فيلم السرب في ماتيجوا نشوف 

فيلم السرب في ماتيجوا نشوف
فيلم السرب انتاج 2024 تأليف عمر عبد الحليم وإخراج أحمد جلال بطولة نخبه كبيره من الفنانين مش هنعرف نقول اسمائهم كلهم علشان ما ننساش حد الفيلم بيعتبر بطوله جماعيه فحتى ضيوف الشرف قدروا يلعبوا دورهم بشطاره وإتقان
فيلم بيحكي تفاصيل الضربه الجويه اللي قامت بها القوات الجوية المصرية ضد تنظيم داعش في فبراير 2015 بعد ما دبحوا 21 مصري مسيحي في ديرنه الليبيه بعدها بساعات جه قرار الرئيس عبد الفتاح السيسي بتوجيه الضربه لرد اعتبار اولادنا المصريين.
واكد المؤلف ان الفيلم شاور على اكثر من خط درامي فهو اتكلم عن احلام وحياه ال 21 مصري اللي اتذبحوا في ليبيا وكمان اتكلم عن احداث حصلت قبل الحادثه وبعدها كمان وكان حريص في كتابته للنص انه يجسد للشخصيات في ادوار الدراميه بتوضح طبيعه كل شخصيه زي ما وضح لنا جزء من شخصية امير الجماعة في داعش ابو اسعد الحمراوى كمان أبرز دور العنصر النسائي في الاحداث زي زوجه امير الجماعة وحبيبته والجانب الانسانى لامهات الشهداء.
اما عن سبب تسميه الفيلم بالاسم ده فهو السيرب بيرجع لحركه القوات الجويه كالسرب في الفضاء والدور الدفاعي اللي بتقوم بيه رجع اما عن الكواليس الخاصه بالفيلم فالفيلم تم بدايه التصوير فيفا 2020 وفضل ثلاث سنين لحد 2023 تم الاعلان عن نزول الفيلم لكن ما نزلش و اتقال أن التأجيل بسبب ضخامة الإنتاج من استعدادات ومؤثرات بصريه وخدع سينمائيه لكن تم الكشف عن حقيقه تاني وهو ان الفيلم تم تاجيله لدواعي سياسيه لمراجعه الفيلم مره واثنين لان هو بيعتبر اول فيلم بيوثق عمليه عسكريه مصريه خارج الحدود
وكشف المخرج احمد جلال عن خضوع الممثلين لعمليات تدريبات كامله لمشاركتهم في الفيلم فمثلا احمد السقا حصل على تدريبات من القوات المسلحه كمان كل الطيارين في الفيلم خضعوا للتدريبات لفتره طويله من وقعدوا وقت كبير في القاعدة الجوية وأشاد كمان بدور الدولة اللي قدمت كل الامكانيات المطلوبه لظهور الفيلم بالصوره الاحترافيه من معدات ومركبات للملحمه الوطنيه.
ومن اهم التحديات اللي قابلت الفنان احمد السقا وقال عنها اني من اصعب المشاهد اللي مثلها جوه الفيلم هو مشهد دفنه في الرمل واللي استمر تصويره اربع ساعات وكمان المشهد النهايه في الفيلم وظهور السقا فية ماشي تحت الطيارات الحربيه واصر السقا على المشهد من غير ما يكون لي دوبلير بالرغم من المشهد ده كان السبب في انه يفقد السمع لمده ثلاث ايام بسبب صوت الطيارات وقربها من الارض وكمان اعلن السقا انه كان اتعرض للموت جوه الفيلم في واحد من المشاهد وهو بيدافع بالمدفع كانت في دبابه من الدبابات هتدوسه لولا إنقاذ العناية الإلهية ليه الحقيقه لما تتفرج على الفيلم هتشوف فعلا ضخامه انتاج وهتشوف جمال في التصوير ففريق الانتاج رفض الاستعانه بالجرافيك وقرروا التصوير الواقعي فسلاح الطيران المصري الحقيقي هو اللى شارك في الفيلم ودة اللى هتلاحظ فى تصوير الطائرات فى شكل سرب وهى بتنفذ العملية .
بالرغم من انك ممكن تبقى شاعر بالغيظ وانت بتتفرج على الجماعات الإرهابية وهي بتنفذ مخططتها لكن كمان هتشعر بالفخر وانت بتتفرج على بلدك وهي بتدافع عن حقوق ولادها
إعداد وتقديم
نيفين رفعت
تصميم بوستر الحلقة
مايكل جرجس
تصوير
شريف القاضي
مونتاج
نيفين رفعت
شريف القاضي
تم التصوير
بإستديو قناة وطني
بجريدة وطني
مساعد مدير قناة وطني
ماجد سمير
مدير قناة وطني
شريف القاضي
تحت رعاية
مؤسسة وطني
للطباعة والنشر
رئيس مجلس الإدارة
يوسف سيدهم
ساعد في الإخراج
دميانه عادل
مساعد مخرج
ماجد مصري
إخراج
شريف القاضي