انا حاليا فالجيش فاتح من موبايل صغير ومليش حد اشاركه فرحتي باللحظه دي, فاتحولت فرحتي جوايا لحزن مكتوم, لكن قصيدتك دي للزمالك اللي كان نفسي اكتب فحبه حاجه فرحتني بجد, شكرا ي عمرو٠ودايما مبدع
الله الله هو ده الفن الزملكاوي الأصيل اللي يمس كل قلب امتداد للتالتة يمين وعزيز الشافعي رسايل تبعث في قلب كل زملكاوي الأمل وتثبت أن عشق الزمالك عشق لكل ما هو جميل وأصيل وطيب وبرئ. مش مهم البطولات . مش مهم انكسارات ولا انتصارات المهم ذوبان صوفي في ذات الكيان وحب يملك قلوب العشاق والمحبين. اكثر ما يحتاجه جمهور الزمالك في هذا التوقيت الصعب هو رسائل تملأ النفس بالأمل وتؤكد ان حب الجماهير لناديها العظيم مستمر وغير مشروط وغير مرتبط بالنتائج. معاك يا زمالك لاخر الحياة.
لأ معلش يا ريس ما بنقبلش بكده دنتا لازم تكون انفرمت كوره واتهرست حبه وعشقه انما تشجع عشان التشجيع وتشجع للمشاركه. وتشجع عشان بيكسب يبقى عليك وع الاهلى ع طول احنا عدينا بانترفيوهات واختبار قياس تحمل لما شعرنا شاب
انا دمــعت قسمابالله شكرا ياعمرو شكرا جدا والله معبره جدا حلوووووة اووووووي جميلة اوووووووووووي عظيمه اووووووووووووي الله عليك ، ربنا يفرحك زي مافرحتــنا بالجمال دا
واتكسرنا تاني ورجعت جروحنا مشيـنـا كتير بعديها توهنا و جي بعدينا بـعد ما كُنا واتقَل معانا وياما شوفنا دنيا متفاتة والله ماتستاهل كـدب وحـقد وحـوارات هنشغل بالنا ليه بمين ساب ومين فضل ومين غيرته الفترات الشاطر فينا اللي يعدي الجدع هو اللي يتجاهل مين فينا مرّ علي وجعه ومعداش عليه بالساهل كلنا ممتازين في التمثيل وفي وقت الوحدة بيزيد الألم من أعلي الرأس لأسفل الكاهل كل اللي قال مش ماشي .. ماشي كل اللي قال انا جانبك راح فين خدوا اللي عايزينه ومشيوا وسابوك لوحدك بفرط العين معقول كله سابك كله هنت عليه طب حتي كنتوا مهدتوا بأنكم مفارقين كنت خدت حذري وكرهتكوا الاول مستخسرينها عليّا ما الفرقة هتطوّل وأكيد هننسى وهلاقي غيركم وتلاقوا غيري ونتقابل في عز النور ومانسلمش والجدع فينا اللي مايتكلمش هي اه مابتقفش علي حد وكل حاجة بس ليه نتعلق مدام احنا هنفارق ليه بنفضل متمسكين ومتمسكنين و احـنا أقـوى مـن كـل سـارق شايفين الحل قدامنا وبنتغافل ونقول جايز تفكيرهم يتغير بنشوف نفسنا احنا الظلمة وهما الملايكة وقلب طفل صغير بنيجي علينا بزيادة وعيوننا معمية وهما عايشين حياتهم ولا في بالهم خسرنا راحتنا وأوقاتنا وكل عاداتنا اليومية و بـ كل سزاجة و أغلي حاجة نجيبها لهم لأجل نول الرضا والدخول في القلب وان البعيد يقرب واللي حب يوم يتحب احنا التافهين احنا الشاريين لـ اللي بايعينا احنا الراميين لـ اللي شارينا عشان نكسب خسايرنا دايرة وبتلف بـعـيد عنك وهايجيلك يوم وهتدخلها إذا اصلاً مكنتش فيها دلوقتي وبتحلم بـ سكة تنولها احنا الساكنين أصحاب الهدوء ملناش في جو الحوارات وبنتجنبها والحاجة اللي تزيد عن حدها بنسيبها احنا عشاق الوحدة مغرمين القعدة مع الزات غاويين تعويض الفرصة والوجع اللي فات مسافات وبنبعدها وبنعيدها فـ نفس الوقت وذكريات فقدناها مع كل فُرقة وكبت والله الواحد مستغرب إزاي بنقدر نتفارق ونخسر بعض وازاي بنهون وبدل ما نصون نقسى والجفا يبقي الحل المضمون ونضيف هزيمة علي هزايمنا و نهاية زي كل نهاية فاتت مربوطة بذكريات وحاجات ضاعت في السكة وماتت وعشرة سنين اتردمت مواقف بغبائنا اتحسمت بـ عناد وكلام ملوش لازمة بـ كام تلكيكة جات ناسفة وشالت أخضر و يابس وكان كل طرف يائس . بـ كام غلطة من غير قصد و كلام متقال عكس النية بـ عدم وضوحنا لبعض ساعات وإجابات كانت دبلوماسيه بـ شوية صدمات ف الوش وكام تجريحة وكام معلش و مصالح و غش في غش وخبطات ياما جات في الضهر وساعات ليل عدت بالقهر وعود اتقالت ومحصلتش و ناس حلفت و ماكملتش وانت زي ما انت بتعيش تجاربك فـ صمت تخـاف تبـوح تتكسر وانت فـ الاصل إتكسرت خسران مش إنتصرت مشكلتك بس انك فكرت وجربت وحلمت بنتيجة مرضية وعشمك قتلك ميت مرة مـن غير عقوبة قضائية وبرغم دروسك متعلمتش وبتحلم بـ خطاوي فريدة وتقرر تجرب من تاني عشان تبدأ في كسرة جديدة الحلو اللي فينا الافضل يفضل جوانا في وقت مايخرج برانا مش هيتقدر في زمن أي غلطة بتتبرر والضحك فوق ماتتصور وأي حد يتغير وحبل الود بقى قصير دوينا جروحكم وحلينا بعديها بكراميل والصادق في الود لا بيزهق ولا بيمل نور ضحككم ساطع بيعمي العين و في وقت الجد مش بيهل وان كنتوا مرة بجد وحابينا عشانّا بجد سيبتونا ليه في العشم مدام كل يوم بيقل الليل والوحدة والفرحة الكدابة الحزن والبؤس والنظرة المعتادة عايشين حياتنا وبنشرب قهوتنا سادة 🖤 - قهوتنا سادة - ادخلوا دلوقتي اسمعوها بصوتي ❤️
