صورت السنه بكل لحظاتها وقولت ليه لا مصورش فيديو .. اتمني انه يكون مفيد. FOLLOW HERE - Instagram: @mohamed_bbakr - Facebook account: / mohamed.abobakr.737001 To support my channel, make sure you are subscriber Thank you ❤
ياجدعان والله كميه كلامكم الي في الكومنتات مش طبيعية، شكرًا ليكم جدًا، جزاكم الله عني خيراً. ويارب تعملوا أفضل ما عندكم دايما. ماتيجوا انستجرام: @mohamed_bbakr 😄💛
دي تالت مره اسمع فيها الفديو ده ولكن الفرق اني المره دي انا في الثانويه العامه وزي ما بيقولو انا في عنق الزجاجه ، وحاليه فاضل بالظبط 20 يوم على الامتحانات وانا فعلا اول مره احسن بنفس شعورك وقد ايه انا اتمنى اني بس اخلص السنه وميجيش وقت واندم ، انا واثقه ان ربنا انشاء الله هيكرمني ويوفقني وثقتي في ربنا فعلا كبيره وواثقه ان ربنا عارف اللي جوايا وسامع دعواتي ، اتمنى بعد 4 شهور اجي واشوف الفديو مره تانيه ولكن اشوفو بشعور مختلف وهو اني وصلت لحلمي وربنا كرمني من واسع فضله وانشاء الله مفيش حاجه بعيده عن ربنا وهو اللي قادر يوصلني لحلمي . يااارب يااارب
انا كنت ثانويه 2023 ..الفيديو دا ي ابو بكر كان ملازمني طول السنه يعتبر..وو الله كان مصبرني جدا..كنت بوثق كل حاجه زيك كدا احب اقول اني الحمد لله جبت 87.8 % و بتفرج عل الفيديو و انا مهندسه 🥰
ي ابو بكر انا غالبا من اولي ثانوي وانا بستمع الفيديو انا في تالته حاليا الفيديو ده انا استمعتوا كتييير اوي حاليا باقي اقل من ٢٥ يوم علي اول امتحان وباذن الله ربنا يجبر بخاطرنا انا وكل دفعه 2024 ❤❤
ثانوية عامة دفعة 2024 وجاية اشوف الفيديو اللى فيه كمية طاقة ايجابية رهيبة لعل وعسى ربنا يكرمنا وتنتهى رحلتنا على خير واجى اكتب كومنت واقول انى خلصت وجبت حاجة كويسة
أسوء شئ عشته في الثانوية العامة هو التفكير المفرط جدا جدا جدا، كنت بقعد ساعات أفكر انا لو ملحقتش الكلية اللي عيزاها، كنت أحيانا بنهار جدا واقول مش مهم أي حاجة انا مش فارقة معايا درجات او مجموع المهم السنة تخلص وبعدين ،أرجو أقول أي الهبل دا ،هو بعد سنوات ابتدائي واعدادي وثانوي حلمي يضيع بالساهل كدا فوقي يا جهاد فوقي يا ماما ،فكري كدا وانت محققة حلمك وانت داخلة كلية الطب وانت محققة حلمك وحلم عيلتك كلها العايشين منهم واللي توفوا ، وقتها كنت بمسك كتابي تاني واقول ربنا سبحانه وتعالي مستحيل يضيعني، عايزة اقول ان اكتر حاجة فرقت معايا في السنة دي هي ثقتي بربنا اللي انا أحيانا مكنتش بفهمها والله العظيم بجد كنت بقول لنفسي انا واثقة في ربنا لاني واثقة فيه ،انا مليش دعوة انا متأكدة انه هيحقق حلمي لاني واثقة فيه ،وانا واثقة انه عارف اني واثقة فيه وربنا مستحيل مستحيل يضيعني ، كنت كل امتحان باجي منه بالرغم من الصعوبة وكل المواقف اللي عدينا بيها كنت بقول لنفسي ،اهدييييي انت نسيتي ولا ايه انت واثقة في ربنا ، لغاية ما خلصنا الامتحان وجه يوم النتيجة أصعب يوم في حياتي لغاية النهاردة علي الاطلاق ،طبعا وقتها كنت مشدودة جدا جدا كنت كل مرة بضغط علي رابط النتيجة أقول يا رب انا واثقة فيك ،انت بس لغاية ما فتحت الرابط شوفت النتيجة ٩٢ % قعدت ابص كتير علي اسمي وعلي اسم المدرسة للتأكد، لاني ما تخيلتش اني هعدي ٩٠% ، لكن الحمد لله كما ينبغي لجلال وجهه وعظيم سلطانه ،دلوقتي انا اولي طب جامعة الفيوم وبالرغم من صعوبة الكلية وضغط المنهج ،بس انا برضو واثقة في ربنا انها هتعدي لاني واثقة انه عارف اني واثقة فيه ❤❤ آسفة للإطالة
سلام عليكم بصى بصراحة كل ما اقول لحد انى حاسس انى ربنا هيدخلنى الكلية الى انا عاوزها يقولى اه ان شاء الله بس بصراحة محدش فاهمم احساسى خلص يعنى حاجة عظيمة جدا وانا بكتب التعليق ده لانى ليقت حد فاهمنى اخيرا شكرا لأنك بتايدى نفس الشعور بتاعى شكرا
بجد انا قرأت التعليق وانا بعيط انا ثانوية عامة السنة دي وفعلا بيحصل معايا الكلام ده وضيعت وقت كتير في بداية السنة في التفكير وبعدها اعد اقول ربنا مش هيجازيني على تعب السنة دي بس -وان كان قليل بالنسبة للمذاكرة -ربنا هيجازيني على تعب ١٢ سنة تعليم وتعب اهلي لان الكلية إللي انا هدخلها بإذن الله اولا هتكون -بإذن الله - الاول عطاء كبير من ربنا ثانيا ثمرة تعب الاهل المادي والمعنوي ويجي في الأخر مذاكرتي. ربنا يوفق دفعة السنة دي ويدخل الفرحة بيوتهم يا رب
صاحبي جدا😂♥أختي من قبل الامتحانات بشهر وهي بتعمل معايا لقاء فيديو تقوللي إحساسك اي وانتي ناقصلك 30 يوم على الامتحانات، ثم 29 و هكذا لحد آخر يوم امتحانات♥♥♥♥و بفضل الله 93 ♥♥🕊
مرحباً أبو بڪر انا تالته ثانوي 2024 وبسمع الفيديو ده مش لأول مره لإني سمعته تقريباً فاولى و فتانيه ولكن حقيقي معنى الكلام دلوقتي بقا واضح جداً بالنسبالي وان قد اي الواحد مش بيحس بالموقف بجد غير اما يتسحل فيه اتمنى كل اللي يشوف تعليقي يدعيلي بالتوفيق و الإعانه من الله سبحانه وتعالى و أتمنى أرجع بعد نهاية الرحلة واقولكم اني حققت حلمي ودخلت الكلية اللي نفسي فيها ❤🌿
دفعة 2021 93% الحمد لله بجد فعلا حسيتك كأنك بتوصف نفس اللي حصل معايا و مع الدفعة كلها تقريبا..... قبل أي حاجة يا جماعة ده شرف و إنجاز عظيم و كبير جدا انك تكون خريج دفعة 2021 مهما كان مجموعك...... احنا اتعرضنا لضغوطات و مراحل مختلفة و قوية سواء من اول السنة ان كان في مدرسين كتير جدا لسه ماشيين عالنظام القديم و احنا نعقد نغير في مدرسين كل مادة ٦٠٠٠٠ مرة و بعديها حتى بعد ما استقرينا على المدرسين لقينا السناتر بتتقفل و ملكش غير انك تكمل برايفت او اونلاين او تنزل من بيتكوا الساعة 5:30 عشان تروح الدرس اللي معاده 6 في عز الشتا و السقعة و الشوارع فاضية و تقريبا مفيش غيرك و بعد كده لقينا كتب جديدة عمالة تنزل و نوعية أسئلة جديدة و احنا خلاص في نص السنة و داخلين على أصعب جزء في المنهج.... يعني لسه هتدخل عضوية اللي لوحدها بتمثل 40% من درجة الكيميا و فاضلك الفيزيا الحديثة اللي كانت بتتحفظ بس دلوقتي بقيت مختلفة و ساعات ندخل نفسنا بسبب بنك المعرفة في حوارات كبيرة و نبعد عن المنهج نفسه و ده كان في كل المواد مش فيزيا بس و فاضلك dna و عامل زي القصة اللي لازم تكون مركز معاها..... و كل ده حاسس انك نسيت القديم كله و حاسس انك مش بتعمل حاجة و كل اللي بتعمله ملهوش لازمة..... و تجري الايام و الشهور و الضغط يزيد و نبدأ مراجعات و تلاقي نفسك مطالب تخلص كميات كبيرة جدا ممكن بسببها متعرفش تلاقي وقت تتغدا زي الناس الطبيعية و خلاص مستنين الامتحان التجريبي نلاقيه اتأجل لقبل الامتحان بأسبوع او اتنين و يجي وقت الامتحان التجريبي نلاقي الامتحانات اتاجلت لشهر 7 و فترة التأجيل دي كنا بين نارين الاولانية انك خلاص زهقت و عايز الايام تجري و احنا قاعدين13 شهر ثانوية و عدي عليك رمضان و عيدين كنت حابس نفسك فيهم كأنك في زنزانة و عايش لوحدك بعيد عن الناس و النار تانية خايف و قلقان و حاسس انك مش منظم و عشوائي و تيجي الامتحانات و امتحان ورا امتحان يجي و اللي كان مصبر الواحد ثقته في ربنا و القرآن قبل اللجنة و فترة قبل النتيجة كانت رعب و كوابيس بس الحمد لله انتهت على خير و يكفيني شرف اني دفعة 2021
يمكن رابع مرة أعيد بيها هالڤيديو هذا، الموضوع مخيف أنه عائلتك كلها معتمدة عليك وانت خايف لهالدرجة ... الله المستعان، ربي يسهل 💗 أدعولي ربي يوفقني بالإمتحانات ويرزقني معدل عالي 🌟
@@user-gp2nr6zh3x أكيد فيه ناس بدأت قبل الامتحانات يشهر أو أقل ووصلت متفضلش تقول أنا لو لو بدأت هوصل والكلام الي فاضي ده ابدأ واستعن بالله وتوصل ياما ناس بدأت بدري وموصلتش وناس بدأت متأخر ووصلت المقياس مش الي بيدا بدري ومتاخر المقياس الي يبدأ ويكون راجل مع نفسه وخلاص في اي وقت وفي أي مكان أهم حاجة تبدا في أي وقت وفي زمان ومكان وربنا معاكم
ياربي رجعتلي زكريات اصعب سنه فحياتي بجد😭 الحمد لله انها خلصت ع خير بحلوها و مرها… احنا حرفيا اقوي دفعه عدت ع ثانويه عامه مش اي حد كان يستحمل التوهه وحرقة الاعصاب الي احنا كنا فيها انا فخوره بينا جدا والله… وعايزه اقول نصيحه لتالته السنادي والله فنفس الوقت ده السنه الي فاتت كنا فنفس الحاله الي انتو فيها دلوقتي ويمكن اسوء لان احنا حتي مكناش عارفين شكل الامتحان الي بنذاكرله علشان نختار الطريقه الي هنذاكرله بيها لكن انتو دلوقتي عندكو الاوبشن ده لكن كان الدافع الوحيد الي بيحركني كان (ان الله لا يضيع اجر من احسن عملا) وكمان ان انت تيجي بعد النتيجه وتقول ياريتني عملت ياريتني… لكن الحمد لله انتهت اطول سنه فالحياه وجبت ٩٤.٣٨٪ الحمد لله❤️ وع فكره علشان تجيب مجموع فثانوية عامه مش لازم يكون عندك عشرتاشر شهادة تقدير وبتطلع الاول ع المجره كل سنه لا والله خالص انا كنت طالبه عاديه جدا جدا كمان وعمري ما كنت من الاوائل و بردو مكنتش الطالبه الفاشله يعني لا كان مستوايا متوسط وطلعت بالثانويه التانيه ع المدرسه انا بقولوكو كدا لان الحكايه دي كانت ماثره فيا جدا بالذات من المدرسين كانو دائما بيميزو الناس الي ليها سابقه فالاوائل علينا فكان ده بيحسبني بالاحباط وان فعلا دول بس هم الي بيوصلو لكن لا والله الي بيتعب بيلاقي لو مش دلوقتي فبعدين… ونصيحه اخيره لوجه الامن دلوقتي عاهدو ربنا انكو متغطرس لو حتي الغش اتقدملكو ع طبق من دهب والله ان اللجان بتاعتنا كانت بتبقي هايصه والغش علي قفي من يشيل و كنت دائما حاطه عهدي لربنا قدامي وبفضل الله مغشيتش حرف ودي اكتر حاجه فخوره بيها السنادي حتي لو كنت جبت مجموع صغير كفايه انه فيه بركه… و لو حد لسه هيبدا انا عايزه اقول لكو اني بادئه زي الايام دي كدا ووقفت بعدها بسبب ظرف مرضي انا واهلي بكورونا والي خلاني ابدا فشهر اتنين مش عايزه اقولكوا انضغطت قد ايه علشان اكون مع المدرسين وكمان اتفرج ع شرح القديم وازاكره بنفس الجوده بتاعة الجديد بس كان عندي هدف اني لازم اوصل لحلمي والحمد لله قد كان ودخلت طب بشري❤️ واخيرا وليس اخرا لازم تكون النيه خالصه لوجه الله وعمركم ما تتكرر يجماعه وتقولو مش بنزاكر والكلام ده لان ده بينعكس عليك انت بالسلب والله وخلو بالكو بقي من صحابك ابعدو شويه عن حوارات الصحاب دي السنادي وبعد كدا اعملو الي نفسكم فيه بعد ما تخلصو واهم نصيحه خلو علاقتكم بربنا حلوه لان فالاول والاخر هو الي بايده التوفيق… شدو حيلكم يشباب ودمتم بخير وبالتوفيق ان شاء الله واسفه طولت عليكو❤️
الفيديو ده انا شفته اول السنة ولكن قيمته الحقيقية بتظهر فى آخر السنة زي دلوقتى عشان ببقى حاسس فعلا بكل كلمة انت قلتها شكرا جدا ليك على الفيديو القيم ده ❤
@@abdallamoubarak7378 انا معظم الدروس كنت سنتر بس كنت اشتركت مع مستر محمد صلاح ف اللغة العربية من نص السنة تقريبا كان جميل جدا و المراجعات كانت كلها اون لاين المعظم من المدرسين بينزل شرح المناهج كاملة ايام الامتحانات فيديوهات جميلة لو حبيت تسمع شرح حاجة معينة برده بالتوفيق 💙
انا عيشت الايام دي وصورت فيديوهات زي دي ومدخلتش كلية قمة بس عارفه اني لو رجعت مش هعمل حاجه اكتر من اللي عملتها اتبسطت من نفسي لما عديت بكل دا و عملت كل ده ، انا يطلع مني كل ده؟ عموما مبسوطة فكليتي و ارادة ربنا دايما خير💖
23/11/2021 من قلب الثانوية العامة… يا رب يوم م ارجع للكومنت دا اقول اني عملت اللي عليا ومندمش ابدًا ، لا تهمني النتيجة ع قد ما يهمني اني افوق وابدأ اركز تاني على نفسي لاني تايهة ، يا رب أعني اني أسعى واعمل اللي عليا :")
سمعت الفيديو في أول تانيه ثانوي وحاليا خلصت رحله ما قبل الحياه الجامعيه وفعلا الفيديو كان مصدر إلهام جدا ليا حاليا قاعده منتظره النتيجه وهرجع بإذن الله محققه اللي ربنا شايفه خير ليا ♥️
قصتك في الثانوية العامة مشابهة لقصتي تقريبًا وفعلا كل واحد بيكون مكتوب ليه حاجه بياخدها انا الحمدلله جبت 80.24% ودخلت كلية تمريض❤️❤️ مكنتش حلمي بس حبيتها جدااا وعارف ان ربنا هيحققلي حلمي الأكبر وهيجبر بخاطري بأذن الله❤️🌸
نفس الموضوع نحمدالله علي ما جرا وما كان ياصديقي كل دا مكتوب لينا يمكن كنت بشعر بالحزن حتي الآن لمجرد اني شوفت حد في مكاني وهو طب وانا في تمريض وادركت مؤخراً ان رحلتي في ثانوية عاامة كانت جميلة وانا فخور حالياً بالنتيجة بتااعتي ومبسوط بما كتبه الله ونأمل من الله الخير لنا في باقي سباقات الحياة♥️
سمعت الفيديو دا وانا في تانيه ثانوي ودلوقت بسمعه وفاضل ٣ ايام علي اول امتحان ليا فالثانويه وحرفيا فاهمه كل كلمه فالفيديو وحاسه بيها يارب كمان شهرين واكون محققه حلمي♥️♥️♥️
الفيديو ده بقيت شايفاه وانا ف ثانويه عامه حوالي سبع مرات ،، ف ثانوية كنت خايفة اوي ساعتها من فكرة اني ممكن مجبش المجموع اللي انا عوزاه وخوفي ده كان وصل لمرحلة وحشة اوي اني مكنتش بعرف اذاكر بسبب مخاوفي اللي كانت بتتعبلي نفسيتي ،، بس الحقيقة لما شوفت الفيديو ده اتذكر وقتها اني كنت لاول مرة احس اني مرتاحه وهادية كده وانه اترسخ ف عقلي ان دي فكرة مقبولة عادي لو مجبتش المجموع اللي ف دماغي وان ده مش لازم يكون شر بالعكس ده ممكن يكون اوي خير ليا وانه كمان مش كل اللي مش هيجيب مجموع يبقى وحش ،، اطمنت اوي ساعتها لما لقيت انه عادي اننا منجبش مجموع مدام عملنا اللي علينا ،، اغلب الناس االي بتحكي تجاربها بتكون محطمة ارقام قياسية ومجاميع محصلتش يعني لكن الفيديو ده كان مختلف ،، الفيديو وضح جوانب اغلب اللي بيتكلم مش بيركز فيها بس هي كلها حاجات جوانا وكانت جوانا بالذات فترة الثانوية دي عشان كده الكلام اللي كان ف الفيديو اثر فينا ولمسنا كلنا حقيقي،، ف مننا كان داخل متحطم واخد دفعة لقدام وف مننا كان داخل خايف واتطمن وف مننا كان داخل متحمس والفيديو مزادوش الا حماس كمان وكمان ،، كلنا سمعنا الفيديو ف اوقات مختلفه من السنه ف كلنا حسينا وقتها احاسيس مختلفة لكن كلها كان احاسيس ايجابيه ،، انا عن نفسي لما سمعته السبع مرات كل مرة كنت بخرج من الفيديو بفكر جديد بس كل الافكار كانت بتصب ف نفس الهدف ،، يكاد يبان كلام كبير او عميق حبتين تلاتة بس هو كلام حقيقي بجد وهو ده اللي حسيت اني عاوزه اقوله او اكتبه يعني نسيت صحيح اقول اني المرة السابعه اللي سمعت فيها الفيديو كانت النهاردة ،، النهارده وانا مخلصة ثانوية عامة بقالي حوالي ٤ شهور ،، النهاردة وانا مخلصة مرحلة من حياتي وانا كنت فيها كنت بقول مستحيل تخلص او تعدي وعدت ،، النهاردة وانا ف المكان اللي لطالما اتمنيته وحلمت بيه طول عمري ،، ويشاء ربنا انه بس ميطمنيش ويقف جنبي ف كل وقت كنت خايفة او ضعيفة فيه لاء وكمان يجبرني ف نتيجتي ويعوض عليا تعب وخوف سنة كامة ،، النهاردة وانا بفضل الله اولا واخرا ف طب بشري بعد الحمد لله مربنا كرمني وجبت مجموعها (٩٤%) ... ف رسالتي الاولى والاخيرة لكل الدفع اللي جاية اطمنوا واعملوا اللي عليكو وسيبوها لله وهيجبركم ♥️♥️
بسم الله الرحمن الرحيم مرحبآ ابو بكر انا تالته ثانوي دفعة 2024مش اول مره اسمع الفيديو دا سمعتو قبل كده مش فاكر في اولي ولا تانيه المهم اول مره سمعتو الكلام كان بالنسبة لي مش احسن حاجه او مش واضح ولكن لما سمعتو دلوقتي حسيت بالكلام وتضح الكلام بالنسبة لي لاني بخوض التجربه دلوقتي اتمنى اللي يشوف التعليق يدعيلي بالتوفيق وان الله يرزقني الثبات في الامر والعزيمه علي الرشد إن شاءلله ارجع السنه الجايه واكون محقق حلمي ودخلت الكليه اللي بتمناها ❤
يااه ع الذكريات اللي رجعتلي من ٣سنين وحقيقي كانت تجربة صعبة مع امتحانات بالشكل ده مش قادرة انسى امتحان العربي واللي أثر عليا ف امتحان الكيميا _ أكتر مادة كنت بذاكرها بردو_ ولكن قومت من تاني وبفضل الله ربنا كرمني وجبت 85% وحاليا فرقة تالتة كلية علوم وبفضل الله وكرمه انا ف أفضل مكان ممكن اتواجد فيه وحققت حاجات لو مكنتش ف المكان ده مكننش حققتها ربنا كريم فعلا وكل واحد ببقدر يصنع قصة نجاحه الخاصة 💜🌿
احلف بأيه ان كل ما اتخنق من الدنيا ومن الضغط والامتحانات ..... مبعملش حاجه غير انى بفتح الفديو ده والله بنشحن من جديد شكرا بجد لانه فعلا مصدر إلهام وتحفيز لأى حد في ثانويه 🖤
الفديو سمعته من سنتين و دلوقت بسمعه تانى وانا ٣ث اكتر حاجه محفزه اوى اوى اوى ربنا يجازيك خير عن التحفيز ده اتمنى لما ارجع هنا تانى السنه الجايه اكون جبت مجموع يرضى قلبي واكون فى المكان اللى حلمت بيه ادعولى ❤
كل ما يبقا مدايقه بدخل اسمع الفديو دا حقيقي يا ابو بكر فيديوهاتك بتديني طاقه ايجابيه كبير وبشوف التعب ال مريت بيه وبحس أن لازم اتعب زيك كدا علشان اوصل لحلمي بشكرك💗
سمعته ف اول السنه و كنت مش مصدقه حكايه أن هيجى وقت ال هو دلوقتى مش هتكون قادر تتضحك ولا تذاكر و بجد بقالى اسبوع عياط و نوم ملغبط و ضغط و حاجات كتير بس عندى يقين ربنا مش هيضيع تعبى طول السنه أن شاء الله و هبقى دكتورة و أفرح بابا أن شاء الله رجعوووونييي بعد الامتحانات و ادعولى و يارب كلكو تحققوا احلامكوا كمان حاجه لو حد شافها ثانويه الجديده ال بعدى ف بجد متحببسش نفسك ف اول السنه و اخرج و ذاكر عادى لأنى دلوقتى مبقتش قادرة بس هكمل للأخر و عافر حلمك يستاهل😭💙💙💙💙
احنا النهارده في مراجعة العربي كنا بنحل امتحان العربي بتاعكم النهارده بتاعة سنة ٢٠٢١ والمستر قالنا أصعب امتحان عربي حصلت بجد لما هو قال كدا افتكرت الفيديو دا ورجعتله دلوقتي فعلا فتره صعبه جدا والواحد تايه بطريقه وحشه جدا وحسه اني تايهه وخايفه من اللي جاي النهارده ٢٥ في شهر خمسه وامتحان العربي فاضل عليه ٢٨ يوم انا خايفه جدا وضغط كبير عايزه السنه تعدي وعايزه اخلص لكن خايفه من اللي جاي بس بكتب التعليق دلوقتي عشان لما ارجع تاني للفيديو سواء حققت حلمي ولا لا ، النتيجه كانت مرضيه او غير مرضيه اكيد دا مكتوبلي خلاص وانتهت والأرزاق بيد الله فعلا وانا فخوره بنفسي وبدفعتي مهما كانت النتيجه احنا عملنا اللي علينا مطالبين بالسعي والنتيجه بقا مش بتاعتنا وربنا يجبر بخاطرنا جميعا يارب ونحقق احلامنا على خير ب اذن الله ❤ دعواتكم لدفعة ثانويه عامه ٢٠٢٤ ❤
من اكتر الفيديوهات اللي سمعتها وكنت كل لما بسمعها كانت بتديني طاقه ايجابية كبيره اوي وبجد من اكتر الفيديوهات القريبة لقلبي والحمد الله دلوقتي في كليه علوم❤ ثانوي 2022❤
انا اول مره ف حياتي اعمل كومنت علي فيديوز انا من دفعه. 2024 اتمني اني اشوف الكومنت بتاعي بعد سنتين وانا و بسنت صاحبتي محققين حلمنا وداخلين كليه طب القصر العيني وكل الناس محققه حلمها ان شاء الله ❤
انا حاليا في ثانوية عامة 2024 علمي رياضة اتمنى من كل حد شاب الكومنت ده يدعيلي دعوه حلوه كده علشان بجد انا حاسس اني ضايع حاسس حاليا انا في شهر 12 وشايف ان كل الناس في حته وانا لسه بقول عايز ابدأ. ادعيلي سواء كنت في اولى او ثانيه او ثالته ثانوي. ادعيلي علشان تلاقي الي يدعيلك.
ثالث ثانوي كان متعب جدا جدا جدا إلي على الرغم من مدح اساتذتي و مدرستي فيي بس انا حرفيا كنت ارجع عالبيت بعد كل درس اعيط و ابكي مريت وقتها بظرف صعب و تفكير مفرط و اتدهورت علاقتي مع اهلي و كنت مو بس اتمنى تنتهي السنة كنت اتمنى انتهي معا لانو حلمي كان قصة حياة و موت بالنسبة إلي ....حرفيا من التفكير المفرط و البكي كنت قرر بلحظات بالقطع الاخير للامتحان إني خلص ماعد كفي و انو حتى لو كفيت انا ماعم اقدر ركز ولا ادرس بسبب الظرف المعين يلي سبب كل هاد....سبحان الله حتى ايام الامتحانات كانت مضطربة و كانت بكاء و غيره....و خلصت السنة و الامتحانات و انا حرفيا كان همي بس انو ارجع نفسيتي بخير رغم كلشي و قعدت اتذكر قديه صليت و حافظت على قراءة سورة البقرة يوميا طول السنة الماضية و قديه دعيت و بكيت...بس كنت اسأل ليه ربنا ما كان بخفف عني يلي جواتي ...و الحمد لله جبت معدل 99% و دخلت طب .... الموضوع ما كان سهل نفسيا و ليس دراسيا.. يعني انا ما كنت توقعت اجيب اقل لانو انا ما بقدر بس توقعت من الضغط النفسي اني فعلا ما اقدر...بس ربنا اكرمني و بتذكر هلق يمكن ربنا ما خفف عني عشان اقوى و اتعلم بس الحمد لله ما خذلني.. و عطاني. ادعولي اخلص هلق سنة اولى تحضيرية على خير و انفرز بشري او اسنان حسب الخير يلي ربنا يخترلي... الحمد لله يا رب ❤
انا خلاص هانت وادخل ثانوي علي خير باذن الله💓💓واخدت اني ان شاء الله هوثق لحظاتي مع الثانويه👏 كذا مره بسمع من الفيديو والفيديو تحفه وكلامك والبساطه تحفه 👏👏
فيديو ده شجعني جداا و قلل خوفي من السنه و زاد اقتناعي أن المجهود هو ده نجاحنا فعلا مش الدرجه و أنها حاجه نسبيه و رزقنا موجود كده كده فبجد ربنا يبارك فيك و يوفقك🙏
تعديل بعد النتيجة: أنا جبت 71.95 وفخورة إني عديت منها بسلام صحيح عديت وأنا جوايا حاجات كتير اتكسرت بس الحمد الله الحمد لله ") 23/3/2022 بقى القليل!✨ ادعُولي أرجع هنا وأقول إن السنة عدت على خير وأكتب إني حققت حلمي:) لما نزلت الفيديو ده في شهر ١١ سمعته وكنت حاسة إنك مريت بسنة صعبة فعلًا وكنت بقول لا ان شاء الله مش هوصل للمرحلة دي، مكنتش متخيلة إني همر بالأيام دي وبالأصعب منها كمان:) يارب تخلص بقى عشان خلصت علينا والله.. تعديل 1 : شهر ٤ طلع أتعس شهر في الثانوية بجد مش هزار🙂😂 هاااانت. أنا مش مصدقة إني بقيت في شهر ٦ والرحلة خلاص بتنتهي") ادعولنا..
ازاي فديو ممكن يطلع حد قرب يدخل على اكتئاب ل شخص متفائل بالحياه ومش فارق معاه لا نتيجة ولا بتاع ، حقيقي اجمل ما في الفيديو هو توثيقك للرحلة اكتر من النتيجة وأثرها اللي واضح علي شخصيتك دلوقتي مش عارفة اقولك ايي بس بجد هدعيلك كل ما افتكرك جزاااااك الله خير الجزاء يا أبا بكر🤍
مان انا اتبسطت جدا من الفديو وشجعتني وجددت الشغف من تاني ، المونتاج والمقاطع التوثيقية ممتازة بشكل لا يوصف ، بالنسبة للمجموع ف ما شاء الله ممتاز جدا والخير دايما فيما اختاره الله ، ربنا يوفقك يا مجتهد ❤❤
المتعه في الطريق وعثراته♥️ الف مليون مبروك بجد تستاهل كل خير♥️ ممكن تدعولي لان انا اجلت وقررت اني مدخلتش الامتحانات ليله الامتحان بتاعت العربي٢٠٢١ بس الحمد لله اني مش ندمانه♥️
بجد حاجة حلوه اوي أن الواحد يوثق حاجة زي دي في حياته بحلوها ومرها فعلا احساس حلو وربنا يوفقك في اللي جاي وبجد الفيديو اثر فيا اوي وخلي عندي طاقة إيجابية شكرا جدا
يسطا انا سمعت الفيديو دا للمرة الخامسة من ساعة منزل وكل اما احس بالتعب بسمعك وبتديني باور جامد الفيديو جميل....وانا باقيلي ٢٠ يوم علي امتحان العربي ادعولي يجدعان فضلا
لا حول ولا قوة الا بالله العلي العظيم 💙 شوفت الفيديو مره و رجعت شوفته تاني ف اول الثانويه و ف نص الثانويه و حالا بشوفه قبل اخر ماده كل مره بشوفه بشوف فيه معني جديد و مصدر طاقه اني اكمل حقيقي جزاك الله خيراً
رأي بصراحه في الفيديو أن دا اجمل فيديو شفته على يوتيوب انت ليك مستقبل باااهر بإذن الله اتمنى تعملنا فيديوهات تانيه عن تالته ثانوي وشكرا بجد على كمية المعلومات المفيدة اللي في الفيديو❤️❤️❤️❤️❤️❤️انت جامد جدا اخدت بالك من جدا ❤️😂
اتمنى ارجع كمان ٥ شهور واقول اني كنت قدها واكون حققت حلمي تقريبا انا سمعت الفيديو دا عشر مرات وحرفيا كل مره بسمعه كأني اول مره ربنا يوفقك في اللي جاي يادكتور
في عز ما انا بذاكر حاليًا لاقيت الفيديو قدامي و سبحان الله على كم الطاقة اللي اكتسبتها بجد ، جزاكَ الله خيرًا كثيرًا يا دكتور ، أتمنى بجد ربنا يرزقني الخير و أقدر أحقق اللي بتمناه يا رب شكرًا انك عطيتني طاقة أكبر إني أكمل و زودت حماسي جدًا 💛
الحمد لله ان كل ده عدي وانا مكنتش متخيله انه هيعدي وانا محققه حلمي ف الحمد لله كميه راحه غير طبيعيه لما الإنسان بيفتكر ان الكابوس ده خلص علي خير♥️♥️♥️♥️
انا كمان كتبت زي كده وكتبت بالنص سوف تتحقق الاماني سوف اصرخ صرخه النجاح لكي يهون التعب سيعوضني الله بخير من ما قدمت .....💔 سوف يجبر الخاطر سوف يتلاشي كل تعب وكل تفكير سلبي سوف اسعد بإذن الله في تاريخ ٣٠/٥/٢٠٢١ والحمد لله جبرت بس انت اعملي بلاسباب وربنا المستعان
من 9شهور كتبت الكومنت ده وانا وسط التعب والمذاكره واصبر نفسي اقول لنفسي علشان اوصل لازم اتعب كدا كنت حارمه نفسي من كل حاجة حرفيا مش بعمل حاجه غير اذاكر وكله طلع ع الفاضي ع الحمد لله على كل حال 💔