@@يااباعبدالله-ق7لجان خصوصي وصراحه وصلنه مرحله يوت وله خصوصي م يفرق عندك يوت يجننون بي ومحد مقصر جيب ملزمه الي تقره علي وكل فصل ويا وزارياته ورا ماتكمل تمتحن ها اها 🤝🏻
اوعد نفسي من اليوم اركز تركيز قوي وكفت الفديو على النص ورحت أنبه الفون ويه صلاة الفجر اكعد أقره حتى لو نايمه ٣ ساعات اعدل نومتي صح سختت بمراجعه الفيز وباجر اخر يوم مراجعه فيز بس وعد من هاي اللحظه وباجر رح اضبط ما تبقى من الفيز وبعطلة العيد رح اضبط اكثر الافصل السختت بيها ومن الله التوفيق❤ شكرا جزيلا الك انت شخص طيب والله جازيك على كد صفو نيتك ما شاء الله تبارك الرحمن
اني ماما باعت قطعه الارض مالتنه وكاعدين إيجار وحالتنا حالة وحتى حارمة نفسها من كل شي وحتى حارمة نفسها متروح للطبيب وهي مريضة بس كله علمود بس اطلع معدل😞 ادعولي اجبر بخاطرها يارب يارب🥹🥹🥹💗💗💗💗✨
بغض النضر عن كلشي شوفو كلامه باهل البيت شكد لطيف يكول اصلي ركعتين لام البنين وتوسل بام البنين وصاحب لزمان عجل الله فرجه شكد اهل البيت وسيلتنه عند الله شكد هلشي جبير
@@زهرهاللافندر-ك3ج اكلج حبيبتي اذا ماكو وسيلة الرب العالمين ليش نصلي ؟ ،خو على كولتج هو الينا اقرب من حبل الوريد !،وليش نتجه للكعبة هو مو قريب هو حجر الكعبة شسوي النا وانما لان مكان مقدس+ هذا الشيء ماعتقد يخصج يروحي انتِ لان اني مداعبد غير الله حتى تعلميني انما احبُ نسل الرسول لان وصيتة + ثانياً مراح تتحاسبين بدالي فـ ميخصج قلبي اني مدخلة بيج،من تتبعين واحد كان يعبد الاصنام قال حديثُ زَيد بن ثابتٍ رضي الله عنه: ((إني تاركٌ فيكم ما إن تمسَّكتُم به لن تضلُّوا: كتاب الله، وعِترتي أهل بيتي؛ فإنَّهما لن يفترقَا حتى يرِدَا عليَّ الحوضَ)) ( [12]). من كتبتكم😉😘😘😘.
العام چنت طالبة سادس واليوم الحمدالله طالبة طب اسنان طلعت معدل 94.57 بجيت هواي وانكسرت لمن جبت هذا المعدل لان مراح يدخلني التخصص الي اريده بس انه دائماً عندي يقين وحسن ظن برب العالمين لذلك گلت الحمداللة والشكر وقبلت بمعدلي بس بنفس الوقت انه جنت ضايجه وقدمت ع القبول الحكومي المركزي وانقبلت بكلية التمريض، وبنفس الوقت انه چنت مقدمة ع منحة الجامعات الاهلية (الي مايعرفها يعني تنقبل بكلية اهلية بدون ماتدفع اقساط) وبعده ماطلع قبولها بس جنت خايفة واملي قليل انو انقبل بيها، المهم داومت يومين بلتمريض اليوم الثاني ارجعت من الكلية الساعه 4العصر وفجأة بس دخلت للبيت حضنتني امي وجانت تبجي من الفرحة واخواني يذبون چكليت علية 😂🎉 انقبلت بلمنحه طب اسنان، فاااي الي اريد اگولة لاتيأسون من رحمة الله وحطوا قاعدة براسكم اليتعب الله مايضيع تعبة والله ع كل شيء قادر لذلك اولاً لا تستهينون بقدراتكم ولا تنسون قدرة الله
ماتتخيلون شكد هذن الفيديوهات يأثرن بطالب السادس وشكد يحتاجهن بهاي الفتره أنا هم حاليا مأجله مادتين للدور الثاني وعندي هواي تراكمات وكل ماصفن ابجي بس ضني بالله جبير رجعوني بعد النتائج حتى نشوف عوض الله
حرفياً مثلج بكل حرف حجيتي😔 واني هم حاط مادتين على الدور الثاني والبقية بعدني ما ضابطهم وشويه كاعد اسخت ماعندي الهمه اشد حيلي اكثر 😔، يارب اصلح حالي ووفقني واهدني واجيب معدل يرضي اهلي يا الله
@@MUSTAFAMUSTAFA-mq7kx المفروض ماتسخت حاليا طلاب السادس كلهم نفس الضروف تراكمات وضغط وتفكير وسهر وهنا تعتمد ع الطالب يتماهل لو يستمر بالشي البدا ومايضيع تعب 12 سنه
الغـرض من الفيـديو يالحبيب انو واجهت هواي صعوبات تخيلوا اول 4 مـواد واني مأجل اثنين ومـادة وحدة مجـفض بيها !! فـ غيري ممكن يستسلم هنـاا وهذا الشـي اكـبر غلط دائمـاً اسعى ولا توكف ماتدري الله سبحانه شنو ضاملك ، مثلاً لو اني ما استمريت بالقراية كان هسه ما وصلت لهل شـي فـ دائماً استمر ولتخلي شي يوكفك، وللعلم جنت ماجل 3 مواد وبالنهاية جبت بيهم كلهم درجات كاملة عدا الانكليزي 94 وطلع معدلي 99 ❤️ دائمـاً استمـروا وثقوا بالله ما يضيع تعبكم 🤍🙏🏻
@@abod_2005_iq طيح الله حظ عقلك ، لأن لو تقرة زين اني ما كاتبه صاحب الزمان ربي ولا كاتبه لا اله الا صاحب الزمان (استغفر الله) ، بس حقدك وغبائك خلاك تشوف شكو واحد يذكر أمام من نسل النبي محمد صلى الله عليه وآله مشرك ، الله يصبرنا عليكم
@@abod_2005_iq صاحب العصر والزمان موجود بكل مكان وزمان ويسمع ويشوف كلشي ولو مو هو احنا منوصل لهاي مرحله ماكو اب يعوف ابناء هو اب النا واحنا كلنا فخر بصاحب الزمان ❤هو ويانه بكل خطوه بعد رب العالمين وهاي توفيقات كلها ومعدلات عاليه هاي نصره لدولته المباركه 🦋
اليوم أجلت أحياء، و شفت هذا الفيديو ربما يكون إشارة ما چنت ناوية أأجل لكن انجبرت أأجل اليوم و ما أعرف حتى أوصف الشعور، الحمدُلله لعله خير لازم هسة اركز على المواد الباقية معلش صارت فضفضة إدعولنا.
@@kentshoogls6734 اني هم لان شغل البيت كله عليها وهي تعبانه دكولي الشي الوحيد الي مصبرني ما اهج من البيت انتي كل اهلي حياتهم متأجله ورا السادس مو بس اني 🥹
ابوي جان عنده فشل كلوي اختي المتبرع بالدور الأول و الدور الثاني ابوي سوه عملية فوق كبرى بالدور الثاني و طلعت 99.14 و هسه طب أسنان بأرقى جامعات بغداد تعدي و تمضي و كأنها لم تكن 💪✍️✨
@@user-sbxxii لا اني الي طلعت زائد ردت اني اتبرع و سويت التحاليل و طلع متطابق بس عمري جان أقل من ١٨ لذلك استبعدوني بس أقسى ايام حياتي عشتها الله لا يشوفها لبشر
قصتي كلش طويلة. بس بلمختصر كانت حالتي مادية كلش ضعيفة وردت ادخل خصوصي عبالي الي يريد معدل يدخل فامي باعت خشابعا وذهبها ودحلت خصوصي بعدين بنص اول ظهر عفتهم ومارجعولي والا ربع وحق علي ابن ابي طالب ونوب ردت اقرا ع يوت ماعؤف عليمن اقرا وتوفوا بسادس اخواتي اثنين وعرفنا اختي الثالثة مصابة بسرطان ومع ذاك حاربت ودرست وجبت معدل 99.29 ظالميني ب لفيز توقعت مية طلع91. وهسه اني صح لربما مفروض طب عام ع هذا مستواي ولكن قدر الله وماشاء فعل اني طب الاسنان بلبداية كنت ماحب هلاختصاص ولكن هسه الحمد لله كلش حبيته
كتبت وباخر نص ساعه شفت نفسي ماجيب درجه رغم الاسئله سهله وضجت وامسح الدفتر واني اريد ابجي بس لازم نفسي ويله بعد كومه مواد اني اجلت علمود المعدل ليروح من ايدي لان درجتي تطلع بال85مادري المهم الله يجبر خاطر الطلاب يارب
@@AishaNazar2005 اي ولله صح اني اخر واحد مسحت بس عندي ثقه الله يعني الله رادلي معدل اعله لهذه اجلت الحمد لله وبعدنه بالبدايه وانشاء لله الاسئله الباقيه زينه وسهله ونصيحه اقرو انكليزي عله محمد العبيدي هو راح ينزل القواعد محاضرتين اليوم وباجر وانشاء لله المعدل العالي للكل يارب
والي معتمد بس على الله واليوتيوب 😢وتارك صار 10 سنوات وصاير مثل الاطرش بالزفه ونعم بالله انشاء الله اطلع معدل عالي يارب اني وكلتك امري فأنت خير الموكلين❤
محد من اهلي چان وياي بحچايه وحده بالچذب من بده السادس لحد هسه حتى ما بيهم الي أكول يهون التعب علمودهم وره كل الأشياء العشتها إني أريد هذا الشي لنفسي لان نفسي انظلمت من كل النواحي … و الي حق بهاي الدنيا و الي عوض عن كلشي و كله محسوب يم ربي يشوف و يسمع و يدري… ٢٠٢٤/٤/٢٢
طلعت الي بداخلي بكلامك اني ثاقه بالله ثم بنفسي حطلع طب برغم اليوم بديت مراجعه وحرفيا مجاي الحك وعندي تراكم بكل ماده بس بنفس الوقت انا متاكدة حصير معجزة بحلمي يالله اجبر بخاطري رغم تقصيري تعديل: اليوم انا مسخته ومنهار دخلت للفيديو ونهاريت ولكيت تعليقي وانا كان عندي حلم وماراح اتخلا عنه حبدي من جديد ان شاءلله 🫂
@@MUSTAFAMUSTAFA-mq7kx اني هم ااجل مادتين وبقيه المواد هم عندي بيهم تراكمات بس بديت مراجعه او من اقرا ماده مثلا اي فصل اني عندي بي تراكمات ابدي بي مراجعه هم اكمل تراكمات وهم اقرا زين او هيج بالبقيه فصول والمواد وان شاء الله نجيب معدلات عاليه او الله ميضيع تعب احد 🤲🏻❤️
هل ولد أثر بيه هواي 😢 ونبي بحياتي ماتحفزت لهل درجه كل يوم اريد أتوقف اكول لا لعد هذا مو مأجل ٣ وطلع طب 😂 وحتى صديقاتي اكولهم فلان شخص ماستسلم وهسه هو دكتور المشكله انو محافظه اسمه 😂 رغم معتبرته قدوة
حرفيًا چنت كلش محتاجة هالڤيد وأحسه رسالة من ربي... اني هم مأجلة 3 مواد علمود الوقت واضبط اكثر، واهلي اليوم سمعوني كلام يكسر الخاطر انُ يحطون احتمالات رديئة بالنسبة الي يگولون حتى لو تجيبين 50 حتى لو 70 المهم ماتعيدين سنة.. واني افكر اگول ادري بيهم ميقبلون اعيد سنة بس اني جبت هاي ال12 سنة كله تكريم ومن المتفوقات والاوائل.. ليش هسة حتى اقبل ب60 و70؟؟.. وحرفيًا اريد اجازي امي على تعبها وتحملها كل هالسنوات.. رغم المشاكل يلي دتصير وهي تصبر وتتحمل تگلي كله علمودج ماريد اعوف البيت وانتِ سادس.. يگومون يشتغلون عليج لو يبطلونج ف اني اشتغل بمكانج انتِ اهم شيء دراستج وحرفيا كلما اتذكر كلامها احس اريد ابجيي اريد اعوضها يارب ساعدني حتى احقق هالشيء.. عندي ثقة بنفسي بس نفسيتي چانت كلش تعبانة واجا الفيديو بوقته ونطيتني جرعة امل. ان شاء الله يارب كلنا نرجع لتعليقاتنا واحنا محققين يلي ببالنا ونطلبه من ربنا هواي 🫂🤍.
ياربيييي احس حبجييي 🥺❤️🩹 جنت منهارة لان خليت الاحياء دور ثاني والكل يكلي حتندمين ومارح طلعين معدل لان دور ثاني محد يكدر يطلع معدل وكعدت ابجي وادعي حسيت هلفديو رسالة من ربييي 😭😭😭
انه هم بالثالث متوسط قبل الامتحانات بكم يوم توفه والدي بس جنت اقره وابجي ورغم هو ثالث بس جبت معدل 82.75 وتوقعت نفسي بالعربي ارسب اصلا فرغم هاي الضروف الصارتلي شكد بقيت قويه وللان جاي احارب دفعة 2024
راح ااجل الفيزيا والكيميا والاحياء بس كلش خايفه اهلي ولا واحد يعرف وخايفه منهم اكثر شي وخايفه لا ما اللحك بعدلي كومه نواقص ادعولي الله يسرلي امري واطلع المعدل الي اريده 😢😢
ميو تو بس بدال كيمياء اني رياضيات ومحد يعرف ف اتس اوكي لاتهتمين لاهلج ويروح تفكيرج المهم انت وبس همه مايعرفون المواد مايعرفون الاسباب مستحيل واحد مضبط ومخلص مادة وهو يروح يأجل ف يب
اخر فرصه لابويه وفرحته الاولى رغم اني الوسطانيه رغم مو حلمي الطب ولا اريده بس كلمته من يكولي اريد يصيحولي ابو الدكتوره كلش اثرت بيه وعلموده اريد طب عام واني دفعه ٢٠٢٥ اعرف الجراحه صعبه بس كلشي يهون علموده وراح ادرس ع اليوتيوب بس حايره شلون ما اخلي الامور تتراكم شلون اضبط المواد كلها بدون ما انسى حرف ماعرف
نصيحه الج المواد الحفضيه ابد لاتركيها كل يوم اقريها مثل الادب والاسلاميه والاحياء ... شوفي الطلاب اليوم كلها أجلت العربي بسبب الادب يكولون القواعد سهل بس الادب صعب وحتى الاسلاميه البارحه أجلوا لأن رجعوا الحذوفات ومواضيع طويلة فركزي ع المواد الحفضيه انصحج تخليها قبل المدرسة
اتذكرت العام من طلعت النتائج احس الدنيا صارت ظلمه بعيني لان اني توفه بابا واني سادس نكسر واهسي وخاطري حيل كملت ودخلت وزاري بس جنت مخليه ببالي فكرة الاعاده لان بابا يريد معدل وادري بنفسي حطلع معدل ناصي حاولت وقريت شكد مابيه وبعد فراق الاب موشي هين على البنت خاصه طلعت النتائج وشفت تعبي كله راح حضنت امي وضليت ابجي واهلي يبجون فه ياربي ماخيب ظن بابا وامي بيه بهل سنه يارب💔💔
كلمة واحدة: انت رجل +ان شاء الله بعد 47 يوم امتحاناتي راح اسوي مثل الي جنت تسوي ركعتين شكر ولام البنين عليه السلام واقرأ سورة ياسين واسوي تعديل للتعليق واكتب معدلي واثقة من نفسي اجيبهه لو مو ماكو حذوفات لو يضيفون بعد عشر مواد اول مره هيج اعلق بس حبيت صراحتك بالفيديو 🤍
اني تقريباََ لحد هاللحظة نفس حالتك 😢💔 الإسلامية امتحنت وأجيب 100 ان شاء الله رغم منايم ابد والعربي اجلت بس جنت مجاوب القواعد كامل والادب رغم قاريه على طول السنه جاوبت نصه والنص الباقي بعد عقلي وگف لان مااتذكر اي شي بعد حرفيا ََ 💔 اني مدا اكدر انام الليل ابد يعني ادخل للفراش الساعه 11 اني بال5 الفجر اذا نمت زين 😢💔 والبارحه الانگليزي الي هي اكثر ماده مظبطها و حاط بفكري 100 لازم ضروري هم صار عندي ظرف عائلي مجان لا بالبال ولا بالخيال حرفياََ اني لحد الامتحان بساعتين قاري ربع منهج مراجعه فقط والليل كله منايم ومن ال4 الفجر لل7 لحد مادخلت الامتحان راجعت الماده دخلت وجاوبت ومن طلعت كلت ان شاء الله 100 لو 99 وكلت اخطاء بسيطه يمكن ممكن درجه درجتين ينقصوني بس هسه شفت الاجوبه حرفياََ اتحطمت لان اني مختار اختياريات خطأ رغم اني اعرفهن رغم اني عبالي صح وهسه هم اكول شلون اختاريت خطأ رغم اعرف المعنى والجواب بس لان ماجنت نايم هيج فقدت تركيزي فدا اقدر درجتي بين ال90 وال93 و اني كل هدفي وظني ال100 💔💔 حرفياََ اكثر مادة تعبت بيها طول السنه وظبطتها والله اتحطمت و كلشي بيه مات احس بس اشوف امي وابويه شلون منتضريني واهلي كلهم التعبوا وياي فهالشي المخليني استمر وكلت يالله و راح استمر وماكو شي يوگفني يارب المعدل ال99 يارب توكلت على الله اخواني خواتي ادعولي افرح اهلي ادعولي امانه اني عندي اخو شهيد قبل كم سنه وعندي 2 اخوان غيره متوفين وكلهم شباب يعني امي وابويه فاقدين 3 اولاد وبراسهم ايتام والدنيا حيل متعبتهم و الكبر باين عليهم فوگ عمرهم اني اصغر واحد بالعائلة واملهم الاخير ادعولي افرح اهلي 💔 بس وانتوا تقرون كلامي گولوا ربي وفق علي و يفرح اهله هو حيعرف جاي تقصدوني 🥹 💔 توكلت على الله و ما خاب من توكل عليه .
دادا علي الله يوفقك ويسهل لك بقية الامتحانات لا تقلق ولا تحط بالك ولا تخاف الله موجود وأن شاء الله توصل لل٩٩ وال١٠٠ هم اذا الله راد اقرا باقي المواد توكل على الله عز وجل ولا تنسى الله عز وجل ما راح ينساك لان هو ما خلقك حتى ينساك لان ( وما كان ربك نسيا) ولا حط بالك حلم حتى بعدين ما يحققه لك ولا خلة لسانك يتلهج بدعاء حتى بعدين ما يستجابلك كون على يقين انو الله راح يحققلك يلي تريده وأكثر أن شاء الله ( وإذا سألك عبادي عني فاني قريب اجيب دعوه الداعي اذا دعان) ويقول ( ادعوني استجب لكم)++++ يارب وفق علي وحقق حلمه وحلم اهلة 😊😊
@@AishaNazar2005 يا عيني انتِ الله يوفقج انتِ قويه وحتوصلين للترديه صدگيني الفات مات انسيه وخلي عندج امل جبير برب العالمين وحتتعوضين بباقي المواد ان شاء الله انتِ قويه لا تستسلمين ابد جبناها سنه كامله بحرها وببردها وبمطرها وبقهرها وضيمها وكل الصعوبات المرينا بيها واليأجل يأجل حتى يجيب 100 مو فشل من عنده لان مجرد النجاح بالوزاري هو انجاز ع كمية الظغط النفسي والتعب فهو انجاز شحال اذا واحد جاب 95 لو 94 ومسح لان ميرضى إلا بالقمة وهذا حالنا انتِ بطله وحتوصلين للترديه بإذن الله وحنرجع واذكرج بعد الدور الثاني اذا الله خلانا طيبين وبمناسبة الانگليزي اليوم جنت اصلي فجر و مخنوگ وضايج ف اني حاسب درجتي 90 لو اقل يمكن لان طلعن اخطاء عندي فحسيت رب العالمين طمني وگلي خليها يمي ولا تشغل بالك واني اكرمك و ارزقك من عندي صدگ يعني حسيت بهالشعور و عيوني دمعت ف راح انسى كل الفات واركز ع الجاي واني هم مأجل فيزياء لان ماالحك كل المواد ربي يوفقج يا ورده ❤️
اجمل حافز اجاني بعد ما فاتني الاعفاء العام بسبب درجه وحدا والحمدلله على كل شيء اشكرك دكتور ع اهتمام بالطلاب بكلامك الحافز والجميل ربي يوفقك واشوفك احسن دكتور❤❤
عسى ان تكرهوا شيئا وهو خير لكم يجوز هاذا من مصلحتج اهم شي السادس ابدي بداية صحيحة واذا انتي خامس مو يجي وقت الامتحانات واتصيرين اتكولين لنفسج لو طالع اعفاء جان هسه خلصت جان هسه كاعد ادرس سادس مع صديقاتي ترى هاذا الشي يتعبج وما راح اتأدين الامتحانات بالشكل المطلوب يعني مثلا اني هذيج السنك طلعت اعفاء عام بس كلشي ما استفاديت منو بديت ادرس للسادس بعد عيد الاضحى يعني حتى البنات يلي مو مطلعات اعفاء اعتقد بدن قبلي (بسبب ظروف). والحمد لله علىكل حال لحد الان كاعد اكمل بالتراكمات، اتمنى تدعولي احقق المعدل يلي اريد ولكم بالمثل يا رب
والله صحيح كلما اناجي صاحب الزمان هيج احس ايدي من كيفها تكتب الصح وتمسح الخطأ وخصوصا التسبيحه الفاطميه واهدائها للسيدة نرجس والتوسل بصاحب الزمان معجزه والله ❤
شكلي وأني جاي أدرس التراكمات بس متيقن بالله خير وراح أجيب معدل بحيل الله وأهل البيت مريت بظروف أصعب من هاي بهواي الله سهلها هاي ما يسهلها حاشاه من هالشيء
بعد ما كنت الاولى كل سنة على مدرستي، بس الـ سنة وهي سنة الحاسمة حتى احصد كُل ثمار تعبي خلال 11 سنة تفوق الي فاتت، بس تهاونت وسختت وضيعت وقت حرفيًا طلعت تسخيت سنين كله بسادس 💔 وباقي بس 5 ايام والى الان ما دراسه ما اعرف شنو بي وليش هيج صرت. حرفيا صعب لمن تكون كل عمرك متفوق وبالاخير تصير افشل ناس
هسَ منبعد ماكملت دراسة دخلت يوت اتأكد من محاضرات واجة بوجهي الفديو دخلت علي واحلاا دخلة وبس ادمع وابتسم حرفياً زاد حماسي طالبة سنة ثانية عدت على المعدل اسأل الله يوفقنه دعواتك 🦋 وصح كلما اأيس تجي الولدة ببالي لان مريضة ودوم تدعيلي واني الوحيدة الي واصلة بل عائلة ف كلها متأملة خير بي وماننسا الصرف والتعب ف لازم نجازيهم والحياة حلاتها بتعبها حلاة الشي الي تحصله بتعبك واذ الله قاسملك شي ف اهلا وسهلاً بي
اجيت اقرا فيزياء وطلع بوجهي الفيديو أثر ببه وذكرت تعبي السنتين وبعد أشهر يصير تلث سنوات وخايفه اهلي ما اجازي تعبهم وما افرحهم لان حرفيا مزهكتهم وبعدني ممضبطه ولا مادة وحاجل ،، يارب توفيقك الي ولكل طالب تعبان ع نفسه فرحنه وانطينه ع كد تعبنه 💔
اني بجيت لان هذا احساسك حاسه بي بسنه الاولئ مال سادس وحاليا سنه ثانيه وممخلصه تراكم والخوف وتفكير وكلشي مسيطر عليه ادعولي افرح اهلي لان كلش منتظرين مني افرحهم😞
والدي توفه 💔 وظروفنا صعبة اوالدتي مريضة لازم عملية وماكو امكانية وانا من فقدد والدي والبچي عليه فقدت نظري ضعف كلشششششش لازم عملية وكل يوم يطلعلي مرض ومتحملة وانا طالبة سادس چنت اتمنى ابوي يكون موجود چان يگلي بوية ليمت اشوفچ متخرجة وافرح بيچ 💔😔 ادعولي اطلع معدل واحقق حلمي لعل احدكم اقرب للهِ مني.... صدگوني طلاب كل شيء إله نهاية لكن اكو نهاية تختلف عن نهاية اكو من تعب وصبر على ظروف واجتهد وكانت نهايته حلوه نهاية مسك واكو من استسلم وگعد انتو ابطال انتو گدها الطعلو معدلات وهسه دكاترة بشنو احسن منا كلنا نگدر 💪🏻👍🏻.
4:09 ذكرتني بالعام بالسادس عدت سنتين ونفسيتي كلش تدمرت ذكرتني بأيامي جانت كله بجي هسه.من جاي تسولف وانه ابجي انترس وجهي دموع لان احس انظلمت رغم دعوات امي طب اسنان وانه اريد طب عام بس بالأخير رحت طب اسنان ذكرتني بالمعانات الي مريت بيه كمية الكلام السيء الي تعرضت له من عدت والإحباطات من الناس البرا ومرات حتى اهلي
@@قيصر-ك7ز اول سنة جبت 68 وثاني سنة دور اول 95 وجان ابالي اجيب 98 بالعربي والكيميا حتى يصير معدلي 97 واروح طب اسنان موازي بس للأسف سافرو اهلي وماكدرت ادرس ضغط وتوتر ومحد يمي يقلل من الي انه بيه لذلك ماكدرت ادرس وبس ابجي ونزل صار 93 للأسف رحت طب اسنان اهلي بس مع ذلك هواي أشخاص وياي بطب الأسنان معدلهم 97 شي 98 لان صار طب الاسنان بالبصرة الموازي يطون بس كم بوينت لان معدلات ال99.0 و99.1 يشغلون المقاعد بطب الاسنان بكل الأحوال كنت راح ارووح طب اسنان اهلي
@@meme12345-w شوفي حبييتي اني جنت طول اليوم اكعد اقرا ولا احسب الساعات الي قريت بيهم ولا شيء. ويكون عقلج يم الدراسه هاي اهم نقطه حتئ تركزين وتاخذين المعلومه بسرعه.
هيج بل انكليزي اليوم يوم ونص وحاولت ونمت بس ٣ ساعات وتعبت حرفيا تعب بس الله شاهد عليه ورحت وامتحنت بس القطع شفت نفسي ما داجاوبهن صح مسحت الدفتر وحيلي مهددود واني العربي هم مأجله بسبب كم نقطة قواعد جنت اريد صيدلة بس الحمدلله الي الله كاتبة الي يصير 💔👍🏻
بعد مسمعت قصتك أيقنت أنُ الحلم ميموت بس ينتقل لأنسان نناجح انت نفسي ضروف امتحانك وتأجيلك للمواد. ذكرتني بنفسي العام أيضآ خسرت سنة من عمري وخسرت حلمي وخسرت فرحة أمي وأعترف أذيت اهلي هواية خل احجيلكم عن الاشياء الصارتلي من بداية السادس الئ نهاية المراجعة 2024شوفوا يابة بدايةً انا من نجحت من الخامس للسادس حرفيآ لادرست ولا شي ولا استغليت العطل ولا سويت اي شي وبوووقتها جانوا الاقارب خاليهم عينهم بحيث دمروني وكاموا يتمايزون بية وكلها كالت امبينة اذا مو طب صيدلة طلعين حرفيآ دمروا نفسيتي بس هسى ددكولون هالشي حلو ان العالم. والاقارب مفتخرة بيج.؟ لكن انااا بوقتهااا ماااعرف عن السادس شي وهوة السادس شنو. وليش دا ادرس الة اصلآ حرفيآ مثل الطفل صرت الي توى سجل بالروضةةة المهم لا عندي ملازم ادرس لا كتب لا شي كلشي ماكو. والله وهية مو هنا المشكلة المشكلة. لما بلشت اداوم بداية الدوام. هم نقص كتب وجانت حذوفات ومنهج صغير المهم مرت تقريبآ اشهر علئ دوامي بالسادددس. وانا ع نفس الوضع ماافهامة السادس شنو جان توصل لللامتحانات الشهرية ورسبت شهر اول فيزياء حرفيآ ضياع في ضياع. المهم مرت ايام. وجان ادخل التلي. الكي احد القنوات. المدرسين عدهم قناة علئ اليوتيوب تخص الفيززياء وعندة قناة بية جان انضم بهاي القناةةةة وتواصلت ويا الاستاذ بالبوت. وجان يجاووب وعرفني شلون ادرس لسادس وشلون اقرة الوزاريات. بهاي الفترة اكو مشرف ينوب عن الاستاذ. حرفيآ انا مو من هاي السوالف الي دور سوالف الحب لكن غلطة الشاطر بألف. المهم. انا انسانة. وجنت اعترف انا طفلة عمري 17سنة وحرفيا ضياع. المهم. ضاع وقتي وصحتي كلة بسبب هالشييي. دخلت الفترة المراجعة ورجعت للصفر ومااعرف شنو اقرة وشنو اعوف المهم انتهت حربي بخسارة وخسرت السادس بالمرى الاولئ لكن من عدت السادس كلشي تغير ورجعت الربي وتبت وصارت علاقتي بأل محمد قوية وابتعدت عن الناس الي. تاثر علئ نفسيتي ودراستي. ولكن شائت الاقدار وتلعب الحياة. وفعلت هالوضع. الي هوى مرض ابوية الخطير. اللي الهاي الساعة محد اكتشف مرضى شنو. وانا اريد افرح ابوي وامي هالسنة واجيب معدل وافرح صاحب الزماننن واطلع طب وعد علية ومن هالقناة كدام الكل اذا طلعلي الطب راح اكون احسن واشطر دكتورة عرفها العراقققق واسوي كلشي بلاش للناس. لان حرفيآ وضع ابوي كسر الف خاطر بروحي بحيث سودة علية مااعندة حت يتعالج فلوسة قليلة والدكاترة كلهم يحجون بالفلووس المهم. وعد حكون دكتورو شاطرة♥♥♥♥♥♥♥
عمري يا رب تحققين حلمج وتكونين احسن دكتورة ونفتخر بيج .. ادعيلي وياج اني اريد طب عام 😔🤲🏻👩🏻⚕️ وحأجل 3 مواد وخايفة كلش لا انسى شي بالامتحان وامسح وتصير عليه 4 مواد بس بنفس الوقت واثقة من ربي انه ما راح يضيعلي تعبي وراح يجازيني على كل شي مريته من ظروف صعبة ومشاكل وكلها تراكمت عليه وصارت بهـاي السنتين مالت السادس والحمدلله😞💔
2024/4/17 قررت اول مره بحياتي اعلق اني سنه ثانيه ولاماده مكمله ونفسيتي فد مره كل ما اجي ع كتاب أقره ورقه واعوف كتب سويت كلشي صلاه وقرأن وادعيه ولا زلت مستمره عليه لكن لحد هاي لحضه مجاي أقره لكن بعد ما شفت هل فيديو صارت عندي حافز وطاقه كلش جبيره من هذا اليوم اوعد نفسي راح أقره الي مكملتهن وهنه 5 مواد بسبب خلطه مني للجدول ضيعت مادتين عليه هيه نكليزي وكيمياء خليتهن دور ثاني لان اني ع يقين اكدر اجيب بيهن درجه كامله وهسه راح ابلش فيزياء وباقي مواد وأريد تدعولي لان دعوه أربعين شخص مستجابه حرفيا البجي الي دا ابجي بسبب حالتي نفسيه الي تدهور كل ما اكوم اريد أقره شي يمنعني وما خليت شي ما سويته علمود أقره 😭💔 شكرا دكتور علي ع هذا تحفيز حرفيا عدت فيديو أكثر من مره وأني شبعت بجي الله يوفقك ع هذا كلام ❤️🩹🥹🥹 كلامك ضمد جروحي وخلاني اوعى ع نفسي شكرا شكرا دائما ادعي من ربي انو كلشي ما أريد بس افرح اهلي يارب اطلع معدل وافرح اهلي ادعولي هاي ذكرى راح اخليه وارجع ابشركم ان شاء الله ❤️🩹🥹
ما قارية ولا حرف وتراكمات ومقررة أجل ٣ مواد دور ثاني الي هنَ الرياضيات والفيزياء والكيمياء وامتحن فقط ٤ بعد ١٦ يوم حرفيًا للامتحانات ومقارية شي كلت ب ١٠ ايام اقرة انكليزي وعربي و ٦ ايام اسلامية والاحياء ب ٩ ايام الي قبلة واي شي يطلعلي ميخالف قابله بس اهم شي معدل ٦٥ وفوگ ادعولي اطلع اعلى من هيج هم وراح ارجعلكم ورا الامتحانات وأبشركُم لا تغلطون غلطتي وتسختون ابد💔🥺
السلامه عليكم اني طالبه جنت متفوقه والأولى ع مدرستي وبالخامس اعفاء عام معدل 96 وبديت اقره سادس بشهر الخامس بس صارت ضروف واتأخرت بالمواد وهسه رياضيات واحياء قاريه منهم بس فصلين وعفتهم دور ثاني وفيزياء نقص من الفصل السادس وفوك ما قاريه وتراكم فصل ثاني وكيمياء نقص 4 فصول الاخيره وتراكم فصل ثالث وعربي مخلصه قواعد وممضبطته وأدب نقص 5 مواضيع ادب جزء ثاني وانكليزي قاريه بس 3 يونتات واسلاميه بس 10 مواضيع قاريه شدكولون اقره 14 يوم هسه يعني قبل الامتحانات بيومين أتوقف بالكيمياء اقره هسه فصل خامس وسادس وسابع وثامن وأقره وياه كل يوم عربي وانكليزي وإسلامية وب 13 يوم قبل الكيمياء اقره فيزياء اكمل نقوصات واراجع كيماء شدكولون عليكم الله اكدر الحك للعلم اني اريد معدل 93 واذا ما طلعته يبطلوني 😢😢
ز@@يامهدي-ع3ه حبيبيتي نصيحه لوجه الله اجلي ٣ مواد وذني المواد الي تاجليهن لا تقرينهن هسه بعطله الدور الثاني اقريهن . وركزي ع الباقي اذا هيج تبقين ولا ماده تخلصينها نصيحه ااجلي ومعليج وبعدين ترا عندج اكثر من ١٤ يوم لاتنسين عطله عيد الاضحى
احسني فارغة وفقدت مشاعري وطموحي وشغفي بعدلي سنة واصير بالسادس واريد ادخل فرنسي مساعدة الية من قريت التعليقات شفت ناس دتعاني اكثر مني وبما انه التعليقات كلها فضفضة خلي احجي اللي عندي ظروفي ايضا صعبة بسبب حالتنا المادية حتى بيت ماعدنا مثل العالم ورغم هاذا اهلي ديبذلون كل جهدهم علمودي وسجلوني بمدرسة اهلية من الثالث متوسط ... على الرغم من اني اتعرض للتنمر ونضرات الشفقة والاستهزاء ومحد يهتم غير بس للمظاهر انت غني وعندك فلوس الكل راح يحبك ويحترمك اذا العكس الكل راح يكرهك وما اعرف ليش من دخلت لهاي المدرسة اول سؤال انسأله ..شنو يشتغل ابوج؟؟ مرات اجاوب ومرات اتهرب ومن اتهرب من الاجابة احس نفسي حقيرة وجبانة واكوم ابجي ..... وصل التنمر حتى السايق اليجي ياخذني من البيت يذب كم كلمة علية واني اكتفي بالضحك وبس... وهسة صارت شغلة بالمدرسة واتمنى متصير لان لو صارت راح اكره نفسي والمدرسة وحياتي كلها راح اكرهها وهاي الشغلة تتعلق بية اتمنى تدعولي انوا متصير الشغلة اني حاليا بالعطلة وخايفة ومكتئبة الى اقصى درجة احس روحي فارغة بس لازم اصير قوية رب العالمين راح يعوضني بالنهاية عن كل شيء راح امر بي اني متأكدة هاذا ايضا اختبار من ربي دا يختبر صبري على الرغم من عمري وقدرة تحملي بس راح اصبر على الاذى وراح اتحمل في سبيل احقق حلمي اني اريد اصير طبيبة واعالج عائلتي كلها واعالج امي اللي محد مهتملها ومحد دياخذها للطبيب على الرغم من انها دتعاني من الالم ..... دائما اكول لنفسي من ابجي ابتسمي ملاك ابتسمي لا تستلمين بس مرات ما اكدر بالنهاية العوض من رب العالمين واني دائما ادعي واحمد رب العالمين على كلشي ممكن اكو ناس تتمنى السقف اللي فوكاي ف الحمدلله على كل حال ...... ادعولي
نصيحه داومي حكومي حتلو يتنمرون تكدرين تردين عليهم وتاخذين حقج بالاهليه كله واسطات ومعارف متكدرين تفكين حلكج اني كضيت كل عمري حكومي وهي هاي المدارس الحكومية تخلي الواحد قوي الشخصيه يعرف ناس حقيقه من دون تصنع مو مثل الاهليه بس تفاخر وشخصيه ماعدهن لأن مايعرفون قيمه الفلوس كلشي عدهم تبذير وكلشي ع مزاجهم حته تقدير لأهلهم مايقدرون ف نصيحه انتي كلش احسن منهم ماشاء الله ع كلامج بنيه واعيه فلا تخلين نفسك بمجتمع مزيف مثل هذا وادرس ع اليوتيوب كلنا ندرس ع اليوتيوب حته الفاتت معهد عافو المعاهد ودرسوا ع اليوتيوب لأن المعاهد بس تسخيت ويخلوج لحد الشهر الخامس من السنه الجايه وهمه يدرسون بيج ف هاي نصيحتي وبكيفج بعد ❤
@@Z66na حبيبتي شكرا على كلامج الحلو + اني ما اكدر انقل لحكومي لان اريد ادخل فرنسي وسجلت وباجر راح اداوم راح اتوكل على الله وراح أتحمل الله كريم اذا مو احد وياي رب العالمين وياي هنة سنتين راح أتحمل كلشي وكل كلمة تنذب علية ما راح استسلم لان اني اقوى من هيج راح اتوكل على رب العالمين بس ادعيلي هواي مشاكل عندي
مادري حسيت هالفيديو اشارة الي حتى استمر وادرس بجهد لان اني بعدني اصلا لحد هسه مامكملة مواد دا ادرس بالافصل الاخيرة وبعدني ماكملت ولامادة ولا بديت مراجعة واجلت من هسه 3مواد لان الوقت ضيق وما الحك اكملهم ادعولي اكمل الاربعة الي بقولي واطلع معدل عالي 😢😢 يربي من شفت الفيديو دمعت وخنكتني العبرة 💔.
الي يريد ينجح من سادس 1-حسن الضن بالله 2-دائما ادعي الله يهديك ويوفقك ويسترك 3-كلشي من الله هو نعمه فاحمدالله ع كل شيء 4-التزم بصلاتك +اقرى قران كل يوم لو صفحه وحده +صلات اليل تنور الوجه للرزق 5-من تدعي كول يارب مو ع كد تعبي يارب على كد رحمتك رحمته وسعت كل شيئ 6-دائما استغفرالله وصلي على محمد وقول ماشاء الله لاحول ولاقوه الابالله 7-بر الوالدين واحترام الاخرين حتى اصغر منك 8-اطلب من الله العون بكل شئ حته لو شوفه شي عادي 9-اطلب من الله الستر ثم العافيه ثم التوفيق للكل
وياكم طالبه خامس مقبله على سادس يوم ٢٢/٥/٢٠٢٤ ابدي محاضرات سادس وحرفيا واني اشوف المقطع ابجي واتمنه انو السنه الجايه اطلع معدل يفرحني ويفرح اهلي صراحه صار عندي حافز كلش قوي من شفت الفيديو تحمست وان شاء الله ربي يعوضني عن كل الي مريت بي عندي امل برب العالمين كلش جبير انو يعوضني خير😔 يعوضني بمعدل اتمنا من جنت صغيره لحد هسه يارب اطلع ٩٩ وافرح اهلي واروح الكليه الي اريدهه ياربي🥺🥺 بعد سنه ارجع لتعليقي وأشوف اني وين وصلت وشكد طلعت معدل ادعولي🥺❤️❤️❤️
صار وياي اليوم نفس الموقف ب الإنكليزي أجلتة وانا مأجلة الفيزياء كلش نقهرت بس هم اريد درجة الوزارة ماخلتلنا وقت نراجعة عدل عسى ولعل أعوضها بلدور الثاني رب العالمين ويانة لحد يضوج اذا مأجل مادة صح انقهرت حيل وأهلي هم انقهرو بس عندي ثقة راح اوصل للي اريدة انشاءالله يتحقق حلمي ابد لاتخلون شي يكسركم توكلوا ع الله🤍 وبس رجعوني ورا الدور الثاني
اني حاليا متاخرة بالاحياء ومااريد اجلها دور ثاني وعندي تراكم كثيرة واريد معدل طب عام بابا يوميا يوصلني للمعهد وتعب علي هواي صح دخلت معهد بل 12 بس الحمد لله ع الاقل كملت بعض الافصل وماما يوميا تبجي ع وضعي وحالتي الصحية والله الله يشهد علي انو بس اريد افرحهم كلهم منتضرين معدلي وادخل كلية طب نينوى ادعولي والله محتاجة دعواتكم وربي يوفق كل طالب سادس وينطيه الي يريدو ويحققلو حلمو يارب
ولله العظيم بججيتت ڪلامڪ بجاني 😔 اني اهلي اهلي يستاهلون ڪلشي يستاهلون ماي عيوني بس والله موبيدي انجبرت أجل ثلاث مواد يربي بنفسهم يفرحون بيه ونفسي افرحهم بس خايفة والله ڪلش اخاف يصير بيه نفسڪ وادخل للقاعة والڪهه سؤال ما؏رفة واني مأجلة مناڪ 3 شيصير بيه إجل 4 ولله الخوف سيطر عليه معقوله اجيب درجه كاملة بيهم 😢 😔 يارب لخاطࢪ اهلي مو لخاطري لخاطر ابويه الي خلص هلسنه كلها وهو ماعنده بس من اطلب منه شي الآڪي موجود يداين علمودي ماقصر وياي والله راح اموت يارب اجيب 99 ولو فرحة الدور الثاني مو نفس فرحتك من تطلع من الدور الاول يارب حلمي بين ايديك😔💔
صار عندي امل اطلع طب عام لان تركت حلمي بعد قرار تاجيل و اني عدت علموده لذلك راح استمر و اكافح و احاول حتى اجيب الطب و الانسان محاولة و اكو وقت يعني اكو فرصة و ادعولي اطلع طب عام و الله يوفق كل احد دعالي ❤
بعد تقريباً 12 يوم من تاريخ هاي الرساله كلشش خايفه وقلقه لان مأجله 3 بسبب ضيق الوقت بس مع ذلك داسعى وعندي يقين وثقه برب العالمين مراح يعوفوني واني متوكله علي ومسلمه أمري كله اله فهو بعد يساعدني وحاشاه يعوف شخص ضعيف متوكل علي حاشاه ما طول حاسنه الظن بالله خلاص انتهى الموضوع لان رب العالمين يكول انا عند حسن ظن عبدي بي فأتمنى رب العالمين يعوضني ويفرحني ويفرح اهلي ولا يخلي الناس تشمت بيه 🙏🏻😭😭✨
@sabaalroh تخيلي اني الفيزياء ماقرايه منها بس فصلين والكيمياء هم والرياضيات بس ثلاث فصول واجلت هل مواد للدور الثاني وداحاول اركز ع الاربعه احاول اجيب بيهم درجات زينة حته بالدور الثاني ماانكسر كلش خايفه يعني وضعي صعب ادرس بأربعين يوم ثلاث مواد من الصفر 😢
حاليًا أني مأجلة ثلاث مواد مُقدمًا الي هنة ( الأحياء الكيمياء الفيزياء) وراح أمتحن أرجع مواد الي هنة (أسلامية اللُغة العربية الأنكليزي الرياضيات) رجعوني بَعد نتائج الدور الأول وفقكم اللَّه 🤍
والله بالبدايه من جان يطلعلي الريلز مالتك جنت اضوج منك هيج من تاخذ صور وي الهيكل 😂😂 بس والله هسه من شفت اسلوبك وايمانك كلش حبيتك وان شاء الله تكون قدوتي وآني هسه فتره مراجعه وعرفت من قصتك لو اشكد مامتمر عليه ضروف لازم اخليها على الله واهل البيت وان شاء الله السنه التجي اكون آني مثلك واحقق حلمي وادخل كليه الطب❤️🩹🥺
والله اني مثلج العام طلعت اعفاء بالخامس وعساس ابدي ادرس للسادس واستغل العطلة بس للأسف ما درست بالعطلة ولا استغليت الوقت وكضيتهه تسخيت وهسه متندم هواييييي نصيحتي الج استغلي الوقت وادرسي والله راح اشوفين الضيم وعذاب الضمير اذا مادرستي راح تكومين تلطمين اذا ما درستي من هسه خصص كل يوم ثلاث مواد كلش كافي وساعتين لكل مادة سوي جدول ...واذا حالتج المادية زينة ادخلي خصوصي وفكرة الخصوصي بس يخليج تلتزمين بالوقت اما اليوتيوب افضل بهوااي من الخصوصي بس لازم تلتزمين ...وبالتوفيق ان شاء الله السادس سهل بس يحتاج جدول والتزام بالدراسة .
الحمد لله رتاحيت من عرفت أجلت عربي وكيمياء لان اني عايفتهن دور ثاني وكلها تكلي تجي صعبه وحيل متضايقه من هل شي وغسلت ايدي من المعدل بس هسه لا الحمد لله رجع واهسي
شفت هذا الفيديو وانا تعبانة كلش صرت سادس بس حالياً كلش منقهرة وضايجة لان عطلت 20/4 وجبت اعفاء كلت بس حت ادرس زين وتالي صارت عراقيل خلتني اتأخر وخلال،3 اشهر درست فصل اول احياء ونص رياضيات وكم موضوع فيزياء ويوم 1/8 كلت هاي هي خلاص لازم ادرس واشد حيلي اليوم 8/6 قربت اخلص الفصل الاول من الرياضيات والفيزياء خلصت الفصل والكيمياء نص ادعولي الله يوفقني ويارب ارجع لهذا الفيديو وانا بالمكان الي يرضيني ان شاء اللّٰه