يا جماعه صباح الفل 🥰🫶🏻توضيح بسيط بس الاول عايزه اقولكم شكرا على كلامكم الطيب ليا اللي بيدل على جمال قلوبكم والله ❤بجد شكرا❤️❤️🫶🏻المهم😃انا نمت وصحيت لقيت ناس سابت هدف الفيديو وبتقول عربيه لا شقه دول عادي وحبايبي وبيتمنولي اي خير🫶🏻بس لقيت قله بيقولو خايفه من الحسد ليه؟مكونتيش اتكلمتي طالما مش هتقوليايه هيا الحاجه🥸 باختصار ربنا يرزقنا جميعاً كل ما نتمنى ❤ هي الفكره انها حاجه خاصه وفي ناس أقارب من بعيد مش حباهم يعرفوا حاجه عني فعلشان كدا ركزت على الهدف مش الحاجه وكمان في بنت قالتلي انتي دنيويه علشان مستنيه عوض دنيوي وانا في الفيديو قولت انها حاجه أنا مكنتش مستموته عليها وحرفيا الحمد لله أنا عمري مستموت ولا اتعلقت بحاجه دنيويه وحتي وانا تعبانه كنت بقول يا رب عوضني في الاخره🍃وسبحان الله مش عيب بردوا اننا نستنا عوض ربنا في الدنيا المهم اننا نبقا عايشين مطمنين ان ربنا معانا❤
متبرريش يا توشو و لو بتخافي من الحسد ف ده حقك و انتي براحتك احنا في زمن صعب و مش من حق اي حد سواء اقارب او غير يعرف حاجه خصوصا عنك انك قولتي انها خاصه .. و ربنا يوسع عليكي و يرزقك من حيث تحتسبي و من حيث لا تحتسبي انتي جميله و تستاهلي كل جميل و بتديني الهام جميل❤❤❤❤
عايزة اضيف حاجه عرفتها مؤخرااااا. أنا ابني مريض من بعد ما تم خمس سنين رااح خالص مني الحمد لله . من كتر الحزن عليه كان كل واحد يقولي علي عامل ايه انهار عياط وشحتفة وبقيت لصعب ع الناس .لحد ما سمعت حديث للشيخ الشعراوي بيقول فيه أن من الأفضل أن لا نشتكي من الابتلاء لأن أنا كده بشتكي الخالق المخلوق حاشا لله من ساعتها وانا بقول الحمد لله علي كل حال ع الرغم من شدة الابتلاء لكن أنا عارفه أنه رحمة الله لي ولبناتي إن شاء الله . ادعيلي أنا كمان اكون من أهل سورة البقرة وقيام الليل❤
لا ياتوشو قولي بجد ع سورة البقرة ع طول وذكرينا بيها زمان كنت ع طول بقرأها وكل ماية بشربها كان مقرؤة عليها ولما انتي اتكلمتي ذكرتيني والحمد لله بقيت بقرأها كل يوم ساعات لما التعب بيشد عليا مش بقدر بس بقرأ الورد بتاعي الحمد لله
بصى ياتوشو اولا انا بحمد ربنا إنك موجودة فحياتى متتصوريش كلامك له تأثير كبير فحياتى عارفة ليه ياشيماء يمكن فيه ناس بتقول حاجات احسن وبتعمل البيت احسن وكل الحاجات دى لكن انتى بتقولى من قلبك فعشان انتى صادقة بتوصل قلبى بصدق وبلاقيكى فحياتى نفس الوقت اللى ببقى محتاجة فيه الكلام بلاقى ربنا باعتهولى على لسانك سيبك من اليوتيوب والحاجات دى اعرفى ان ربك عزوجل جاعل كلامك دة وحياة ناس فميزان حسناتك وهنتقابل يوم القيامة ان شاءالله فالجنة متحابين فالله بدون اى مصالح انا حاصلى نفس موقفك ولكن لسة مجاش العوض بس انا راضية الحمدلله حتى لو مجاش ربنا يعوضنى فولادى كل اللى دعيته ان ربنا ينزل السكينة على قلبى والرضا وبس ياعالم
حبيبتي ❤ياتوشو أنا طول عمري كان نفسي في عربية وكان بابا يقدر يجيبهالي بس محصلش وزوجي بعد الزواج بسنين وكنت في الاربعين وكنت فقدت الأمل ان ممكن يبقي عندي عربية وزوجي الله يرحمه فاجأني انه اخد بطاقتي لأنه محتاج يصورها لسبب ليه وجابلي العربية وحقق حلمي ربنا يرحمه ويغفر له وانا بحبك اوووي ❤
يااااااه على عوض ربنا فعلا بعد الصبر جبر الحمدلله زوجى اتعرض لظلم من ابوة واخواته واخدو شقاه وتعبه السنه دى اصعب سنه مرت علينا من ظلم والم ووجع قلب وصدمه من اهله والله ربنا ده عظييييييم قبل ماتخلص السنه كان جبر كسر قلبه ورضاه بشئ مكنش اصلا نتمنى نصه حتى اللهم لك الحمد والشكر كما ينبغى لجلال وجهك وعظيم سلطانك ❤
بصي انا ف حالة سيئة جدا ربنا يعلم الكلام ده اثر فيا ازاي و افتكرت مواقف كتيييييييير ربنا عزضني فيها عوض افضل مما اتمني بكتير و خلاني استصغر نفسي اوي و اناا قاعدة مكتئبة بسبب حجات بسيطة كده بالنسبة لعوض ربنا اللي شفته ف مواقف كتير اصعب من كده ربنا يوفقك ف حياتك و يرزقك الحكمة ان شاء الله ❤
حصل معايا فى حاجة كنت بسعى ليها تخص ابنى وبعد شهور من السعى والتعب ربنا كرمنى فى حاجة احسن من اللى بدور عليها الحمدلله على كل حال وربنا دائما عنده العوض الجميل ❤❤
جيتى فى وقتك يا شوشو ربنا بعتك ليا النهارده انا بمر باصعب وقت فى حياتى والله العظيم انتى دايما ربنا بيبعتك ليا علشان تطلعينى من مواقف صعبه مش بكون عارفه اعمل ايه وبحس انى تعبانه وحياتى واقفه ربنا يجازيكى كل خير يا أطيب واحسن انسانه شوفتها فى حياتى يا مثلى الأعلى فى الحياه
جزاك الله خيرا على جرعة الامل الجميلة دى تجربتي فى عوض ربنا انى فى أول زواجى حملت فى بنوتة وتوفت فى بطنى فى الشهر التاسع السنة اللى بعدها كان ربنا رازقنى باجمل بنوتة وتكرر نفس الأمر فى الطفل الثالث كان ولد وتوفى فى الشهر السادس بعدها بسنة ربنا رزقنى باجمل ولد ❤ على قد ما الامر كان صعب بس فعلا زى ما قلتى ربنا يريد أن يعوضنا فى الدنيا و ويأجرنا فى الآخرة على صبرنا ❤ فالحمد لله دائما وابدا
