والله لو ذهب لليونايتد افضل مانعطي الوكيل 15 مليون تراه سعر لاعب اخر، كما انه يفتح باب لأسعار جنونية في المستقبل، و الوكيل يتحدى الادارة وكأنه شرف للميلان التوقيع من اللاعب ليس العكس!!
من ناحية التغيير فالواضح بأن هذا الصيف هناك تغيير قوي قادم لليوفي ويذكرني في اليوفي سنة ٢٠١١ والانتدابات الشابة القوية وقدوم مدير رياضي جديد "ماروتا" ومدرب مغمور "كونتي".. يبدولي التاريخ يعيد نفسه
زيركزي طوال الموسم مسجل 12 هدف هل هذا يستحق 40 مليون وكمان 15 مليون عمولة طبعاً مستحل الخيارات البديلة كلهما كانت افضل تهديفياً اقل واحد مسجل 25 هدف في الموسم الماضي
اتفق معاك من حيث الارقام التهديفية والرقم المطلوب مايقنع اي مشجع للنادي.. ولكن السؤال هل النادي يرغب في لاعب يلعب كمهاجم وهمي يساعد الاجنحة وصانعي اللعب او يرغب بمهاجم هداف داخل الصندوق جيرو لاعب صندوق هداف الوحيد في اخر عشرة سنين اللي نجح مع الميلان والسبب لانه لاعب خبرة دولي وهداف من طراز عالي مثله مثل ابراهيموفيتش. اما الباقين من بعد انزاقي فكانوا فشل ورا فشل موضوع المهاجم الهداف الشاب وبوجود الاجنحة اللي عندك اتوقع ماراح يقدر يكون هداف وبالتحديد في الدوري الايطالي.. اما مهاجم وهمي ربما يكون اقل الضرر في حال كان لاعب شاب
ههههه المقصود ياعزيزي في الرئيس لأنه بعد تحقيق الدوري وعند طلب اللاعب بتعديل راتبه "مليون ونص يورو راتبه" نظير المستوى رد دي لورانتيس كان وقح وقاله عقدك ساري وماافكر ارفع راتبك وهذي من الاشياء اللي خلت كفارا الموسم الماضي مستواه يكون سيء واللي الان يخليه يرغب بالخروج من النادي هذا الصيف بسبب الرئيس مااحترمه وبالمقابل الان الرئيس يتودد له ويرغب بتقديم ٤ مليون يورو ولكن اتوقع كفارا الموضوع عنده منتهي ولايرغب في الاستمرار بعد اللي حصل معاه
