اشرح ف هذا الفيديو كل فنيات صيد المصران مع شرح طريقه تطعيم المصران بالنظام المجوز تمنياتي بمشاهده ممتعه ومفيده تقديم اخوكم محمد السيد محمد ( صائد الأسماك )
انا بصتطاد قرموط وعيش فقط .......وانت كفيت ووفيت بالشرح وعلي فكرة انا صياد قديم جدااا جدا في صيد القرموط ....بس مش بحب اصور سمك ......اكبر حجم جبته كان 37كيلو ويعدي ...من أكثر من 13سنة
برنس وربنا افضل حلقه سمعتها عن صيد القرموط من زمان وانا عاوز اشوف الاكل بتاعو بيبدا من امتي بالظبط والحمد لله قدرت يااستاذنا تعرفنا كل شئ عن اكله كا مصران او طعم بياكل ده وده يامحمد بياكل بليل بردو
انا من متابعينك ومشترك في قناتك..ولي رجاء توقف الشرح أثناء الاذان وتدعوا للصلاه لأنك قدوه لناس كتير بيشوفوك..وانت انسان محترم. وشرحك جميل .وكمان بس تكون بالصيد..بيكون فيه ماء كتير للوضوء..وان شاء الله ربنا هيكرمك ويرزقك
الاخ المحترم محمد السيد تحياتى لك وكل متبعينك انا متابعك من فتره انا من هواة الصيد البرى ولكن بعد ما تبعتك حببتنى فى صيد السمك الله ينور عليك وبالتوفيق ديما ان شاء الله وكل عام وانتم بخير
بيتهيألي يا استاذ محمد ان الفيديو ده من أهم الفيديوهات في القناه بتاعتك ( صيادين مصر ) و خيركم من تعلم العلم و علمه و ان شاء الله هايرزقك بالتوفيق ان شاء الله
يا محمد يا سيد انزل على الخلجان فى الجعفرية و اصطاد بضفادع الخضرا هتجيب قرموط محمل الميه الوسعه قليل لما تجيب قرموط الا اذا خضرت ليه الدور من الصبح و تنزل عليه بالليل. افضل وقت للقرموط تنزل بيه بالليل
جزاك الله خيرا شيخ الصيادين محمد باشا .. بس اتأخرت علينا فى فيديو صيد القراميط لهذا الموسم .. الموسم يعتبر انتهى .. الرجاء توضيح أيهما أفضل لصيد القرموط ؟؟ صيد الوش ولا صيد الغماز ؟؟ وشكرا
جزاك الله خير بصراحه شرح ممتاز جدا بس اانا ديما اصداد بطريقه العاديه وعمرى ما قلبت المصران والحمدلله اوزان من ٢ وانت طالع البلاشون والبنى طلعت منهما كتير لسه من اسبوع مطلع بلاشونه ٤الا تمن لانى مبطلعش الا كل جمعة لو اعرف ابعت الصور هبعتها انا بصداد فى بحر ابو الاخضر وفي بحر مويس بمنيا القمح
انتا معلم ومحترف ومحترم جدا الله يباركلك بس عندي ملحوظه انا بعمل خيط الرمال نايلوون وفيه ناس بتسمية حرير انا بفضل دة علشان ساعات بيوقع قرموط كبير بتعز تدوخه الأول انتا فاهم فابياخد وقت الشعر العادى ممكن القرموط الكبير يقرضه اما النايلوون ميعرفش عمره يقطعه وشكرا ليك يا برنس طولت عليك
والله يا ابو عبدو انت علم ومن ساعة مابقيت اتابعك وانا حاسس اني بقيت صياد صح وفاهم الاول كنت علي قديم خالص بداءي جدا الله يباركلك بجد انا اول مرة اصطاد تشميط بس مش عارف ازاي اعرف اني لطشط سمكة من قوة الشنط الستار بلاقية مفتوح او مكسور دلني عالصح زى عوايدك