قصة وفاء و شهامة بطلها شاب جزائري.. صبر مع خطيبته 13 سنة حتى شفيت من مرضها ليحقق وعده بالزواج منها 

انت من القلائل الذين اخذو بوصية رسولنا الكريم صلى الله عليه وسلم "رفقا بالقوارير"تحية كبيرة فأنت رجل بحق.

انا ثاني تزوجت ببن عمي ومبعد ضهر عقيم وراني عايشة معاه رغم الالم وسمحت في الامومة على جالو هذي 15 سنة ورغم المعاني تاع النسا ورغم الاحساس بالي مانيش مرا كاملة وكل الوجع راني صابرة معاه ادعولنا يالحباب

عندي عشر سنين دياليز ملي كان عمري 26 عام. ادعولي ربي يشفيني. امي حاليا مصابة بالكورونا وانا الوحيدة التي تعتني بها. ما اصعب هذا الامر يارب. ارفع علينا البلاء. انا ماعدت اتحمل. حاسا لو نزلت الدمعة من عيني راح ننهار تماما رحمتك يارب . تعديل التعليق

لمن استطاع قراءة الفاتحه واهداء ثوابها لروح امي نصيره

العين حق ، جابت الباك و تخطبت في نهار واحد ، الناس غير تضبح و ماتباركش ، و هو راجل و نص

لجواجلا يحبو نساهم ويعزوهم أنا قبايلية مزوجة مع جيجلي مرضت وقعدت عام في دارنا نداوي وقف معايا حتى بريت ربي يخليهولي ويكثر ممتالو إن شاء الله

صح هادي القصة واقعية حدثت في مدينة جيجل ونعرف العريس والعروس مبروك عليكم ولعقوبة لالدرية الصالحة ربي يهنيكم

والله صح انا زوجي قسنطيني واصلو جيجلي والله نعم الناس نبكي على لحاجه فليل وصباح تحظر وديما يساعفني ويحبني ربي يخليهولي يارب ويحفظهولي

اختي الله يرحمها كانت دير دياليز راجلها شربها المرار قعدت 5سنين وهي دير دياليز وفالاخير حكمها نزيف داخلي وتوفات ربي يرحمها اختي العزيزة 😢

راني نشوف في لفيديو ونبكي نبكي بحرقة على خاطر صراتلي كمرضت اقرب الاقربين بعدو عليا والله تجرحت ونفسيتي تعبت على اقل حسو بنفسيتنا هذا مكان

صراحة سمعت مقبل بقصص حب وتضحية بصح هادي صراحة اجمل قصة حب وتضحية سمعتها ادعو معايا لبنات ربي يرزقنا بولاد الحلال

انا زوجي عمرو حسسني بلي زايدة عليه راهو يجيبها مين ماتكونش باه يديني للطبيب ويشريلي الدوا ادعولي ربي يرزقني بالذرية ونفرحو معايا ربي يحفظك زوجي العزيز

هاذا الرجل يستحق الف تحية

الحمد لله 😍😍 ماشاء الله الوقفة مع الطفلة هذي تلقاها دنيا و اخرة وقفة مع زوجتك مع ولية و مع يتيمة و مع قريبتك و الله الاجر اضعاف ❤ ان شاء الله ربي يرزقكم و يعوضكم على السنين لي مرت فالمرض و الصبر ❤❤

انا تاني جزت بالمرحلة هذي كان ديما يبكي عليا في غبتي خسر عليا دراهم كبار نقلو معليهش غير تزوج وانا نخطبلك يقلي لالا فيك ريحت الولدين واليوم راني الحمد لله 11 سنة زواج

بنت عمة بابا تخطبت وهي تقرا فالجامعة مرضت بالأدن تاعها ولات متسمعش خلاص يهدرو معاها بالإشارة لمدة عام وخطيبها مخلاهاش هو لواقف معاها ودارت عملية وبدات تتحسن وعرسهم العام الجاي وربي يتممملهم بخير جيجل صح رجال تع نيف وكلمة

يقدر يكون سببها روحي ،عين حسد ،حقد ،عجب ،لاتستهينو بالرقية،حتى وإن كان المرض عضويا بحت،لأن المرأة مجرد ما جابت الباك وزاد جابلها ربي عريس يسترها بدأها المرض؟؟؟؟؟

سينتهي هدا الوباء وتكون الإصابات والوفيات العدد 00 اللي معايا لايك وقولوا يارب هدا هو شعاري حتى الموت

قصة جميله ومؤثرة ربي يرزقني زوجا يرضا لي بمرض السكري ويسترني ويفرح كل ولية رحمتك ياالله

تحية لناس جيجل الغاليين هدا راجل ونص وخمسة وعشرين ربي يحفضك ويخليكم انت ومرتك لبعضاكم يارب

تحيا كبيرة لولاد ولايتي ربي يهنيكوم قصة واقعية في المجتمع الجيجلي

هذا الحب الحقيقى ماشاء الله ربي يخليهم لبعض

اصعب شعور أن ترى الام اولادها يتعذبون أمامها وهي مكتوفه الايادي لا تستطيع فعل شيء عاجزه أمام المرض اللهم لا ترينا في أبناءنا مالا حول ولا قوه لنا

اكيد والديه هم الي وقفو معاه و ساندوه في هذ القرار ...و الا لما كانت النهاية سعيدة ...تاع الصح شابو للوالده دياله الي سانداته في قرار الاستمرارية معاها و الوالدة ديالها الي تبرعتلها بكليتها ...

يالالة فيزية نورمالمو تعرضي هذا الزوج هو لي يعرف العشرة وقيمة الزواج. ماشي الشابة دليلة ربي يغفرلها وراجلها هما لي يعلمونا قيم الزواج.

عندي بنت خالتي هكدا صراتلها عرفت واحد و تزوجها رغم المرض ديالها و الحمد لله عندهم بنتين و لباس عليهم.

تسمى مزال كاين لحب في بلادي ايا مليح طلعتولي لمورال بعد ما قطعت لأمل باش نلقى واحد يحبني ونكملوها في لحلال ايا دعولي يتحقق حلمي

ربي يهنيهم أنا سراتلي قصة مع واحد جيجليً هي ليست هي ليست علاقة ولكن صداقة وفقط أعطيته مبلغ كبير من المال لكي صرفهولي في البلاد وأدى الأمانة رغم عوزه لم يسرقني رغم علمه أني وحيدة ومغتربة عرفت باي مازال اولاد الفاميلية

راجل الله يبارك و ربي يحفظهملها كي يماها كي رجلهاو دعيولي ربي يشافيلي ماما مصابة بسرطان دعوة 40 غريب مستجابة

هادي لقصة زادتلي أمل كبير بلي مزال كاين رجال ولاد فاميليا انا تاني مرضت وحسيت بلي مراحش نلقى واحد لي ما يحسسنيش بمرضي ومزالني ندعي في صلاتي ربي يلاقيني بولد لحلال لي يحبني ويوقف معايا 🙏🙏♥️

اليد لديرلي أبوني ان شاء الله تلمس الكعبة فرحوني للوصول الى 30 ألف مشترك ربي يفرحكم 😘

راجل و سيد الرجال أنا غير ترهل جسمي شويا بعد الولادة بنتين بدا يجبد في روحو و درك راح و قريب نطلقو ماشي راجل تهنيت منو ربي يعوضني براجل إنشاء الله ماشي ذكر

القصة هدي كي قصتي ورني عيشها الواقة الحالي والله مساهلة ادعولها تبرالي دعواة 40غريب مستجابة ويشفي جميع مرضانا 💔

صديقتي عندها قصور كلوي و تعرفت على شاب واخبرته بالامر هو تقبلها وتقدم لخطبتها من اخيها بحكم والدها متوفي ولكن امه لم تقبل بها لا تتخيلون كم كسر قلب البنت. وجعني قلبي عليها

ياالله قصة ولا اروع مشاء الله ياربي خليلي خطيبي راهو شوية زعفان ادعولي نجمعو في اقرب وقت

انا طلقني راجلي على مرضي عامين وانا نعاني وجا واحد خطبني نعم الراجل نعم الراجل ربي يخليهولي ان شاء الله ونسعدو في حياتو

الله يبارك علی هاد الراجل واﷲ لو بيدي لوضعت علی راسك تاجا ليراه الذكور

و الله ما لقيت ما نقول 😢😢😢😢😢 😭😭في القمة 😢 هاد القصة جسدت معنى رجولة و شهامة الرجل الجزائري 😎😎 يحيا ولاد بلادي الرجال الأحرار من جميع أنحاء الوطن وين ما كانوا 😇 ربي يحفظكم 😇😇

وتحية كبيرة للأم.......أيضا...لتبرعتلها...ورجعتلها الحياة من جديد☝🏻🌺

سبحان الله والله العظيم تفكرت روحي حتى انا كي جبت الباك جا خطبنني وليد عمي و وقف معايا في المرض تاعي الحمدلله و دوك عندي معاه زوج وردات ربي يحفظهم

الجزائريين ولاد الخير ورجال والله يعمرها دار تحية مغربية

والله بكتنى القصة المرض حاجة من عند ربي تفكرت القصة تاعى انا خطبنى واحد كي مرضت بالسكر قلتلو امو تخليها منسحقش مرأة مريضة راح سمح فيا قالى ماما مابغتش وحدة مريضة والله دخلت مرحلة اكتئاب بكيت ليالى بسبتو خلانى في مرحلة صعيبة لكن الافضل فيما اختره الله لنا بعد عام عوضنى الله برجل وعجوزة من نعم الناس مهما نهدر عليهم قليل رانا عايشين في اوروبا عيشني معيشة الأميرات هو قسنطينى وانا قبايلية ربي يخليلى راجلى للى يقولى غير الموت للى تفرقنا وعجوزتى انتى امى الثانية ربي يحفظك ويطولك في العمر يااحسن ام

واحد كان يخدم معايا ،كان راح يتزوج حصل حادت لخطيبتو و راحت عينها وحدة ترتقت ووحدو ولات ماتشوفش بيها مليح ،وكامل الناس قالولو خليها ،اخطيك منها ،بصح ماخلاهاش وقعد معاها ودواها وركبولها عين تاع الزجاج ،و تزوج بيها ودوك عندهم 6 اطفال ،ربي يهنيهم ،راجل ونص ،كنا مانحملوهش ،كسمعنا بحكايتو هادي ولينا كامل نحبوه ونحترموه ونقادروه اكتر واكتر ، Il ne faut pas jugé les autres 😞😖🤫🤭😷

العين حق واحد كي يتبعوه الناس ميربحش ربي يهنيهم

انا غير توجعني ضرستي يقولي ملي جبتك وانتي مريضة ربي يحفظهم لبعضاهم

ان ثاني عندي راجلي ما شاء الله يتيمه الوالدين هو بابا هو ماما عوضني كامل الحنان مالقري مرضت وقف معيا ومننسهلوس ربي يقدرني ونرجعلو النص واش درلي ربي يخلهولي تاج فوق راسي

قصة ولا اروع بكاتني والله والام اغلى شي في هذه الحياة تحية لكل الأمهات

الحمد لله مزال كاين رجال فحولة يحترمو كلمتهم مش كيف بعض الاشخاص ليس لهم عهد ولا كلمة ربي يستر اولاد الحلال وين ماكانو

هذا الكوبل لازم كل تسع شهور يجيبوا ولد ولا بنت لكي يأتوا بقوم مثلهم نحن بحاجة لمثلهم.

ربي يهنيهم العين حق صح ، انا صحبتي جابت الباك، الخدمة، الماجستير، ومنبعد القبر خيتي، ربي يرحمك يا صباح ويوسع عليك قبرك...

ربي يرزقني بزوج حنين يحبني ويموت عليا يا ربي قولو آمين

لاه بارك انا صرا لي نفس الشي هذا وليد عمها انا براني نحكيلكم حكايتي انا تعرفت على شاب في الجامعة كنت نقرا هندسة هو اكبر مني بعام كمل دراستو و خطبني و انا هذاك العام نسوتوني شدنى واحد المرض واسمو التصلب اللويحي بزاف واعر تع اعصاب مرض جد خطير عملت IRM و خبرتو بلي عندي مرض يقدر يرجعني عمياء او مقعدة هو ماحبش يخيليني بعد عامين ضاربتني هجمة من المرض دخلت للمستشفى وليت ما نشوفش قولتلو انا و ياك خلاص انا مريضة تامنو بدا يبكي و يقول جامي نسمح فيك بعد العلاج لمدة شهر ولاو عينيا و الحمد لله بعد شهرين ضربتني هجمة اخرى قعدت شهر اخر في المشفى و خرجت سلامات امبعد مدولي دوا هم حقن نضربهم 3 خطرات في السمانة كي تضربيهم تشوفي للموت بين عينيك من الحمى و الالم هذا الدوا a vie لانو مرض مزمن خبرتو بكلش و هو جا لدارنا او عين العرس في هذاك العام بعد شهرين من خروجي من المشفى درنا العرس او دوك راني في دارو رانا عامين ديجا لاه بارك ادعولي ربي يشفيني و يشفي جميع المرضى يا ربي

راجل وسيد الرجال والله غير نستعرف بيه ما شاء الله عليهم ربي يرزقهم الذرية الصالحة ويرزق كل واحد بنت لحلال وكل وحدة ولد لحلال اللهم آمين اللهم آمين

العين حق و انا ديما نقولها اقول حوائجهم في السترة ....مسكينة ربحت البكالوريا و زيد تخطبت و ماشي كامل الناس كيف كيف كاين لي عينه خطيرة عموما الله يكملهم بالخير و يهدينا و يرفع عنا هذا الوباء

قريب نشالله 150 حالة زواج و0 حالة طلاق نشالله ونفرحو غاع ياربي صيف الجاي 0 الاصابة بلكورونا 😯😐😕😊نشالله الصبر والقادم اجمل تفاءلو اخواني 😊😊❤

انا تني كنت دياليز 10 سنين معنات وقف معيا رجلي ربي احفظهولي وخليهولي تاج 👑 فوق راسي جمي خلاني ولا احسسني حجا تجرحني حمد الله يا،رب درك عندي عاامين على زرعت كلية ربي ادوملي صحتي ولدي غااالي يارب

ربي يهنيكم قليل وين تلقا راجل هكذا أنا منين نمرض نحس راجلي يجبد روحو عليا بصح يفرج ربي وإن شاء الله ربي يشفي جميع المرضى ويشفيني

ياربي سندا صالحا لا يمل ولا يمل ولا يخون ويعوضني عن سنين البأس والألم

لي تجوز من تدعلي ربي يرزقني زوج الصالح ان شاء في قريب العاجل وكل وحدة ربي يعطيها على حساب قلبها يك دعوة مشي بدراهم

رجل بأتم معنى الكلمة ❤️❤️❤️❤️🇩🇿 ربي يهنيهم نشالله

الحمد الله ك سمعنا قصة سعيدة ومفرحة ربي يدوم المحبة بناتكم فرحتلهم بزاف

تحيا الجزائر وولادها وشعبها العظيم💚🇩🇿

ربي يرحمك يا عايدة عياك المرض قريب 7 سنين وحنا كيف كيف و ربي مكتبش نتزوجو انت داتك الموت وانا هجيت وجامي ننساك تبقاي توجور في القلب

انا وقفت معاها حتى لنهاية ربي يرحمها ويغفر لها أن شاء الله عشرة نتع 3 سنوات ربي يرحمها ويغفر لها أن شاء تعذبات تعذبات بزاف بزاف والله العظيم 😭😭😭😭😭😭😭

اي انسان معرض للمرض وربي ايكمل لكل الازواج ويشفي كل المرضى ومن صبر على المرض طرف اخر ربي ايعوضلو من ابواب واسعة

مشاء الله تبارك الله مزال كاينين رجال ولاد لحلال كاين شي رجال مرته تمرض حاجة انتاع والو يرميها الحمد لله ربي ايكثر من مثالهم أم فاروق

خطيبتي عندعا لانيمي مي انا جامي نسمح فيها حالف نوقف معاها حتى تبرى

انا نحب وحد نتمني من كل قلبي يحبني هو تاني دعولي نكون معاه ان شاء الله دعوت الغريب مستجاب ان شاء الله

هذو هوما القصص لملاح خمجتولنا راسنا بقصص الخيانة ولخدع كرهتهم موليت ندير كونفيونس بحتى واحد

ماشاء الله هذا نعم الزوج الصالح ربي يرزقنا مثله

جيجلية وأفتخر ولاد ولايتي رجال كلمة ونيف😍😍😍💘💝💝💖💗🔥💯👥

حلاوة الزواج و جمالو فالتضحيات نتا صح ليزوم ربي يرزقك الذرية الصالحة راح تلقاها عند مولاك صديقي برافو 👏👏👏

قصة رائعة لوكان جاو الرجال كيما هاذا تبارك الله عليك

مشاء الله ربي يحفضكم ونوركم الله أبارك هذا راجل من ظهر راجل هذه هي الرجولة فحل ربي يرزق كل مؤمن فرحة سعادة لاتنسى وربي أشافي كل مريض

مشاء الله ربي يبركلهم في زواجهم والله قصة أثرت فيا بزاف خاصة رجل انشاء الله ربي يعطيه ما يتمنى هذا هو لي عندو حق باه يقول انا راجل

انت راجل باتم معنى الكلمة الله يكثر الرجال كيما انت❤❤❤❤❤❤❤❤❤❤❤❤

الرجال تاع جيجل يا سعدها لي طاحت فيه انا راجلي جيجلي متتصوروش القيمة لي دايرهالي

ماشاء الله نعم الأم وربي يكتر من امثال هاد الراجل ربي يهنيهم.يارب

حتى بنت اختي مرضت بكونساغ وبرات وتزوجت مالقري رفضوها ماليه والحمد الله برات

اخواني ارجوكم ادعو لي بالزوج الصالح والذرية الصالحة لاني بديت نكبر وأنا يتيمة الاب رحمه الله وغفر له والله يرزقكم ماتتمنون يارب آمين

الحمد لله يارب راجلي هكذا واكثر والحمد لله .. ربي يرزق كل وحدة بزوج اصيل

راجل نت صح ربي يحبك لأنك عندك مواقف ثابته وتمثل معنى رجولة الحقيقة

بكاوني لاني عشت القصة وحسيت بيها، ادعولي ربي يشافيني ويلاقيني مع من احب لي صبر معايا ومزالو صابر ❤

ماشاء الله تبارك الرحمن ربي يخليكم لبعضكم ويخليلكم أمهاتكم يارب العالمين

ربي يفرحك ولد خالي زين وبنت خالي زينة ربي يكمللكم ولعقوبة لذرية الصالحة ونتوما صحاب تعليقات البايخة طز فيكم وخمسة فيعينيكم وميرسي عالتعليقات المتواضعة😍

الى كل فتاة خرجت مع شاب ليس بينهما رابط حلال .. الى كل فتاة عرضت جسدها لشاب في مقاهي الأنترنت أو أي مكان اخر ... إلى كل فتاة خانت ثقة أهلها .. إلى كل فتاة غالية ترخص نفسها .. أختي.. اسمعيني جيداً بكل جوارحك : لا تنخدعي بارائهم المسمومة عن الحب قبل الزواج أو بقولهم "لكي نعرف بعض جيداً" فلماذا فترة الخطوبة إذاً ؟؟.. ولماذا سمح بها الشرع ؟؟ لقد خلقك الله تعالى ويعلم أن لكِ قلباً في رقة الفراشات .. ولهذا فهو لا يريد أن يتعب هذا القلب الجميل بحزن وهم خادع أو بعذاب الدنيا قبل عذاب الاخرة فلذلك نهاكِ عن أي علاقة قبل الزواج .. لماذا هل الله يريد تعذيبنا .. وحرماننا من الحب؟؟ حاشا لله والله إنه يريد حفظ هذا القلب لزوج يحفظه ويصونه ويعرف قدره أليس هو من خلقك ..أليس هو أعلم بحالك من نفسك ...!! أليس هو أرحم بك من والديك فلماذا تعصيه؟ .. لماذا لا ننتهي عما نهانا عنه؟ إعلمي أن الحرام جميل .. لكنها ا والله لذة ساعة تعقبها مرارة وندم كبير أما الحلال فما أجمله وأحلاه سيأتي الوقت الذي فيه يحبك شخص وتحبيه وسيكون بينكما ميثاق غليظ يحميكِ ويحمى حقوقكِ لكن الحرام ليس لكِ حق فيه ما أجمل أن يظل قلبك بغلافه ليفتحه فقط زوجك الذي عانى لكي يفوز بكِ .. وانتِ تستحقي ذلك لانك غالية. لا تقطفي ثمرة قبل أوانها .. فمن تعجل شيئاً قبل أوانه عوقب بحرمانه أخيتي.. كوني ملكة بحيائك وعفافك

انا مريضة سرطان ومزلت لحد الان نكافح مالقري لمرض وتعب ولعذاب وصابرة وربي يخليلي راجلي لوقف معايا راجل وسيد الرجال ليزادني كوراج علي كوراج ومننساش والديا لوقفوا معايا ربي يحفضهملي ويخليهم تاج فوق راسي ويخليلي مولا بيتي ودعيولي خاوتي وخياتي نبرا ويرزقني ربي بالذرية الصالحة انا وكل من قال امين

رفقا بالقوارير...قلة من يفقه وصية رسول الله صلى الله عليه و سلم...

الله يبارك قليل ماتلقى رجال هاك انا مرضت ختي تخلى عليها كل احد حتى خواتها سمحو فيها الله يشفيها ويشافي كل مريض

راجل و نص 💪👏👏 بنات ناس مشي لعبة 💯❣️

ما شاء الله ..هذا لي يقولو عليه راجل وعليه لكلام بمنتهى الرجولة ...الله يكتر من امثالو وربي يهنيهم ان شاء الله

قصة حب روووعة ادعولي ربي يرزقني براجل كيم هذ يوقف معي ويخفف عني مصاعب الحياة

بنت عمي العكس خطيبها خلاها كي مرضت بالكلى ودوكا هو تزوج وهي كل يوم تشوف فيه وتبكي بارسكو جارها 😢

الجواجلة صح يحبو نساهم و دايرينلهم قيمة، ربي يحفظكم لبعضاكم

انا نعرف نفس القصة. من باتنة. طفلة مرضت نفس المرض او كان خطبها ابن خالتها او كمل معها او هي مريضة او من بعد عملت العملية او خوها أعطلها الكلية. او برات و تزوج بها ابن خالتها او دورك رزقهم ربي بطفلين او راهم عيشين مشاء الله. والله هذي قصة حقيقية او انا حضرت لعرسهم. مزالو كاين رجال.

يعطيه الصحة انا متزوجة مع وحش بشري كون يمرض يداوي وكي نمرض انا ميداوينيش بي بولادو ادعيولي معنديش وان نروح بابا ميت وهذا العبد عذبني بزاف ادعيولي نخدم بشهادتي الجامعية حابة نحس بلي أنا موجودة حابة نداوي عندي أمراض بزاف ومعنديش باه نداوي زوجتي خدام بصح بخيل حتى كي نكبرو في قضبان الدار نحس روحي نشحتو ربي يفرج على كل مضلوم امين

ابن حومتي (تاسوست ) ربي يكمل وعقبال الذرية الصالحة ❤️

قصة جد مؤثرة مزالت الدنيا بخير الله يحنن القلوب يا رب

أنا راجلي قبايلي كان ساكن في روسيا قالي ما نقدرش نتزوج بيك بلا ما تكون حياتي سطابل بعد تلت سنين رجع و كان خدم كوارطو و تزوجني و الحمد لله عندنا زوج دراري إيزم و تيدرا ربي يحفظهم لنا

صح بعد كل بلاء نظرة جديدة للحياة و للناس خاصة ففي البلاء يبانو صح شكون هو ما الصحاب و شكون الاعداء 😢