قبل ماتنفصل 

لو حضرتك او حضرتك فى مشاكل وبتفكروا فى الانفصال فأكيد عندكم قايمة بالسلبيات تمام بس
لازم الاول تقعد مع نفسك وتفكر كويس وتعمل جرد للأيجابيات بتاعة الطرف التانى
وانت بتعمل القايمة دى لازم تخلى بالك من10 حاجات جدا
رقم
1- لازم تشوف الايجابيات من خلال منظور واقعى مش مثالى.
2- لازم تفصل الماضى .. متفضلش تحاسب الشريك بأثر رجعى و كل مشكلة تستحضر كل خلافات واخطاء الماضى ركز بس على الوقت الحاضر
3- الحاجات الى الطرف التانى بيعملها مينفعش نقول ده واجب عليه .. حتى لو بيعمل واجبات دى حاجه جميلة تستوجب الشكر وكلمة ده وجبه انكار لحقه
4- لزم تسأل نفسك سؤال جوهرى هو ليه الشريك ده من دون كل الناس هو شريكى ؟ انت ليك دور فى انكم فى نفس العلاقة وبعتذر بس هو بشكل او اخر شبهك او المناسب ليك .
5- لازم كمان تعمل جرد لسلبياتك انت كمان وانت بتعمل الجرد ده متنقيش اراء الناس الايجابية فيك بس لكن ركز كمان على النقد
6- لما تسمع او تشوف حد متخصص فى العلاقات الزوجية متنقيش الى على مزاجك بالعكس اسمع وشوف الى مختلفين معاك
7- لازم تعرف ان شريكك فى ناس كتير شايفينة كويس ويمكن فرص بالنسبالهم
8- الناس الى حضرتك شايفهم من بعيد دول وانهم احسن من شريكك مليانين عيوب لكن كل شىء من بعيد حلو
9- لو حضرتك خرجت من علاقة من غير متعرف السبب الجوهرى وعيوبك ودورك كفى المشكلة كان ايه . اى علاقة تانيه حتلاقى نفس المشاكل ووقتها حتعرف ان الشريك مكنش هو السبب لوحده
10- اخر حاجة .. لازم حضرتك ترجع لقايمة السلبيات الى جواك وتعيد صياغتها تحذف الى مش حقيقى فيها او مبالغ فيه .