حي ألم البعاد حشش كلاي وأجرا دمعي أنا شوقي طايل لي ظبيات وأجره .. ياحليل الغصون المايسات في القلعه زي الريل حدايق وكالبدور في الطلعه مع فرط الجمال زايدات حداقة وشلعه يات من كان تجيك تقدح تزيدك ولعه .. بذكر جلستن يوم جمعة بعد النافله ربات العفاف الطبقه الما سافله دارسات كل فن إلا الأمور الآفله والعجب الخلق شبه الأرايل الجافله .. يات من كان تصادفك حافلة أو غير حافله تتناول فؤادك وتمشي منك غافله أنظر قامة ممشوقة ومضمرة كافله نغماتاً تنسيك الفروض والنافله .. إقتبس البدر من آمنه نورو و دارتو الخز والدهب عار من جسيما نضارتو الدر حين وهب لي فاها شوفو قدارتو أضحي علي الرؤوس يُحمل ونافذه إدارتو .. فرع الياسمين من النسيم يتنى سالكه مضمره والتنه فوق التنه عبي نهودو كتلنا وجاء يكتلنا فزنا بي الشهاده منو اللقاها متلنا .. إن جانك تقود في عوما زي الوزه واللفتات غزالاً بي نتايل فزه وكتين تبدو جوز عينيها كسرة وغزه زي الفارس القاتل حسامو وهزه ..
