- [ ] - [ ] - [ ] السلام عليكم يا محبين مصر, نفسي الكلام ده يوصل للمسؤولين الكبار والله العظيم والله العظيم بلدنا مش ها تتقدم من غير دروس توعية في كل المجالات معظم الشعب واخذ كل حاجة هرجلة وحرام التقدم اللي احنا فيه ده بلا توعية والقنوات التلفزيونية أكثر منها مافيش ، وياريت نشوف المسافة بين القطارالجديد وبين الرصيف اللي ممكن أي حد يوقع فيه وخاصة للأطفال حرام قطار جميل زى ده ورصيف مالوش قيمة، وكمان من ضمن غلطات الحكومة الكبيرة عدم وجود يُفط كافية فى كل الطرق الجديدة الجميلة واليفط ديه لازم تكون مكتوبة بالعربى وتحتها بالأنجليزى علشان أبن البلد والغريب يعرف يتجول فى مصر بأكملها ، ولازم نفهْم الناس اللي بتسوق على الطرق الجديدة أمتى يمشي يمين وأمتى يمشي شمال يعني ما ينفعشي واحد ماشي بفيسبا صغيرة أو بعربية نقل ويمشي على الطريق الشمال ديه مصيبة ديه كارثة ولازم الشرطي سواء عسكري او ضابط يتعلم الأول علشان يقدر يتكلم مع الناس ايه هو الصح وأيه هو الغلط, وأهم شئ نساعد بلدنا عالتقدم ونتعلم نحب بلدنا بالفعل وليس بالكلام فقط وكل واحد يشوف حد بيوسخ البلد يكلمه بالأدب ولو لم يتراجع يطلبله البوليس ونأخذ الموضوع بجد وياريت الغرامات تكون بجد مُوجعة لأن بجد بجد حرام الناس بيشتغلوا لأ بيحترتوا علشان يجًملوا فى البلد وناس جهلة يخربوا ويضحكوا كمان ،ياريت نبطل العادة السيئة إللى فينا وهى أننا بنمشي فى وسط العربيات وكأنه هو ده الطبيعى، نفسى نتعلم نعمل الصح ونحبه من غير ما نأخذ غرامات وأمنية حياتي يا وزير التخطيط أن أقدر أطلب أى منتج من التلفزيون وأقوله أنا ساكن فى مدينة كذا فى شارع كذا وبيت رقم كذا ومن غير ما نقول جنب قهوة كذا وعند عمود النور إللى شكله كذا يعنى بالمعنى الأصح من غير تخلف وطريقة أهل الكهف وياسلام لو نقدر نرقم كل مدينة وكل قرية فى مصر زى ألمانيا وكل منطقة يكون لها شوارع بأسماء وبيوت بأرقام ولا ده صعب ياأفندم وياريت كلامى يُتخذ بأهمية ويكون فيه شوية حماس لأنه لمصلحة بلدنا وليس للمصلحة الخاصة وياريت نبطل القبول بالأمر الواقع وربنا يوفق بلدنا ويبعد عنا الحاقدين آمين يارب.
