توضيح: الفيديو لم يكن ولن يكون ابدا تشجيعا او تحريض على الحريڨ بهاذ الطريقة لكن الطريقة باش جيت كتبقى ارحم من انك تحرڨ ف باطيرة او زودياك كتهز 100 شخص لايام فأعالي البحار عوض 25 او 30 لي فالمتوسط خاصها تهز وكلهم بدون اي وسيلة للنجاة ف الطوارئ ويعلم الله واش كايعرف شي واحد يعوم فيهم او لا فعلى الاقل الطريقة باش مشيت طريقها قصيرة وكنت داير جميع وسائل النجاة ولو لبعض الوقت بحال سترة النجاة شمبرير سوكور وهاتف متصل بالانترنيت مع ذالك لم افتخر بهاذا ابدا كإنجاز ابداااا لانه فالحقيقة كما قالو شي ناس راه ماشي حريڨ وانما انتحار وذهاب الى الموت مباشرة، لولا الالطاف الالهية ما كنتش هانكون حي اليوم خصوصا بعد المشاكيل لي واجهتنا فوسط البحر بحال الباطو لي كان هايدخل فينا، علو الامواج وسرعة الرياح فذاك النهار زيد عليها ذاك التيار لي لقدر الله ربما كان هايصبح بنا فشي قنت عالم بيه غي الله ربما الى كنت محظوظ وناجاني الله ووصلت واحد اخر راه ماهايكونش بنفس الحظ ، مع العلم انني لم ألتجأ الى هاذ الطريقة الى بعد مجموعة من الطرق افضل التي للاسف باءت كلها بالفشل وكيما نقولو حتى وصلت بيا لعظم وولى عندي تفكير سوداوي يعني بحال الموت بحال الحيا ولو انني خططت لجميع الاحتمالات الا ان البحر صعيب اخوتي صعيب بزااااااف.
اخيرا الفيديو درتو ماشي باش نشجع شي واحد وانما غي باش نعاود القصة ديالي وكيفاش تانجانا الله من هادشي وشنو هما المشاكل اللي واجهونا وسط البحر ولو انني ماذكرتهمش فالفيديو كاملين باش مايجيش طويل ولكن الناس لي شافو الفيديوات كاملين راهم عارفين حجم المشاكل لي واجهونا مع دالك قررت باش نعدل الفيديو ونحذف بعض التفاصيل والمعلومات الزائدة عن الحاجة فالفيديو لي تقدر تزيد تشجع شي واحد على هاذ الطريقة وكانعاود نذكر انا كانعاود القصة ديالي ماشي كانشجع على هاذ الطريقة.
نتمنى من الله يسهل على كل واحد الحلم ديالو فالهجرة يوصل لمبتغاه لكن ماشي بهاذ الطريقة.
11 май 2020