قصة السادس الاعدادي وشلون انتهت؟؟؟ 

راح انشر مقطع وارد ع كل تسائلاتكم ومن ضمنها المعدل ❤️🌿 اي استفسار تريد اجاوبه طرحه وانشالله شوفه بالمقطع الي راح ينزل خلا هاي الايام 💕

نصيحه :( الانتساب )للأشخاص الأقوياء والأذكياء فقط والي عدهم الثقه بنفسهم الانتساب نعمة للي يناسبة

الاسم : ابن ابوي البطل الحلم my dream : الهندسة المعمارية architecture📐👷🏼‍♂️ رجعوني بعد النتائج 2024

اكثر كلمة جرحتني من دخلت للسادس هيه جنت بداية سادس وكلت اريد اصير دكتورة وحلمي هذا الشي ابوي كللهم نص دكتورة ماراح تصير 💔😊 بس انا جاي اسوي الي علية حلمي طب او مجموعة طبية اتمنة احقق هلشي 💙 تعديل /باجر اول امتحان تمهيدي 2022/1/4

سادس 23 رغم كلشي جاي نمر بي بس دنحاول علمود احلامنا يارب نخلص نصف السنة على خير وندخل وزاري وميضيع تعبنا ونحقق احلامنا امين يارب 🙏🏻💙✨

جان السادس من اهم و اصعب وحلى المراحل يعني الحلو و المو حلو بيه تعلمت منه هوايه اشياء و تركت هوايه اشياء مو زينة وصرت مشغوله بلدراسة و اتحدى ظروفي الصعبة الجانت وي السادس حرفياا السادس صنعني وعلمنني هواي اشياء بلحياة و الدراسة و مرت الايام الجنت اكول "هم تجي يوم و تخلص" وهسه اني محققه حلمي طالبة تمريض ✨

الصحيح واحد يقره و يجتهد حته ينصر صاحب الزمان عجل الله تعالى فرجه الشريف حتى يدخل السرور في قلب أمام زمانه عليه السلام يفرح قلبه صلوات الله عليه بالهندسه و بالطب و بغيرها ولكن إذا قره و اجتهد لأمر دنيوي فقد أخطأ لأن هذا الأمر ممكن ما يحصله لكن صاحب الزمان عليه السلام يحصله ❤

صدق طلاب خلو ثقتكم بالله ونفسكم ترا محد يفيد ،اني امي هي اغلى الناس على قلبي وكلما تفوت من يمي تكول انتي مراح تنجحين انتي مجيبين معدل يعني تحفيز من المستوى الرفيع 😂💔💔 بس ان شاء الله انا قدها وقدود ومعليه بكلام احد حتى لو كان اقرب من قلبي الي🌝🫶 بالتوفيق للكل💞🪷

درست وشديت حيلي بغض النظر عن الضروف وجبت 92.57 كمية الخذلان حلمي ادخل معهد تخدير حتى لو مسائي وما نقبلت 😅 وطالبة دخلت تخدير وكلية بس اهلي ومعدلها 64هنا تحطمت بسبب هذا الظلم دخلت كلية تمريض والحمد لله على كل حال ❤

انطاني جرعة تحفيز 🗿✨ كلامك صح ... اني هم جان مستواي ضعيف وهم دوم حب اصور مقاطع واوثق لحضات يارب اطلع معدل بس مستقبل 🙂🇮🇶

بس تفكير يتعب البشر منة مو ادور مطلوب منك قراية يومية وبأستمرار شي صعب، واحنة تعبنة مواليد ٢٠٠٤ و ٢٠٠٥ مامتعودين هيج نقرأ فقط ع گد نجاح، الله يسهللنة

يمكن اني من الاشخاص الغريبين انا ما ادرس يومي فقط قبل الامتحانات بكم يوم بس اطلع درجات زينه يعني معدل ب80مرات احس نفسي مريض لكن قررت اغير وابدي ادرس يومي ونضمت جدول اوقات الدرس واوقات الراحه وكذا اول شهر انصدمت بالنتيجه درجاتي صعدت فا حاب اكلك الدرس اليومي مفيد جداً اول شي يخليك تتعود تتدرس وتصير الدراسه جزء من حياتك وثاني شي تلحك عالمادة وما تتراكم ♥✌🏻

صارت عندي اهواي اهواي اخطاء بالسادس و جاي تأثر على نصف السنة اولها الانتساب لان مدرساتنه يجيبن بس اثرائي و بالذات ام الرياضيات و الكيمياء سؤال وزاري واحد بالاسئلة ماكوو و انه ماجنت امتحن نفسي جنت بس ادرس و لا حليت وزاري اهواي حرفياً اتمنى بس ادخل وزاري حتى اعدل هاي الاخطاء وابدي من جديد ان شاءالله الحمدلله دخلت وزاري و بديت اعدل هاي الاخطاء و اصححها شوية شوية و اغير طريقتي بالدراسة لان حتى طريقة الدراسة عندي جانت خطأ

احسسهااا بعيده يخلص الساادسس.. بس بنفس الووقت خايفه من نهايته اذا نهايته مو الي اريدهاا اتمنئ ميخلص 💔 ياا رب وفقنا ولا ضيعلنا تعب. 2023/1/27...

اللهم اني اسألك النجاح لكل طلاب السادس والمراحل الاخرى بالدرجات العاليه والمعدلات التي ترضيهم .🤍 آمــين

انشاء الله نور تدخل وزاري + شكرا علئ الدعوه 🤍.

من شخص مرحله ثالثه كليه بس احب اكللكم السادس هي احلى مرحله ممكن تمر بيها منا تعرف شكد انت قوي منا تعرف شكد انت قريب من رب العالمين وشكد رب العالمين يحبك منا تعرف منو صديقك الحقيقي ومنو اليماشيك على مصلحه فصير حريص على نفسك وعلى مستقبلك واثبت النفسك قبل غيرك انت تكدر

بالنسبه لعدد المراجعات اني طالبه احيائي سنه ثانيه معدلي بالسنه الاولى 83 وراجعت مراجعه وحده بس وبعض المواد ما كنت مكملهم وقت المراجعه ضبطتهم مثل العربي فما مهم عدد المراجعات المهم دراستك على طول السنه ويارب التوفيق للجميع ❤️❤️

بعد ما عانيت وتعب السادس حصلت 96.71جنت متأكد مو معدلي لأن صدك بالدورين الاول والثاني حيل انظلمت . احلى فترة بحياتي جانت السادس

و نصيحه كلش مهمه اغلب طلاب المايقرون حجتهم الواهس حبيبي الدراسه مابيها واهس ابد حتى الجابوا معدلات ماعدهم واهس بدراسه بس شنو يجبرون نفسهم عدراسه و يقرون

طبعا اني رابع علمي متحمسه وصل السادس نفس وقت خايفه رغم اني كلش شاطره حتى وصلت علمي درجاتي مانزلت 100 98 💀💔بس السادس ان شاءلله اتطلع معدل طب 😭👍🏻ملاحظه صرت الخامس تطلعت اعفاء عام

الاهل؟؟ راح يكونون اول الناس تفرح الك واكثر منك بعد. لكن بنفس الوقت اذا مجبت المعدل راح يكونون اول من يشمتون بيك للاسف فلاتگول فلان وعلان واخويه وماعرف شسمه اني بعد ماممتحنه وبعد ممخلصين السنه ومن يشوفوني اسهر واقرا يگولولي تاليتچ ممطلعه طبيه 💔💔💔💔💔 ماعرف شيصير بيه لكن خليت هذا الكلام تحفيز الي وتحدي 😞😞

بالنسبة لعدد المراجعات ( اللي تشغل بال معظم الطلّاب )، فـ مراجعة واحدة مضبوطة جدّاً كافية، جانوا وياي طلّاب خلّصوا 5 مراجعات ( و حصّلوا على معدلات 70 و 80 ) بينما اني خلّصت مراجعة واحدة فقط و كان معدّلي 100.33 ( ليس تفاخراً او استنقاصاً من زملائي الطلّاب، لكن حتى تتوضّح عندكم الصورة انّ المعدّل ابداً لا يتعلّق بعدد المراجعات ).

معدلي 94.5 ومأجل جنت بس فيزياء. وعدت السنه. الحمدلله على كل حال ادعول اطلع معدل عالي هاي السنه.

اني بلشت السادس من شهر السابع ولحد أمتحانات نصف السنه اني بس اسخت وما اقرة غير بس ساعتين باليوم وأراكم المادة ليوم الامتحان يالله اقراها ودرجاتي زفت زفت وفوكاها داخلة مدرسة اهلية وخايفة لان اهلي كل شوية ويعيروني ويردون معدل بس اني قررت من بعد امتحانات نصف السنة ادرس وابدي بداية جديدة وأضبط الافصل الي راح اخذها بالفصل الثاني اما بالنسبة لمواد النصف الاول راح اعوفهن للمراجعة لان مالحك اقراهن بعد واني فاهمة منهن بنسبة ٧٠% ادعولي يا اخوان بالمعدل العالي 🌵🌻. تعديل : لاتخلون تراكماتكم للمراجعة من هسة اقروها ضروري 🙏🏻.

اني طالبه سادس جان حلمي اطلع صيدله مريت بضروف صعبه وهواي اشياء خلا فتره المراجعه وامتحنت وطلعت معدل ٧٩ ومأجله عربي ونكليزي ومن شفت المعدل اتحطمت وضليت أيام من دون اكل وبعده رجعت بقوه وكلت لازم احقق حلمي و هسه اني عدت سنه ومستواي احسن من العام ان شاءالله اطلع معدل بعد امتحانات الوزاري ذكروني حتى اكللكم شكد طلعت لا تنسوني بالدعاء 😭🤲🤲

اخخخخ قصة السادس من اعظم القصص والتجارب الي خضتها صحيح نتهت بمعدل اقل من ما ردت معدلي طلع 92 ورحت كلية اهلية قسم تخدير

ترى زيين انتم الولد احسن من البنات عدنا شغل بلبيت ولازم نساعد امهاتنا وهاي بعد من دون الاخوان حتى الكبار هم نفس الشيء محد يعتمد ع نفسه وحتى اهلي دائمًا يكولون الي شنو مثلاً راح تصيرين وهمه يعرفون انو جاي يضوجوني بس همه بعد هيج ورغم كلشي انا شاطره وطلعت معدل ٩٥بلثالث متوسط

خليني احجيلكم قصتي اخذوها ك تحفيز الكم و الي هم انيي طالبه سادس دفعه 2023 الدفعه اليي تشهد علئ دمار التعليم لان طلعنه بدون وزاري منن الثالث و كورونا و مضاهرات و حذوفات و هواي اشياء صارت ويانه بختصار بعد ما طلعنه منن الثالث واحنه ما درسنا طبعا دخلنه رابع وماا اتذكر قريت ولا حرف منه حرفياا نجبي بس نشاقه ونضحك بل مدرسه هاا وبل مناسبه بل رابع جان دوامنه يوم واحد بل اسبوع ف المهم ما درسنا ابد وقت المتحانات بس انطونه الاسئله و نجحنه دخلنه خامس صار دوامنه 3 ايام بل اسبوع ف درسنا تقريبا ڱڵـه. بس للمعلومه الخامس ما اله اي علاقه بل سادس يعني ماكو تشابهه بينهن ابد ف كملنه الخامس و طلعنه وانيي درجاتي حلوات ويخبلن فرحانه بيهن المهم جان تاريخ 5/25/2022 ٱڅڑ امتحان النه خامس ف صارت وياي ضروف اثرت علئ حياتي كلش حرفيا تئثير كارثي ف كملت العطله مقريت اي شي بيها 5 اشهر انيي لٱ معهد ولا قاريه بل بيت هيج بس صافنه لان صار عِنـدي اكتئاب وهنا جان يجي الدوام ويجي السادس بدايه جنت زينه يعني ركزت ع المواد كلش و اقره كل يوم بيومه و حابه السادس كلش اصلا ما اشوفه صعب ونزلت الحذوفات حفزني اكثر اكمل اكثر ماده تعبت بيها الاحياء و الرياضيات ف بدت متحانات الشهر الاول جان اول متحان احياء امتحنت و طلعت جانت الدنيه مشايلتني منن الفرحه لان اذاا مو 100 كلت 99 و امتحنه رياضيات اتذكر طلعت كلشي ممجاوبه حرفياا ف المهم كلت عاديي متكسر واهسي اكمل كملت امتحان الكيمياء قريت وتعبتت تعبب ماا شفته بحياتي حرفياا تدمرت بل كيمياء يعني فهمت كلشي مثل اسمي رحت للمتحان احنه مدرسه مختلطه ف امتحانتنه تصير دائمن ٱڅڑ درسين حته ميصير تجمعات و ليكمل يطلع ف اول درس جان يجي مدرس الاحياء ينطيني نتيجتي جان تطلع 28 وانيي تخبلت حرفيا كتله شنوو هاي كلي قاريه بدون تركيز و ما مجاوبه ومنن هل حجي ف هناا حسيت اكو شي بداخلي تحطم حرفيا المهم اجه المتحان مال الكيمياء وانيي خلص بعالم موازي مو يمها اصلا الورقه يمي و افكر بل احياء ف بختصار مجاوبت شي نهائي حسيت نفسي اول مره اقره الماده منن شفت الاسئله ف هنا انيي تحطمت بس كلت مع ذالك اكمل عسئ اللهه يفرجهه ف ثاتي يوم جان تجي نتيجه الرياضيات ماخذه 12 انيي شفتها منا قفلت منا خلص صار ابالي شغله وحده اعيد السنه جنتت اكول لنفسي مستحيل توصلين ف بعد يومين وصل كتاب الانتساب للمدرسه وهنا خطيت الخطوه اليي دمرتني سويت انتساب لوو مكسوره ايدي ولا موقعه المهم ف صار وسويت كعدت بل بيت منن سويت لحدد ماا كالو بعد لمتحانات نص السنه 15 يوم انيي ما فاتحه كتاب ولا قاريه يعنيي الماده القاريتهه كلش قاريه ‏​‏​منـِْهـ♡̨̐ـِْا فصل ف حاولت بذني الايام اقره وللئسف اجت المتحانات و جانن الاسئله عباره عنن انتقامم رسبت ب 3و نجحت ب 4 واليي نجحت بيهن درجاتهن 48 و 50 و 46 ف ترشحت وهنا المصيبه بعد 4 اشهر للوزاري واني ما ضابطه ولا قاريه شي حرفيا ف كعدتت ابجي. ليل ونهار و اتوسل. ب اللهه والحمد الله ما قصر انطاني ذكاء و خلاني كلشي احفضه ما انساه ف بذني ال 4 اشهر و 122 يوم جاي احاول اوصل لحلمي انيي حاطه ب باليي شغله انيي صحح اليي خطيت بحق نفسي بس واثقه و متئكده اللهه مراح يعوفني وحدي وراح يوكف وياي راح يخليني اوصل الحلمي وهسه اتمنه تدعولي يجي يوم و اجي و اكمل. القصه و اكلكم اللهه وصلني الحلمي و دخلت صيدله و ٱڅڑ شي اريد اكوله اللهم اعطني بحجم كرمك لٱ بحجم تعبي وجهدي 😔🤎

عيش كل لحضها بوقتها ابد لا تستعجل وابد لا تيأس من الدراسه والتعب والسهر لان مليون بلميه راح يجي يوم وتخلص. بس من يجي هذا اليوم… جايب المعدل الي ابالك لو بس تريد تنجح؟؟ اصبر واتعب وذب روحك ع الدراسه قاتل تعرف شلون تقاتل الزم قلمك وقاتل لاخر نفس. صدكني من تطلع نتائج ونته معدلك حلو الفرحه ما تنوصف ولله تحس طاير بلسمه. لا تنطي مجال لاي شخص يقلل من قدرك لا تمشي وي صديق يلهيك عن دراستك صاحب كتابك ودفترك وصنع طريقك وراك اهل منتظرينك واطفالك بعدين يفتخرون بيك.انشالله ياربي تنجحون وتجيبون المعدل الي ابالكم تحياتي للجميع.

وياك طالب سادس شويه الاوضاع لكن الحمد الله ❤ادعولنا

شدو حيلكم ابطال تره شغله ميحتاجلهة تفكير وهواس .. الحمدلله سادس صار ماضي وهسه الكليه الي تشيبنا 😂

هسه اني ناوي ابدي يداية جديدة واشد حيلي خصوصا بفترة المراجعة الراح تجي بس جنت ماكول الاهلي بردجاتي التعبانة لحد اليوم حتلو ممجاوب اكلهم مجاوب لان داخل اهليه وكلشي موفريلي

سوي فيديو ثاني احجي ع معدل ورايك باسئلة الوزاري مقارنه باسئلة المدارس

اوف ياربي 😭 اول شي الف مبروك وكل توفيق يارب دخلت دا أدرﺳَس رياضيات وطلع ﺈلـَʊ̤ فيد صدفه وثاني شـَـʊ̤ ان شاءالله يوم اليي ونخلص من سادس وباجر أمتـפـانـʊ̤ رياضيات نصف سنه 2023/1/24 الساعه 1:04ص وبعدني ممكمله ﺎلـ ماده رجعوني ؏ـود. بـ؏ـد 6 اشهر تقريبا ويارب اكون مخلصه سادس وبلمعدل اليي اتمنااا 😭😭💔 وبس باي طولت أروﺣح اقرا {فَاسْتَجَابَ لَهُمْ رَبُّهُمْ}

طبعا السادس هو عبارة عن مرحلة تجمع كل الصفوف الي درستوهه من الاول الابتدائي حد الخامس اعدادي كل هذني راح ينجمعن بصف واحد طبعا اكيد تحتاج ملازم وتقرا على اليوتيوب او امكانية قوية تطب مدرسين خصوصي او...غير اشياء طبعا اكيد اني مخلص السادس والسادس اتمنى وحضروله من عطله الخامس لان متلحكون صدكوني من راح تتعبون تحققون حلمكم سواء اي حلم جان طبعا احجيلكم هل حجي بسنة 1989 بوقته ما جان اكو نت او ملازم بس جان المدرسين لازم تنتبه عليهم لان هذا الي جان عدنا مو مثلكم هسه ومحد جان الي واحجيلكم هل حجي واني عمري 54 وراح انطيكم مدرسين يقرون عليهم ولدي كيمياء/حسين حمزة رياضيات/حيدر وليد فيزياء/علي السوداني والبقية ما اعرف انتوا بحثوا😅😅...

ياربي شكد تعبت بالسادس والحمد لله ذره من تعبي ماراحت الف الحمد لله والشكر 💕

انشالله نور تدخل وزاري و تطلع بمعدل عالي ♥️

ان شاءالله نور تدخل وزاري وانجح بالمعدل الي بالي لان تعبت واني احاول كل سنة افشل 💔💔😔شكرا ع الدعوة ربي يوفق الجميع ان شاءالله ♥️

المدرسات شادات ويانه والاسئلة تشك شك الله لا يوفقهن مدري ليش هيج يسون ما يردن ندخل وزاري 💔

الفيديو يجنن خايفه من كلشي باجر عندي احياء واحس مو زينه واني متندمه على الانتساب بس مااكدر ارجع الوقت

اني خايفة ما ادخل وزاري🥹، طلعلي مقطعك اول مادخلت ع اليوت .. يارب ادخل علمود ارجعله واخذ نصائح منك ❤️

هاي المرحلة حرفياً يعني صح وصلت نصفها بس من اصعب المراحل الي مريت بيها وخاصة اني انتساب ومريضه يعني ماكدر ادرس هواي اتعب بسرعه لحد ما صارت امتحانات نصف السنه الي هي حالياً، ونص الامتحانات ماكدرت اسيطر عليها لان نمط الاسئله جديد عليه وماكنت اختبر نفسي ابد ومكنت داخلة معاهد ولا دورات ولا خصوصي بحيث وصلت لمرحله اريد بس ادخل وزاري وكان اليوم اصعب يوم الي اول مره بحياتي يغلبني امتحان وهو الرياضيات اصصعبب شيي من ترجع لأهلك وانت مدنگ راسك ممجاوب ومتعرف شتكول او شتبرر الهم جان الجواب الوحيد هو انو بسببج لان سويتي انتساب اتمنى امنية حياتي ادخل وزاري.. دعائڪم عمࢪريي فدوة والله تعبت🥺🤍💔.

اصعب فتره؟! بعد راح يجيك ايام بالجامعة تتندم على يوم واحد بالاعدادية .....

يربي تكول اني دااحجي قصتي بس بعدني بالسادس وهم مدرسه اهليه 😭💔ادعولي انجح بمعدل

يارب يوفق جميع الطلاب وانشالله المعدلات العاليه وانتو كدها ابطال ماكو شي صعب مجرد نظم وقتك

العام هيج وكت اني هم مثلكم طالبة سادس واكول معقوله تكضي ماصدك 🥹 وحالياً اني خلصت وحققت حلمي 🌚🤍

وين العبرة وين القصة وين التحفيز زين معدلك عاد كوله ضيعت ٩ دقايق من عمري 😔💔

صدكوني السادس مرحلة حلوة بس صعبة بس صدكوني لا تسختون ولا تضيعون وكت ودائما كلو لاهلكم على درجاتكم صدكوني بس تنجحون حلم حياتكم يتحقق وتدخلون جامعة لو معهد بالتوفيق

بس اكمل السادس ونشالله وطلع معدل انشري رحلتي وي السادس ومرضي الي متعبني ونشالله ربي ما يضيع تعبي ويساعدني احمدو الله الف مره علي العافيه

دخلت ع اليوتيوب حتى انسى السادس واغير جو الفيديوات الي اباوعلها :

2024 امتحاناتنه 6/8 شنلحگ شنسوي جاتنلني الخوف واكيد راح ااجل حگ ماده مادتين مابيها مجال علمود المعدل😢

مثل اخطائك مقرر اعيد 🥲💔 اصلا يمكن مداخله وزاري لن ماريد اخذ درجاتي اعرف نفسي مصخمه حرفياا مدري وين راح تعب 😭

والله تجيني افكار خايسه طالب سادس ومختنك كلش ونشالله ماسوي شي بروحي 💔😭اختناق ادرس وروح للامتحان انسه وبل كوه احفظ

دفعه 2023 يا رب نجيب معدلات عالي للجميع 🤲 #دعواتكم❤️

باجر امتحاني حيل خايفه رياضيات نصف سنه وجاي ادرس وطلعلي هذا لفديو يارب نجحني ادعولي فدوه

اول سنه سادس و طلعت معدل 95 وعدت حاليا ب امتحانات نص سنة ، صح دا اجاوب بس ما راضية على قراية و خايفة من انو ما احقق الي اريدة ، بسنة اولى قريت كلشي و ما حصلت الي اريدة ، مرات تجيني افكار اني ما استحق معدل عالي ، بعدين اكول هذا اختبار من رب العالمين ، ورب العالمين لا يكلف الله نفسا الا وسعها ، و تعب اخذ مني هواي وكلش تغيرت نفسيا و حتى تفكيري تغير ، بعض طالبات يقارن نفسهن بيه ، واستغرب من هل شي همه عبالهم هين تعيد سنة و ترجع تعيش نفس شي مرة ثانية ، و اني مؤمنه انو الانسان لازم يقارن نفسه حاليا ب ماضي . اللهم لك الحمد حمدا كثيرا حتى يبلغ الحمد منتهاه.

سبوعين تفصلني علئ السادس متحمس ادعولي نجاح انشاللة ومعدل زين 😢❤

والله ياخوي الله يساعدك يب انت حفز نفسك بنفسك 🤍🔥🍏

بسم الله ماشاء بدايه جديده وفصل جديد........ صح اني وأكع بخمسه بنصف سنه بسسس وعد الا اطلع معدل بالوزاري وهذا تعليق راح اخلي تحفيز للدفع الي جايه سادسيون_دفعه23💕💕💕💖

طالبه 23 اهلي صعبه تطلعين اكثر من 60 دائما يكولولي تكدرين تنجحين او طلعين هل سنه بدون رسوب كلهم يكولون انو بس طلعي معهد ومعهد شنو معهد معلمين الي بس اطلع 55 وادخل بي هيجي ماخذين نضره عليه والي قبل بلثالث ميقرون ويروحون بيه وهسه يردون اطلعه بلسادس مستحيل اخلي هاذه الشي يصير راح اطلع ان شاء الله اكثر من 70 واحقق حلمي واكسر خشوم كووووووووووووومه وهواي ناس وقريبين عليه كلش والي ميردوني اصلا اداوم ويردوني ارسب وابطل لو اطلعهم فوك 95 وهمه اصلا اولادهم كلهم ب3 و5 طالعين اني الابنيه الوحيد الي واصله للسادس من بين عمامي وخوالي لان ميرضون الابنيه تداوم بس اني بابا بضهري ان شاء الله ماخيب ضني بنفسي واطلع فوك ال70 وافاجئهم 2023.2.16 خلص نص السادس #اللهم حلمي

ماعرف ليش دائما الطلاب يكولون على اهلهم ميحفزوهم وميسوولهم شي ويدمروهم اهلكم ديسوون هيج علمود يقوكم يعني ماقصرن بيكم الفلوس الي ديفعوها عليكم بالتلي هيج سوون بيهن 🗿💔

أن شاء الله السنة الجاية أجيب الحلم الي أطمح بيه بجاه شهر رمضان المبارك. طبعاً اليوم أول ايام شهر رمضان

والله فعلاً انت صير سند لنفسك محد معاك بالله صحيح 👏🏻👏🏻

ان شاءلله ارجع 8/23 وانه محققه الي اريده 🥀👍🏻🕊

ياولد ياريزو شكرا هواي اني هيج جنت العام بس هسه لا بس بعد عندي تراكمات كومه وممراجعه يارب احقق الي اريده

طالب سادس 2023\1\29 باجر امتحان رياضيات ساعه 12:45 بالليل نصف السنه نرجعلكم من نكمل انشالله واكللكم معدلي يالله التوفيق💞

اتمنى يجي اليوم الي اخلص بي من السادس واكون فعلا dentist ♥️✨

كم سهرنا لليالي لصباح لاننم 😂😂 بلتوفيق همات اني سادس انشالله انجح واطلع الي بالي🥺

طااب دفعه 24 طلعت اعفاء يالخامس ان شاءلله بسادس احقق حلمي بعد سنه 2024/5/16

الأحيا موتني عقدني كرهت حتى الدراسه من ورا ماخليت شي ماسويته تعبت واللله ادعولي بس

أن شاء الله مرام تطلع معدل عالي 🤍🥺 شكرا ع الدعوه

اي ونتهت قصه السادس الي جنت شايله همة من نجحت من الثالث وتالي زوجت قبل الدوام ومالحكت ادرس المواد بلشت دوام سادس واني حامل ومكدرت ادخل دورات لان تعب وظليت اجاهد اني وطفلي وصارت ولادتي بالعطله مال مراجعه ولادة قيصرية وتعبت كلش وكمت وكملت والحمدلله ونجحت وحالياً طالبه تخدير ❤

اذا انجح من سادس اسوي تمثال لنفسي🤡💔2023/2/2

بالتوفيق .طلاب السادس طالب جامعي.كليه الصيدله

اللهم امنحنا القوة لإيامٍ ثِقال😔💔 #٢٠٢٣

سؤال تنصحنا انراجع المادة الي متحنا بيها نصف سنة لو لا انخليها ستراحى النا حتى نرجع بعد نصف السنة و عدنا واهس و همم من جان ينكسرر واهسك الدراسي شسوي حتى يرجع و اهسك وتستمرر بدراسة 😣

يارب سهل امتحانات نصف السنة وانجح بيهن ياربي بحق ابا الفضل العباس

ياارب اجيب معدل عالي وادخل الكلية اللي احلم بيها ياارب 🙏💙🩺

ادعولي ادخل وزاري وانجح ❤😢 واطلع معدل الي اريده

أنه فقد ثقه بنفسي بسبب رسوبي بشهريات وسعيات درجات ضعيفه ونص سنه جواب يطلع 50 واقل 💔💔😣 فقدت ثقه طلع معدلات😭💔💔💔💔

يارب علي ينجح بنصف السنه بدرجات عالي ويدخل وزاري ❤

اني انتساب ودرجاتي بالامتحانات مو شي واغلبهن راسبه وامتحنت امتحانات نصف السنه وقاريه بس فصلين من كل مادة وتقريبا اجيب درجة نجاح بس حاليا مااعرف شلون ابدي ارجع اراجع الفصلين وأكمل لو اكمل للفصل الي وصلتله وراح الحك لو لا؟

يعيال حالياً كاعدين نمر بحصره الجلب من ورا السادس يعني بين قوسين (( الحئوناااا ))

وسويت انساب ومو حريصه. وادرس على اكثر من مدرس ومادرس ماده بفهم وجاي ادرسه بخوف وكلشش ما مقدمه وما داخله خصوصي. واكبر غلط انو دخلت انتساب وكلش خايفه اذا الله وفقني وادخل وزاري شتنصحوني اسوي انتضروني ارجعلكم بخبر دخلت او لا ادعولي ادخل 🙏🏻💔

اكبر دمار للطالب هوه الانتساب 🙂💔

داسمع كلام من امي هالفتره بحيث ابجيي ودي اكل الكتاب من وره الكلام ومن دكولي بت فاان احسن منج جابت ١٠٠ وابن خالتج احسن منج جاب طبيه وغيرها وغيرها وهالكلام سببلي خووف جبير خاف ماجيب الدرجه الي بالي او لمعدل الي اريده بسس باقيه مستمره بالدراسه ومصره اجيب المعدل الي اريده واتمنى وكل التوفيق لطلاااب الساددددس

يارب زهره تدخل وزاري و تجيب معدل ✨

ياذو الجلال والإكرام اكرمني بالنجاح بامتحان باجر يا الله

اللهم اجعل هذا العام اخر عام الي بالمدرسة 🤲🤲🤲🤲❤

اني تعبانه والله كلش يعني هسه امتحانات نصف السنه بلكوه اقرا وممجاوبه لا كيمياء والأحياء ولاالرياضيات كله أثرائي لو من نهايه الكتب هسه بس اريد اخلص اخر امتحانين بس واهسي كلش طارر 🤦‍♀️💔

جمعت درجاتي المتوقعتهن وطلع معدلي 81 رجعوني اكللكم شـڪَد طلعت 🤭😂

اني دفعة 2023 درجات السعي مالتي بس الرياضيات 58 وباقي المواد بالسبعين والثمانينات وامتحانات نصف السنة كان الضغط كلش قوي وتمرضت بحيث قبل الامتحان بست ساعات يلله اغصب نفسي اقرا واروح واني ما مكملة بس اريد الخمسين والحمدلله عدت على خير بس خايفة من ناحية الفيزياء كانت الاسئلة صعبة واني مقارية وحتى بنات الانتساب طلعن يبچن خطية المهم هسة عطلة ودقرأ رياضيات والنقوصات ومراجعة هم + اهلي ما اقول لهم عن درجاتي لان هذا الشي يحبطني كلش ماريد انزل من عينهم واني اعتبرهن مو مقياس

شفت هالفيديو بنص السادس وهسه اني دور ثاني السادس من اصعب المراحل دخلته انسان وطلعت منه انسان ثاني الضغط والمقارنه وكل هل اشياء هلكتني بس حستمر💕

جنت اتمنى بوقته بس يخلص واحلم شسوي من يخلص وشلون ارتاح وابقه نايمه بدون مؤقت وهاييي😔😔😔🤍🤍🤍🤍وخلصصصص وحاليا مرحله ٢ طب الايام تركض يابه وتخلص اهمشي تقرون وتكونون راضين عن دراستكم بحيث من تكملون فعلا مرتاحين ومسوين الي عليكم ومامتندمين هاي اهمشي 🤝🤝🤝🤝🤝

اني بدت السادس بالعب ومهزله صارت ظروف عندي تركت كلشي سويت انتساب لأن مدرستي تعبانه وبس اتهبط بنفسيتك وصارت مصايب كل دنيا على راسي كرهت كلشي وشكد ماتعبت ماجنت اعرف شسوي اتمنا ادخل وزاري بلكي اصيري فرصه ثانيه يعني ماضمنا غير 3دروس والباقى حايرت بيهن والاسئله صعبه اجت فدد مره يعني صار شهرين اعاني وهسه فقدت الأمل بلكشي واحسن نفسي فشلت وخلاص بحيث ضليت بوحدي من صدك ويعني 90بالميه متأكد مادخل وزاري وشكد يائسانا من كلشي ياريت التدخل للسادس لاتستهزي بي وطنش الدنيا وأقره

شكد طلعت معدل ؟

يا رب ادخل وزاري انه هيج وكلش حالتي النفسية تعبانة

باجر امتحاني فيزياء ادعولي اجاوب وادخل وزاري واطلع المعدل الاريده واجي اعدل هذا التعليق واكتبلكم معدلي 24/1 #ادعولي_ولكم بالمثل 🙏😣

طبعًا عرفتك ملزمه الكيمياء انت من مدرسه ابي الخصيب الاهليه باجر اني عندي امتحان كيمياء اتمنى استاذ حسنين يجيب الاسئلة سهل 2023/1/25