قصيدة موجهة للنائب حمدان سالم بن فنيطل العازمي
كلمات / فهد جالي العازمي
اداء المنشد / فيصل بن مريزيق
البارحه ماكان فـ الحسبه وكان...
ليلً يجيب أهموم ويودي هموم...
بعد 12 من منتصف ليل الاحـزان...
العين تذرف دمع والصدر مزحوم...
واللي بكى يوم أن وجه الزمن شان...
ماهوب ويّا النوم ... لو دوّر النوم...
أبك أسمع أسمع هالقصيده ياحمدان...
ويابن فنيطل تذخر لـ مثل هـ اليوم...
تكفا وتكفا عند مثلك لها شان ...
ماتشوفني جيتگ وأنا أطيح وأقوم...
أنخاك نخوة واحدن طاح وأنهان...
ضاموه عدوانه وهو قدوة القوم..
وأنا ظروفي ماتبي شرح وأعلان ...
تبي لها رجال وأعزومه أعزوم...
وأنته لها مزبن وقدوه وعنوان...
وتراك من كبر الاجر مانت محروم...
وأنا زبنتگ .وأنت ياذرب الايمان...
لاقمت هانت ياعسا راسگ يدوم...
جيتك قبل لاروح ..لفلان وفلان...
وسواتي اليا جاك لاتلحقه لوم..
بعطيك علمن مايتخْفىّ ليابان...
هو زبدة الموضوع لو غيره علوم.
حنا اليتامى اللي تبى عطف وحسان...
والسر لو نكتْمه ... ماهــوب مكتوم ...
تراگ أبونا عقب جالي .. ياحمدان...
مير الله الله في عيالك من اليوم...
19 сен 2024
