اول تعليق تعجبيني بزاف انا عمري 25 سنة عندي عام زواج غير کيما فقدت وليدي ولدتو في 5 اشهر ولادة مفاجٸة ليا مکونش متوقعتها ادعولي ربي يعوضني في لي راح قلبي محروق وربي يرزق جميع محروم
انا ثان فقدت بنتي في الشهر السادس فجأة وبدون سابق انذار والحمد لله قدر الله وماشاء فعل وصبرت ونلت كيما يقولو في نفس العام زدت بنوتة في غاية الجمال والذكاء سبحان الله العظيم وضرك في عمرها 3 سنوات
الله يرزقك بالذرية الصالحة إن شاء الله اقراي سورة البقرة كل يوم أو ادعي ربي سبحانه وتعالى بعد قراءتها وأكثري من الاستغفار والصلاة والسلام على رسول الله وان تحملي حبيبتي
حتى انا شفت الفيديو هذاك النهار اللي حطيتبه زدت اليوم ... خاطر فيه حافز ليا انا اللي قريت أوائل التخصصات في الجزائر .. و راني قاعده نربي ...زوج بعيد خرج الوطن عني يجي بثلثه أو خمس شهور .. حاسه روحي غرقت مع دراري هدرتي كل عليهم و تخمامي عليهم ... بصح كاين صوت ..رآه ينطفئ داخلي اللي هو قرايتي و والديا اللي ضحاااو علينا و قراوني و صرفو عليا و مقدرتش نرد خيرهم ... ارجو الدعاء لهم ربي يعطيهم و يمنيهم و يحفظهم .
ما تقنطيش اختي انا كيفك تزوجت به و انا نقرا سنة ثانية جامعي وكنت نعرفو و وعدني باه نكمل قرايتي ونخدم ومن تزوجنا دار علي و قال لي ما عندناش مرا تقرا و هي متزوجة و حطملي قاع احلامي و راني في ٢٠سنة زواج ووليدي الكبير في الجامعة و الحمد لله
اختي الحمد لله على الصحة المهم رانا كامل كيف كيف انا تاني كنت حابة نخرج حاجة في المجتمع اوعدني راجلي باش انكمل قرايتي مستوى جامعي ومن بعد دار اعليا عندي 5اسنين زواج و3سنوات خطبة
مع انو عمري 41 سنة إلا انتي نحب نشوف كل فيدواتك...اختي من خلال كلامك تباني متواضعة لكن انا كانت لي تجربة مع البعض من العاصمة اسمحيلي على هذا اللفظ شفت فيهم التعالي و التكبر رحت لوحد المركز الطبي من اجل الانجاب انت في حالة شوق و خوف و هوما يشوفو فيك رقم ملف و الفرنسية معندي منقلك كلش فرونسي كأنك في بلاد أجنبية أختي ملقيتش فيهم مراعاة لمستوى و حالة النساء لراهم يتعاملو معاهم ......اسمحولي كرهت العاصمة غير من واش شفت
يا أختي هذا الفيديو رايح يشوفوه الآلاف من الناس،(الصالح والطالح)رايحين يشوفوه البنات لي ماشي مزوجات والنساء اللي ماعندهومش الذرية،والناس لي ساكنين عند عجايزهم وما عندهومش الدار،......ياأختي أستروا دياركم وما تهدروش على حياتكم الخاصة،السترة مليحة كاين العين وكاين الحسد،وكاين حتى عين الإعجاب،والناس ماتقولش (الله يبارك،ماشاء الله) ياأختي دارك وولادك وزوجك خير من الدنيا وما فيها،والله غير راني خايفة عليك وعلى ولادك من العين والحسد
هنا نوافقك في رأيك ههههه وي عندك صح دوماج حنا عرب توجور نبغو نقلدو الغرب ما عدناش حاجة يسموها نتاعنا توجور نتاعهم ولينا نشوفو صوالح تافهين وحدة تحب تقلي بيضة دير عليها فيديو مانيش عارف كي شغل ناس ما تعرفش زمان ما كانوش هذا صوالح مهيم رانا بعاد بزاف على دين أنا نقولهم الله يعطيكم العقل ماشي الله يهديهم باسكو واحد عنده عقل عنده ضمير ويعرف دينه
معرفة خير حنونة انا تلاقيت بقناتك صدفة وعجبتني الله يبارك.انسانة بسيطة ومتواضعة هدي هي الميزة لي تخليك تدخلي القلوب ماشي الزوخ والتكلف و التصنع.امال احكينا كفاش تعرفتي على راجلك درس معاك فالجامعة ولا كفاه كانت الحكاي ؟واسمحيلي على سؤالي .
في برج البحري كراء شقة مكونة من غرفتين و صالة بثلاثة ملايين للشهر.و غرفة و صالة بزوج ملاين نصف.و ستوديو بزوج ملاين.أو مليون و ثمانمئة.حسب معلوماتي .أنا راني كارية و ما زالي ستة اشهر و نخرج.أدعو معايا يا أخواتي تتباع دار العائلة في أقرب وقت باش هكذا كل واحد يدي حقو.و يفرج عليا و على راجلي بسكن.إن شاء الله.
الله يبارك يا ختي ماتبانيش تباني عندك 22 سنة و الله عجبتيني بزااااف ربي يبارك فيك و يحفظلك زوجك و ولادك و ينجحك أكثر في حياتك إنشاء الله ختي 💛💚❤️👏🌼🌸💐
ااااه يالحبيبة طحتي على الجرح انا 17سنة ساكنة في سكن وضيفي من بلاد لبلاد بحكم خدمة زوجي ومنذ 4سنين راني في دزاير (عين نعجة)حرقة سكنة وحدها ربي يسهلك ويسهلي ويرزقنا ببيت ننساو بيه هم الكراء وهم التنقال 😘😘😘😘😘😘😘😘
ناس ڤالمة عندكم وحد الكسرة ذقتها مرة مولاتها ڤالمية، جي كي الپونج داخل ورقيقة شوية فيها السانوج وطرية و فيها ذوق اونديغي ڤاطو، لي عندها الوصفة تاعها تقولهالي يعيشكم وأجركم على الله.
Hind Marame شكرا اختي ربي يجازيك، كمية الزيت شحال ندير اختي؟ ولا عيني ميزاني قيس ما يتبسس سميد برك؟ وكي نقرسها ما نخليهاش تزيد تخمر شوية؟ نديرها مباشرة فطاجين؟ سمحيلي اختي كثرت عليك بالأسئلة الله غالب ملي ذقتها هبلت عليها راني نحوس على الوصفة بالشمعة ههه درت كامل اليوتوب وجربت بزاف مي وحدة ماجات تشبه ليها فالذوق والقوام.
meriem mimicha ايه اختي زيت حتى تتبسس عينك ميزانك وتقرسيها منا طيبيها منا يكون طاجين سخون مليح و نار متوسطة بأه طيب من داخل وماكان حتى مشكل اختي كون جيت نعرفك وين تسكني وقريبة ليا والله نطيبها نجيبهالك
ملي شريت تلفون وانا نحوس على قناتك حتى عرفت القناة من صوتك و يديك صغار لحلوين كي نسمعك نريح والله يا ختي تعجبيني الله يبارك و تباني صغيرة من صوتك ماشي تع 30 الله يهنيك و يفرحك ختي
معرفة خير حبيبتي انت مثال التحدي والعمل.... انا من شرق العاصمة بس ناكد لك الكراء غالي من جوايهنا.... نشالله ربي ينوب عليك بسكن وكل لي معندوش ربي يفرحو مزيد من النجاحات ❤
ان شاء الله ربي يكملك او يحفضلك وليداتك او ان شاء الله ربي يفرج عليك بسكنة معليش المهم تكوني مهنية انا غير كيما عرفت قناتك او عجبتيني صوتك يبان طفلة صغيييرة انا في صيف ان شاء الله عرسي راني نسمع لنصائح تاعك عجبوني ادعيلي ربي يكملي على خير
مساء الخير اخواتاتي حتى انا تاني قلبي تحرق على الخدمة وعلى جالت بنتي ماخدمتش ننجح في المسابقات بصح مانروحش نخدم اخر مرة العام الي فات نجحت في مسابقة تاع وزارة البريد والعمل في الوزارة لكن اخترت بنتي والحمد لله ادعيولي اخواتاتي لعزاز نخدم في المكان الي ساكنة فيه انشاءالله ياربي
ماشاء الله عليك اختي تعجبيني بزاف متواضعة وشخصية رائعه ربي يحفظك انا تاني عندي ماستر في المحاسبة بصح قعدت فالدار علاجال ولادي 😊 أن شاء الله يرزقنا خدمة لي تتوافق مع ولادنا و وضعنا يارب بوسات 😚😚😚
سكر بديت نتابع فيك جديد خلاص نسيت يوتيوبوز لخرين .جذبني فيك تواضع جذبني فيك نشر الوعى لدى النساء . جذبني فيك القناعة .وصراحة عدم تكبر برغم من مستواك الدراسي .نحب نكون كما انتي متواضعه مع العلم عمري 23سنة اصبحتى قدوا لكي .ربي يحفظك ويحفظلك ولادك وعايلة الكريمة
عجبني فيك كلش خاصة طموحك في نيل الدكتوراه انا كيتزوجت كنت سنة ثالثة جامعي ولكن ما كملتش بسبب مشاكل عائلية ودرك ندمت على قرايتي ولكن الحمد لله ربي يخليلي وليداتي ويشفيني ان شاء الله آحبك في الله
سلام عليكم راني انحوس اعلي كراء منزل في ضواحي باش جراح ولا الحراش ولا حي الحياة ولا بير خادم و عين النعجة معليش بيت برك و ايكون السعر مابين 13000 ال 15000 و بي الشهر هذا و اش نقدر و لم الأسرتي بلاك اتكونو انتما صبتي و اجركم علي الله ادعولي
بصح محكيتيناش كامل على راجلك كيفاش تعرفتي بيه كيفاش راكم عايشين حياتكم دوكا أسكو تحتفلي بعيد زواجكم ولا لا ديرينا فيديو عليه وقولينا واش تحبي تلبسي ساكنة وحدك ...ولا لا .....إلخ
السلام عليكي عزيزتي اكتشفت قناتك بالصدفة و جذبني نبرة صوتك الحنون لكن مضمون الفديو ك عادي ثم مرة أخرى بالصدفة كتلك شهدت فديو اخر كان جملة من النصائح بأسلوب رقيق الواضح جليا انكي من عشاق مجال التنمية البشرية روحي معطاءة وطري قتكي في. النصح معطرة بالحب والحنان وهذا ما يحتاجه المتلقي شكر شكر
حبيبة حمبوك قوليلي كيفاه نخدم كيما الخدمة اللي راكي تخدمي فيها والله غي عايشة مزيرية كحلة ومالقيت تا خدمة انا ماخاصنيش مساعدة مالية من اي شخص انا فقط خاصني عمل نكسب منه رزقي
افتحي قناة يوتوب و اربطيها بحساب ادسنس و ابدءي في إعداد فيديوهات من انتاجك و بعد وصول مشتركين الى الف مشترك و تصل مشاهدات ال أربعة آلاف ساعة ستفعل عملية الربح في قناتك.؟..هدا قانون جديد.....و بالتوفيق ستجدين الطريقة على فيديوهات يوتوب لتتعلمي الخطوات بالتوفيق
انا عندي 15 سنة زواج عندي 34سنة و 6 أطفال و الحمد لله نمارس رياضة و لكن مرات نهمل نفسي مع الدراري و الكرية في شرق العاصمة انا كارية في حي الموز تقتل الكرية 4.5ملاين الشهر بصاح الحمد لله ربي ينجحك أمولة
الله يبارك امولة خيار الناس شطارة او ثقافة او رزانة مشاء الله شكرا على تعريفك إلينا هكدا زدنا تعرفنا عليك عن قرب رغم اني حسيت تعرفك من مدة طويلة على فكرة انا أكبر منك بي عامين مواح امولة نحبك في الله
الله يبارك حبيبتي ربي يحميك و ييفرحك الفحلة والله نحبك عميرتي و انا مخطوبة و راح ندخل وراء العيد الكبير ادعولي اكمل فرحتي مع زوجي الغالي💚💚💚💚💚💜💜💜💜💜💚💚💚💚💚💚💚💚💛💛💛💛💛❤❤❤❤❤❤❤❤❤❤
مرحبا ختي معريفة خير انا عمري واحد وثلاثين و عندي خمس سنين ونص زواج راجلي طبيب وانا تخرجت علم النفس العيادي كنت خدامة ملحق ادارة كي جبت لولاد ديميسيونيت ربة منزل راني ولادي ربع سنين و عامين و نص وان شالله يرزقني ربي مزيد من الاطفال وربي يرزق كل مشتهية
راجلك يخدم في سلك من اسلاك الدولة وراكي كارية ؟؟ ربي يفرج عليك ان شاء الله المهم تكوني متهنية مع راجلك هاذاك هو الصح وادعيلي ختي نتزوج وربي يفرج علينا وعلى كل لبنات
الله يبارك امولة تشرفنا بمعرفتك خيار الناس وعندك حق كاين خصوصيات ماتحكيهاش حياتك الخاصة احنا حبيناك غير من صوتك ماتهمناش الحياة الشخصية 😘😘😘كل واحد عندو خصوصياتو فهاذ الدنيا الله يبارك ربي يحفظك ❤
سلام ختي هذا وين اكتشفت قناتك جلبني اول حاجة صوتك وتواضعك من بعد الطريقة العفوية تاعك والبساطة حتي وليت قبل مانرقد لازم نشوف الفيديو تاعك شكرا علي كل ما تقدميه وربي يهنيك
القالمية بنت بلادي أنا تاني نسكن في إحدى بلديات قالمة en plus عندنا الماستر كيف كيف وأنا أوسي حابة نكمل دكتوراه انشالله. زدت وليت نحبك أكتر دركا. Bonne continuation ma belle!
هو قتل أحلام الدراسة ولكن زواجي جد ناجحوعندي ثلاث أطفال وعندي 12سنة زواج ومعنديش حتى مشكلة ولكن الدراسة والعمل كان من أحلامي لأني كنت من المتفوقات 😢😢😢😢😭😭😭😭😭😭😭😭😭😭
صباح اخير اختي امال انا ناديه من الغرب راني غير كيما اكتشفت القناه تاعك بصح راني نتبع في كامل الفيديوهات تاعك اعجبتيني بصراحه هدرتك تدخل للقلب الخبرهنتاعك تقلي وحده عجوزه وراهي تهدر راكي تمدينا نصاىح للحياه الزوجيه ربي يهنيك و زيدينا من هاد الفيديوهات و قبليني صديقه جديده فيالقناه و شكرا
Khti Amel raki ralta ana neskon fi aintaya cest chère la location mais n9olhalk khti puisque haliti 9anet matbanich wahed maya3arfek 3lech tkhabi win tesekni radjlek men alger car tu as l'accent algerois moi algeroise merci
والله يا اختي صوتك حنين مريح يصل إلى القلب مباشرة..نحس ان اختي العزيزة الي راهي تحكي ماشي واحدة مانعرفهاش..انت انسانة راقية امال في منتهى الاخلاق والاحترام والتواضع..ندعليك من كل قلبي ربي يرزقك بسكن خاص ويفرحك باولادك ويهنيك انتي وزوجك ..اختك كريمة من مستغانم
