حتى أنا طرى لي تقريبا نفس الشيء لكن مع بنت عمتي الي كانت صاحبتي سهل عليها الله مشات لأمريكا مع راجلها ووالدها غير وصلات لتمة بلوكاتني من كولشي الواتساب والفايسبوك وقطعات العلاقة وبقى في الحال بزاااف اقسم بالله ربي سهل علي وجيت لهاد امريكا ولات كتسول على نمرتي ملي عرفاتني هنا خدأت نمرتي فعلا هضرت معاها شي ايام وبلوكتها حتى أنا ونسيتها سبحان الله ربي كبير
صاحبتي تزوجات و دارت العرس و مسقتش الخبار انا جيت ل المانيا نكمل قرايتي و مرت سنين و عاد جات ل دارنا كتسول على نمرتي مني هضرات معايا قالت ليا طلقت قلت ليها غبرتي و انقطعت الاخبار و وقتاش تزوجتي باش طلقي قالت ليا عافاك ساعديني راني غي ف دارنا و مبغينيش حيت طلقت الصراحة عدرتها و عاونتها باش للي قدرت عليه الساعة بنت الحرام دبرات تاني على راسها و تزوجات و بلوكاتني 😂😂😂😂 انا للي منسواش الصراحة معندي نفس ولاكن هانية كل واحد يخلصو الله
هذي ما عمرها ماكانت صاحبتك ، زيادة عن ذلك هادوك الضواصى للي عندك عليها هما للي خلاوها تخاف منك و بغاتك تبعدي عليها وأكثر حاجة عوتاني هي الحسد حيت نتي واقيلا زوينة عليها ، خافت على راسها منك ، تخايلاتك الديتي ليها راجلها . ها تايقاش فراسها عندها عقدة منك .
حتى انا صاحبتي دارت العرس الدار حدا الدار الجوق و الزغاريت و ماعرضاتنيش تزوجات بواحد الشاب على قد الحال الله يسهل عليها. دازت 3 أشهر تخطبت درت العرس و حتى انا معرضتش عليها 😂😂😂😂😂😂😂 و حياتي و لله الحمد بخير و فوق السلك😂.
اشنو انغول انا السيدة لي معايا 30 عام ديال العشرة نهار جا الرجل ونساتني بحال الى معمرها عرفاتني ايامها كلها معنا فدار ديما داخلة وخارجة وديما هيا لي كتكون الولة فكلشي فالفرحة ولا حتا فالحزن والكين ماشي مشكل الحمد لله ملي بان فيها العيب ومنكونش انا لي دايرا ليها شي حاجة الحمد لله كثيرا
انا صحبتي صحبة 11 عام تقاصمنا الحلوة والحارة انا كان جا هضر فيا واحد السيد ولكن دارنا مكانوش باغيينو وهي في راسها حيت ملي جاو يخطب معرضتهاش حيت الأجواء ما كانتش حتى لهيه ومكملناش ولكن هي كانت ديما تتقول معرضتينيش غنرجعها لك وكنت تنقولها غي الله يسهل عليك انا غنفرح لك جاو فيها ناس ومشاو مكتابش ومتقلقتش عليها واحد النهار تنتصل بيها كنت حدا دارهم زعما تخرج عندي متتجاوبش نهار آخر كذلك المهم واحد نهار عرفنا الوليدة فيها السرطان وربي لي عالم بينا كتبت ليا في واتساب بالحرف قوليلي مبروك قلت لها مالك أش كاين قالتلي تخطبت قلت لها ومالكي مخبياها قلتلي جات على غفلة قلت لها وحتى الخطبة ولا بغيتيني نعاونك في شي حاجة وهي تقولي را كنت قلت لماما تجي تعاونيني سعا ماماك مريضة وانا نقولها وحتى الخطبة قالتلي را جا كلشي مزروب وانا نقولها صوريلي الخاتم وهي تسيفط ليا تصويرتهم قلت لها صافي بلاش تتجاوبني بالجرام وقالت لي را حتى بنت خالي تخطبات ومشات داز نهار وهي تتصل بيا انا كنت مشغولة مع ماما عاد عرفت مرضها مجاوبتهاش 2 مرات متابعين وهي تصيفط ميساج انا باغ نسول غي في خالتي انا عاد فهمت بلانها بانها باغ غي توصلي الهضرة يحساب لها غاد نغير بلوكيتها ومرضت فيها 3 ايام بالسخانة وانا كنت معتابرها اختي ومتنبغيش لي يجبدها نسيتها حتى سيفطات ليا من بعد كتر من سنتين انت مسمومة وغتبقاي ديما هاك بلوكيت كونط ديال ختها ودارت كونط اخر ونفس الهضرة ووالو مجوبتهاش داز سنين درت كونط اخر وكتبت ليا كيدايرة واش تزوجتي ولا مازال انا قلت شي حد كان تيقرا معايا قلت لها شكون قالتلي بالحرف انا لي كنت تتجي تبكي عليها وانا نعرفها جاوبتها وعرفت الوليدة توفات بغات تجي تعزي قلت لها لا وملي عرفت الوليد تزوج تصورو ضحكت وبقات تتسولني تزوجتي درتي الدار شنو الجديد قلت ليها كيف خليتيني باق انا مسولتهاش عليها هي بدات تتهضر وقالت لي تطلقت من بعد 6 اشهر وولدت بنت ولات تتصل تعرضني اجي تاكلي كسكس مرة را حنا عند خالي مجموعين اجي عندنا حيت انا كانو تيعرفوني جميع عائلتها وكنت عزيزة عليهم كاملين ولكن مقضرتش نسى بلي كانت تتساين في أي حاجة باش تقلقني ولا يضرني خاطري وكان تيحساب لها ملي تزوج قبل مني غاد نتعذب ولكن انا كنت تنبغيها وقرينا بجوج حتى فهمت راسها قالتلي انت ماشي ممسالياش انت مباغاش تشوفيني وتلاقات مع اختي قالت ليها قولي لاختك الله غفور رحيم انا من عندي الله يسهل عليها ولكن بعيد. مني حيت هي كانت تتحسدني على والو وانا كنت بحال الهبيلة تابعاه والمشكل ماما كانت تتقولي أبنتي هادي متتبغيكش غي تتنافقك الصداقة شي حاجة زوينة للي يقضرها
هههه تا واحد بنت اختي وقعات ليها صاحبتها رور للروح مكيتفارقوش نهار ومطال وهي تخمل معها ويوجدو فالحلوى كتقول ليها جايين الخطاب لاختي تا واحد النهار وهي تجي تعرض عليها قالت ليها اجي عندنا عرس مشات لقاتها هي العروسة هههه قالت ليها علاش خبعتي عليا قالت ليها على العين حيت مهندس تزوجات ومشات ثلاثة اشهر ورجعات طالبا الشعر بغا يحمقها بوسواس النظافة هي رجعات وصحبة لي بيناتهوم سالات
