ربي وطيل كل واحد اكل حق خاوتو انا وحدا من ناس اخ زوجي ماحبش يعطيلو حقو وهو مأذن في جامع او جايب عمرات او حجة هوما يلعبو بدراهم وانا اوولادي محتاجين حسبي الله ونعم الوكيل في كل ظالم
الله يهدي ما خلق الدنيا الخداعة الناس اللي تغرهم ويبيعوا رحمهم من أجلها ودعوت المظلوم لا ترجع والموت حق ويبغت في اي لحظة نسأل الله السلامة والعفو والعافية في الدنيا والآخرة وحسن الخاتمة وهو راضي عنا
نجوبك يابنتي ولا ابني انا الام هي لي خدعتني وكلاتلي حقي بابا كان عندو الارض وكي مات ولات تكريها كل عام على اساس ارضي فلا حية وانا والله والله منشوفش منهم فرنك واش تفولو في هدي وهي ميسورة الحال تخلص 11 مليون بنت شهيد وتخلص تقاعد نتاع الاب كان موظف في سلك الجمارك ماتت ومادات والو انا مسمحتلهاش
السلام عليكم و رحمة الله و بركاته وأصل وأسلم على نبينا وحبيبنا و شفيعنا محمد صلى الله عليه و سلم المبعوث رحمة للعالمين و على آل بيته الطاهرين و أصحابه الغر الميامين و من تبعهم بإحسان إلى يوم الدين اللهم أمين أخي الفاضل القصة مؤثرة جدا والعبرة في الخواتيم وكل من عليها فان و يبقى وجه ربك ذو الجلال و الإكرام ولكن لاتنعل لأنها كبيرة عند الله وبهذا الأمر أنت مطرود من رحمة الله إستغفر و تب توبة ولاترجع للعن مرة أخرى وشكرا على المجهود المبذول.
لاحول ولاقوة الابالله العلي العظيم واتوب إليه حسبنا الله ونعم الوكيل لاحول ولاقوة الابالله العلي العظيم واتوب إليه استغفرالله العظيم واتوب إليه اللهم سلم لطفك يارب العالمين
هادا خلى حتى توفى خوه باش حب يدي حقو. إذا كانت أختو😢 يديلها حقها و هي حية و تشوف. هادا هو مصير أغلية النساء في الجزائر . جسبنا الله ونعم الوكيل و ربي يهدي الجميع.
هكذا حدث لأخ والديه حرموه من الميراث هابو لابن ابنتهم وابنهم في حياتهم والبنات أما هذا الاخ فلم يعطى له سيء لا بيت ولا مال ولا من الذهب ولا شيء لكن هو سينال حقه يوم القيامة
'n ous aussi nos frères ils nous ont volé beaucoup notre héritage l'héritage ils 'ous ont volé l'or de 'otre mère mois jusqu'à aujourd'hui ils m'ont pas donné ma part d'héritage hasbiya Allah 3lihom 😭🤣 😭 😭😭😭🤣 chayatine manasmahlhomch du feu 🔥 dans leurs ventre 🤣😭💔💔
و الله مخي شوك من هاذ القصة شحال من واحد راه ماكل خوه ولا ختو ولا عمتو يعني على بيها ربي في القرآن قال و اكتتبو معناه كتسلف لواحد دين أو كتكون مشارك واحد في عمل ما يلزم كلش اكون مكتوب على الورق لأن القانون لا يحمي المغفلين ربي ينتقم لكل مضلوم إن شاء الله
اايه صح اخت زوجي سرقت هي و راجلها الورث المتمثل في قطعة ارض فلاحية.و فرقت العايلة كاين لي جا معاها و كاين لي جا ضدها و من بعد ولاو بالواحد يوقف في صفها مش عارف عاطتلهم رشوة و فوقها زوجها رفع دعوى تشهير ضد زوجي و خاوتو كي قالو بلي راه باع ارضنا المهم فسدت العلاقات بزاف ولا نفاق في العايلة و الامان مكانش .
بابا توفا وخلا بندقية صيد وخويا لكبير كان عليه ديون كتيرا وخلص عليه خويا الأوسط نصف الدين وعندما توفا بابا ماما مدت بندقية لخويا الأوسط وقالت راه خلص على خوكم لكبير الدين ويستاهل يديها وحنا حشمنا وسكتنا هل البدقية ورث او لا وهل يجوز تمدها ماما لخويا بعد وفات الأب او تنحسب من الميراث وخويا داها ومعطناش حتى دورو دورو ارجوكم ألي عنده خبرة في الدين يرد عليا
كاين منها والله راها صاريا صح انا صراتلنا بابا توفا وخلا دار وبندقية صيد السكن قالنا خويا لكبير أنا نشريه ونعطيكم حقكم وامي مزالت حيا بصح دار السوما غير هوا وخويا وحداخر ونقسو السومة رواحم وطيحولها السوما وحنا كقالونا على السوما نخلعنا وعقدنا غير ساكتين لأن البنت دائما محقورة تبالنهم معندكش حق حتى باش تتكلم وتمد رءيها ودا السكن ومزال مخلصناش ومين كان أبي حي هدا خويا لبغا يشري الدار كان عليه دين كبير وبابا باع نصف هاد السكن وخلص عليه الدين وقع الدراهم ألي كان بابا لامهم خلص عليه بغا يشريها قال نسال فيها حتى أنا نحسب حقي وقال حق ماما راه معايا ردو عليا وعطوني رءيكم ارجوكم
عندي وحدالقصة تشبهلها ،بنت تزوجت 17 ونص لقات العجوز معوقة تتمشى بلوحة عاشت يتيما رباها جدها ، ماتت بنته وكان عندها اولاد الفكرالجاته قال نزوج ها راجل بنتي بغيررضاها تجي في بلاصت عمتها وفعلا تزوح بيها ونغبنت جابت 2 اولاد وعاود تزوج عليها وحرقتها الضرا ولاولدها الكبير يخدم في سن مبكر عليها كيكبر تزوج ورفدتها هده المراة كانوعايشين في سعادة،لكن عندما تزوج الاخ الصغر تبدل كل شيء بداء يسرق منحة المعوقين وميراثها اسواء عيشا عشتها مع الكنة الثانية حينا ادن اخدها الولد الاكبر بلقوة وسمح في كل شيء :ولام لم تسمح له في اموالها مرت عاميت فاصيب مرض نادر وطلب السماح من امه لاكن دونا جدوا ،هده قصة حقيقية 100٪
خوالي لاباس عليهم كتبلهم جدي السكاني بأسمائهم وقسملهمالصوارد والبنات خرجوا كيما الريح عياو فيه خوالاتي والعباد قالهم ماعنديش بنات مع العلم انوا يسلك فايت 20مليون وجامي عطالهم الف فرنك غير لخوالي ماتت خالتي بالسرطان وهي تدعي فيه حسبنا الله ونعم الوكيل
