ايه ال sequences اللي ممكن اعملها لو ملتزموش ب rule معين .. خصوصا لو في مدرسة مش بتدي مساحة للمدرس يعمل اي حاجة عشان بيخافو من أولياء الأمور ..يعني ممنوع حتي نكتب للطالب do your Home work.
نصائح ممتاذة بس للاسف فى طلبة بترفض التعليمات كمثال حاولت اغير اماكن الطلبة رفضو تماما اتكلت بهدوء وبالزوق وبجدية برضه فاضريت اعاقب واوقف لغاية مندهت الاخصائى عملت تحفيز مش مهتمين قولت مثلا هقولكم درجاتكم فى اخر الحصة وساعدونى اخلص الدرس انتظمو لمدة 10 دقايق وهاصو تانى وقالو خلاص مش عايزينها معرفش الطلبة العندى صعبين ولا العيب عندى خاصة ان انا فى مدرسة خاصة مرحلة اعدادى واغلبهم ميعرفوش ال حروف حتى وضايعين ومش متأسسين ومنطقة قرويه
انا معلم جديد وبعاني من ضبط الصف لاني بدرس لأطفال في المرحلة الابتدائية وقبل كدا كنت متعود أدرس كورسات لطلاب جامعات. أظن أني ما وفقت في خلق الانطباع الأول عند الطلاب أرجو النصيحة لاسترجاع امكانية خلق علاقة جيدة مع الطلاب.
لو سمحت معايا زميله ف المدرسه اكبر منى كتير ف السن ومش بتعرف تتحكم ف الفصل خالص ولا تسيطر على الاولاد وهى طيبه جدا وبتتعب ف الشرح جدا بحس ان هيجرالها حاجه من الاولاد وشقاوتهم .. نفسى انصحها بس محرجه اوى مش عارفه اقولها ايه وكمان صعب انها تكون شخصيه جديده قدام الاولاد وتسترد احترامها .. تنصحنى بإيه حضرتك وربنا يجازيك كل خير
ضبط الفصل بيكون من اول يوم و الانطباعات الاولي مهمة جدا. و اذا فقد المدرس هيبته خصوصا في الايام الاولي صعب استرجاعها. ضبط الفصل مش مجرد شرح حلو لانه في النهاية مجهود علي الفاضي طالما الطلاب مش مشدودين و مركزين مع المدرس و المحتوي الي بيدرسه. عشان كده خليها تقرأ اكتر عن تكنيكس ادارة الفصل و تنظيمه. و تحفيز الطلبة و تقسيمهم مجموعات و استخدام الثواب و العقاب الايجابي. لازم تغير طريقتها بالكامل عشان الاطفال يبدءوا يستجيبوا.