بالنسبة لنقطة مين آفضل بلاتينية او سيجنتشر 9:50 ، انا اشوف صراحة إن الي أخذ بطاقة سفر بلس بعرض مجانًا مدى الحياة يقدر ياخذ البلاتينية وهو مغمض لان عنده مميزات السيجناتشر موجودة ببطاقة السفر بلس وماراح يحتاج ابدًا السيجنتشر هذي وجهه نظري.
بعد مراجعاتك الممتعة والمفيدة، قررت أطلب البطاقة وصار لها اسبوعين معي بالضبط حرفيا البطاقة ممتازة جدا جدا مع ان عندي بطاقة سيجنتشر تبع النقاط أشوف ان بطاقة كاش باك بلس إضافة جبارة للمطاعم والسوبرماركت وفي حال استخدمت الحد الأعلى للكاش باك أصير أدفع من بطاقة سيجنتشر وأكسب النقاط لأنها بدون حد وبكذا أقول ان هذا مكس رهيب ومفيد جدا ( سيجنتشر مرابحة + كاش باك بلس بلاتنيوم ) وخصوصا ان بطاقة المرابحة سيجنتشر مجانا مدى الحياة! طبعا صرت أستخدم بطاقة الكاش باك بلس للمطاعم بـ ٢٠٠٠ ريال وفي حال تجاوزت هالمبلغ أحول طريقة الدفع لبطاقة سيجنتشرالنقاط لأني استنفدت الحد الأعلى للكاش باك وهو ٢٠٠ ريال للمطاعم وما راح أستفيد بعدها، وهكذا للسوبرماركت تقريبا٣٣٠٠ ريال، أما المتاجر إذا بشتري بـ ٢٥٠٠ ريال وأقل أحيانا أدفع بالكاش باك بلس وأحيانا ببطاقة النقاط سيجنتشر لأن كلهم نسبتهم ٢٪ لكن إذا المبلغ فوق ٢٥٠٠ ريال أكيد بدفع ببطاقة النقاط لأن الحد الأعلى للكاش باك بلس هو ٥٠ ريال، أما بقية المدفوعات مثل البنزين ..الخ أشوف ان بطاقة النقاط أفضل. هذي تجربتي الحالية والبطاقة فرقت معي كثير وفي اسبوعين فقط! تحياتي،
أشكرك أخي محمد الخضير على جهودك الجبارة سؤالي : أيهما أفضل في العائد المالي بين بطاقة سيجنتشر المرابحة ( نقاط مكافئة ) أو بطاقة سيجنتشر ( كاش باك )؟ تحياتي لك.
المكافاة لو تبغ تحسبها على افضل بطاقة موجود الي هي الاينفنيت بتعطيك ٥ نقاط لكل ريال اي بما يعني ٢٪ استرداد نقدي، اعتقد ان الكاش باك افضل على المدى البعيد ولا كان الراجحي خلاها مجانية مدى الحياة مثل الانفتيت والله اعلم .
يا هلا ومرحبا.. سؤالك جميل وجوابه صعب لكن بحاول أجاوب قدر الإمكان ولا أستغني عن رأي وخبرات من يقرأ .. سيجنتشر المرابحة تعطيك ٢٪ عائد على العمليات الداخلية و٢.٤٪ على العمليات الدولية.. لو فرضنا انك بتتسوق من السوبرماركت بمبلغ ٢٠٠٠ ريال فالكاش باك أفضل لأنها بتعطيك عائد ٦٪ .. لكن لو بتسافر خارج المملكة فسيجنتشر المرابحة أفضل . وكذلك الفئات الأخرى غير المطاعم والسوبرماركت أشوف انو سيغنتشر المرابحة أفضل.. يعني باختصار لو انت كل شهر تدفع مبلغ ٢٠٠٠ ريال على المطاعم ونفس هذا المبلغ أو أعلى على السوبرماركت فالكاش باك بتربح منه أكثر بكثير.. أما الفئات الأخرى المرابحة أريح لك..
هلا محمد المثال اللي ذكرته باجمالي الانفاق هو 10000 ريال العائد هو 4.38 % فممكن لو استخدمها للمطاعم فقط ااو المطاعم مع السوبرماركت وفر له من ينفق على المتاجر او المشتريات المحلية او الدولية واللي نسبتها ضعيفة واستبدالها بأستخدام 1% للمشتريات المحلية بدلا من 0.5 % والفرق ضعف وايضا مشكلة الرموز الخاصة بفيزا فحلها تشتري بمبلغ صغير زي 10 ريال او حتى ريال وتجرب جاء لك 10 بالمية تمام او رح لمحل اخر او ماركت الين ماتحصل الكاش باك 10 بالمية وطريقة الحساب ( 10 ريال ×0.1 = 1 ريال واحد ) بالحاسبة تعديل / واستبدالها بأستخدام يور باي 1% للمشتريات المحلية بدلا من 0.5 % والفرق ضعف
مثل ما تفضل أخوي ناصر.. يعتمد على تصنيف نقطة البيع نفسها.. وهذي هي المشكلة الوحيدة بالنسبة لي في بطاقات الكاش باك اللي فيها فئات.. يعني ممكن تشتري من مطعم وبعدين يكون ما وضع تصنيف مطعم في نقطة البيع!!! ومايجيك كاش باك ١٠٪
شكراً على جهدك .. وفي اعتقادي انها تنفع لناس محدودة جداً جداً جداً .. وهم الطبقة العالية .. لأن لو بدفع ٢٠٠٠ ريال ف المطاعم خلال شهر فهذي مشكلة، ولو تشوف اللي بيرجع لك فقط ٢٠٠ ريال ، وفي السوبرماركت ١٢٠ ريال يرجع لك .. شيء ما يُسوى ، النقاط عندي افضل .
📍الحذر الحذر ، محسوبة على آخر الشهر مطلوب منك تسدد المبلغ الذي اضافه البنك للبطاقه الائتمانيه وهذا ليس من راتبك وانما قرض من البنك فاذا جاء يوم 21 ولم تسدد ما صرفته وطبعا اخر الشهر الكل على الحديده فيحسب رسوم على المبلغ بالنسبه عاليه جدا على التاخير يعني اخر يوم 21 لازم تكون سددت كل ما سحبت من بطاقه الائتمان
ياخي محسسن ان المبلغ اللي به فلوسك اكيد تبي تسدد او اشحن البطاقه واشر اللي تبي لكن لاتلمس المبلغ اللي به عشان مايفرض عليك رسوم اجل تبي تدفع منهم وماتبي تسدد !
سلام عليكم, هل تعلم ما هو تعريف السوبرماركت عند بنك الراجحي، قمت باستعمال البطاقة في الدانوب واللولو وقيمة الكاش باك كانت ١٪ فقط وليس ٦٪ كما هو معلن هل سوبرماركت يعني بقالة وما سبب الاختلاف
هذي اكبر المحلات ولم يأتيك 6%والسبب اختلاف رقم المعرف لهذه المحلات عن ماهو موجود في البطاقة كما قال في شرحة كذا الزبون خسران والبطاقة تفقد مصداقيتها ولا ليها دعوه
شكراً استاذ محمد على المعلومات القيمة الي تقدمها بالقناة، والسؤال هو هل بطاقة الراجحي كاش باك بلس سيجنتشر افضل من بطاقة اجواء المقدمة من بنك الجزيرة من حيث الكاش باك النقدي. وشكرا مره أخرى..
شكراً على الفيديو المفيد .. سؤالي هو: في اي يوم من الشهر يُصدر كشف الحساب الشهري؟ وهل عند بداية كل شهر تبدأ الدورة الجديدة لاحتساب الكاش باك (حد 200 ريال الشهري للمطاعم وللمقاهي مثلاً)؟
بطاقة كاش باك بلس بلاتينيوم بالنسبة للاسترجاع لو حاسبت بها وتم إلغاء الطلب هل يحتسب رسوم او شي علي إعادته ؟ وهل المحاسبه به في السوبرماركت العادي والمطاعم فيه كاش باك أو فقط أون لاين ؟ وهل البطاقه زي مدي لوخلص المبلغ اللي فيها أعرف يعني أودع فيها وأصرف بدون تدقيق أو إذا خلص المبلغ تستدين وتوهق ؟ أرجو الرد
يتم إعادة المبلغ والكاش باك إذا تمت إلغاء العملية.. الكاش باك اون لاين وفي المحلات أيضاً.. وتقدر تعرف إذا خلص الحد الائتماني من الرسائل او من التطبيق..
طيب سوال اخر يااخ محمد بارك الله فيك من خلال استخدامك للبطاقة يااخ محمد وبصراحة هل معظم المتاجر والمحلات والسوبر ماركت يقبولون البطاقة ام انه قلة من المتاجر تقبلها يعني ايش الفايدة اخذ هذه البطاقة اذا كان كل مااشتري من مكان يقول مااقبل الفيزا تحياتي وتقبل مروري
جزاك الله كل خير سؤال لو تكرمت ...لو عملت سحب نقدي أو عملت تحويل لمبلغ من بطاقة الكاش باك إلي حسابي العادي ....متي يستحق السداد ...وهل يمكن تقسيطه بدون فوائد ولا لازم المبلغ كامل ؟؟؟مع العلم أن رسوم السحب النقدي لأي مبلغ هو 87 ريال تقريبا؟؟؟؟
للتوضيح، بنك الراجحي للأسف عنده شرط ان شركتك لازم يكون عندها انفاقية مع الراجحي. إذا مافي اتفاقية، فما يهم قد ايش راتبك عالي، على طول بيجي رفض. بيتصلون عليك و يقولون لك شركتك عندها اتفاقية مع الراجحي؟ أول ما تقول لا، بيعتذرون منك. هذي نقطة مهمه!
صراحة الاخ الغالي محمد والله من افضل مارأيت والله اتابع حساباته ووالله استفدت فوائد ماشاء الله كل محتوى ينزله الا اطلع بفائدة الملفت انه متمكن وان محتواه صراحة جعل الله له قبول ربي يوفقه ويفتح عليه من باب الأمانة ماراح تندم بمتابعة الاخ محمد قسم بالله حتستفيد🌹
في نقطة اتمنى انك تنبه الناس عليها: وش الفرق بين تأمين السفر ف هذه البطاقة وتأمين السفر حق بطاقة سفر بلس؟ .. اذا الواحد بيسافر اكيد بيكون عنده بطاقة السفر بلس .. فليش يعرضوا تأمين سفر على بطاقة كاش باك الاغلبية بستخدمها استخدام محلي .. وبالنسبة لتأمين السفر .. هل عليه شروط ؟ يعني مثلا مفروض احجز التذكرة ببطاقة فيها تأمين سفر كمثال .. وفي حال الشركة هي اللي تحجز لي التذكر هل بشملني التأمين او لا
للاسف البطاقه ليست مجديه كما يتصور.. مجدية لكن بشكل بسيط وتوهمك انها تربحك بينما هي تخسرك احيانا وانت لا تدري وهذا ما حصل معي للامور التالية: - كثير من الرسوم التي ياخذونها في العمليات لا يظهرونها لك في التطبيق ولكن تظهر اخر الشهر في كشف الحساب وهو ما لن تقرأه بحذافيره .. ستشاهد ان هناك كاشباك مثلا ٤ ريال وفي الحقيقة اخذوا منك رسوم ٦ ريال. وهذا اكتشفته مؤخرا. ايضا , كثير من الاسواق- وهذا ما وضحه الاخ - تعامل معامله غير الاسواق فلذلك الكاش باك في البطاقات الائتمانيه الاخرى افضل. حاش محلات معينة. - اتصلت بالبنك سائلا عن بعض الرسوم فتبين ان هناك رسوم على العمليات الدوليه حتى وان كنت داخل المملكة بمعنى "اوبر, اسواق الكترونية, الشراء بالتطبيقات " الخ مختصرا استعملها في المطاعم وهنجرستيشن وفي محلات معروف انها ترجع كاشباك
أعتذر منك، وأبشر بسوي فيديو فيه مقارنة شاملة بين هالبطاقات ومزيد والبطاقات المنافسة وبتكلم بالتفصيل عنهم .. وبقول كل بطاقة وش تتميز فيه وكل بطاقة أفضل من أي ناحية.. شكراً لك..
كذلك من شروط الاستفادة من الاسترداد انك تحتسب بفلوس البطاقة وماينفع تشحن من حسابك وتحاسب فيها ، أرى بطاقة مزيد نفسها بالضبط مزيد تتميز مافيها حد اعلى ٥٠٠ ريال ومثل الراجحي ولكن ماتقدر تضيفها في ابل باي والراجحي يتميز بخدمته وتطوره التقني مقارنه مع بنك الامارات دبي الوطني
هلا عبدالله .. شكراً لاقتراحك بس لو أنت متابع قديم لي بتذكر اني كنت أضع كل المبالغ مع الضريبة.. وفي تويتر سألت المتابعين وقررنا نخليها بدون ضريبة، ليش؟ لأنه لو نزلت الضريبة أو زادت بتصير كل الفيديوات اللي سويتها معلوماتها غلط! أتمنى انك فهمتني.. وعشان كذا اوضح في كل فيديو ان الرسوم بدون الضريبة عشان الشخص يحسب الضريبة بنفسه وطريقة حساب الضريبة سهلة جداً جداً..
المشكلة ان جميع هذه العروض تحثك على الصرف المبالغ بشكل اكثر واكبر من اجل الحصول على المبلغ المسترد للبطاقة اعتقد ان البنوك ادركت ان جملة من الناس تستخدم الدفع النقدي عوضًا عن استخدام البطاقة
حفظكم الله اخ محمد على شرحك الجميل سؤالي إذا حصلت على السيجنيتشر وجيت اسافر ما احتاج اسوي تأمين سفر؟ وهل استطيع احصل على بطاقتين مجانا وتشمل تأمين شخصين من الأسرة كالزوجة والأبناء ام لا؟ وهل يستطيعون الدخول بها إلى الصالات
حد أقصى كاش باك ٥٠٠ ريال فقط؟! بطاقه سيئة جدا جدا وتأتي في المركز الأخير بين بطاقات الكاش باك! بطاقة لايف ستايل البنك الفرنسي أفضل بطاقة مزيد من بنك الإمارات أفضل بطاقة كاش باك بنك الرياض أفضل
السلام عليكم كيف اعرف اذا تم تمديد العرض على البطاقة (اول سنة مجانية) حاولت اصدرها من تطبيق الراجحي ولكن يطلب مني ادخال جهة العمل ويلزمني الاختيار من القائمة المنسدلة ولم اجد جهة العمل التي اعمل بها من ضمن الخيارات هل يوجد طريقة لتجاهل هذا المتطلب
حبيبنا محمد استفسار بخصوص خانة ( التحويل ) اللي بجانب المدفوعات في بطاقة كاش باك بلس الراجحي وش الفائده حيث ضغطت عليها وتحويل على حساباتي الرسمية بمبلغ كبير وش الفائده وهل فيها رسوم وشكرا
سؤال مهم ، هي بلا شك افضل بطاقة كاش باك لكن لو بقارنها بنقاط مكافأة بطاقة انفنت اللي هي تعادل (٢.٤٪ كاش باك تقريبا) هل بتكون افضل منها او لا بما ان انفنت اصبحت مجانية لفترة ولحقوا عليها الناس و الشيء الثاني برضو بالنسبة للحد الاعلى لكل فئة اللي في بطاقة كاش بلس فوجه المقارنة بهالنقطتين مهم
الجواب صعب على هذا السؤال لأنه يعتمد على كمية مشترياتك ومصروفاتك .. يعني لو تستخدم البطاقة الكاش باك بلس في السوبرماركت والمطاعم فالنسبة جداً ممتازة.. غيرها تعتبر جيدة لكن انفنيت وسيجنتشر أفضل خصوصاً في فئتي العمليات الأخرى..
تجاهلت أفضل بطاقة كاش باك في السعودية وهي بطاقة مزيد من بنك الإمارات .. وكمان ايش الأفضل بطاقات الكاش باك أو بطاقات المرابحة المعتمدة على النقاط من بنك الراجحي
@@mohakhu لا داعي للاسف ونشكرك كثيرا على التغطية الرائعة والمفيدة عندي ملاحظة وان شاء الله يستفيد الجميع بخصوص بطاقة مزيد حق بنك الامارات دبي هي ممتاز من ناحية الرسوم والكاش باك خصوصا فيها ميزة 5% تشمل الصيدليات ولكن خدمة العملاء جدا جدا سيئة حتى الاتصال برقم التلفون مشوش والصوت ما ينسمع ولا يبين عندك اي تفاصيل للنقاط اللي كسبتها لهذا بإذن الله ناوي الغيها واستخرج بطاقة الراجحي لان كل شي عندهم واضح ويظهر لك كل تفصيل حق كى عملية وكم حصلت نقاط وهذي شفافية تستحق الاشادة فيها الراجحي وهذي الميزة ما حصلتها في عدة بنوك
شكراً على جهودك في التوعيه. عندي سؤال الله يحفظك، عندي بطاقة الراجحي بلاتينيوم. اخذتها في العرض مجاناً. اذا قمت بترقيتها سجنتشر. هل تكون مجانيه او تكون عليها رسوم سنويه.
السلام عليكم تعرضت لعملية احتيال في كيب تاون دخلت البطاقة بصراف آلي وبعدها الرقم السري سحب الصراف البطاقة وصارت تجيني رسائل سحب مبالغ بإسماء تجار مختلفين تواصلت مع البنك وتم ايقاف البطاقة وابلاغ مركز الشرطة للأسف البنك رده لايوجد حل وطلب تصعيد الشكوى للبنك المركزي وتم التصعيد وكان الرد ابلاغ الجهات الأمنية. أتمنى توجهني بنصيحة او خطوات استخدمها لحل الموضوع شاكر ومقدر لما تقدم من شروحات تفيد الناس وجزاك الله خير.
انا استخرجت البطاقه عن طريق تطبيق الراجحي بس ما اعرف هي سنجنتر ولا بلاتينيوم كيف اعرف !؟ وسوال ثاني كيف استخرج البطاقه لازم اروح البنك !؟ اقصد البطاقه كيف احصل عليها
السلام عليكم استاذنا انا اسم شركتي غير متواجد فى الاسامي المقترحه اثناء طلب البطاقه مازا افعل للعلم احنا شركة كبيره وليها 3 مصانع تحت نفس المسمي الرجاء الافاده
طيب انا طلعتها والحد لانتمائي حطيته اقل شي 2500 يعني لو مثلا بصرف 500 اقدر احط عليها واصرف ويجيني الكاش باك بدون ما المس المبلغ الموجود بالبطاقه عشان ماتسير علي مديونيه لاني ماني فاهم بالنقطه ذي يعني كل 100 ريال 10 للمطاعم ؟
يا هلا ومرحبا.. سؤالك جميل وجوابه صعب لكن بحاول أجاوب قدر الإمكان ولا أستغني عن رأي وخبرات من يقرأ .. سيجنتشر المرابحة تعطيك ٢٪ عائد على العمليات الداخلية و٢.٤٪ على العمليات الدولية.. لو فرضنا انك بتتسوق من السوبرماركت بمبلغ ٢٠٠٠ ريال فالكاش باك أفضل لأنها بتعطيك عائد ٦٪ .. لكن لو بتسافر خارج المملكة فسيجنتشر المرابحة أفضل . وكذلك الفئات الأخرى غير المطاعم والسوبرماركت أشوف انو سيغنتشر المرابحة أفضل.. يعني باختصار لو انت كل شهر تدفع مبلغ ٢٠٠٠ ريال على المطاعم ونفس هذا المبلغ أو أعلى على السوبرماركت فالكاش باك بتربح منه أكثر بكثير.. أما الفئات الأخرى المرابحة أريح لك..
يا هلا ومرحبا.. سؤالك جميل وجوابه صعب لكن بحاول أجاوب قدر الإمكان ولا أستغني عن رأي وخبرات من يقرأ .. سيجنتشر المرابحة تعطيك ٢٪ عائد على العمليات الداخلية و٢.٤٪ على العمليات الدولية.. لو فرضنا انك بتتسوق من السوبرماركت بمبلغ ٢٠٠٠ ريال فالكاش باك أفضل لأنها بتعطيك عائد ٦٪ .. لكن لو بتسافر خارج المملكة فسيجنتشر المرابحة أفضل . وكذلك الفئات الأخرى غير المطاعم والسوبرماركت أشوف انو سيغنتشر المرابحة أفضل.. يعني باختصار لو انت كل شهر تدفع مبلغ ٢٠٠٠ ريال على المطاعم ونفس هذا المبلغ أو أعلى على السوبرماركت فالكاش باك بتربح منه أكثر بكثير.. أما الفئات الأخرى المرابحة أريح لك..