ملخص فيلم، Logan's Run، لو كنتوا فاكرين إن الحياة في المستقبل هتبقى خرافية وسهلة، الفيلم ده هيوريكم إن الأمور مش دايمًا زي ما بنحلم!
فيلم النهاردة قصته بتحصل في القرن الـ23، بعد ما الحروب الطويلة والزيادة السكانية والتلوث قضوا على أجزاء كبيرة من المجتمع البشري، اللي بقوا عايشين دلوقتي في مدينة عملاقة محاطة بقبة وبيعيشوا حياة مليانة بهجة، وكل احتياجاتهم الأساسية بيقدمها ذكاء صناعي قوي. وفي العالم ده، الأطفال بيتولدوا في غرف صناعية باستخدام التلقيح الصناعي. والأطفال المولودين، بيبقى في إيدهم حجر كريم، بيتربوا بعد كده تحت رعاية الذكاء الصناعي لحد ما يوصلوا لسن معين. الحجر الكريم بيشع بألوان مختلفة حسب سن الشخص. لكن، الغريب ان اي حد لما بيوصل لسن الـ30، الحجر بيتحول للون الأحمر، وبيتم إنهاء حياته بدون ألم في طقوس علنية اسمها (الكاروسيل).
9 сен 2024