هاي بالثمانينيات جانو ينطونا خوش أكل أثناء الحرب العراقية الأيرانية الريوگ يجيبولنا گيمر وروبة وأجبان ثلاث انواع وبيض عيون وسلگ وتمر وبالغدة يجيبولنا يوم لحم أو يوم دجاج والسمج مرة بالأسبوع وبالعشاء يجبولنا جاف طماطة وبتيتة وبيذنجان وأجبان وصمون كافور بس بفترة الحصار صار الأكل علينة حسرة يعني بالريوك يجيبولنا لو بيض لو روبه والغدة يوم دجاج ويوم لحم والعشة نواشف بسبب الحصار بس لو متوفر الأكل أكيد ميقصرون يدزولنا لأن الجيش بهذاك الوقت مهم للدولة ولازم يدارونه مع تحياتي ألك جندي سابق كربلائي خدمتي نهر جاسم والفاو وتلال حمرين. دفتري حسن السلوك لم أهرب بل كنت ملتزماً لأن أني أخدم بلدي وبلدي يستاهل الخدمة كنا جيش حقيقي ومن بعدنا ضاع العراق وضاعوا العرب تحياتي الك ولكل جندي شريف فخوراً بخدمتهِ العسكرية لأجل وطنه مع الشكر والأمتنان 🌹
ولله صحيح اني كنت التحق بالمنشات الحمر من العلاوي وداوم بنفس سرية منير كتيبة 61 وكلام منير كله عشنا وشفنا وقبل ماسرح بشهرين انقلت القاطع الاول. وداومت بمندلي ع حدود ايران يا اخي اج ثري تعب وصحراء قاحله تحياتي الك
السلام عليكم اخي منير..اليوتيوب ضعيف من ناحية المشاهدات والارباح انصحك بالتحول الى التيك توك ونشر كافة فيديواتكم القديمة وحتى تكدر تبث مباشر وتسترزق افضل من اليوتيوب..واسأل الله ان يرزقكم ويوفقك بحق محمد وآل محمد
اخوي منير رجاء خاص مرتن لوخ لا تحرف بكلام الله ومن تريد تستشهد بآية أذكرها نصاً أو عوفها لأن الآية الصحيحة ( إِنَّ أَكْرَمَكُمْ عِندَ اللَّهِ أَتْقَاكُمْ ) وليست ( أفضلكم عند الله أطغاكم ) عسى الله يهديك ويصلح حالك
انت بعدك زغيرون ثلاثة ايام غياب يدخل هروب اثناء الحرب مع الجارة ايران ويحال الى محاكم عسكرية ويحكم بلأعدام عشناها وشفناها واذا تأخرت لبظع ساعات تقبض عليك السيطرات مال الأنظباط العسكري تروح اسبوع ظبط يعني تعذيب تدريب عنيف يصل حد الموت لاينفع العذر
