ختي هاجر راني نتبع فيك من وقت الإقامة نتاعك في الجامعة و ياما تعلمت منك بزاف حاجات تعطيني الكوراج باش ننظم الدار وليت نعاندك في كلشي خاصة الترتيب و التنظيف و ديما نقول لماما عليك ما شاء الله على التربية نتاعك نحبك بزاف هاجر و نشاء الله شي يوم نتلاقا بيك رمضان كريم حبيبتي
يعطيكم الصحة حبيبتي و صح رمضانكم كااامل خياتي و لعقوبة لعام لجاي تكوني بالببون 😍 رانا كامل نجرو مع الشغل و القضيان و حلف لا يخلاص😂 و حان وقت الدرس اتصنتولي 👂🏻👏🏻😂😁 نصيحة خياتي تفيدكم في رمضان بخصوص طاجين الجبن 🧀 انا مالفا نديرو بالارز و المعدنوس و توابل الشوارما لداخل باش يجي بنين و يكفي كامل العاءلة مرات نرافقو بالحمص و مرات بالزيتون و الفطر و الجلبانة وصلصة الجبن تجي روووعة 👍🏻🌹و بخصوص البريوش انا مالفا نديرو بالفرينة الكاملة و البيضاء مرات نحشيها بالشكولاطة او المعجون او السكر البني بالقرفة...و مرات نعجنو بالجزر و الكابويا و نديرلو الزبيب يخرج يهبل 😘 و لكل عشاق الارز ان شاء الله تستفادو انا نشري كيس تع 25كلغ من عند ليقروسيست الحمد لله صرت فنانة فيه انوع فيه في كلللش 😁 و صرت حافظة كيلة الماء و هو لازم يتغسل 3من النشاء و يتشمخ نصف ساعة و كل كيلة ارز لازملها 2كيلات ماء و باش يجي مزربع لازم البصل يتقطع مايترحاش باش ما يطلقش المادة السكرية ديالو و لازم ليدام كي يطيب الارز مع دجاج مشحم او لحم غنمي بنتو و قوامو يكون احسن من كي يطيب مع الاسماك كل حبة تكون مزربعة و شاربة التوابل و قوامها متناسق و البطاطا نقليها في طنجرة بالغطاء ندير 1/3القدرة زيت و 2/3بطاطا معناها البطاطا تكون اكثر من الزيت و نغطيها كي تغلي الزيت رايحة تغطي البطاطا و نطيب كمية كبيرة في وقت قصير و ماتتوسخش الكوزينة و نقتصد في الزيت و البطاطا ماتشربش الزيت ... و مرحبااا بيكم خياتي عندي راني دايرة تحضيرات رمضان ماتراطوش العسل 🍯 القطايف قلب اللوز يهبببل مطلوع ناجح ديول السميد مشتريات بالاسعار...و 🌹 اللي حبت تتحصل على مرقة بنينة يالوكان بكمية قليييلة تع لحم لازم تسبق تقلي اللحم و الدجاج هو الاول للاسف اغلب الاخوات يقلو البصل ثم اللحم و هذا يخلي اللحم يتغلى و ليس يتقلى و يتعسل و بنة المرقة البيضاء لازم تكون عاقدة .و ملعقة سكر تعطي ذوق مميز و اذا حبيتو تثقلو المرقة و ماعندكمش كريمة ذوبو شوية فرماج في مرقة سخونة او شوية فرينة في مرقة باردة .و اعقدوها بحبة بيض و معدنوس و عصرة قارص و ماتنساوش حبة فلفل حار خضرة تعطي بنة هبال .و نصيحة البنات البودرة تع الثوم اخدموها بزهرات الثوم اللي يجو من الفوق في الرزمة و الله خرجتلي كمية روووعة بالرزم تع العام ليفات و البسباس خبو الاصابع ديالو حطوهم في الحساء يطلقو البنة و الشبت ديالو ديروه في الاسماك المعقودة الغراتان المايونيز.....راهو كنز و اخدمو السمن تع الدار بالسفاق تع الخروف او السبك بشحمة الكلوة دوزنوها بالطبع و الشان و خلطو معاها سيقان المعدنوس و الشبت يبنن كااامل المراقي البيضاء....او سيقان القصبر و الثوم للمرقة الحمراء. و نصيحة خياتي بخصوص المطلوع كي تكسرو العجين 3مرات او 4 بدون تعب تعادل عملية الدلك و تتحصلو على خبز كي القطن .من بين محسنات الخبز هي الحليب اللبن الياغورت الجبن...الحليب البودرة.الرايب...كلها عبارة عن مواد دسمة و خماءر طبيعية...مغرف خل او ليمون تخلي الخميرة تتفاعل خير ...الماء الغازي تاني....ماء اللي غلات فيه البطاطا غني بالنشاء يعتبر محسن ....الزيت اللي قلينا فيه البطاطا يكون غني بالنشاء و اللي قلينا فيه المقروط غني بالسمن و اللي قلينا فيه ليبينيي غني بالخميرة...كلهم نقدرو نعجنو بيهم الخبز ...الخميرة البايتة و العجينة المخمرة 12ساعة في الثلاجة تعطيكم نتيجة روووعة ...زيت الزيتون يعطي قرمشة للمخبوزات...الزيتون الاخضر او الاسود اذا محبيتوش تاكلوه ارحوه مع اوراق المعدنوس و الشبت و اعجنو بيه يعوض الزيت....و الخبز الفارغ يحب الفورنو اللي يشعل من الفوق و من تحت في نفس الوقت يعطي نتيجة روووعة...و الزرارع انا ندير السانوج الجلجلان حبة الحلاوة زريعة البسباس زريعة الكتان الزقوقو...بذور دوار الشمس... ماتنساونيش خياتي بالدعاء و مرحبااا بيكم خياتي عندي راني دايرة عدة وصفات موسمية اقتصادية و صحية بزاااف و تحضيرات رمضان روووعة ماتراطوش🌹😘
اللهم أمين يارب العالمين ولله محتاجة هذا دعاء ياسر ياسر ياسر اللهم أمين يارب العالمين تفرحني وتستجيب لدعائي يااارب يااااااااااااااااااااارب يااااااااااااااااااااارب شكرا لك على دعاء تستاهلي جام وأكثر
اللهم أهل علينا شهر رمضان برضوانك و العتق من نيرانك و الفوز بجناتك🤲🏻اللهم أهله علينا بالأمن و الإيمان و السلامة و الإسلام اللهم أعنّا على الصيام والقيام 🤲🏻🤲🏻
الله يخليك قولي لهم يدعولي بشفاء 🤲🛌😭 دعوة أربعين شخص مستجاب باذن الله وصح رمضانكم تصوم بالصحة والراحة 🌙مشاء الله عليك 👏 نحبك 💗 في الله 👍🌹 تعجبني لهجة تاعك بتوفيق
والله احسد زوجك عليك الله يبارك من كلش شاوية حرة زين وفحولة وشطارة دبرها مزهر مدعي بدعاوي الخير لربي طيحو في واحدة مثلك كاملة والكمال لله أن شاء الله نشوف بنت اختي مثلك فؤ كل شيء قولي امين يارب نتلاقى بيك في عنابة
نتي ايه نتي بذات ربي راه باعثلك وحد الفرحة تسجدي تبكي ونتي تشكري في ربي عليها من غير كل أعضاء المجموعة بعثتهالك نتي خطرش ني حاسة قلبك راه مغموم وراكي غير تخمي وربي بعثني غير ليك باه نحي عليك هذي الغمة ونشالله ربي يحققلك واش في قلبك واذا مكايش مزوجة ربي يرزقك بزوج صالح ونشالله تتزوجي بلي تحبيه واذا معندكش لولاد ربي يرزقك في اقرب وقت واذا مريضة ربي يشفيك نشالله أفرحي يا إبنة حواء وربي ينورها في طريقك ديريلي 👍 في القنا تاعي 🥺❤❤
وها قد بدأت اول ليالي رمضان.. اللهم إني أسالك حُسن الصيام وحُسن الختام ولا تجعلنا من الخاسرين في رمضان ، اللهُمَّ اجعلنا ممن تدركهم الرحمة ثم المغفرة ثم العتق من النار.❤🎉🌙🫶💖
يا سبحان الله الوقت الي وصلنا ليه ولاو اليوتيوبرز عايشين غير للمواقع يوريو في حياتهم نورمال ما يخمو في مريض يتشهى ولا مرا تتوحم ولا فقراء و لا مرا مسكينة تشوف و ما تقدرش تقول لراجلها يشريلها المخلوق المسكين وليتو بلا احاسيس و لا ضمير الله المستعان
وحدي راجلي كان خدام مام الاوان مكانش عندي وظروف المادية كانت صعيبة علينا الان حمد الله فرجت بفضل ربي سبحان العام 6 زواج بوليدي ربي يحفضهولي في عمرو 5 سنين دعولو بنات عندو روطار فالهدرة
مام انا اول عام ليا زواج جاتني صعيبة شويا مي الحمد لله مكاش قد لحلال احسن ايامي في داري مع علم راني انا وانت كيف كيف بعيدة على دارنا 😢 انا من بوسعادة وتزوجت في باتنة
من مشترياتكم لا تنسوا اخوننا في غزة ساهموا في جمعية البركة الجزائرية تنشط في غزة أرقامها تجدونها في الفيديوهات التي تبثها ارجوكم ساهموا وخاصة في هذا الجوع الذي يعانون منه الان و شكرا
يا الزينة فرحيني بمتابعة ربي يحلي ياماتك و يزين سعدك و يخليلك صحتك ،تعيشي ما تردينيش في هاد لعواشير المباركة❤لي عاوني ربي يعاونوا و يعطيه على حساب قلبه الزين❤