شكرا ليك على هاذ النصائح حتى أنا تحديت الخوف وكنتعلم حاليا غير الحمد لله حنا هاذ المدرسة كيعلمونا مزيان وكتبقاي شحال مابغيتي حتى تمكني من السياقة عاد دوزي ياربي نجح وذيك الساعة ندير بهاذ النصيحة
انا اختي لكتبتلك التعليق اختييي تعلمت السياقه عند واحد الشماته معلمنا وااااالو الله ياخد فيهم الحق نهار خرجت اعلمني خويا دخلت فواحد الحاءط والحمد لله حنا خرجنا سلمات ولكن اللوطو تدكدكات ومن دك النهار مشديت الفولا الله احفطك من كل شر
اليوم أول نهار انصوك بوحدي جيت الخدمة الخلعة قتلاتني بيرمي (2017) السيارة جديدة الاسبوع لي فات استاعنت بوحد السيد ولكن كيستريسيني كنصوك بطريقتوا هو حسيت براسي مغنتعلمش وانا معاه واتحديت راسي اليوم 😊 ولكن مجرد مكنفكر العشية غنرجع بوحدي وعندي واحد الطلعة فالطريق خايفة تسكت ليا فالطريق والناس فالشارع مكترحمكش الكلاكصون كيزيد استريسيني نطلب من ربي السلامة😢
الله اجازيك بالخير شبعتيني ضحك البارح فكرتيني فراسي فالوصفات دالشعر اليوم وكذلك السوكان غير انا عاد كنتعلم لان هذا الحلم كان كيراوضني سنين من السنين الاولى دالزواج الا انني متخليتش عليه دوز بفضل الله اخذيتو لكن كتبقى الخلعة شاداك فالركابي الرغبة كتدفعك والخلعة كتردك لكن فالاخير كتغلب الرغبة وحب تحقيق الطموح الا ان كيما قلتي لي بغا اتعلم انا بعدا بالنسبة لي الافضل والافضل انني نكون بوحدي اكون مول الدار حدايا كلشي كيمشي كنولي ندير الاخطاء لي مكندرهومش فاش تنكون بوحدي الازعاج والانتقاد والتعاليق مكتخليكش تعلمي لكن حبي للسوكان بل عشقي له الذي نما في سنين وانا كنحلم اكون عندي بيرمي انسوك فعلا هو متعة كتونس بيه الواحد الله اسهل على كل وحدة عندها حب السياقة
ناري قصتك بحالي سقت مع خويا ضربتها مع الحيط .من تم ولات عندي فوبيا بالأخص الا كانو دايرين بيك المفشلين باقين لحد الان كيجبدوها ليا .دابة عندي طونوبيل وكنخاف على قبل داك المشكل .نصيحة لي بغات تعلم تعلم في طونوبيلتها
انا خدبت البيرمي الخميس سقت الاحد من من داري حتال دار بوعزة و كانت كتسكت ليا من بعد الحمد الله ولكن انا كنسوق ولكن بقى ما عمرني هزيتها راسي ضروري يكون معايا شي واحد في وليدات 😂مافهمتش علاش
والله غير ضحكتيني،حتى انا كنت كيفك ،راجلي داني نشري لوطو ومنين شفتها خفت منها طويلة قلتله والومانشريش هاذ اللوطو جابها مول الڤاراجيست يسوق فيها حتى لدار وانا مع راجلي في لوطوته وخايفة منها
انا كنتعلم في طموبيل راجلي كنقوليه عندك طموبيل ديال الستينات 😂كيقولي طموبيل جديدة اشمن ستينات كنقوليه باقي شي حد كيسوك طموبيل عندها فران لامان بحال هذا .. زعما فران لامان العادي لي كطلعيه و طهبطيه و لكن انا كيجيني قاسح و سيارة التعليم لي تعلمت فيها كان عندهم فران لامان بوتون غير تكي عليه وصافي مكديرش القوة .. كيقوليا ادا ماتعلمتي تسوكي طموبيلات المانوال العادية ماتقولي كتعرفي تسوكي … الي تعلم للمانوال يقدر يسوك اتوماتيك و اللي تعلم غير اتوماتيك مايعرفش للمانوال .
عندك الحق فكل للي قلتي حتى انا دزت من نفس التجربة وكنت كانقول سعدات للي كايعرفو يسوقو فكرتيني فالسطاسيونمون كنت كانلقا شلا بلايص ولكن حيت بين جوج طوموبيلات كاندير بالناقص ولكن الحمد لله كل شي كايجي مع الوقت
آه ثم آه ثم آه من السياقة..اليوم تطرقت لموضوع نال إعجابي لأني عرفت أن هناك كثيرات مثلي تخفن من السياقة, وفي نفس الوقت اثار غضبي لأني لحد الان لم استطع التغلب على الرعب الذي ينتابني بمجرد التفكير في الموضوع..مع العلم اني امتلك الرخصة منذ سنين..،!! القيادة حلم لا يفارقني,خوف يرهقني, فشل يكبلني, .. رافقتك السلامة ..