ومفهوم قرار الوصاية كالأتى
مثلا الأب توفى وله ورثة شرعين ومن ضمن الورثه أولاد قصر والقاصر فى القانون هوه من لم يبلغ سن الرشد وهو 21 سنه
وسواء ترك الاب المتوفى ميراث ام لم يترك لازم يكون للأولاد القصر ولى أو وصي حسب الاحوال عشان يكون مسؤول عن حياه القصر الاجتماعيه والماليه .
انا اسلام حمزة المحامى وانت بتتفرج على المستشار القانونى
أول حاجه هفرق بين الولى والوصي
اولا: الولى : بيكون الاب او الجد فقط لان الاب بيكون الولى الطبيعى على أبنائه وعند وفاته تنتقل الولايه الى الجد
ولو الجد متوفى او متنازل عن الولايه لأى سبب تنتقل الى الام وتصبح هى الوصية على أبنائها
ثانيا الوصى : هوه كل شخص غير الأب والجد تثبت له سلطه على مال القاصر
اى تثبت له الولايه على حفظ المال تطوعا لخدمه القاصر الااذا كان الوصى محتاجا
فتمتلك المحكمه ان تعين له اجرا ويتم استخراج قرار الوصايه بعد طلب يتقدم به مستحق الوصايه
وممكن الوصى يكون الام أو العم او الخال ولاكن فى الغالب بتكون الأم هيا الوصية على أولادها القصر
نيجى بقى للنقطه الأهم حضرتك هتستفيد ايه لما تعمل قرار وصايا
رقم 1 : عند ادارة أموال القاصر لازم استخراج قرار وصايه .
سواء كانت الاموال دى على سبيل المثال (فلوس فى البنك -عقارات -معاش _ سيارة أو أرض )
ياعني مثلا توفى الاب وترك للاولاد القصر عقارات او اراضي فمينفعش حد يأجرهم الا باستخراج قرار وصايه وده بينطبق على اى املاك تخص القاصر .
رقم 2 : فى حاله عمل اعلام وراثه ويوجد ورثه عمرهم أقل من 21 عام فالقانون يلزم استخراج قرار وصايه وتقديمه للمحكمه حتى يتم عمل اعلام الوراثه .
يعنى مينفعش تعمل اعلام وراثه من غير تقديم قرار الوصايه فى حاله وجود وريث قاصر
رقم 3 : عند عمل توكيل لمحامى فى الشهر العقارى لموضوع يخص القصر بيتطلب منك صوره من قرار الوصايه.
وده بينطبق على كل تصرف يخص القاصر بالتعامل مع الجهات الحكومية بيستلزم قرار وصايه
وهنا فى فرق كبير بين الولى والوصى فلکل منهما صلاحیات وحقوق مختلفه
اولا : الولى الطبيعى سواء الجد فى حاله وفاة الاب وتركه ميراث او الاب فى حاله وفاه زوجته وتركها ميراث لاولدهم
وهنا الولى الطبيعى لايستلزم صدور قرار من المحكمة بتعينه ولى طبيعى أو شرعى على القصر
وايضا الولى الطبيعى أو الشرعى يتصرف فى أموال القصر كيفما يشاء كما يتصرف فى ملكه الخاص
وايضا الولى الطبيعى أو الشرعى لايخضع لرقابة وسلطه المحكمه الا فى حاله واحدة فقط
وهى ان يقوم شخص بتقديم شكوى بأن هذا الولى الطبيعى أو الشرعى يفعل تصرفات من شأنها اهدار وتبديد الأموال الخاصة بالقاصر
بشرط ان يقدم الأدله التى تؤيد شكواه
ثانيا : الوصى - ممكن ان يكون مختار مثل ان يقوم الأب حال حياته بااختيار وصى على أولاده بعد وفاته
وذالك عن طريق وصيه وتكون موثقة هنا القاضى بيكون ملزم بتنفيذ وصية الأب
بأن يكون ذلك الشخص المختار وصى على أولادة القصر الا اذا قام شخص من الورثه برفض ذالك وذكر اسباب معقوله .
والوصى له حق الاداره فقط وليس له حق التصرف واذا تصرف فى مال القاصر بدون موافقه النيابة الحسبية بيكون التصرف باطل
واذا كان التصرف خاص ببيع أو شراء لابد من تحريك الطلب عن طريق خبير يحدد جديه الطلب
*وهل هوه فى مصلحه القصر أم لا علشان النيابة الحسبيه تصرح بالتصرف ام لا تصرح به
مثال : لو باع الوصى شقه مملوكه للقاصر من تلقاء نفسه بدون اذن من النيابة الحسبيه يكون البيع باطل قانونا .
وان الوصيه ممكن تكون بأجر وممكن تكون بلا اجر ويحدد ذالك قاضى المجكمة الحسبيه تبعا للأعمال التى يقوم بها الوصى
وفى الاغلب الاعم تكون الام هى الوصيه على أبنائها بدون اجر
ويجب لتعين الوصى قرار من المحكمه اما الولى فلا يستلزم تعينه من المحكمه
نيجى بقى للاوراق المطلوبه لاستخراج قرار الوصاية
1 - تقديم طلب للنيابة الحسبيه من طالب الوصايه الى هيا الام مثلا وده غالبا بيكون فى محكمه الأسره .
2- يرفق بالطلب مايفيد وجود تركه للمتوفى وفى حاله عدم وجود تركه و ترغب فى عمل قرار وصاية
وده بيكون مثلا فى حاله وجود معاش بتعمل فتح حساب فى البنك أو دفتر توفير بأسم كل قاصر
وتضع فيها مبلغ رمزى حتى توافق النيابة الحسبية على عمل قرار الوصاية بحيث انه يكون بمثابة اموال للقصر ويكون الوصى مسؤلا عنها
3- اصل بطاقه الرقم القومى لطالب الوصاية + صورة منها .
4- اقرار بتنازل الجد عن الولاية اذا كان على قيد الحياة وإذا تعذر حضر بالحضور يقوم بعمل تنازل بالشهر العقارى
5- فى حاله وفاه الجد تقدم صوره من شهاده وفاتة و اصل شهاده وفاة الاب المورث
6- اصل شهادات ميلاد القصر المطلوب شمولهم بالوصاية
7- حضور القصر الذين تجاوز سنهم 15 سنه مع إثبات شخصيه مثل كارنية الجامعه أو المدرسه أو البطاقه الشخصية.
ويكون مع طالب الوصايا صور من كل المستندات المطلوبة
وبعد كدة بيتم فتح محضر جرد لأموال المورث لإثبات حقوق القصر بالمجس الحسبى
وبيتحدد جلسة فى وقت مش بيذيد عن شهر ويصدر بعدها القرار بتعين وصى على الوريث القاصر وتجنيب نصيبة من التركة
وإيداعة فى البنك فى حساب خاص لايجوز الصرف منه الابعد رفع الوصاية عند بلوغ القاصر سن الرشد أو بإذن للوصى من القاضى بالصرف .
ثم يتحصل طالب الوصاية على صورة رسميه من قرار الوصاية
وهنا بننصح انه يستخرج عدد كافى من صوره الحكم يكون مثلا اكتر من خمس نسخ علشان بتحتاجهم فى اى حاجه تخص القاصر
وكده بيكون شرحت لحضرتك قرار الوصايه الي بيكون لازم استخراجه عند قيامك بعمل اعلام وراثه
وده فى حاله وجود قصر فقط اما فى حاله عدم وجود ورثه قصر فبتعمل اعلام الوراثه من غير ماتعمل كل ده .
23 авг 2021
