ايلا مقاداش على الطلاق حيدي منك التقلاب ديال التلفون و عيشي حياتك و ضحكي و نساي راجلك متبقايش دايراه هو مصدر الكون تعلمي ليك صنعة تنفعك و ديري علاش ترجعي و الله يدير ليك تاويل ديال الخير
السلام عليكم .بعد الولادة مباشرة استعملي موانع الحمل.صبري حتى يكبر ولدك شوي. تعلمي منه التجارة و سلي منه شوي فلوس. بقى الحال على ما هو عليه خرجي خدمي على راسك و طلقيه.
ختي شهرزاد قصتي خطييييييرة بزااااااف ومستعجلة بزاف يزاف بزاف الله يفرحك بوليداتك ما تواصلي معايا كما على الله تعتقيني نتي والبنات قبل ما يفوت الفوت البنات عفااااكم طلعو التعليق ديالي باش تشوفو راني ختكم وغنضيع
قبل منكمل القصة الله يرضي عليكم البنات فاش تحصلو بوركابي متبفاوش تواجهووه الا لكنتي صافي غتفارقو اما دبك لعبة ديال نحيح عليه ونبقا معاه راه غير عاد مكيزيد فيه وكيعرفك مفيدكش
فعلا لوحدة نهار تعرف بالخيانة خاصها تسكت وتلقى حل اما نهار توجهيه كيلعب عليك لعشرة وانا عندي واحد لقاعدة ف حياتي الا واجهت راجل وعرفت بالخيانة مع سلامة او نسكت ونلقى حل الا كان
بحال هاذ النصائح لي كايعجبوني، النصائح ديال العقل و التقالة و الرزانة و التفكير العميق قبل من أي خطوة، ميات تخميمة و تخميمة ولا ضربة بمقص، تبارك الله عليكم، مع العلم أنني مندفعة و كنلوحها عاد نفكر فيها هههههه، ولكن كانحاول نتعقل و نزݣي راسي، هانا كانتعام معاكم و كانتقرص 😂😂😂
والله حتى كفما شوا قلبي شويت ليه جنابو بالفلفل حارة 😂😂😂😂 وليت مدمنة عليها كنشري غير بالكيلو على قبلو نجيبها نحكها ليه في كراصنو غير يلبسو عافية تشعل فيه وانا مديرا في راسي ميتعاود ويحيد كرصون ويلقاني حاكاها ليه في سراولو تاهما دوزت عليه عداااب اليم 😂😂😂😂 ب 🌶🌶🌶
السلام عليكم ملي تولدي ان شاء الله جمعي راسك وتعلمي من امو الصنعه وتعلمي منه هو التجاره وديري حل راسك وخدمي عقلك وشوفي مصلحتك الله يفرجها عليك وعلى المسلمين كافه اجمعين
هدا اختي غير غسلي يدك عليه جمعي راسك من حد عندك ولد واحد معاه لي فيه زهو عمرو يتوب عنداك تسمعي هضرت ناس ماشي عيشة اختي مزال صغيرة عمرك ترتاحي معاه شفتي كن غير كان مستوى اجتماعي ديالو مقاد معيشك في نعيم انتي في العروبية او القهرة نوضي جمعي راسك الحياة مزال قدامك
نفس لحالة ديالك عشتها كل مرة كيهضر مع وحدة فشكل وكنسامح لعل وعسى يتوب وفلخر مشا لعاءلتي ودارها وولدت فريق ديال لولاد وتفارقت معاه فكي راسك قبل متغرقي دراري
الله يسهل عليه غير نصيحة يركز على مادة وحدة ليقدر يطلع بيها المعدل هدا لدرت مع ولدي والحمد الله نجح يركز على المادة لهو قاد يطلع بيه النقطة مزيان و الكوفيسيون فيها طالع الله يوفق بإذن الله
الله يسر ليه قوليه ماشي نهاية العالم ممكن إلى قد، الله مانجحش يعاود العام ويشدو بمعدل احسن شوفي واحد الولد في مغارب نيوز تبارك الله سقط في،الباك ودار ليستيا وعاود باك حر ونحط وريه الفيديو يحفزو
بغتيه اختي يرجع لك و يبوس اليدين و الرجلين عليك بجوج الحوايج أولهم قيام الليل و الدعاء ثاني حاجة النخااااااال نخليه ، خليه تالف ما يعرف منين يشدك و الله يدير لك تاويل الخير
@@user-wp5qs1jb1jبحال إلى ماكاينش و تليفونو ما تقلبيه ما والو يعني خليه يدخلو الشك أنه ما بقى كايعني لك والو خرجتيه من قلبك و الرجل ما عندو ما عدا من هاد الحركة كاتقتلو بالبطئ تجيب لو التمام مسكين وصلت الفكرة ختي واش نتي صاحبة القصة ؟؟
salam akhti 3afak bghit nakhod raey dyalk rajli kaytkhasam m3aya bla saba oi kaynkhalni ou ana maknhmlch chi had fdar ou manhdrch m3ah kanmchi dima nsalho wakha mandir walo ou db walfha fia ana malit hasit brasi mab9itch bkaramti wala kaybhdlni chno ndir samhilia
ربي يكون في عونك صعيييب الحال ...انتي حطيه في الموقف و ديريله قالب على اساس باش تشري حاجة انتي ولا وحدة من خوتاته و قلو رايحة نتصور و نبعثها للبياع باش مايغلطش في لاطاي ديالي 😂😂 يخي هذي هي التجارة
لبنات بعدو من التجسس فالتلفون الوحده تقرا دير دبلومها الزواج هد الوقت صعيب والتجسس راه كتمرضي بيه انتي... بقاي هكا متابعاه حتى يركبك شي مرض يا اما صبري او طلقي وارتاحي
شدي فصلاتك و صلي فالوقت و قراي اذكار الصباح و المساء باش تحصني راسك من الشيطان حيث فكرة الانتحار هي من الشيطان و هذا هذفه في بنو ادم باش يخسرنا دنيا و آخرة. يلا انتحرتي راه ديريكت جهنم مؤبد ماشي أزمة و غتعدي فالدنيا. انت ما ملزوماش تاخدي قرار مستعجل منين انت نا مءكداش باغا تطلقي و خايفة من الطلاق لاش غتطلقي و لا تاخدي قرار دابا ؟ لي مستعجل هي الصلاة في وقتها و قراءة القران و الدعاء و التقرب إلى الله لأنه وحده بيده الحل ديالك و ديال عباده كاملين. دعي مع راجلك يهديه الله و دعي الله يدير لك لي عندك فيها الخير و عمري قلبك بالله ماشي ببنو آدم و غترتاحي.
تشوفي اختي نصيحة مني ليك راجلك عينوا خضرة الرجال لي يكونوا هاكا واخا اوصل 70عام عمروا يتبدل لي شافها بغاها الى لقيتي معاه غتعيشي فالجخيم او الوسواس ماحدك صغيرة جمعي راسك اسيري لداركوم اجيبلك الله شي ولد الناس لي يعرف قيمتك
نصيحة الا صبرتي غاي تاكليها فصحتك و لك واسع النضر و ماتعطيهش كثر من قيمتو و لكم الى اي قرار خديتيه ضروري تاخدي حقك و نتي ادرى بالوضعية لي نتي فيها كفاس غادي ديري ماتخرجيش من هاذ العلاقة خاوية الوفاض و ماتفكريش فشي حاجة كتغضب الله شكون يكون فملك الله باش تنتاحري على ودو واش من نيتك
😏ماقدراتش على الطلاق،ؤقادرة تصبر على نار جهنم!!!!!البعد عن دين الله سبب كل هذه البلاوي.صار الرجل إله يعبد من دون الله،ولا حول ولاقوة إلا بالله العلي العظيم.
اولا الرجال كلا واحد كيف داير طبعا الكمال لله وحده انا اللي غادي نقوليك اصعب حاجة ممكن متصبرش ليها الزوجة هي الخيانة ولكن. حاجة وحدة اللي غانقول انك الى كنتي باغة الطلاق خاصك تكوني قادة واش عارفة راسك غادي تعيشي بنتك وتوفري ليها واش عاندك شي ديبلوم ولا شي حرفة اللي غادي تزيدي بيها حياتك حطي ديما الايجابيات والسلبيات هاد الزواج اشنو زايدك و اشنو منقصك والا طلقتي اشنو غادي تربحي و اشنو غادي تخسري و الله ايسر ايك فكلتا الحالتين
@@LocaCasanouva-no2td اه والله شوفي اكدب عليك شي وحدة تقوليك انا عايشة السعادة مع راجلي شوفي اللي معندهاش بزاف ضروري اكون شوية حيت هادي سنة الحياة غير هو حاجة وحدة اقد الانسان اجيد الفراق ملي كتحرار العيشة بمعنى معيشك العذاب الخيان، الضرب عدم الاحترام والمسؤولية تما كتديري صطوب لهاد العلاقة و كتحطي النقط اختي ياربي تفرحك و تدير ليك تاويل الخير غير ديما فكري مزيان و لكانت الحاجة تستاهل
هذاك الراجل عمره ما غادي يتبدل غادي يبقى بحال هكاك راجلي بحاله صافي خليته يدير اللي بغا عايشه حياتي انا وبناتي وخويت بالي منه جل الدار مرحبا به مشى مرحبا به ما عنديش مشكل تهنيت في راسي وتصاحتي رجعت كيف الاول عندي جوج بنيات مهليه فيهم الوقت ديالي كل لهم وانا مرتاحه الحمد لله
من الاحسن رجعي لداركم من حدك باقة بصحتك نهار الاول بنت المدينة متمشيش تعيش في البادية وانت لاش مغدتيش المكالمة ديال السيدة بجدية هربي مني يالله عندك غير واحد وباقة بصحتك راك عايشة مع السم غيبق ينخر في صحتك
صعيب تعيشي مع واحد عينو زايغة حيت عمرو يتبدل الى كنتي قادة على الطلاق من الاحسن تفارقي معاه حيت عمرك غادة ترتاحي بما انه عندك غير طفل معاه احسن ما تغرقي اولاد وإلى ما قاداش على الطلاق فوتي عليك شيحاجة سميتها تقلبي ليه التليفون حيت كل مرة غتصدمي انه مع وحدة الله يدير ليك تاويل الخير
اختي غسلي عليه يدك او متقلبيش ليه داك المشقوق متعطيهش الأهمية كثر ما يستاهل فاش تولدي جمعي راسك او ديري شي حاجة عمري بها وقت وديري بداوير الزمان الشقى شقاي غير لي قديتي عليه او متبقايش تسوقي ليه نهائيا حسبيه بحال الى مكاينش وتشوفي كفاش يتبدل متقلبيش ليه داك المشقوق او متهضريش معاه بزاف راه تقريبا أغلبية درجال هكاك الله يفرجها عليك وعلينا كاملين
ختي راه عندك جوج الحلول هو تجلسي و تسكتي و متبقايش تقلبي من وراه و بردي قلبك و ديري علاش ترجعي . او تهزي كرشك و تخرجي تخدمي على ديك التريبية لي مازال ماجات للحياة .
نصيحة لوحدة نفس القصة الى قادرة تخرجي وتخدمي وتهزي راسك ولي فكرشك طلقي راك غتبقاي نفس شي و إلى مقدرتيش تفارقي معاه ضربي الطم وديري علاش ترجعي ونساي عليك الزبل حداك بحال إلى مكاينش والله يدير ليك لفيها الخير للجميع.
أحبيبتي نصيحة مني والله هاد الرجل مايتبدل دزت من نفس الحالة لينتي فيها مصورت غير الاعصاب وأمراض الجهاز التناسلي بسباب المكروبات لي كان كيجيب من الخنزات صبرت حتى عيت كنشوف صحتي غدا وكتدمر صافي قررت أنني نتفارق معاه والحمدلله دبا عايشة بيخير عوضت صحتي ونفسيتي الله يدير ليك مخرج ديال الخير
اختي نوصيك على حاجة وحدة هي كرشك ديري ليها مليون قفل وياك تزيدي تولدي كينة ديري ليها منبه و انا عشت نفس قصتك لكن جمعت وقفة وطلقت زبل و ربي عوضني ونتمنى حتى انتي و غيرك ربي يعوضهم و يجبر خاطرهم
اختي ماشي ماقدة على لفرق راه كلت نعاود قصتي ونشوف ربما لقا شي بنت لي تنصحني حيت كنسمع شحال من بنت رجعت رجلها يبوس رجليها زعمة نستفد من وحدة كبر مني كاليك المثل اسأل المجرب لاتسأل الطبيب ونا راه الخلا وجلا يمشي رجل ويجي رجل بغت انا زعمة الي كان ربما يهديه الله ورجع لطريق منكبر هاد دري بلى الاب ديلو من الأحسن اما الي بقا على هاد الحال راه نطلق وخ نعرف نعس ف زنقة ونهز ولدي وندير على قبلو الميناج نهز و بسناني
غمضي عينيك و كولي و شربي و ما تسوقيش للراجل. لحد الان الراجل فيه غير الهضرة ما كايناش خيانة. و فنفس الوقت الشقا ديري على قدك ولكن حاولي تعلمي شي صنعة. و قراي... وطوري من راسك. باش نهار تحتاجي تعتامدي على راسك ما توحليش.
بنتي انا في عمري 64 سنة معمرني قلبت التلفون ديال رجلي وخى مدايرش ليه الكود راه ديك التجسس هو سباب المشاكل وانت من الاول مخدمتيش مطورا مكانش تعرفيه بلي راكي عارفة خليه حتى يعيا ويشهد الصحاب البيع والتجارة اغلبيتم دايرين بحال حكاك المهم انهار لبغى يتزوج اخداك انت دبا حاولي معه باش يديك تسكني في المدينة حتى تولدي ان شاء الله بخير وعلى خير وديري السبة بوعدك خصو الجلسة خصو خصو....وهدشي مكاينش هنا في لعروبية الله يدير ليك شي تاويل الخير🤲🤲🤲🤲🤲🤲🤲
الله ابنتي غتيقاي دوزي زبايلو بالجغامي الماء حتى تزواي راه اللي فيه شي لولة فيه وغتبقى الله يدير ليك تاويل جري على راسك يعزل ليك محالك هو الأول وما تبقاي تصارحيه باللي لقيتي جمعي لبه شي ملف صحيح وربيه بيه ولا طلقي الزمر راه يقتلك بالفساد ديالو وبقاي تجغمي حتى تجيبها في راسك
سيري بحالك لداركم راه عمرو مايتبدل اللي فاسد فاسد الحمد لله عندك الام ديالك خدمي وتعاونك على ولدك قبل مايركب فيك شي مرض اما الام ديالو من مصلاحتها تبقاي تنقصي عليها الشقا
اختي راجلك مايسواش، و الله تكملي معاه، يركبوليك الاعصاب و شي مرض. انا بلاصتك ندير فورماصيون، و نبطل التمارة، وزيد المعيشة مع شلاهبي بحال هذا حرام. سيري اخدمي على راسك و ارمي عليك الشماتة
الحل بسيط يا تقبلي هاد الراجل و تهلاي فراسك و شوفي ديري المستقبل و الا رفدي راسك روحي عند والديك ما كانش حل حاولي على راسك ادا شتى راسك ما قدرتي هربي بوليد واحد خير من تلاتة راه الي فيه شي ديفو ما يتبدل
وااا ختي الله اهديك ملي مقداش على طلاق متوجهيش واش وجهتب المرة اللول ورجع صافي راه مزال غا غيزيد فيه الموجهة كتكون الا غيجي مورها طلاق ولا بنتدم اندم ويشد طريق اما هاكا راه الختي غا كتمرضي فراسك الله اصوب لبك ولينا والجميع ياااربي😊
ختي ماشي مقدش على طلاق نقد عليه نفوتو لهيه الحمدلله وليديا كينين غير بغت نتعلم تحرميات منطلقو حتى نخليه يهتهت بيا ونوريه بغت لي تنصحني وحد ناحية كلت ربما يهديه ربي ويلا ولادت ولد ميبقي يدير هادشي
وختي فقصتيني و قتلتيني كل شوية غادا تصارحيه اول حاجه متبقايش تقلبي ليه تلفونو ثاني حاجة ملي تولدي و توقفي على رجليك حاولي ديري شي صنعة ولا دكشي لي كدير عدوزتك قاديه معاها و تاخدي باش تهلاي فراسك راجلك عينيه زايغة متقدريش تبدليه
عندي قصة مستعجلة و خاصني الحللل ضرووووري راااني واحلة و ربي لي عالم بيا ❌❌❌❌❌❌❌❌❌❌ أنا غلطت مع واحد السيد و حملت منو دب عندي تقريبا شهر و معقلش عليا و أنا دارنا صعااب بزاااف. أنا عاد تخرجت و سالييت قرايتي معرفتش واش نهرب و نقلب على خدمة و نربيه بوحدي ولا نطيحو. بلا متسبوني أنا عارفة راسي غالطة و ندماااانة بزااااف عفااكووم عاونوني .
وعمرو يدير الدار خاطر فلويو تروح لهذي وهذي انت اللي دارو معاك واعطاك الكادو راه يديرو مع كل وحدة تعجبو الفرق انك متشديتيش ليه عرف انك انتاع دار يا تسوفي حيلة تربيه بيها يا تذلقي
اختي نصيحة واحدة لوجه الله عملي عينينة شافت وعينينة ما شافت وذن سمع واخر ما سمع اهم حاجة كيحترمك مكيمدشي يدوا عليك مع الايام اختي غيجبرك غير ليلك شوف والله الرجال أغلبية باش منعممشي كتهودا مع البنات و في نفس الوقت كبغوا انسا ديالوم ،الرجال ماشي فحالنا النسا الصبر ابنتي الصبر ،
ديري اللعبة نفس الشي لي يديرو مع البنات مثلا دي نمرة جديدة او شي وحدة تيقي فيها اختك ماعندوش نمرتها وتتراسل معك على انه بائع وخاص يعرف مقاسك ولطاي ديالك وحاولي انه يسوف الرسالة والا قالك شي حاجة قولوا ياك عادي قلتلي الخدمة او حتى هو راه داير غي خدمته وهاك لكون يفهم
يالله كملت سماع القصة تبارك الله على شهرزاد ونصيحتي لصاحبة القصة أولا وقبل كل شيء ديها فحالتك وصحتك ومتبقايش تقلبي تلفون ديال راجلك لانو غيخونك غيخونك سواء حصلتيه او محصلتيهش ديري براسك وليتي ثايقة فيه ولكن شوفي حل لراسك كوني لحلاحه ماشي بحال تران تجار مكيحسبوش اللي فجيبهم بداي تسلي منو لفلوس وخزني فشي مخدة باش نهار تبغي تفركعي عليه يكون عندك باش تحركي وباش تهزي راسك وولدك ومتكونيش عالة على شي حد وياك تزيدي تولدي واللي فكرشك كون كان يرجع منين جى رجعيه لولاد كيتقلو لمرا وكيهربو رجال ديال هاد لوقت حيت ماشي رجال غير سراول العياذ بالله نوصيك بقيام الليل والدعاء فانه يغير القدر والله يدير ليك ابتي تاويل د الخير ولكن تصرفي بحكمه متكونيش مندفعه وخليك هادئة واخه تحصليه قدام عينك انت عطي المبرر