خذها قاعدة ام البنت ما تسلط وتشرط الا اذا كان الاب ضعيف شخصية اما اذا كان الاب حازم الرأي لا تجسر الام علي التشرط او التحكم هذي وجهه نظري من باب تجربه تقبلوا مروري
بيض الله وجهك كلامك كله ذهب . اعرف اثنين شباب خطبو ثنتين خوات و قالو لهم من البدايه احنا على قدنا وراح نسوي زواج واحد مختصر قالو طيب و بعد الملكه تغير كلام الامه وقالت اثنين رجال ما يقدرون يسون عرس احنا نبي فندق و مطربه الفلانيه . الشباب مساكين حاولو مع عيالها وقالو لهم احنا من البدايه قلنا الكم بنسوي زواج عادي كيف تغيرون الكلام قالو معاكم حق بس ايش نسوي هذي امنا ، والله انهم راحو المحكمه و طلقو البنتين و ارسلو لهم ورق طلاقهم . الله يصلح الامور يارب
¤ لا إلـه إلا الله وحده لا شريك له ، له الملك وله الحمد وهو على كل شيء قدير ¤ ¤ ســـــــــبحـــــان الـلـه ، والـــــــحـــــمـــــد لـلـه ، والـله أكــــــــــبــــر ¤ ¤ الـلـــــهـــم صــــــل وســــــلـم وبــاركـ عــلـــــى نـبـينـا مـحـمـد ¤ ¤ نستغفرالله العظيم الذي لاإله إلاهو الحي القيوم ونتوب إليه ¤ ¤ لا حـــول ولا قــــوة إلا بـالـلـه الـعـلـي الـعــظــيـــم ¤ ¤ حــــســـــبـنـا الـلـه ونــعــــم الـــوكــــــيــــل ¤
بيض الله وجهك ورحم الله والديك. أنا على كلامك اقول أنا تزوجت وعمري ٢٨ سنه وندمت اشد الندم قبلها كان الوالد يحاولني وعمري ١٨ حتى وصلت ٢٤ سنه وانا مكابر واقول ما نا بحاجة مره خلوني افلها عز الله ما شفت الا الفلس حتى تزوجت
🤣🤣🤣🤣الله يسعد هالوجه ونعم بذيبان يوم دري بعملة المرة مارد له الشور مشى بنته وهذا هو الصحيح والحق ،والحريم لو تجي الامور بيديهن مايرحمن ولاياون لاحد إلا من رحم ربك فيه بعضهن فيهن خير وطيبات وتصرفاتهن تصرف رجل لكن معدودات والنبي صلى الله عليه وسلم يقول : ( لن يفلح قوم ولّوا أمرهم امرأة ) هذا ليس نقص وإنما ليس من شأنها ان ترتب حياتهم وغيره من الامور وإنما الرجل هو من يرتب ويعرف مايصلح وما لايصلح لحياتهم . فالمرأة تتعامل مع الامو بعاطفتها بعكس الرجل يتعامل مع الامور بعقله فالعقل محل الحكمة والتدبير والتمعن. فكلاً ميسر لما خلق له فقدراته تناسب طبيعة عمله ولله حكمته سبحانه وتعالى
شكراً لك على ختيار هذا الموضوع وكلامك صراحه من دون مجامله عين الصواب واتمنى من الشباب أن يستفيدوا من هذه الفكره الناجحه صراحه وأن يستغلوا أول شبابهم بمشروع بالزواج وبعد الزواج يبدؤن بمشروع السكن وهذه قمة السعاده الحقيقيه ماهي بالسفريات والخرابيط التي الفائده بها
جزاك الله خير اخوي سعد كلامك عين العقل اشكرك على ماتقدم من محتوى جيد ليس فقط على مستوى الموروث الشعبي بل حتى على المستوى الاجتماعي قدمت فأبدعت شكراً جزيلاً لك
الله يبيض وجهك ياسعد والله الزواج الأول الله رزقني بعجوز قشرا خربت بيتي الله يرحمها مثل ماتقول وبعد ثمان سنوات الله عوضني بأم الزوجه الثانيه لاتهش ولاتنش طيبه مره وبعد سنتين ام الزوجه الثالثه ربك كريم ماتسمع الا لما تلبس السماعات في آذانها ويصير لها صفير تسمع كلمه وتقوم السماعات يصفرن الله يشفيها ويعافيها وكل كلامها كيف حالكم وشلونكم وبس ليش علشان أنا صبرت على بلا أم زوجتي الاولى الله يعافينا وإياكم والصابرين على خير .. الله يسعدك والله نصايحك مالها ثمن درر كلامك الله يوفقك
