لاصرت بالصمان و القيض حاديك اما حسين الدل ولا المطيه الله كريم ولا امر بالتهاليك ولا امر بفراق صافي الثنيه لاصرت بأيام الرخا عند اهاليك شوفه حسين الدل تسوا المطيه ناااااشبه في راسي
تصحيح للابيات ، لاصرت بالصمان و القيض حاديك ،، اياً حسين الدل ولا المطيه ... الله كريم ولا نوى بالتهاليك .. ولانوى بفراق صافي الثنيه ،، لاصرت في وقت الرخا بين اهاليك ،، حبة حسين الدل تسوى المطيه
سلام عليكم اخوي خالد والله نفس تفاصيل القصه سمعتها من الشايبان الا ان فيها اختلاف بسيط زايد عليها ان صاحب المطيه خال الولد ولا يبغى يفرط بالمطيه من غلاها عنده ومع اصرار الولد رجع وعطاهم مهر ٤ من الابل وعيى ابو البنت قاله الولد ي خال يمكن يرضون ب ٦ من الابل وراحو لهم وردوهم والولد قلبه متقطع عليها يوم شافه خاله اخذه وحب يختبره ويختبر صبره ويشوف مدى حبه للبنيه وخلاه يعطش ولمى عطش نزله من المطيه واسرع بها قاله ان لحقتني زوجتك زود على ضماه وسرعتة المطيه وفعلا لحقه وردف معه وروحبه يسقيه ماء وبعد ما ارتوى قاله خاله : لا هفك الملهاب والقيض يقلاك ، احسن لك المجمول ولا المطيه : رد الولد . اللي يوردني على ظهر قشراك ، قادر يوردني بليا مطيه ودفع له مهرها المطلوب وزوجه واختلاف الروايات وراد في كل روايه وفي اي قصه لكن حبيت اشارككم بها والسلام عليكم
السلام عليكم اخوي خالد مشاء الله مبدع بس لو تقلل من اسلوب السخريه وتركز على جودة المحتوا كان افضل الكلام الي تقول ح يفضل محفوظ طول الزمان ويعتبر مرجع لناس للباحثين فا لو كان الاسلوب جد يكون افضل والف شكر لك
اخ خالد بعد التحيه اسلوب مرح وفكاهتك تجذب المستمع لك لاننكر ذلك بل هو شي جميل ولكن هذي القصص التي ترويها ليست للتسليه وإشغال الوقت إنما هي موروث وتاريخ وعندما تقصها بهذه الكميات من الاخطاء الواضحه جداً واسمح لي فأنت تعبث بالموروث لايوجد تمسيه غير ذلك لاتنخدع بالمؤيدين مع احترامي لهم فهم فقط يؤيدون العبث بالتاريخ في سبيل استمرارك لإمتاعهم بأسلوبك الفكاهي فقط متسطحين عن معنى تلك القصص وانت يتابعك كبار سن يحفظون هذه القصص ربما من قبل ان تأتي للدنيا حفظ الله لك شبابك يجب أن تراعي ذلك ولاتغلّب طابع الكوميديا على طرحك وتنسى جودة القصه والتأكد من مفاصلها والبحث في ذلك قبل النشر وقد لاحظت في كثير من نقلك اخطاء ولاحظت ايضاً كثيراً من ينبهك لذلك وللأسف مازلت مستمراً في العبث ارجوا ان تتقبل ملاحظتي برحابة صدر