان طعم اللبن الحليب في بورسعيد أحلي من أي مكان في مصر و مش هاقول السر ....السفية في الدقيقة 12:00 في الفيديو ليست ناقلة بترول ، سفيتة شحن كونتينر صغيرة ...العيش في بورسعيد شامي او فينو متميز عن اي مدينة في مصر ... بالنسبة للبحر لونه غامق بسبب طبيعة الرملة في منطقة بورسعيد كانت زمان فيه ترسيبات من طمي النيل في الازمنة القديمة (فرع النيل البيلوزي و فرع دمياط) مختلطة مع رمال البحر دي اللي بتدي اللون الغامق ، الريحة اللي موجودة في الهوا ريحة اليود و ده صحي للغدة الدرقية ، بالنسبة لقناديل البحر بتيجي شاطيء بورسعيد في شهري 7 و 8 زي اي شاطيء في مصر ، كثافتها بتكون عالية شوية بسبب عمليات صيد السمك علي الشاطيء ، إنصحك سعادتك انك تشاهدي منظر صيد السمك و سحب الشباك علي شاطىء الاسرار (شاطيء بورسعيد)، و كمان أنصح بزيارة بورسعيد في الشتاء في غير اوقات النوات البلد بتكون أجمل و جوها دافي .... في النهاية شكرا علي العرض الرائع
مساء الخير عليكم جميعا اولا ميرسي جدا علي كل كلامكم الجميل المشجع اسعدتوني واللي انضموا للقناة نورتوني ثانيا بعتذر مش عارفة ارد علي كل التعليقات لعطل عندي فحبيت اوضح دة لاني بهتم ارد علي كل واحد معلق ثالثا سؤال الفندق هو اتكرر انا نزلت في دي لابوست بالجمهورية ب500للفردين بالافطار غرفة مكيفة بالحمام مستواة بسيط بس ماشي حالة يعني فيما عدا الرسيبشن سئ فممكن كمان في بورسعيدية كتير مرشحين فنادق فخدوا الاسماء وطلعوا صور ليهم وقارنوها واختاروا الانسب ولكم حرية الاختيار اكلة السمك انا كلت في السوق نفسة ودة فية كل الانواع والاسعار البجعة 😂 قالولي متواجدة في الاماكن اللي فيها سمك للنضافة والله اعلم😊 وانا جايلكم تاني وهروح اماكن تانية ان شاء الله وهصورها بردوة ❤واي حد عندة سؤال نجمعهم في الكومنت دة وهجاوب من عنية علي الكل وشكرا ليكم جميعا ❤
انا بشكر حضرتك عن التقرير الجميل والرائع دا عن بلدي بورسعيد. وطبعا بورسعيد لسه فيها حاجات جميله أكتر من كدا بكتير بس انا كنت عايز اصحح لحضرتك حاجتين 1- شارع التلاتيني مش هو شارع التجاري شارع التجاري هو الشارع الموازي لشارع التلاتيني ودا شارع كله محلات ملابس ومفيش عربيات بتمشي فيه ويليه شارع الحميدي و يليهم شارع الشرقيه 2- اسمها تمريه وزلابيه وسمنيه حضرتك قولتي طمريه. وبخصوص القناديل في البحر دي بتيجي في البحر في شهر 7 و 8 ودا للتوضيح مش أكتر بس شكرا شكرا شكرا لحضرتك وبجد شرفتينا وحبيبتيني في بلدي بورسعيد.
انا احمد من بورسعيد علي فكره البحر حضرتك ممكن تنزليه بس في شهر معين مش هتلاقي كل اللي انتي بتقوليه ده الشهر ده هوا اول 9 وده الميه بتكون نظيفه مفيش قنديل الميه ملهاش ريحه وبتكون ريقه ووقتها ممكن تشوفي الصيدين اللي بيحدوا من علي الشط او بيسطادوا وتشتري منهم السمك بسعر رخيص وطازه
أشكرك من كل قلبي .. الفيديو أكثر من رائع من ناحية العرض والتصوير والشرح والصوت الجميل .. بالإضافة لأنك رجعتي بي لذكريات الطفولة والشباب لأن التصوير ظهر به بيتي الذي نشأت وتربيت فيه .. بورسعيد بلدي
وللتوضيح.. لون بحر بورسعيد الغامق مش بسبب السفن نهائي والا كانت السويس والسخنة نفس الموضوع.. سبب اللون الغامق لبحر بورسعيد ان مصب النيل في راس البر يبعد عن بورسعيد ٣٥ كيلو غرب بورسعيد او شمال غرب للدقة والتيار البحري بييجي من الغرب للشرق فكان ايام فيضان النيل قبل السد العالي بيرمي في البحر كل سنة كمية طمي هائلة كانت السبب في لون التربة الغامق وأقل شوية موج بيقلبوا التربة لان حبيبات الطين دقيقة جدا جدا عن الرمل وبتثار بشكل أعلى من أقل حركة.. دا غير أن بورسعيد زمان كانت واقعة بين فرعين رئيسين للنيل.. فرع دمياط بتاع راس البر الموجود حاليا غرب بورسعيد والفرع البيلوزي الي كان بيعدي على الشرقية ويصب في شمال سينا في منطقة بالوظة حاليا والفرع دا اندثر من مئات السنين او آلاف السنين مخلفا ما يعرف اليوم بمنطقة سهل الطينة حوالين بورسعيد من الجنوب والشرق.. دا للتوضيح. عشان كتير فاكرين ان بحر بورسعيد ملوث .. بالعكس تماما بل المعروف ان افضل مرعى سمكي وانضف سمك وكائنات بحرية في مصر اللي بيعيش في المنطقة من بورسعيد للبردويل شرقا لزيادة المغذيات وخصوبة المرعى البحري في المنطقة دي..
يا ابنى النيل ماطغاش ع البحر لان ربنا سبحانة ونعالى قال وهو الذى مرج البحرين هذا عذب فرات وهذا ملح اجاج وجعل بينهما برزخا لا يبغيان وحجرا محجورا سور الفرقان الاية 53 ولورحت راس البر فى مكان اسمة تقريبا اللسان لو دقت المية حتس العزب والمالح يابنى دا فية علماء بحار وجيلوجيا اسلمو بسبب هذا لان لما عرفو بينقلو المعلومة لعالم مسلم على انة اكتشاف فال لهم موجودة فى القران من 1200 سنة و فى بحر فى اوروبا وفى بحر العرب ايضا
وبعدين اللى طغى على البحر المتوسط عندنا البحر الاحمر عن طريق قناة السويس وشكرا ياابنى وبعدين انتى عارف شارع السواحل لية اسمة كدة لان كان اساحل بتاع البحر وشوف المد والجزر عمل اية دى بورسعيد على مية سبحان الله
انا بورسعيديه واتفرجت على الفيديو وبقولك الفيديو تحفه شكرا ليكى وشرفتينا بزيارتك وكلامك الحلو وكل الى قلتيه صح بس موضوع قناديل البحر دا مش دايما دا شهر واحد بس ف السنه انما باقى السنه تقدرى تنزلى المايه وتكون حلوه جدا وفى اماكن كتير لسه مروحتيهاش المره الجايه تعالى اقعدى اكتر وهتشوفى اماكن واسواق جميله كتير
شرفتي بورسعيد وشكراً على زوقك واحترامك تجاه بلدى الحبيبة💚 1- شارع التجارى هو الموازى لشارع التلاتينى حضرتك عديتى على بدايته وانتى رايحه سوق السمك فى الدقيقة 3:04 عند محل (الزينى) 2- اسم السمك اللى كان فى الطاوله ابو ديل اصفر (باغة) فى الدقيقة 5:32 3- مياة البحر كويسة جداً ماعدا شهر واحد فقط أغسطس وهو موسم القناديل بعد كده بيختفوا والناس تنزل بكل آمان " انا عن نفسى مش ممكن انزل البحر فى هذا الشهر " 🌷المهم حضرتك شرفتينا ونورتينا واتمنى تكررى الزيارة وتصورى فى بورفؤاد هتعجبك جدا وشاطئ بورفؤاد جميل جداً🌷
جولة جميلة تشبه جولات ناس عملتها فى تركيا او دول اسيوية ودخلوا اسواق واكلوا من اكل الباىعين فى الشارع روعة صراحة انا حبيت البلد دى قوى فيها عبق التاريخ والعمارت الاثرية جميلة قوى برافو عليكى شجعتى السياحة فيها
الاخت العزيزه اماني عبدالعزيز المحترمه ربنا يحفظك ويديكي الصحه والعافيه والتوفيق والنجاح الف شكر لكي على هذا الجهد عن مدينة بورسعيد وشكرا لكي على الجهد والاهتمام اللذي عملتيه وندعو لكي بالتوفيق دايما ان شاء الله والى مصر الحبيبه وأهلها الطيبين الكرماء اخوكي من السعودية محمد الدوسري
اجمل واحلا فديو شفته ممتاز والله امنيت حياتي أزور مصر الكنانه وازور كل مدن مصر خاصة بورسعيد وبورتوفيق والسويس وشرم الشيخ عاشت مصر اخوكم من اليمن وشكرا خاص على هذا الفيديو. الجميل والرائع
يااااااااااااااااه بورسعيد صراحة ليها معزة خاصة فى قلبى قضيت فيها سنة كانت حلوة جدا 2003/2004 طرح البحر والتفريعة و الممشى السياحى مينا الركاب والتجارى والامين والزهورو المناخ و المعاشات وابوبكر الصديق و فيلل الهيئة الى فى بورفؤاد وشجر المنجا الى في الفلل والسينما الى كانت 3 افلام ب 10 جنيه و مطعم زرمبة الى كان فى بورفؤاد قصاد المعدية وجنبو معصرة قصب نضرب السندوتشات الميكس المتينة و نحبس بعصير القصب ونروح ---- انا كنت هناك وكان لسة قريه الكناريا وقرية اللوتس تحت الانشاء ----- ان شاء الله نزورها قريب
برافو عليكى جولة ممتازة انتى صاحبة مزاج وبتحبى الاكلة الحلوة السمك طبعا والايس كريم كنا بنروحها والله ونبات ليلة لكن كسلنا لما الولاد كبروا وبور فؤاد جميلة قوى وبورسعيد كلها راقيين قوى وبلد نظيفة ولاحظت فيها كافيهات كتير جدا ومطاعم السمك روعة الصراحة
كنتي روحي عند جواهر البن على طرح البحر فاتك حاجات كتير محلات ومطاعم وجواهر البن بيفتح من بدري وعندوا كل حاجه فطار غدا عشا جميع انواع المشروبات والحلويات
نورتينا وشرفتينا وفعلا التلاتيني ده شارع حيوي جدا واسمه الاصلي ش سعد زغلول وده غير شارع التجاري التجاري موازي للتلاتيني وفي الحميدي كمان موازي للتجاري والتلاتيني وبورسعيد برضه معروفه بالسمنيه دي بتبقى حاجه كده جميله جدا ومسكره وان شاء الله لما تنورينا تاني في مول اسمه هوليوود ده مول جديد وجميل وفيه كافيهات جميله والعاب للاطفال وفي برضه ستايل سكوير ده كافيهات اكل ومشروبات وملاهي للاطفال وفالشارع هتلاقي عربيات صغيره فيها شباب بتبيع شاي او قهوه ونسكافيه وعصاير واكل . وكل حاجه ربنا يعينهم يارب ويوسع رزقهم واخيرا كان في فندق قدام اللي ديلابوست اسمه هوليداي وفي ريستا وفي هلنان وكل مره وحضرتك طيبه وبخير ونورتينا مره تانيه ❤️❤️
تسلمي علي الفيديو اللطيف ،،،،علي فكرة انا كنت في بور سعيد قريب وانبسطت جدا هناك وماكنتش عايزة اروح ،،،بلد جميلة ونظيفة واهلها طيبين بس مالحقتش اكتشفها ،،،عايزة حد يقلي علي اسماك مطاعم اسماك محترمة انا اكلت مرة في البرج معقول ،وعايزة حد يقلي علي اسماء فنادق نظيفة
اشكرك على الفيديو الجميل الشامل، بورسعيد بلد جدى، ووالدى، رحمهما الله، وهى أكثر البلاد التى كافحت فى الحروب ضد الغزاة فى ١٩٥٦، ١٩٦٧، ١٩٧٣، وهى المدينة الباسلة بكل ما تحمل الكلمة من معانى. اهل بورسعيد عاشوا مع الفرنسيين منذ إنشاء قناة السويس وتعلموا منهم الاخلاقيات العالية فى التعامل مع الناس، وبورسعيد قائمة على التجارة منذ اكثر من مائتي عام. أتمنى ان تهتم الدولة بمدينة بورسعيد وكذلك بورفؤاد من حيث بناء المنتجعات السياحية، والبنية التحتية، والمشاريع الاستثمارية الكبرى لانها رقعة جميلة من ارض مصر المحروسة، ولأنها تتوسط العالم جغرافيًا وبها مبنى هيئة قناة السويس، وهو عالمى وتاريخى فى نفس الوقت، وشاهد على عظمة مصر عبر التاريخ !
أتفق معاك واختلف معك انت قلت ان الفرنسيين هم سبب أخلاق بور سعيد ونسيت أن المسلم هوا أخلاقه ساميه قال رسولنا الصادق الأمين جيت لاتمم مكارم الأخلاق أو كما قال صلى الله عليه وسلم
بالنسبة للإقامة فهناك مستويات متعددة تبدأ فى هلنان بحوالي ١٦٨٠ جنيه / الليلة وبعدين رستا ها يقل حوالى ٣٠٠ جنيه وبعدين بانوراما ثم نيو كونتيننتال وقرى على البحر مثل النورس ....الاكل بعض المحلات غالية مثل الكاستن اسماك وعبده كفته مشويات ولكن فى اسعار اقل ونفس الجودة مثل عالم البحار أسماك فى البازار برام وحمام مشويات فى ستايل سكوير
فلوج تحفة تحفة تحفة محتوى عالى جدا الكلام ماشى مع الفيديو اسلوب رائع اخراج هايل هايل.👍👍 كل الفيديو ١٠ على ١٠ على ١٠.👍👍👍 اشتركت عندك لان انتى من الناس المحترمة اللى محتواها محترم وعالى. اشكرك على الشغل دا تسلم ايديك.
حبيبتى تسلمى ويسلم ذوقك ياريت كلنا نوضح لبعض جمال بلدنا ومحافظتها الجميله وخصوصا صاحبه التاريخ الرجوله السبات الكرامه المدينه الباسله حفظ الله مصر وأولدها الطيبين أمثالك
الحلو بالفیدیو بساطه الشرح بس البلد حلوه تستاهل الواحد یزورها انا مو من مصر بس لو كان عندك مشوار بالاحياء القاهره اعملي فيديو و احياء الشعبيه و الراقيه شكرا
احلى مدينه في الدنيا كلها مدينتي الباسله بورسعيد الحبيبه وحشتيني اوي ميرسي يا قمررررر استمتعت بكل لقطه في الفيديو 😘😘 مستنيه فديو بورفؤاد بفارغ الصبر😍 بلدي الحبيب ومسقط رأسي وذكرياتي الجميلة💞💞
نورتي بورسعيد ياقمر 😍♥️ اولا السمك اللي كان عالطاوله ومعرفتيش اسمه ده اسمه صيجان ( الفضي ابو ديل اصفر ).. ثانيا شارع التلاتيني مش هو التجاري شارع التجاري موازي لشارع التلاتيني من جوه السوق ويليه الحميدي وبعدين الشرقية.. ويارب متكونش آخر زياره وتيجوا تنورونا دايما 🌹🌹💕
على فكرة بورسعيد بتحلو يوم عن يوم وفعلاً شارع الجمهورية شارع للملابس الراقية وانا توقعت حضرتك هتتكلمي عن محل فتح الله للعطور ومستحضرات التجميل الأصلية لانه محل مشهور وأسعاره حلوة
