قصيدة عتاب حزينة راحت سنين 

من ديوان شعر قصائد الشاعر سعد صالح المطرفي
كلمات قصيدة راحت سنين العمر بضفاف ذكراك مكتوبة
راحت سنين العمر بضفاف ذكراك
و الرجل حفيت من رجاوي سرابك
ما عاد يغريني وجودك و فرقاك
ان جيت و ان ما جيت يا مرحبا بك
صرت اضحك إني كيف كنت آتحراك
كيف المطر عندي و ادور سحابك
اللي جعلك بعيني اليوم وداك
مشكلتك انك ما انت عامل حسابك
اوعدك ماني قايل إن رحت وش جاك
و ان جيت ماني قايل ويش جابك
و اوعدك إذا ما جبت بالزين طرياك
بالشين ما اسولف بحضرة جنابك
تدري وش اقسى شي يحصل بدنياك
و تشوف به شيبك بزهرة شبابك
إن العيون اللي فرحت يوم لقياك
نفس العيون اللي فرحت في غيابك
يمكنك التواصل معنا على
صفحتنا على توتير (‏‎Twitter‎‏)
/ safinaz991
صفحتنا على الانستجرام
/ safinaz_.99