نصيحتي ليك ....اوقفي على روحك ....أنسي الماضي فاصيه من ذاكرتك ......عيشي وقتك الان ارفعي قضية إهمال ..وإديحق بنتك بالقانون ..خليه يزحف ويصرف على بنتو وبلا مزيتو حاجة أخرى كوني قوية أخدمي على روحك وديري مستقبلك .....بنتك معندها حتى ذنب هاذي لكبدة تاعك اتهلي فيها وحني عليها وقربيها ليك وكوني ليها الأم والأب.......وربي يصلح أحوالك ويفتح عليك
ونصيحة للمقبلات على الزواج فترة الخطوبة ليست عشق وغرام هي فترة تمييز للطرف الآخر اذا يصلحلك او لا ردو بالكم المرضى النفسيين وعديمي التربية كثرو الله يبعدهم علينا
هذا الراجل متالي مايسقمش ريحتي منو حمدي ربي صباح وعشية لطلقتي منو ربي بتنك وحني عليها وغيري حياتك بخدمة ولا مشروع تلهاي فيه حتى ربي يرزقك بانسان يخاف ربي فيك
هذي الطفلة عندها متلازمة ستوكهولم في الزواج متلازمة ستوكهولم عندما يوضع المرء في موقف يشعر فيه بأنه عاجز عن التحكم في مصيره، يشعر بالخوف الشديد من التعرض للأذى الجسدي ويؤمن بأن كل السيطرة تقع تحت يد الشخص المُعذِّب والآسر، ومن هنا قد تنتج استراتيجية للبقاء والنجاة والتي تتطور لتصبح استجابة نفسية تتضمن التعاطف والدعم للشخص الذي يأسره أو يعذبه
يا ختي جاامي شفت ذل كثر من هاذ الذل و م المفروض ما تعاوديش تتفكريه خلاص هذا مش تاع زواج اصلا😔🥴للاسف ما بقاوش رجال غير اشباه الرجال هما لي طغاو ربي يهدي ما خلق
الزوج النرجسي تحبيه بلا ما تحسي يعني تبانلك حياة بلابيه والو يعني يتغمضو عينيك حتى كي يفوت الوقت باش تفطني وتقولي كفاه كنت عايشة معاه مهم ربي يحفظك ويفرج عليك و يحفظلك بنتك وسدي في ربي سبحانو
يا اختي هذا ماش راجل راه مريض والشئ اللي فهمتو من قصتك ان هذا الانسان كي كنت ترفضي فيه سحرلك باش قبلتي بيه وعاد التمرميد تاعو يجيك عادي اجري رقي روحك وفيقي انت ما كيش في حالك والله يجعل لك مخرج من هذا العذاب
هذا تعلق مرضي. شوفي. فيديوات. دكتور. زيدان ابراهيم. ودكتورة. ايمان. وفيديوهات. في كلمتين. للأستاذ.اسلام . يا بنتي هذا. تعلق. مرضي. في النرجسي. زوجك نرجسي. ظاهري. عليك. أن تتعافي من هذه العلاقة السامة والتعلق المرضي .ربي معاك
الله يهديك يا مخلوقة هذه الاحداث كامل لصرات فيك والذل لعشتيه وعيشته لوالديك ومزال تفكري فيه انساي الماضي انتاعك وعيشي الحاضر وربي ايجيب الخير واحمدي ربي لسلكتي منه بخير
نصيحة ليك اختي وكلي عليه ربي وروحي ارفعي دعوة نفقة ونحيه من عقلك وبالك وروحي ديري كشي خدمة في يدك وربي بنتك احسن تربية ماشي غير هو في الدنيا وربي يعوضك
لا يا حبيبتي مش هكا الامور عندها حدود وانتي على اخر الزمان جبتي لامك و باباك لي يهينهم و يحڨرهم في كبرهم وفي ارذل العمر و مازلتي تخممي يستما تحوسي عليه يقتلهم باش تقتانعي الله يهديك 😢
يعجز لسان عن التعبير واش بيك امخلوقا معندكش عزة نفس انا بلا والدين وبلا سند بصح حقي منسمحش فيه ومنندلش لراجلي استغفر الله لي خلقو خلق الاف غيرو واحسن منو مفيه ما يتحب هد راجل
رضاية الله قبل كل شيء وبعدها رضاية الوالدين متحاوليش ترضيه علي حسابك وحساب والديك هذا ميستاهلكش وربي فكك منو لانو فيها خير وجي نهار ويندم عليك وربي جيبلك حقك منو واستناي وتسمعي وربي يعوضك فيه خير ليك ولبنتك لي راح تكون سندك في الدنيا وكوني ليها ام بمعنى الكلمة صلاتك ثم صلاتك ثم دعاءك
والله يا مخلوقة واش هذا الذل الله يهديك ارفعي عليه دعوة النفقة واذا متعدلش مديلوا بنتو وخليه يتحمل المسؤولية وقوليلوا انا تاني نعاود حياتي وخليك منه هذا ميستاهلش تذلي روحك ووالديك اكثر من هكذاك
ماقدرتش نستوعب واش من حب الذي يجعلك تترخسي انتي واهلك اللي يحبوك اكثر من نفسهم ، من شخص كان باين الي تزوج بيك باش يرضي غروره فقط ، ماراهوش حابك لو رجعتي راح يرميك رمية الكلاب ، احفظي ما تبقى من كرامتك ، وعيشي لبنتك مازلتي صغيرة والحياة امامك ، باين عقلك مازال صغير ، لأنه ما فعله فيك لا تتحمله حرة .
راكي في عقلك يا بنت الناس هدا الرجل مريض و نتاع نسيوات رخستي بنفسك و اهلك و الضرب ليك و الولديك سمحيلي هدا رخس ماشي حوب واحد يمسلي والديا ما نقعدش معه دقيقا واحدا الله يهديك و يجبلك ما خير ان شاء الله و ما ترجعيش اللوم على نفسك هدا ما يستهلش دمعا من عينيك
والله يامريومة ختي غير عندك لحق وش قلتي حرف بحرف هدا ماشي عبد وماشي مربي وماهوش راجل اصلا وهي تغيض والله بكاتني نقوللها من هدا المنبر نوضي انفضي الغبار عليك وخليك من الهم هدا ماشي راجل تبكي عليه وربي يعوضها خير ان شاء الله
اقسم بالله غير والديا ربي يرحمهم واحد ميجي في بلاصتهم حتى لوكان يكون هم أولادي وراني ام والله والديا نبكي عليهم حتى نموت نتشهى لوكان مزالهم أحياء انت النعمة عندك وراكي ترخسي فيهم ومزلكي تحوسي على الهم
سلام عليكم ، انا نقولك رفعي عليه قضية النفقة ماتسكتيش عليها هذا الحق بنتك ، ولا ماحبش يعطيق النفقة خليه يدخل الحبس، العدالة دجيبلك الحق بنتك.ان شاءالله تلقي انسان محترام . امك ابوك يطوال في عمرهم يحفظهملك . اتمنى لك التوفيق في حياتك.
اختي وقفي مع روحك ومن أجل بنتك حكايتك مشي بعيدة على حكايتي انا خرجت نافسة سمينة بنتي ونفس عمرك 23سنة ولأجل السبب طردوامي والحمد لله وخليت بنتي هي اول اهتماماتي والحمد لله قريتها مستوى جامعي والتربيه ماشاء الله كل الناس تشكرفيها وزوجتها وقريبا أصبح جدة والحمد لله مارانيش ندمانة الكرامة فوق كل شيء والله يعوضك بالاحسن 🤲
انا مطلقة وحسيت بيها لان الطلاق مر كنا نفضلو وقت الذل ولا الطلاق في داك الوقت الطلاق صعب صعب مي انتي مي وصلت الحالة الى اههلك. طاح القدر بززاف بيناتكم . الأخت ان فهمتها بحكم رني مطلقة ماتقبلتش الطلاق من أصلو سيرتو كي عندها بنت بصح نقولك ختي لي تكسر في صغرو راح ينجبر ماتخافيش ربي راح يرزقك من ابوابو الواسعة نقولك صبرا جميل كاين الحلول وتزوجي بالخف وتعياي تنسايه وتفكري كلامي .كوراج وشدي في حبل الله لي خلق مايضيع ربي معاك . هذا راجل أصلا مايتعشرش مام لوكان بقيتي معاه راح حياتك تكمل ضنكة خيرو في غيرو ومن توكل على الله فهو حسبه .
جامي استفزتني حكاية كيما هاذي انا نوصل بابا و يما لواحد كيما هذاك يضرب بابا و يسب ما و يخليها فسبيطار والله و نكونش عندي شهر زواج انا لي نخلعو اكي منيتك وش الذل اذا ربي كرمك وعلاه تذلي في روحك حطيه مات حطيه باباها ميت فنات الدنيا كاين ذري متربيين يتامى و طلعو نساء و رجالة يا ربي مقدرتش نفوت حكاية ضرب امك قدامك وش انتي تندبي عليه يا ربي ككلت حكايتك فوق مالقلب بابا يضربو واحد هكاك ياو انا كون جيتي بنتي والله نقتلك ولا الذل لي عشتي فيه و زيد عيشتي والديك فيه و انا بانتلي كون يقلك ارواحي نرجعو ترجعي ليه لا حول و لا قوة الا بالله والديك كيفاه حاملينك عييت نعطيك مبررات ملقيتش انا ما و بابانعادي عليهم ولادي لي من لحمي و دمي موش غير راجل ولد المرى كيما يقولو هو على جال امو طلقك قلك خلعتيها و شعرة لا قتلتيها و انتي تندبي عليه
عندي زوج كلمات هذا كان أحب ووحدة اخرى رفضاتو وانتقم منها بيك ماحبكش من النهار الاول والتمسك اللي تمسكو فيك كان باش ابينلها بلي جاب امراة خير منها زكارة فيها لانك قلتي السمانة الاولى ماقدرش اعاشرك لانو مابغاش غيرها وانت كيعاد عانيتي فراق الاول تمسكتي في هذا ماشي حب هذا تعلق وفقط راح تنسايه شدة وتزول وبنتك راح تعاونك فيها يماك وانت كيعاد مدللة والديك ماعرفتيش تهزي مسؤولية وحدك ولكن طاكيه في المحكمة وماتسكتيلوش على حق بنتك انت قلتي الطفل اللي مايزيدش مع باباه مايبغوهش حنا عندنا اللي مايبغيش كبدتو لانو مايبغيش امو وربي اعوضك بسيد الرجال صدقيني راح يندم عليك ولكن لن ينفعه الندم كيما كان اطلقك كان يحكي ويرجع لحبيبتو وكيما طاكيه وتصدو ويتقابضو اجي ليك كي الكلب ارجعك لكن كون درتي قيمة لروحك وكنتي ترفضيه ثم كان يتاخذ قرار صاءب واديرلك قيمة ماتخافيش كما تدين تدان اللي مرمداتو راح اجيبلك حقك منو
قسما بالله العلي العضيم ثلاث مرات كان يفكر راجلي مجرد تفكير فقط انو يهين والديا في داري مهما تكون صفتهم واعرين عاقلين ضالمين والله منقعد معاه دقيقة وانا لي نديرلو لخلع
هاد الشي قاع صرالك وتقولي مافهمت علاه أطلقت هاد الشي كامل وبغيتيه واش بغيتي فيه الله يهديك هدي علاقة مسمومة يابنتي هذا متوحش ضرك ماعندك ماتندمي عليه ربي يعوضك خير منه هذا مريض تهنيتي منه
اسمحيلي ذليتي روحك من كثرت حبك ليه مكانش حب اسمحيلي متندميش عليه هذا مهوش زوج ومهوش اب تبكي عليه وبنتك انت يماها وانت باباها يما كبرو ولاد بلا اب وكبرو وخرجو مشاءالله اسمحيلي تشوكيت من حكايتك وهذو والديك يعني امك ثم امك ثم امك وباباك هنتيهم في دارك على جال واحد محترماكش ومحترامش والديك اسمحيلي على هذا العبارة راني باغية نخرج من جنابي ونعطيك كف باش تفطني مليح واش راكي ديري في روحك وفي والديك واش نقولك الله يقدرك وتربي بنتك احسن تربية
يا اختي روحي شارعيه على التعويض و النفقة و اخدمي على بنتك و اوقفي على رجليك و ردي الاعتبار لعمرك و لوالديك اللي انضربوا و انهانوا في دارك و قدام عينك .. ابعدي على هذا المهبول المريض المتوحش اللي ما خافش ربي و ضرب إمرأة بعنف و هي حامل و رفد يده على رجل كبير ... يارب واش بيك ...اهربي بجلدك و ربي بنتك و لو كان يوزنك ذهب ما ترجعيلوش لو كان يموت و يبكي دم
الرجل اللي يضرب زوجته في الشهر الأول لازم تتأكد أنه لن يتغير و هذه هي ثقافة معاملة المرأة يعني الضرب و الإهانة.الهروب في بداية الزواج هو الحل الوحيد.الله يعوض عليك برجل يقدرك و يحترمك و يحترم الميثاق الغليظ .الله يهني بناتنا و أولادنا.❤️
ختي انا زوجي غي اول شهر زواج كان يضربني بابشع الطرق ولكن بضغط من اخته و امه ووصلت معاه للمحكمة وطلاق وعند جوجة ربي يحفظها في جلسة الصلح فهماته بلي مرتك وحدها وامك واختك وحدها و. هدراتك غاية و الحمدلله وليت لداري و من تم ولينا غاية كاين مناوشات بيناتنا بصح ماتوصلش بصح للامانة جامي وصل لامي ربي يرحمها ولا للاب تاعي ولا قاع لعايلتي مقادرهم من اول يوم زواج راني في قريب 15 عام زواج والحمد لله المرأة لازم تصبر بصح ما ذلش روحها سيغتو مين توصل لكرامة والديها تم تحبس هاد المرأة ذلت روحها هدا ماشي صبر هادا دل
ركزي مع حياتك ونساي الماضي الدنيا راهي قدامك .هذيك ماشي معيشة.الزواج رحمة وحتى ان ماكانش الحب .والطلاق بداية جديدة ماهيش نهاية الدنيا.ربي بنتك وقوي علاقتك معاها وعيشي معاها لي فاتكم وبشوية سلاحظين الفرق .ربي معاك.
والله غير وجعني قلبي وما كملتش الفيديو وضركا جيت نكملو ومالقيت مانقول لهاذ الطفلة لي تبان ماهيش في عقلها وبعد ما نقذها ربي من هذا الشيطان بكمية هاءلة من الاهانات العضوية والنفسية والاجتماعية والدينية ليها ولاهلها لانو هذ الابليس تجاوز كل شي عندو علاقة بالانسانية وحتى الحيوان عندو الرحمة وعندو كثير من الصفاة الانسانية رغم انه حيوان هذاالدمار النفسي والمعنوي والجسدي لي خلاهلك فلعوض تطلبي ربي يشفيك منو وتوقفي على بنتك وتكونيلها خير عوض جاية تقولي كيفاه بنتي تتربى يتيمة 😮ياخاه نندب ياو بنتك هاذي تتربى في حضن وحضن والديك احسن من كي تتربى عند واحد زاني قليل التربية عديم الشرف والنخوة وشماتة بكل ماتعنيه الكلمة من معنى وبغيت نبهك لنقطة انو الشي لي دارولك راجلك فبضلك انت لانك رضيتي بهوان ما ترضاش بيه طفلة يتيمة وفقبرة ومكسورة فمابالك انت لي لقيتي نعم الاهل والسند ورغم هذا رضيتي بيه وبصفاتو الخامجة من كل ناحية وناس بكري قالو رضيت بالهم والهم ما رضى بيا والحل تاعك الاول هو الاستعانة بالله ثم نوضي لعمرك كملي قرايتك او ديري تكوين أخدمي كوني روحك لانو الوالدين مايدوموش وعيشي حياتك انت وبنتك وبينيلو انو مازاد فيك مانقص منك وانو كاين ولا ماكانش كيفكيف وبلعكس ماكانش خير وضرك تشوفي كي تتبدل حياتك للاحسن وخليه يتفرج غير من بعيد ويتحسر عليك وان شاء الله تسمعي انت بيه يعطيه ربي مرى لي تمررلو حياتو كيما دارلك وانت كوني قوية وفحلة ونزيدلك حاجة روحي ارقي اوروحي لمختص نفسي يعاونك للخروج من الانهيار لي راكي فيه وان شاء الله نسمعو عليك اخبار طيبة امين
يا بنتي وصلتي روحك للذل علاه واش يكون هذا خالي من الإنسانية عندو إنفصام في الشخصية وما زلتي تحبي فيه صراحة أنت تستاهلي ذليتي والديك تبعي في قلبك ما عندكش إحساس
