استخدام حمام الزاجل افضل من بطاقات بنك الرياض ههههه اخذت من عندهم مايستركارد ولاينفذ الشراء وكل يوم يقلك الدعم كم رقمك السجل المدني اعطيهم رقم السجل المدني يوم طالت السالفه لمدة اسبوع اعطيتهم رقم سجلي وسجل ابوي وسجل جدتي موضي عمرها 90سنه لكن مافيه فايده عاد رحت اشتريدت صمغ ولزقت بطاقتهم المايستر كارد باالجدار
لاحد يتعامل مع بنك الرياض ازبل بنك في الخدمات والتحويلات حولت بالهاتف المصرفي مبلغ الف ريال بالغلط واتصلت عليهم بنفس الدقيقه وعطوني موال طويل عريض يقولون نتواصل مع المحول له يوافق او لا
نعم ياغالي هذا طبيعي لان المشكلة الان اصبحت بينك وبين العميل اللي انت حولت له بالغلط والبنك مايقدر يدخل بينكم كانه محكمة او جهه امنية البنك مجرد جهه مؤتمنة على حسابك ما احد يأخذ منه إلا بموافقتك اما بعد ماتوافق انت وتحول بنفسك فالبنك هنا ماعاد له دخل لو على كذا كان انا لو حولت لواحد اعرفه فلوس وبعدين صار بينا خلاف دقيت على البنك وقلت رجعولي فلوسي منه لازم انت تتواصل مع الشخص اللي حولت له بالخطأ وتتكلم معه بشكل ودي ماوافق تقدر تتقدم بشكوى عليه في المحكمة لو البنك تتدخل وسحب من الرجال ورجع لك ممكن يتقدم هو بشكوى للمؤسسة النقد وقد تصل لعقوبات على البنك وتعويضات مالية وعلى فكرة كل البنوك كذا اذا انت اللي حولت بنفسك مايقدرون يرجعون لك فلوسك ابدا إلا بشكل ودي او بشكوى ترفعها انت ضد الشخص
سلام عليكم يا اخوان انا اتصل علي عميل من عملاء بنك الرياض كلمني بخصوص بطاقة الائتمان مع الأمانه انا ماعمري استخدمتها ولا اعرف فوائدها ولا اضرارها كلمني وقتها انا كنت مشغول ولا عارف ايش يقول العميل المهم اعطيته الموافقه بحجه اني بقفل المكالمه بعد ماخلصت شغلي استوعبت اني اعطيته الموافقه وانا ما ابي بطاقة الائتمان صدرت اليوم البطاقه وتابعت في اليوتيوب عن بطاقات الائتمانيه شفت ناس تشتكي منها كثير وكلهم يقولون علينا مديونيه بسببها المهم انا خفت منها هل فيها اضرار مع العلم اني سمعت انها نوعين نوع مسبقة الدفع والنوع الثاني مادري ايش المهم يشحنون حسابك وتعتبر مديونيه وانا بطاقتي من النوع اللي يشحنونه وتصير مديونيه علي كيف الغيها وهل اذا لغيتها تروح المديونيه ولا لازم ادفعها ولا وش الحل الله يجزاكم خير
لا تشيل هم اذا تبغى تلغيها ما عليك شي، عندك ١٠ ايام من استلامها يمديك تلغيها، لكن عمومًا ترى البطاقة اذا استغليتها صح تفيدك مرررة .. اهم شي اذا جا وقت السداد تسدد المبلغ اللي عليك كامل 100% وانتبه من سداد ال5%
السلام عليكم ورحمة الله وبركاته كيفك اخوي عبدالله ان شاء الله طيب ١- ((اغلب بطاقات البنوك ربا )) - ياليت توضح ان اغلب البطاقات ربوية وتتعامل بالربا خاصة ( الكريدت كارد) اللتي تاخذ فائدة عند السداد بالحد الأدنى - ( لان كل قرض جر فائدة فهو ربا ). ٢- ارجو منك توضيح هذا الأمر المهم لإخوانك المسلمين ٣- جزاك الله خير ونفع بك .
