هذه السوالف تصلح في وقت الشتاء والحاضرين متحلقين حول موقد الجمر والجمر تشوفه ينبض دفئا حسب جودة الحطب ضوه يلمع يبث الدفء لمن حول الموقد وعلى الموقد دلال القهوة وأباريق الشاي والأكلات الشعبيه التي تبث الدفى في اجسام الناس شيء رائع وجلسه ساحره وحكاوي الجن والعفاريت خصوصا وقت الشتاء لها معنى اذا كان الجو ماطر تسمع حبات المطر تسقط على البيت كأنها موسيقى يهفو لها السامع وهو يتناول فناجين القهوه وبيالات الشاي تدور على الحاضرين وفهد بن عيد يتلو علينا قصصه وننتقل من قصه لأخرى وهكذا حتى بعد منتصف الليل . الجمعه الموافق 12/7/2019 الساعه 17:09مساء
جزاك الله كل خير 🕋🙏أسأل الله أن يغفر ذنوبك ويرحمك برحمته الواسعة ويرزقك على قد نيتك. ويحفظك من شياطين الانس والجن..ويشفيك ويعافيك ويرزقك.ويرزقك الجنه....آمين
انا انسان احب الحلال وكل يوم وانا عند حلال ابوي وولد عمتي في الخمره المهم ذاك اليوم قبل رمضان ذي السنه رحة مع ولد عمتي ننقل حلال اخوه وطلعنها في الددسن اول ماركبة كن واحد خانقني وانكتم وانزل من السياره وابعد عنها جلسة وخفت شوي وارجع اركب على المستشفى اول ماخشيت عطوني اكسجين وسولي تخطيط قلب قالو ان مافيني الى العافيه وطلعت اول ماركبت السياره انكتمة وجلست على الرصيف وكرهت الددسن بالحلال الي فيه واطلع سياره ثانيه وع البيت وصلت جلسة يمكن ربع ساعه وانكتم وع المستشفى قالو اني سليم استغربت من الكتمه انا ادخن بالعاده 3 ابكات في اليوم المهم جيت بنام شوي اختفت الكتمه حسيت اني ببلع لساني 😂 وافز اخذ لفتين في الصاله وارجع اشغل سورة البقره وانام الزبده رحت 7 مستشفيات حكومي وخاص قالو مافيك الى العافيه وقعدت كذا لين دخل رمضان واختفت مره الحمدلله واول يوم في العيد جالسين في الاستراحه وانا سهران قلت بنام قبل العشاء بساعه بس حطيت راسي على المخده وولد خالي يسولف المهم غفيت واقوم مفجوع ومكتوم ومفهي كني سكران واستغربو كلهم واطلع بسرعه لسياره بغى يغمى علي وادق على ابوي طلع وداني المستشفى قالو يمكن من السهر واقعد اقراء واستغفر شفت الموت والله ونطلع للستراحه عفت العشاء بس اني رجعت طيب وقال ولد خالي انت فيك بلى متى جتك الحاله ذي اول مره قلت عند الحلال المهم عطاني رقم شيخ ورحة له بعد يومين اول ماخشيت عطيتة العلم قال بس ويقراء علي قبل يقراء كنت صاحي وافهم منه ويفهم مني بعد ماقراء جسمي ماحس فيه من الصدر لين القدم ماحس الى بصبع رجلي الكبير مشدود وقف قرايه قال انت عند نظره جان يعني جني نظري بعينه مثل العيان وعطاني علاجات مدري وشهي ملعقه قبل النوم لمده 35 يوم وقال تراجع بعدها وانت بخير وصحه الحين لي 6 يوم والحمدلله رجعت بصحه بس اشوف خيالت مثل كنه واحد جالس وواحد يطالع من وراء الباب ومطنش وانشاء الله مافيني الى العافيه والحلال رجعت له الحمدالله ، المهم الي يشتكي من شي والمستشفى ييقول انه بخير يروح عند ايش شيخ يقراء عليه واذا مانفع راجع الصحه النفسيه ، معليش على الكلام الطويل
المشكلة اللي ماقد راح مكانات مهجوره لايتكلم عن الجن، انا جلست وعشت بمكان كله مقابر ورحت اتمشى هناك بعد ما غيرنا بيتنا ماعمري شفت جن صحيح نسمع الرمي وبعض الأصوات البعيده لكن مثل هالقصص الخرافية مايصدقها إلا اللي يسمع كلام المؤلفين والكذابين
اقسم بالله العظيم وانا صايم في هذا الشهر الفضيل اني رأيت مجموعة كلاب تمشي على قدمين كالبشر وكل كلب يحمل في يدة عصا طويلة .. وخلفهم مثل المرأتين لابسين اسود بأسود ويقفزون من مكان الى مكان .. وشاهد معي 4 اشخاص نفس اللي شفتة انا بالظبط
الجن حق وهم موجودون وبأعداد كبيرة كثر البشر وهذا مذكور نصا في القرآن أنهم يرونكم من حيث لا ترونهم .... فرؤية الجن في حالات كثيرة في حياتنا أمر عادي ... وفق الله الجميع
قصص الجن حقيقيه وواقعيه وتحصل على بعض الإنس وأنا حصل لي قصه وأنا خارج البيت وكنت سهران وانا الفلف بالددسن حقتي بعد منتصف الليل وتغلب عليَّه النوم وطرحني وأنا أروح لأقرب برحه كبيره وأوقف الددسن في وسط البرحه بعيده شوي عن الشارع العام وأنسدح في الحوض حق الددسن ويوم اني في أحسن نومه إلا وأحس بضرب قوي على ظهري وعلى ذراعي الأيسر وأصحى من النوم بسرعه وانا مستغرب من هو اللي ضربني وصحاني من أحسن نومه ، المهم ماشفت أحد أبد وأنا أقول بسم الله الرحمن الرحيم وارجع انام وبعد شوي رجع هالمخلوق اللي والله ماشفت له وجه ويضربني بقوه مره ثانيه على ظهري وعلى ذراعي اليسار وانا نايم فقمت مفجوع وخايف وأذكر الله واقرأ الفاتحه والمعوذتين وأشغل سيارتي وأمشي وطار النوم وأروح للبيت وأقعد يوم كامل والنوم طاير مانمت إلا بعدين . وأستشير واحد من الشيبان عن هالأرض على إني أبي أشتريها قال لي إنحاش عنها ولا تجيها ولا تفكر تشتريها قلت له ليش ؟ قال بيني وبينك ساكنينها جن خطيرين بس مايضرون أحد إلا اللي يعاندهم ولا يسمع لهم بعدها عرفت إن اللي ضربوني بقوه هم الجن هذا اللي حصل عليَّه من الجن في هذه الأرض . الله يكفينا شرهم ويبعدنا عنهم ويبعدهم عنا ، اللهم احفظنا واحفظ أخواننا المؤمنين الموحدين في كل مكان .
اذا دخلتو مكان مظلم او مهجور او شكيتو انه للجن اقرأو اعوذ بكلمات الله التامات من شر ماخلق ثلاث مرات واقروا ايه الكرسي والمعوذات ومابيصيبكم اذى باذن الله
مره ابوي الله يرحمه وقف تريلته بالفروق اللي دون خريص طريق الرياض ... اثره وقف بمكان جن وهو يبي ينام تعبان الا شوي ازعجوه اللي يطق السياره واللي يهزها لين عرف انه جا بمحلهم وقام وشغل موتره وغير المكان وفكه الله منهم
في شخص شايب متلثم بالكويت سيارته قديمه دايم يمر زبايل صالات الافراح ومطاعم المندي والقصابين ياخذ ابقايا العضم> ولاجاه شخص يبي يعطيه صدقه او قاله يبي مساعده يقوله الله يجزاك خير واللي يقوله ابي اعشيه يقوله ابد تسلم ويسالونه ليش تاخذ من الزبايل ويقول لي حاجه فيهم سم امرني تبي شي والناس تمشي وتخليه>ومحد يكلمه ويعرفونه صالات الافراح والقصابين والمطاعم ويمر الجواخير واسواق الغنم والابل وصصفاة الغنم وياخذ روث ودمن الغنم والابل وبعض العمال لنا ينظف يعبيهم له باكياس ويعرفونه مايجيهم دايم يجيهم بين فتره وفتره>>مره واحد عرف سالفته ولحقه من بعيد ودخل بمنطقه بريه بالكويت تغاريز يعني السياره تتعب على ماتدخل وهذا ارجال دخل بسيارته يمشي بشويش مو مسرع وعدا والرجال غرز موتره وحاول يطلعه ماقدر جاه فجأـه الشايب يمشي وقاله اركب السياره ودز السياره وطلعها الشايب وقال للرجال لاعاد تلحقني واختفى الرجال>>جا سولف بديوان السالفه وكان حاضر شخص يعرف بالدين قاله هذا الشخص خله بحاله لاتجي صوبه هذا جن مسلم والعظم من اكل الجن والروث اكل دواب الجن> والمنطقه البريه انا اعرفها وين وفهعلا يوم رحتلها تغاريز والشخص ماعمري شفته
*هو كيف شاف الجان والله عز وجل يقول في كتابه الكريم:* *بسم الله الرحمن الرحيم* *يَا بَنِي آدَمَ لَا يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُم مِّنَ الْجَنَّةِ يَنزِعُ عَنْهُمَا لِبَاسَهُمَا لِيُرِيَهُمَا سَوْآتِهِمَا ۗ إِنَّهُ يَرَاكُمْ هُوَ وَقَبِيلُهُ مِنْ حَيْثُ لَا تَرَوْنَهُمْ ۗ إِنَّا جَعَلْنَا الشَّيَاطِينَ أَوْلِيَاءَ لِلَّذِينَ لَا يُؤْمِنُونَ* *الله أثبت لنا في محكم تنزيله أننا لن نراهم ابداً* *وما حصل لهذا الرجل إن صدق* *هو خيال نتيجة الخوف*
من كثر ماصارت لي مواقف مع الجن صرت ماأخاف منهم ، اتمشى بالصحراء لحالي بالليل اطلع الجبال بنصاف الليالي ادخل محطات مهجوره واناديهم واسبهم ، اكثر شيء يستطيعه الجن هو اخافتك بأصدار الأصوات فقط
ليس غريبآ على الجن بأن يتشكلو بأشكال ماديه كالحيوانات والإنسان وغيره ولكن الغريب في بعض البشر انهم لا يصدقون ذالك بالرغم من ان جميع الكتب السماويه ذكرت وجود الجن قبل الإنس ايضآ ما لا يعلمه الكثير بأن إي خلق أقدم من خلق فهم متقدمون بكل شي ناهيك عن هيئتهم الغير مرئيه ولهذا يتشكلون بالشكل الذي يريدونه... شكرآ للراوي أحسنت👍🏻
اول شي صح لسانك يبو فهد :ثاني شي الرجال من الخوف الي دخل قلبه صار يشوف أشكال ألوان وهيه بلحقيقة مالها اساس من الصحة صحيح الجن موجود بس الخوف الكثير خلاه يشوف المناظر ذي
،،، ،،، يالغالي انا متخصص بكشف زيف وبطلان خرافة ضرر الجن للأنس ودخوله فيه وكل هالخرافات الي جتنا من النصارى .. واذا رحت معك للمكان الي تقوله باي وقت تبيه المغرب او بالليل ولو تبي اخذ مسجل معي دبكه فلسطينيه وندبك انا وياك ساعه ونتقهوى ونرجع مقابل انك تكذب هالخرافات الي شوهت ديننا وشوهت شخصياتنا
تقول جدتي حفظها الله وهي الان كبيره جدا عندما كانت صغيره وتنام مع الغنم في الصحراء في الليل تاتي جمال كبيره جدا وتمشيء من حولنا وفي الصباح ليس لها اثر في الارض
عبدالعزيز اليافعي لاعادي تصير انت ماشفت كيف اذا الجن تسلطوا عليك اتذكر وحدة صديقتي نزل عليهم بعير من الدرج وانحاشت وخذت عيالها معها ودخلوا غرفة وقفلوا الباب قام البعير يدخل براطمه عليهم من تحت الباب
سموا باالله بسم الله الرحمن الرحيم ..انا احكي لكم عني كنت في بيشة مع امي وكان عمري ٢٤ سنه انا بنت وكنت نايمه علي بطني ها وبعدين اشوف واحد واقاف جنبي واناظره ماشفت وجه بس ثوب ابيض وجكيت اسود والله ماعندنا رجال عشان تقولون يمكن اخوك او احد ثاني لا هو بسم الله وانا شفت المنظر سميت وقرات المعوذات وقلبت علي جنبي اليمين واختفاء والله اني صادقه هم يتخلقون علي اي شكل انتبهو
نؤمن بوجود الجن ، وترى للمعلومية الجن ما تجيك إلا اذا ذكرتها ، ولكن بعض القصص محرف فيها ، ولكن بقول لكم قصة وقعت لي شخصياً أنا وأربعة من خوياي كنا طالعين لخيمة واحد من جماعتنا بعيدة عن البلد تعللنا وسوينا عشانا ونمنا وبعد ما نمنا بالخيمة الا ونقوم على الصرخة المرة تقريباً الصرخة اخذة دقيقتين بنفس واحد وبعد ما ارتبشنا وانتظرنا الصبح يطلع لان النوم طار شفنا البلاد وقصينا الأثر وراء الخيمة ولقينا اثر ذئب مفترس له شيء ولكن ما فيه دم ولا شيء وحسب تحليلنا انه افترس جنية
😂😂عادي ترا مافي ارجل من الجن ترا والله الاكثربه منهم رجال قول وفعل وفيهم خير كثير ..يعني مثل الانسان فيه خير وفيه شر بس الفرق الجن صادقين ورجال كفو سوا كان مسلم او مسيحي
الله يسعدك ياعيديجعل ايامك كلها عيداسلوبك في الالقاء مثيرماشاءالله وتحب تجمع بين الناس وتحب تسردلدهم القصص لانها عبروبعضها يكون له مغزى والله المناطق المسكونه صح عندنا في الجنوب من بيشه لاتثليث لاخميس مشيط وكبارالجن والزعماءفي تهامه بس قداكثراهل المنطقه متعودين على مشاهدتهم واكثرهم مايخاف لاننا كنى نشوفهم الجن وحنا صغاركانوعلى اشكال قرودولاحميروباالليل نشوفها والمعروف ان الرباح مايشوف باالليل فكانت قرودالرباح الكلام هذاقبل اربعين سنه نشوفها تطالع مع الدرايش ولانشوفها تجري في الحوش بس متعودين على التحصين وذكرالمعوذات قسم باالله مايضرك الاماكتب الله لك فيه صاحب لي قحطاني بشري عندهم جبال لونها احمرناري يقولي جدته الله يرحمه ويرحم المسلمين اجمعين تقوله ان هذي الجبال صارفيه حرب بين قبيلتين جن وكانواهل القرى يشاهدون الشهب من ناربين الجبلين في الليل لم تتوقف الافي الفجرالكلام هذا قبل اكثرمن مية سنه الدنياءمليئه باالاسرار
ابو ناصر505 صدقت يبو ناصر قصص الجن حتى يروونها كبار السن فيها من الشي العجيب والمخيف عاد كبار السن ما يكذبون عندنا في بني عمرو جبل حرفة له قصص مخيفة ويقال انه مسكون من الجن كفانا الله شرهم
