ذكريات و ارشيف اهداف نادرة و مباريات قديمة فى كرة القدم المصرية محلية و دولية و افريقية و عربية و كرة عالمية و الاهلى و الزمالك و منتخب مصر الستينات و السبعينات و الثمانينات و التسعينات والالفينات لكل نجوم الكرة فى مصر و الوطن العربى
هو ده الفريق اللي تقريبا الاهلي قلعه الفانلة الصفرا ولبسه الاحمر. لولا كده كان زمان كل بطولات افريقيا والدوري اللي اخدها الاهلي في السنين دي من نصيب الاسماعيلي. الاهلي فعليا فضى الاسماعيلي عشان يعرف يكسب
دايما بيقولوا ان اجمل مباراة هى مباراة الاهلى والاسماعيلى 4-4 لكن انا دايما رأيي ان المباراة دى 4 -3 للاسماعيلى هى اجمل مباراة شوفتها فى حياتى فى الدورى المصرى ومع انى اهلاوى بس دايما بميل للكورة الحلوة والاسماعيلى فى الفترة دى كان فعلا برازيل مصر زى ما بيقولوا عليه كان احلى لعب واداء وفنيات وشوف الاسماء اللى كانت فيه واللى اغلبهم حقق بطولات مع الاهلى فيما بعد حتى المدير الفنى كان محسن صالح اللى هو ابن الاهلى اساسا وحاليا فى اللجنة الفنية فى الاهلى والجيل ده اخد الدورى مع الاسماعيلى تقريبا 2002 بس كان مشى بيبو واوتاكا وتسلم ع الفيديو يا استاذ شريف
النادي الاسماعيلي مصنع نجوم الكرة المصرية .. خالد بيبو, عماد النحاس, محمد بركات, اسلام الشاطر, احمد فتحي, سيد معوض, محمد عبد الله, شريف عبد الفضيل, احمد حسن, عبد الله السعيد.
والله المباراة دى اللى يفهمها بس جمهور الأهلى الحقيقى اللى يعرف يعنى ايه يكون اسم الاهلى واللى مؤمن بمقولة الاهلى بمن حضر واللى لعب بكبرياء فعلا كابتن محمود بكر أشار اليه ... لو نراجع ظروف الماتش نلاقى ان الجيل ده من الاهلى كان متواضع المستوى أما جيل الاسماعيلى فكان أفضل جيل فى تاريخه ولاعبين من أفضل اللاعبين فى تاريخ الدورى سواء بركات ولا بيبو ولا اوتاكا وغيره وغيره والاستاد مليان والاسماعيلى واخد ركلة جزاء ومتقدم بالهدف الثانى من خطأ يوسف يعقوب الساذج وبرضه الهدف الثالث من يعقوب ويتقدم الاسماعيلى كمان بالثالث ورغم كل العوامل دى لاعيبة الاهلى البسيطة حطت لاعيبة الاسماعيلى الرهيبة فى نص ملعبهم وأجبرتهم على تلقى اللعب واللعب على المرتدة وكمان يتعادلوا ويحطوا ثلاثة اهداف فى نص شوط ... نفسى أى حد قبل ما يعترض على كلامى يستعمل عقله شوية ويبعد عن العاطفة ويفكر فى الكلام ..احنا بنقول الاسماعيلى أفضل وكل العوامل معاه من أرض وجمهور وفريق الاهلى معندوش حاجه لا مهارات لاعبين ولا جمهور ولا أرض ولا أى شئ الا ان اسمه الاهلى .. مجرد ان اسم الفرقة الاهلى ده ليه دور كبير جدا ..الاهلى اتقدم على الاسماعيلى فى مبارتين بأربعة أهداف ومنهم المباراة الفاصلة ورجع الاسماعيلى بثلاثة أهداف وجمهور الاهلى قبل أى جمهور تانى قام بتحية الاسماعيلى لأننا فاهمين معنى اللى حصل ومعنى الاصرار والكبرياء إنما لما الاهلى كان فى نفس موقف الاسماعيلى أو أقوى كمان لأن الاهلى رجع للتعادل مش مجرد قام بتضييق الفارق ومع ذلك تلاقى الناس فاكره أى شئ عمله الاسماعيلى ومش جايبه أى شئ من المعانى اللى تخص الاهلى
كلامك فى نسبة كبيرة من الصح ولكن لاتنسى الدعم المادى والاعلامى الكبير الذى يتلقاه الاهلى ومنظومة ادارة الكرة تحت امر الاهلى والزمالك مع ضعف ذلك كله تجاه الاسماعيلى هو ما يؤثر فى قوة الاهلى الدائمة وبمن حضر مثلما قلت ولو ان الاسماعيلى لديه الامكانيات التى تجعله يحافظ على لاعبيه كان زمانه فى منطقة تانية .. تحياااتى
@TEST Testen vor 5 Jahren TEST vor 5 Jahren أسماء كبيرة طبعا لكن كمستويات فى الفترة دى كانت تعتبر متواضعه ابراهيم سعيد كان لسه طالع والماتش ده تحديدا واداؤه وحماسه خلى الناس تحبه الحضرى برضه كان فى وجهة نظر الجميع واولهم جمهور الاسماعيلى خرم كبير وزبون اوتاكا ! محمد فاروق انا كنت بحبه وكنت بشوف أنه مظلوم لعدم المشاركة إنما اساسا مكنش نجم وكان دكه على طول هادى خشبه كان مخلص كوره ومستواه اصبح أقل من المتواضع واساسا كنا بنلاعبه ليبرو مع انه لاعب وسط وده مركزه اللى اتعرف من خلاله وأبدع فى الأيام الخوالى .
لازلت أتذكر محمد بركات أعتقد عام 1993 حينما هبط نادي السكة وكان في السابعة عشر من عمره حيث استضافه برنامج الكاميرا في الملعب وكان يرتدي فردة حذاء في قدمه و الأخرى يمسكها في يده بعد انتهاء آخر مباراه في الدوري وسأله مقدم البرنامج بعد هبوط السكة ستذهب للنادي الأهلي أم الزمالك لكنه رد سأستمر مع نادي السكة حتى نصعد مرة أخرى لكن نادي السكة لم يصعد بعدها حتى الآن إلى أن قام نادي الأسماعيلي بشراءه بعد خمس سنوات في دوري المظاليم وأنا أعتقد أن بركات أضاع هذه السنوات بعدم الأنتقال لنادي بالدوري الممتاز
لولا هذا الجيش من أمهر اللاعيبه في النادي الإسماعيلي والذي اشتراه النادي الأهلي لما استطاع الاهلي الحصول على أي بطولة بسبب هؤلاء اللاعبين، الإسماعيلي كان أقوى الفرق المصريه في تلك الفترة.
ده على اساس ان قبل اللاعيبة دى الأهلى كان نادى درجة تانية ومكانش اكتر بطولات فى مصر بالضعف عن الأندية كلها مع بعض ولا كان نادى القرن ولا كان عنده اكتر بطولات فى أفريقيا ولا كان كسبان الاسماعيلى فى الإسماعيلية بالتمانية وبالستة ....صح ؟
@@egitobrasilviagens9174 يا اخ لازم تعرف ان مباراة السته صفر اللي بتتكلم عنها دي اللاعب بركات جايب تلاته لوحده منهم، الجيل الذهبي للأهلي كان أغلبه من لاعيبة الإسماعيلي ودول كتير، وبنفس اللاعيبه الإسماعيلي كان دايماً يفوز ع الاهلي بالأربعة سواء في الدوري أو كأس مصر، اغلب الفريق اللي كان بيدربه جوزيه كان من الإسماعيلي لحد الان الاهلي بيستورد اللاعيبه من الإسماعيلي وآخرهم محاولات الاهلي لخطف اللاعب باهر المحمدي وادخل على الجوجل وشوف بنفسك.
@@MohammedHussain-th4sx شكلك لسه صغير بقى ...المهم انا مالى ببركات ..انا بتكلم على الستة بتوع ابوالدهب ومشير وكمونة ووليد صلاح ....ماهو فى مرتين ستة ومرة تمانية ومرات اربعة وموضوع كبير اوى سعاتك
مافيش تجريف ولا حاجة بلاش نكدب الكدبة و نصدقها اللاعيبه دى كلها مشيت بمزاجها و كانوا عاوزين الاهلي الاهلي اشتراهم زى ما الاسماعيلي كان اشتراهم من اندية اخرى لو الاسماعيلي معاه فلوس كانوا قعدوا
@@SherifShafey لا دي حقيقه مش كذبه ولا حاجه وفوارق القوي الماليه ووقوف أكبر وكاله اعلانيه في الشرق الأوسط وكاله الأهرام بكل مالها مع الأحمر ....ياسيدي فين فرق المحافظات ذات الشعبيه الجارفه راحت فين ومبقاش غير الأحمر وبس وأحيانا الأبيض بيظهر في الصوره بس علشان الصوره تطلع حلوه
@@sherifbasuony6221 بيراميدز نفس القصة حاليا اللى معاه فلوس بيقزى باريس سان جيرمان و المان سيتى لازم النادى اللى هاوز يكمل يبقى معاه فلوس الكرة انغيرت عن زمان كل الاندية لازم تتخصخص و تبحث عن ممول مافيش كل تانى اللى معاه فلوس هايجيب افضل لاعيبة اللى مش معاه هايعانى و مش هايكمل و هايتنسى زى الترسانة و الاولمبى
مجهود مميز 👍 يا أستاذ شريف. فكرتنى كنت بتفرج على الماتش أنا و صديقي أهلاوية و بنتفرج فى مكان عام و كنت بهيص مع كل جون للإسماعيلى والأهلى و كنت هضرب ساعتها ، مفكرنى زملكاوى . حتى الماتش ده هشام حنفى اتخانق مع شادى محمد .
الفلوس هى الاساس فى الاحتراف لو الاسماعيلى معاه فلوس كان احتفظ بلاعيبته .. اللى معاه فلوس اكتر يجيب احسن لاعيبة .. متهو الاسماعيلى اشتراهم من اندية اخرى بفلوس برضه .. هو ده الاحتراف .. فلوس و امكانيات مادية و الاسماعيلى بيعانى من ازمات مادية طول عمره .. لو ما كا نوش راحوا الاهلى كانوا هايسيبوا الاسماعيلى و يروحوا مكان تانى هايدفه اكتر
@@SherifShafey فلوس شركة الاهرام شركة الاهلى فقط وكان الأندية الأخرى من تل أبيب هناك بمصر لا يوجد حيادية ولا إنصاف للأندية الشعبية وكالة الاهلى بس تشاهد الاهلى أمامها فقط فقط
علي اساس الاهلي اشتراه لاعيبة ببلاش طول عمر الاهلي بيشتري لاعيبة وبيدفع فلوس والاهلي مش محتاج وكالة الاهرام عشان منفضلش نهري كتييير الاهلي عندخ رجال اعمال في كل حتة بيدفعوا فلوس الدور والباقي علي الزمالك والاسماعيلى كل الي موجوديين فية حرامية وبيستغلوا المناصب لحسبهم .. علي فكرة منتخب مصر اكبر عدد بطولات في افريقيا وبردوا بعض الدول زي الجزائر وغيرها بيقولوا مصر بتكسب بالفلوس والرشاوي ودة حال البطل مش عارفيين يكسبوا في الملعب في بيحاولوا يداروا فاشلهم بمبررات مش موجودة بالواقع .........
@@waelmohamed1073 لا حضرتك مش هيك يمه تكون وكالة الاهرام المتحيزة فقط للاهلى دون الأندية الأخرى يعنى لو وكالة الدولة الاهرام دعمت الإسماعيلي اعتقد كان حصل بطولات الاهلى إلى اخدتهم بعد شراء لاعبي الإسماعيلي لصالح الأهلى فقط دون دعم واسناد الأندية الشعبية الاخرى
الدنيا اتغيرت في 20 سنة خالد بيبو كان بيبوس فانلة الإسماعيلي و إبراهيم سعيد حيقطع فانلة الأهلي من الحماس. الجميل إن الناس كانت مصدقة وقتها و برضه مصدقين النهارده
@@user-fc8mc4sd8w هو فيه قانون يمنع انك تشترى لاعيبة من نادى واحد؟ ولو الاسماعيلي معاه فلوس كانوا اللاعيبه دى قعدت .. هما راحوا الاهلي بمزاجهم .. ماحدش غصبهم .. دى رغبتهم
موسم 2000 حققة الاهلي برصيد 60 نقطة والثاني الاسماعيلي 54 والثالث الزمالك 52. وهبط للدوري المظاليم الالمنيوم ترتيبة 13.برصيد 16 نقطة والرابع عشر والاخير الشرقية 15 نقطة
وايه المشكلة لما يشترى لاعيبة الاسماعيلي ماهو الاسماعيلي اصلا اشترى معظمهم من اندية اخرى و اللاعيبه مشيوا بمزاجهم و كانوا عاوزين يروحوا الاهلي دى رغبتهم
لأ بيبو بس اللي راح الأهلى سنة ٢٠٠٠و بعدها بأريع سنوات في ٢٠٠٤ بركات من العربى القطري الشاطر من الاتحاد السعودى والنحاس من النصر السعودى ومعوض فى ٢٠٠٩ من تركيا وأحمد فتحى من إنجلترا وشريف عبدالفضيل وعبدالله السعيد الاسماعيلي الوحيد راحو بمزاجهم مش غصب عنهم وإفادوا الاهلي واستفادوا من الاهلي ١٨ بطولة
@@ahmedlemon4397 والسولية من الشعب الاماراتي كل دول كباري يا باشا عشان ميروحوش مباشرة من الاسماعيلي مغيش فيهم اسم محترم شعب اماراتي وطرابزون سبور وشيفيلد يونايتد واسلام الشاطر انت عارف جه ازاي
اي لاعب من حقه يلعب للنادي اللي عايزه زي كده محمد فضل وهاني سعيد أحمد سمير فرج كل دول أبناء الاهلي راحوا للإسماعيلى عادي واللاعيبة اللي قلت عليهم اسلام من الأوليمبى وبيبو من السويس النحاس من أسوان ومعوض من الإلومنيوم والسولية من سمنود غربية اصلا مش من ابناء الاسماعيلي
اسلام اصلا كان رايح الاهلي قبل الزمالك لان مركزه كان مشغول في الزمالك أربعة كانوا بيلعبوا ابراهيم حسن وأحمد صالح وأحمد سمير لكن الاسماعيلي اللي أجبره يروح الزمالك بس هو طلع ذكي ولعب بره بالاتحاد السعودي وعمل شرط في عقده
اه الاهلي بطل الدورى موسم ٩٩-٢٠٠٠ صحوة الاسماعيلي جاءت متاخرة بداية من الدور الثاني لما محسن صالح مسك الفريق و فاز بكل مبارياته فى الدور التانى و فاز بكأس مصر ٢٠٠٠ ووصل نهائي الكونفدرالية ٢٠٠٠
محمد جودة محمد عبدربه فيليكس ابراهيم سعيد مجدى طلبه احمد سمير فرج عصام الحضرى شادى محمد احمد صديق محمد فضل وغيرهم وغيرهم دول اكتر من نص فريق للاهلى برضه والاسماعيلى اشتراه ...بنفس منطقك
منطق ايه اللي انت بتتكلم عنه انا بتكلم عن حقيقة دون ان ابدي رأيي في شيء و على فكرة انا اهلاوي الاهلي اشترى بيبو و بركات و اسلام الشاطر و عماد النحاس و سيد معوض بسبب قوة لاعبي الاسماعيلي و الاهلي فعلا الفترة ديه كان في مرحلة اعادة بناء ما بين جيلين جيل حسام حسن و وليد صلاح الدين و جيل احمد بلال و عماد متعب كان فيه نقص خبرة و كانوا محتاجين لاعيبه كبيرة تجدد الفريق بعد ان خرج درع الدوري من الاهلي لمد ٤ مواسم متتاليه
@@ahmedserageldin4409 يا سيدى الفاضل الاهلى اشترى محمد بركات من العربى القطرى موسم 2004 كان لعب موسم العربى وموسم تقريبا للاهلى السعودى اشترى النحاس من النصر السعودى اشترى احمد فتحى من شيفلد يونايتيد اشترى اسلام الشاطر بعد ما لعب لاتحاد جده وبعده الزمالك اشترى سيد معوض من طرابزون التركى اشترى عمرو السوليه من الشعب الاماراتى احمد حجازى من فيورينتينا الايطالى جون انطوى الشباب السعودى ... ليه بتحسبوهم لاعيبة الاسماعيلى اللى اشتراهم من الاسماعيلى بصورة مباشرة باتفاق الطرفين محمد عبدالله وفشل مسعد عوض وفشل احمد خيرى وفشل عبدالله السعيد نجح خالد بيبو يمكن نجح شويه يعنى مش ذنب الاهلى ان اللاعيبه دى ما جالهاش عرض وهم بره مصر زى عرض الاهلى يعنى المفروض لما تحسب اللى اتنقلو من الاسماعيلى للاهلى تحسب الانتقال المباشر فقط ... لو اتعاملنا بنفس المنطق بتاع ان الاهلى فرغ الاسماعيلى من نجومه او ولاده يبقى معلش بقى فرق الدورى كلها بما فيهم المنافسين المباشرين استفادو من ولاد الاهلى اكتر بكتيييير من اللى الاهلى استفاده من ولاد الاسماعيلى مثلا وكل نادى وطموحه بقى اللى ياخد لاعيبه تقعده ف الممتاز واللى يبيع لاعيبه عشان يصرف ع النادى واللى معاه فلوس يشترى لاعيبه وينافس ع البطولات
يا حبيب قلبي الاهلي لم يشتري بركات لانه كان مبدع مع العربي القطري او عماد لانه كان مبدع في النصر او انما العين عليهم من ايام الاسماعيلي و الفرقه فعلت في غضون سنتين نصها انتقل من الاسماعيلي للأهلي و انا من حبي للأهلي انه كان يعطي الثقه للنجوم الجديده بعد ما لاعيبه كتير الاهلي استغنى عنها في الفترة ديه زي ابو الدهب و حسام و ابراهيم و كمونه و كشري و لاعيبه تانيه كتييييير جدا الاهلي اما رباهم في النادي او اكتشفهم من انديه مغمورة افضل من انه ياخد مجموعه نجوم كبار مرة واحدة على الجاهز و يتقال ان الاهلي خد الدوري عشان الفلوس و النجوم اللي اشتراهم من بره وقتها الكل اجمع ان كان في شي غلط استغنيت عن لاعيبه عملوا مجد الاهلي و في نفس الوقت بالفلوس اشتريت نجوم كبار على الجاهز من الاسماعيلي و غيره طبعا كل ده ساهم في رجوع الاهلي بقوة بس في نفس الوقت اللي بيعمله الاهلي و الزمالك و بيراميدز كمان دلوقت انهم بيفرغوا باقي اندية الدوري من نجومها و تنحسر المنافسه على لقب الدوري على فريقين او تلاته على الاكثرو الخاسر في النهاية هي الكرة المصرية و الجمهور المصري و زيادة الاحتقان بين جماهير الأهلي و الزمالك قد يكون رأيك ان ده لا يعيب الانديه الكبيرة انها تشتري نجوم من باقي الفرق على الجاهز بس ده ينفع بس في حالة ان الانديه كلها في الدوري الممتاز تكون كبيرة و قادرة على استقطاب اي نجم لذلك ما زلت اتمنى انه يتم وضع قيود على تنقل اللاعبين بين الأندية في الدوري او استقدام لاعبين من الخارج في الوقت الحالي حتى تنهض جميع الأندية في الدوري و يصبح الدوري به منافسه حقيقيه
انا فاكر الماتش كويس جدا وفاكر الكلام إللى اتقال بعد الماتش كويس جماهير الأهلى كالعادة قالت لو فى وقت كان الاهلى اتعادل وان هدف بركات جه فى توقيت قاتل .. من الاخر قالو ان الاسماعيلى كسب صدفة وحظ وكلام من هذا القبيل ..... بس علشان ربنا لا يضيع اجر من احسن عملا .. الفريقين اتقابلو بعد الماتش بحوالي شهرين ونص فى إسماعيلية ..نصف نهائي كأس مصر... وفاز الاسماعيلى ٤/٢ ده طبعا غير الأداء غير الطبيعى من الاسماعيلى فى الماتش ده وخصوصا فى الشوط التانى ... وكان ده أبلغ رد من الاسماعيلى على كلام جماهير الأهلى..... لم يفعلها احد فى تاريخ كرة القدم المصرية ان يسجل فى مرمى الاهلى ٨ اهداف فى اقل من ثلاث شهور
فى زمن الاحتراف المادة هى كل شىء معاك فلوس هاتجيب افضل لاعيبة .. و لا تنسى ان معظم اللاعيبة دى الاسماعيلى اساسا اشتراهم يعنى مش اولاد النادى .. الكرة النهاردة فلوس
@@SherifShafey مفيش حاجة اسمها احتراف فى مصر بل اجتراف ااحتراف لصالح نادى واحد وفلوس الاهرام تدعمه واعلام الدول يدعمه هو فقط احنا مش ظزى بقية الدول اللى عندها احتراف حقيقى ومنافسة قوية واموال عند كل الاندية تنفق منهم على الاحتراف
@@mohamadhalim3936 لا يا فندم الاسماعيلى بالفرقة دى خد كاس مصر والموسم اللى بعده خد دورى ووصل نهاءى الكونفدراليه وخسره بسبب اتحاد الكورة والموسم اللى بعده وصل نهاءى دورى الابطال وخسر من انيمبا النيجرى مع العلم ان الاسماعيلى فى نفس البطولة كسب انيمبا ٦ فى المجموعات
ههههه انا بتفرج واضحك على الفلوس الاهلي اشتري لاعبية الإسماعيلي كلهم و أصبح اسمه المختلط بدل الزمالك من الدفاع عماد النحاس وإسلام الشاطر و سيد معوض و الهجوم خالد بيبو و بركات واحمد فتحي و محمد صديق واحمد حسن علشان يقدر ياخد الدوري كويس وللأسف معرفش يعمل ده مع بيرامدز لما كان معلم عليه بسبب فلوس تركي آل الشيخ لاعبية بيرامدز عينيها كانت مليانة ياريت تعرفوا ليه الاهلي بيفوز بالدوري
طيب ما الاسماعيلى اصلا اشترى معظم اللاعيبه دى من اندية تانية معظمهم مش ولاد النادى .. الاسماعيلى كان مختلط برضه بالمنطق بتاعكوا .. الاسماعيلى اشترى و الاهلى برضه اشترى .. ده سوق انتقالات كرة القدم مش سرقة .. و اللاعيبة مشيت بمزاجها ماحدش غصبهم .. هما فضلوا الاهلى على الاسماعيلى .. و لما بيراميدز اشترى برضه اللى مشى مشى بمزاجه هو فضل بيراميدز .. هى الكورة كده حاليا .. ماحدش بيسرق لاعيب ولا حد بيجبر حد على حاجة .. و اللى معاه فلوس هايجيب اللاعيبة اللى عاوزها .. اللى مش معاه فلوس ولا لاقى حد يصرف عليه لاعيبته هاتضيع منه بسبب ان رجال اعماله بخلاء و ممكن ينزل درجة تانية كمان ..
@@SherifShafey الاهلى ماشى مبدأ شراء العبد ولة تربية ابو تريكة ترسانة افشقة الاسيوطى الخطيب النصر حتا السلة اخذو مدرب الاسبانى بتاع السلة من للزمالك اخر ٢٠ سنة ابرز لاعب ابن النادى الاهلى متعب فقط
