كي تبغو تشرو ايزيس ماتشوفوش لا ثقيل ولا خفيف هدي غلطة ماديروهاش خطرش كاين لي ثقييييل بصح مشي شباب وميرغويش وكاين لي تلقيه خفيف وشباب كيما انا نستعمل غير هدا تاع دوز ماشاء الله شباب ويشدلي
انا بديت بيت لخزين و ساعدني بصح ولا عندي ادمان تع الشرية النهار كامل و انا نحوس على لي بروموسيون و ما نقدرش ندخل سوبيرات و ما نشريش. قولولي كيفاش نحبس الشرية. راني مخبية قيس6 شهر . و لازم نبدا نخبي دراهم. راني حاسة روحي مرضت بالشرية. ساعدوني.
Bonjour Madame les routines dyawlak hayline, rani mtab3atak malgré Ana kbira 3lik wechnou Ana wech ndir ki nkhabbi les produits et les aliments nedjbadhom fi les fêtes ramdhan Aïd kbir Aïd sghir surtout pcq nkoune mzayra hada makan inchallah mon commentaire tahadri 3lih fi la vidéo Bach nchouf lebnat wech rayhom et kamli hakda top.
اذا تقولولي على مواد التنظيف لي مليحة في الكاليتي و السعر ماذابيكم متلا في غسيل الملابس والاواني و الجافيل و صانيبو و شومبوا ولابري شومبوا وجال دوش ومشكوووورين
لايف صابون مرسيليا...... هايل لل..... صانيبون خرج تاع aigleقرعة صغيرة فيها الداخل وحد صاشيات صغار تفرغيهم كل دووز في 5لتر ماء هيللل..... يدير 16mil......شباب
هاد العام الله غالب ماكتبش ربي نضحي عندي ظروف لعقوبة للعام الجاي بصح نقول اي وحدة مراهيش رايحة تضحي عادي افرحي وديري حبيبات قاطو وأجواء العيد مع العائلة والدراري وكل وحدة ومقدورها لي تشري شوية لحم الدجاج سكالوب ربي يقدرنا
راني معاكم اسعار الأضحية غالية لكن حابة نفهم علاه نقاصدوا ونتقشفوا باه نديروا بيت الحزين والعطلة والملابس والمناسبات وحتى كاين اشراو ذهب من الاقتصاد وكتولي على الأضحية يولي غالي منقدروش علاه يك العام طويل نليموا درو على دور نلحق
سلام اختي انا من العاصمة ومعنديش سوبيرات محددة نقضي منها دايما يزيدو في الاسعار علا هاذي تلقايني وين نلقا الاسعار ناقصة مع لي برومسيو نقضي ايذا لقيت سوبيرات تبيع رخيس نصورلكم
ختي انا شريت فرماج الوليد في رمضان كي شفتو عندك بصاح لقيت فيه الماء وليت ما نشريش منه. بالنسبة للقهوة 1001 نفسها فاميكو هو نفس المتعامل بصاح famico افضل. الصانبو الامير الابيض افضل من الاصفر تقولي المسك. بالنسبة لسائل الاواني اشري امير 4 لترات ادير 55000 راه promotion ثقيل بزاف.مشكورة حبيبتي على le partage.
دخلت نخدم في سبتمبر وذرك راني في سبع شهور وما قدرتش لا نقضي ولا ندير بيت الخزين لاني كنت لي نخدم بيه نعمر بيه داري كانت فارغة وشريت حتى سميرة لبناتي مع العلم شهريتي مليون 300 والله ما شريت حاجة لروحي وذرك راني نقول مع العام الجاي في الدخول المدرسي ندير بروقرام جديد وما فهمتش كيفاه ندير قضيان ونخبي شوي والا نكمل نشري النواقص لي في الدار زي الثلاجة ومن بعد تبدى نقضي والله مافهمت كيفها ندير لي عندها كاش نصيحة تنصحني❤