لااعلم مافي بيوتكم٠ولكن أسأل الله إن كان فيها "مريضا "ان يشفيه وان كان فيها "مهموما "ان يفرج همه ،وإن كان فيها "مديونا" أن يقضي دينه ، وإن كان فيها مبتلا أن يعافيه وإن كان فيها" ميتا "أن يرحمه ويرحم موتانا وموتاكم ويجمعا بهم في الفردوس الأعلى
صح كان يحبني بصح يخدعني و يعايرني؟؟؟ من نيتك ختي! لي يبغيك يخدعك و يسمح فيك؟ خطونا من هاذي الهدرة حمبوكم😂 والله يجيبولي الضحك كي يقولوها هاذي الجملة، واش دااااااكم للخرجة و العلاقات تاع الخرطي هاذو، يا خواتاتي قعدو معززات مكرمات حتى يجيبلكم ربي الرجل الصالح، تعففوا تعففوا🫠🫠🫠
جداتك سبة دارهالك ربي باش متتجمعوش خاطر اللي يأذيك حتى ولوكان مرتو حلالو يآذيك صح غلطت جداتك وربي وكيلها كفاش تقذف في بنت وليدها ماش لهاذ الدرجة حتى أنا جداتي مناش متفاهمين بصح ماش لدرجة وين تقذفني ولا تهدر فيا هكذا... المهم ربي يهنيك
سبحان الله الجدة حبت الشر لحفيدتها بصح ربي سبحانو بسبتها ما كملتش الخطبة مع الانسان لي كان رح ياذيها يعني من غير ما تشعر كانت سبب في لقيا الاخت بزوج صالح
سلام على الجميع، انا متتبعة جديدة ، وجد معجبة بالقناة، و بالصوت الرخيم، لكن افضل قصصك الطوييييلة، لانها تخرجني من الواقع وتدخلني بعالم القصة وكانني في حلم او أشاهد هل فلم، لدرجة انني وارى المشاهد، واصلي ايتها العبقرية.
حنا عمي يدابز جداتي و عماتي على جال مرته و قاع يبغوه و يبحرو معاه و يعرضوه و مرته تعاير جداتي فالوجه و يموتو عليها بصح انا اب تاعي لبار ميردش كلمة على مه و ماما جامي ردت عليها و جايبينها مورانا و يكرهونا و كيلهم ربي و الله وحد الحقد من جيتنا و سيرتو كي انا و ختي شابين عليهم و شعرنا رطب و الله وحد الحسد جداتي تقول لماما حمدي ربي كي عطاك بنات عندهم كرعين و يدين على جال عمتي بنتها معوقة
Maktobek leha9 allah ghaleb 9istak bzaf chba ou manek wkileha rabi loken rabi chaf fiha khir loken khatbek lmohim rabi Yarhem babak ou allah yedawem farhtek nchlh ou ya3tik matmanay f heyatak ❤
هذي لقصة داتني بعيد تقدر تقولو للمستقبل أنا فعمري 23سنة وعندي 3ولاد واحد عمرو 8سنين وحد 7سنين وبنت عمرها 3سنين وزوجي يحب يماه وش تقولو يدير يضرب ولادو علاجلها وتكدب عليه وتخلق فلمات بيني وبينو حتان يضربني ضرب مبرح ولادي يتفرجو ويبكو ونا نقلهم روحو مكان والو ونضحك ونقلهم رانا نلعبو برك ودائما هكا تزوجت عمري 15سنة وانا يتيما ومعنديش وين نروح وهي ستغلت هذا شيء ميكسنيش جامي وميهدرش معيا ابدا ولادي كي تروح حاجة من الدار ولا تتكسر يعودو يجرو يبكو من الخوف نتعهم عليا يعود يضربني ونا تخيلت جداتها هي عجوزتي لي راح تقعد تتحكم في حياتنا حتان تموت ادعولي خوتي في الله يفرج ربي عليا وعلى ولادي راني مقدرتش تعبت وتعبت ولادي مساكن اختكم في الله❤
للاسف انا منقدرش نحب واحد لهاذي درجة علمتني لحياة نتهلا غير في روحي او قرايتي باش نلقاها في مستقبلي نصيحه ختي حبي مقتلكش متحبيش بصح مشي لدرجة كبيرة لاخاطر يقدر يروح ويخليك بسك هو ماخاسر والو اتهلاي في روحك بزاف لاخاطر اذا راحت صحتك واحد ماينفعك ويكون معاك في وقت شدة 😊😊
اولا نت ضعيفة الشخصية حتى واحد ميستاهل تخسري حياتك على جالو جداتك متخافش ربي ربي يخلصها لكن انت خسرتها مع ربي على جال انسان مش راجل وسمح فيك من اول موقف لو كان يحبك صح لا ظروف ولا حتى حاجة تبعده عليك وزيد الخير فيما اختاره الله ربما قاع الشي لي عشتيه درس ليك وصحوة وتفراش لحياة افضل المهم حاولي قد الإمكان تصلحي مع ربي
غاضني باباها بزاف الله يرحمو وجدها لاحول ولا قوة إلا بالله العلي العظيم منها لكن في الاخير هي الي غلبت يعني الزواج هذا طبطب عندها قبل باش كملو حمد لله ما درات لها والوا وخلاتها ادير حياتها كنت نظن ان سمها راح يزيد مور وفاة الوالد لكن حمد لله
أبدا ما تجيك السعادة من بداية فالحرام ، و متأسف كثير على سماع مثل هذه القصص و بهذا الجرأة ، باباك ربي يرحموا و امك الطيبة ماكانش عندهم وزن عندك باش درتي علاقة فالحرام لمدة ربع سنين وللا تتكاكاي ، خاوتي حياتي اياكم و الهاتف في يد بناتكم و اولادكم
بعيدا عن القصة كي تشربو حاجة كيميائية (انتح.ار أو غلطة) ماتحاولوش تقيو رواحكم لأنكم تحرقو الجهاز الهضمي مرتين متشربوش الحليب (يتفاعل مع هذو المواد) متشربوش الماء توجهوا إلى المستشفى في اسرع وقت
احلى قصص من انسانة عظيمة ❤ من سمعتك عييت نخطيك انا ثانيك ولدت في. وقت الارهاب و مقدروش يسجلوني في بلدية بسبابهم كي يحكولي دارنا معانتهم مع ارهاب راني نبعثلك
